ساياسي كەڭەستىڭ سوڭعى جارتى جىلداعى كوزدەن كەشىرۋ، قىزمەت تەكسەرۋ، تەكسەرۋ ـ زەرتتەۋ ورنالاستىرۋى سياقتىلاردى اقىلداستى، قارادى

انار بۇلت \ شينجياڭ گازەتىنىڭ ٴتىلشىسى جاڭ يانفاڭ 7 ـ ايدىڭ 2 ـ كۇنى ۇرىمجىدەن حابارلايدى. 7 ـ ايدىڭ 2 ـ كۇنى اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 23 ـ رەتكى ٴتوراعالار ٴماجىلىسى اشىلدى، ٴماجىلىس «اۆتونوميالى رايوندىق ساياسي كەڭەستىڭ 2024 ـ جىلدىڭ سوڭعى جارتى جىلىنداعى كوزدەن كەشىرۋ، قىزمەت تەكسەرۋ، تەكسەرۋ ـ زەرتتەۋ ورنالاستىرۋى» سياقتىلاردى اقىلداستى، قارادى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴماجىلىستى باسقاردى ٴارى ٴسوز سويلەدى.

ٴماجىلىس باس شۋجي شي جينپيڭنىڭ تاياۋداعى ماڭىزدى سوزدەرىنىڭ، ماڭىزدى نۇسقاۋلارىنىڭ، ماڭىزدى قۇتتىقتاۋ حاتتارىنىڭ رۋحىن جەتكىزدى، ۇيرەندى، دايەكتىلەندىردى. نۇرلان ٴابىلماجىن بىلاي دەپ اتاپ كورسەتتى: ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ساياسي كەڭەستىڭ باسىمدىعىن ساۋلەلەندىرىپ، ساياسي كەڭەس مۇشەلەرىن ٴوز ارتىقشىلىعىن جانە كاسىپتىك ارتىقشىلىعىن نەگىزگە الىپ، جۇڭحۋا ۇلتى ورتاق تۇلعا تانىمىن بەكەمدەۋ، رەفورمانى ونان ارى جاپپاي تەرەڭدەتۋ، عىلىم ـ تەحنيكادا جاڭالىق اشۋدى ىلگەرىلەتۋ سياقتى تاقىرىپتار توڭىرەگىندە ىشكەرىلەي تەكسەرۋ ـ زەرتتەۋ جۇرگىزىپ، بەلسەندى كەڭەس بەرىپ، كۇش شىعارىپ، ورتاق تانىمدى كەڭىنەن ۇيىستىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ساياسي كەڭەستىڭ مىندەت اتقارۋ امالياتىندا شىنايى تياناقتاندىرىپ، اۆتونوميالى رايوندىق پارتكومنىڭ قىزمەت تالاپتارىن ساياسي كەڭەس قىزمەتىنىڭ تۇتاس بارىسىندا تياناقتاندىرۋعا ۇيىمداستىرۋ، جەتەكتەۋ كەرەك.

نۇرلان ٴابىلماجىن بىلاي دەپ اتاپ كورسەتتى: پارتيا ورتالىق كوميتەتىنىڭ فورماشىلدىقتى باتىل وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى شەشىمدەرىن، ورنالاستىرۋلارىن ونان ارى دايەكتىلەندىرۋ، تياناقتاندىرۋ ٴۇشىن، مىندەت اتقارۋ امالياتىمەن ۇشتاستىرا وتىرىپ، ٴبىز ساياسي كەڭەستىڭ كوزدەن كەشىرۋ، قىزمەت تەكسەرۋ، تەكسەرۋ ـ زەرتتەۋ جۇرگىزۋ ورنالاستىرۋلارىن ساپالىلاندىردىق. ساياسي كەڭەستىڭ تەكسەرۋ ـ زەرتتەۋىنىڭ كۇشكە يە ۋاقىتى مەن ساپاسىن، ونىمدىلىگىن شىن مانىندە جوعارىلاتىپ، قاتىستى بەلگىلەمەلەردى قاتاڭ تياناقتاندىرىپ، تەكسەرۋ ـ زەرتتەۋ جۇرگىزبەي تۇرىپ كەڭەسپەۋگە، الدىمەن تەكسەرۋ ـ زەرتتەۋ جۇرگىزىپ، ونان سوڭ ۇسىنىس قويۋعا تاباندى بولىپ، ماسەلەنى باعدار ەتۋدەن جازباي، نەگىزگى ساتىنىڭ ٴبىرىنشى شەبىن ىشكەرىلەي ارالاپ، جاعدايدى قانىق ٴبىلىپ، ماسەلەنى ٴدال تاۋىپ، اناعۇرلىم باعىتتامالى، يكەمدى پىكىر ـ ۇسىنىستاردى العا قويىپ، ساياسي كەڭەس تەكسەرۋ ـ زەرتتەۋىنىڭ كاسىپتىك دەڭگەيىن ايگىلەپ، اۆتونوميالى رايوندىق پارتكوم مەن ۇكىمەتتىڭ شەشىم جاساپ، اكىمشىلىك جۇرگىزۋىنە قۇندى پايدالانۋ ماتەريالىن ازىرلەۋىمىز كەرەك.

اۆتونوميالى رايوندىق ساياسي كەڭەستىڭ ورىنباسار ٴتوراعالارى كۇڭ شيڭلۇڭ، ياڭ يۇڭ، نۇرىم سىمايىلقان، پۋ شۋەمەي، شۇي شيان ـ ي، اسەنجان احمەت، جين جىجىن، باس حاتشى گاۋ جياڭحۋاي ماجىلىسكە قاتىناستى.