ساۋان قالاسى

　　”قاسبوياۋ تامىرى + شىرعاناقتى“ كىرىستىرىپ ەگىپ، ونىمدىلىكتى ارتتىردى

ەرىكتى تىلشىلەر سۇڭ جيانلياڭ، جياڭ حۇڭ 6 ـ ايدىڭ 19 ـ كۇنى ساۋاننان حابارلايدى. 6 ـ ايدىڭ 9 ـ كۇنى ساۋان قالاسى ليۋماۋۋان قالاشىعى ليۋماۋۋان جاڭا قىستاعىنداعى قاسبوياۋ تامىرىنا شىرعاناق كىرىستىرىپ ەگۋ بازاسىندا قاتار ـ قاتار ەگىلگەن شىرعاناق مايساسىنىڭ جاپىراقتارى جايقالىپ، جۇمىسشىلار تۇقىم سەبۋ ماشيناسىنا ىلەسىپ شىرعاناق مايساسى اراسىندا تامشىلاتىپ سۋارۋ تاسپاسىن توسەۋ، تۇقىم سەبۋ، توپىراقپەن كومۋ سياقتى جۇمىستاردى ىستەدى، تۇقىم سەبۋ ماشيناسىنىڭ ۇزدىكسىز ىلگەرىلەۋىمەن قاسبوياۋ تامىرىنىڭ تۇقىمى توپىراققا ٴسىڭىرىلىپ جاتتى.

ليۋماۋۋان قالاشىعى قۇربانتۇڭعىت ٴشولىنىڭ وڭتۇستىك جيەگىنە ورنالاسقان، جۇڭي ٴدارى ٴشوپ ەگۋ جاعىندا ەرەكشە كليمات جانە جەر باسىمدىعىنا يە. قاسبوياۋ تامىرى سورعا ٴتوزىمدى، سۋىققا شىدامدى، جىلۋلىقتى ۇناتادى، تەرەڭ تامىرلى وسىمدىك، مۋ باسىندىق ٴونىمى 400 كيلوگرامعا جەتەدى، مۋ باسىندىق ورتاشا جالپى كىرىسى 4500 يۋان اينالاسىندا بولادى.

بيىل ساۋان قالاسى ليۋماۋۋان قالاشىعى ليۋماۋۋان جاڭا قىستاعى قىستاق پارتيا باس ياچەيكاسىنىڭ جەتەكشىلىك رولىن تولىق ساۋلەلەندىرىپ، دامو شيڭشىڭ شارۋالار كاسىپتىك سەلبەستىك كووپەراتيۆىن قۇرىپ، ”پارتيا باس ياچەيكاسى + سەلبەستىك كووپەراتيۆى + بازا“ اينالىم ۇلگىسىن اتقارىپ، 3000 مۋ جەردى كوتەرمەگە الىپ، قاسبوياۋ تامىرىن ەكتى ٴارى مەملەكەت ٴدارى ـ دارمەك توبى جارنا تىزگىندەۋ شەكتى سەرىكتەستىگىنىڭ شينجياڭ جۇڭي ٴدارى ـ دارمەك ماتەريالدارى شەكتى سەرىكتەستىگىمەن قاسبوياۋ تامىرىن ەگۋ توقتامىن جاساسىپ، جۇڭي ٴدارى ـ دارمەك ماتەريالدارى كاسىپ سالاسى تىزبەگىن جوعارى ساپالى دامىتۋ ستراتەگيالىق سەلبەستىك سەرىكتەستىك قاتىناسىن قالىپتاستىرىپ، كاسىپ سالاسى تىزبەگىنىڭ پايدا كولەمىن ونان ارى ۇزارتىپ، بۇقارانى كىرىستەرىن ارتتىرىپ بايۋعا باستادى.

”جۇڭي ٴدارى شوپتەرىنە شىرعاناقتى كىرىستىرىپ ەگۋ ۇلگىسى ٴبىر جەردەن كوپ ٴونىم الۋدى جۇزەگە اسىردى، بۇل شىرعاناق ورمانىنىڭ توپىراق ورتاسىن جاقسارتۋمەن بىرگە، جەردىڭ قوسىمشا قۇنىن دا جوعارىلاتتى، ەندى 2 جىلدان كەيىن، قاسبوياۋ تامىرىن جيىپ الۋدان سىرت، بيىل ەگىلگەن شىرعاناق تا جەمىس بەرەدى، ٴبىر جەردەن قوس ٴونىم الىنسا، مۋ باسىندىق كىرىس بارىنشا ارتادى“، ـ دەدى ساۋان قالاسى ليۋماۋۋان قالاشىعى ليۋماۋۋان جاڭا قىستاعى پارتيا باس ياچەيكاسىنىڭ شۋجيى حۋاڭ تاۋ.

مەملەكەت ٴدارى ـ دارمەك توبى جارنا تىزگىندەۋ شەكتى سەرىكتەستىگىنىڭ شينجياڭ جۇڭي ٴدارى ـ دارمەك ماتەريالدارى شەكتى سەرىكتەستىگىنىڭ باس ديرەكتورى نيە يوۋجياڭ بىلاي دەدى: ”كەلەسى قادامدا، كاسىپورنىمىز قاسبوياۋ تامىرىن ەگۋ، اتىز باپتاۋ، ٴونىمدى دارەجەگە ٴبولىپ وڭدەۋ سياقتى جاقتاردان تەحنيكالىق جەتەكشىلىك ەتۋگە كاسىپتىك ۇيىم جىبەرىپ، ساۋان قالاسىