اۆتونوميالى رايوندىق حالىق قۇرىلتايـى تۇراقتى كوميتەتى زاڭ ەرەجە شىعارۋ قىزمەتىن سايكەستىرۋ باسشىلىق گرۋپپاسىنىڭ ٴماجىلىسى اشىلدى

　　جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا پارمەندى زاڭمەن باسقارۋ قامتاماسىزدىعىن ازىرلەۋ كەرەك

انار بۇلت \ شينجياڭ گازەتىنىڭ ٴتىلشىسى جاڭ لەي 7 ـ ايدىڭ 2 ـ كۇنى ۇرىمجىدەن حابارلايدى. 7 ـ ايدىڭ 2 ـ كۇنى اۆتونوميالى رايوندىق حالىق قۇرىلتايى تۇراقتى كوميتەتى زاڭ ەرەجە شىعارۋ قىزمەتىن سايكەستىرۋ باسشىلىق گرۋپپاسى ٴماجىلىس اشىپ، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ قىزمەت ورنالاستىرۋىن تياناقتاندىرىپ، اۆتونوميالى رايوننىڭ جەرگىلىكتى زاڭ ەرەجە شىعارۋ قىزمەتىنىڭ اياق الىس احۋالىن حابارلاپ، ورىن تەۋىپ وتىرعان ماسەلەلەرگە تالداۋ جاساپ، قىزمەت وي جەلىسى مەن مىندەتتى اناعۇرلىم ايقىنداپ، قىزمەت جاۋاپكەرشىلىگى مەن شارالاردى كۇشەيتىپ، جىلدىق زاڭ ەرەجە شىعارۋ قىزمەتىن جاپپاي ىلگەرىلەتىپ، شينجياڭدى زاڭمەن باسقارۋ قۇرىلىسىنا حالىق قۇرىلتايىنىڭ كۇش ـ قۋاتىن ۇستەدى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى ٴارى ٴسوز سويلەدى.

ٴماجىلىس مىنالاردى اتاپ كورسەتتى: بىلتىردان بەرى اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ 2023 ـ جىلعى قىزمەتىنىڭ ماڭىزدى تۇيىندەرىن مۇقيات تياناقتاندىرىپ، زاڭدى عىلمي شىعارۋعا، زاڭدى دەموكراتيالىق جولمەن شىعارۋعا، زاڭدى زاڭ بويىنشا شىعارۋعا تاباندى بولىپ، زاڭ ەرەجە شىعارۋ قىزمەتىن تارتىپپەن ىلگەرىلەتىپ، زاڭ ەرەجە شىعارۋ قىزمەت مەحانيزمىن اناعۇرلىم اقاۋسىزداندىرىپ، زاڭ ەرەجەنى بەكىتۋگە جولداۋ جانە ارحيۆكە الدىرۋ، تەكسەرۋ قىزمەتىن ۇزدىكسىز كۇشەيتىپ، جەرگىلىكتى زاڭ ەرەجە شىعارۋ قىزمەتىندە جاڭا تابىستارعا قول جەتكىزدى.

ٴماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، شىن مانىندە ماسەلەنى زەرتتەۋدى، قيىن ماسەلەنى شەشۋدى زاڭ شىعارۋ قىزمەتىنىڭ كۇش سالۋ ٴتۇيىنى ەتىپ، نازاردى زاڭ ەرەجە شىعارۋ تاقىرىبىن تاڭداۋ، زاڭ ەرەجە شىعارۋ ٴتارتىبى، حالىق قۇرىلتايىنىڭ جەتەكشىلىك رولىن ساۋلەلەندىرۋ سياقتى جاقتاردا ورىن تەۋىپ وتىرعان ماسەلەلەر مەن جەتەرسىزدىكتەرگە شوعىرلاندىرىپ، دالمە ـ ٴدال كۇش سالىپ، نىسانالى تۇردە تۇزەتىپ، شىن مانىندە جاقسارتۋ كەرەك.

ٴماجىلىس مىنانى تالاپ ەتتى: شي جينپيڭ زاڭمەن باسقارۋ يدەياسىن، اسىرەسە، باس شۋجي شي جينپيڭنىڭ زاڭ شىعارۋ قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ ورنالاستىرۋلارى، تالاپتارى بويىنشا، جەرگىلىكتى زاڭ ەرەجە جۇيەسىن ۇزدىكسىز كەمەلدەندىرۋ كەرەك. ساياسي دەڭگەيدى جوعارىلاتىپ، پارتيا باسشىلىعىن زاڭ شىعارۋ قىزمەتىنىڭ جالپى بارىسىنا، ٴارقايسى بۋىندارىندا تياناقتاندىرىپ، تۇزىمدىك جاقتان، زاڭدىق جاقتان پارتيانىڭ لۋشيان، باعىت ـ ساياساتتارى مەن اۆتونوميالى رايوندىق پارتكومنىڭ شەشىمدەرىنىڭ، ورنالاستىرۋلارىنىڭ جان ـ جاقتى دايەكتىلەندىرىلۋىنە جانە ٴونىمدى اتقارىلۋىنا كەپىلدىك ەتۋ كەرەك. باستان ـ اياق وزەكتى ارقاۋ ەتىپ، جالپى جاعدايعا قىزمەت وتەپ، ٴتۇيىندى كورنەكتىلەندىرىپ، تەتىكتى يگەرىپ، كەلەلى جاعدايمەن تىعىز بايلانىستىرىپ، سۇرانىستى كوزدەپ، رەفورمانى ارقاۋ ەتە وتىرىپ زاڭ ەرەجە شىعارۋدى يگەرىپ، ەسىك اشۋدى كورنەكتىلەندىرە وتىرىپ زاڭ ەرەجە شىعارۋدى يگەرىپ، دامۋدى تياناق ەتە وتىرىپ زاڭ ەرەجە شىعارۋدى يگەرىپ، حالىق تۇرمىسىمەن ەتەنە جاناسا وتىرىپ زاڭ ەرەجە شىعارۋدى يگەرىپ، نازاردى ورنىقتىلىققا شوعىرلاندىرا وتىرىپ زاڭ ەرەجە شىعارۋدى يگەرىپ، شينجياڭنىڭ ەكونوميكالىق، قوعامدىق دامۋىنا جانە رەفورمادان قامال الۋ قىزمەتىنە ٴتىپتى دە ويداعىداي دەم بەرۋ كەرەك. جىلدىق زاڭ ەرەجە شىعارۋ جوسپارىن تياناقتاندىرىپ، جۇڭگو (شينجياڭ) ەركىن ساۋدا سىناق رايونى ەرەجەسى، شەكارا وتكەلدەرىنىڭ ەكونوميكالىق دامۋىن جەبەۋ ەرەجەسى، قايشىلىقتاردى، داۋ ـ شارلاردى كوپ نەگىزدى شەشۋ ەرەجەسى، ساندى مالىمەت ەرەجەسى سياقتى ٴتۇيىندى زاڭ ەرەجە شىعارۋ قارقىنىن تەزدەتىپ، ٴتۇرلى زاڭ ەرەجە جوباسىن جوعارى ساپالى، ٴدال ۋاعىندا قاراۋعا ۇسىنۋىنا شىنايى كەپىلدىك ەتۋ كەرەك. قىزمەت مەحانيزمىن كەمەلدەندىرىپ، زاڭ ەرەجە شىعارۋ ساپاسىن، ونىمىلدىلىگىن جوعارىلاتىپ، زاڭ ەرەجەنىڭ العاشقى نۇسقاسىن جازۋ جانە قاراۋ قامالىن شىن مانىندە جاقسى يگەرىپ، زاڭ ەرەجە شىعارۋ، زاڭ ەرەجەگە وزگەرىس ەنگىزۋ قىزمەتىن ورنىقتى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى زاڭمەن باسقارۋ قامتاماسىزدىعىن ازىرلەۋ كەرەك.

ٴماجىلىس تاعى اۆتونوميالى رايوندىق حالىق قۇرىلتايى تۇراقتى كوميتەتى زاڭ ەرەجە شىعارۋ قىزمەتىن سايكەستىرۋ باسشىلىق گرۋپپاسىنىڭ قۇرامىنداعىلاردىڭ ەسىمدىگىن اقىلداسىپ رەتتەدى.

ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى قاتارلىلار ماجىلىسكە قاتىناستى.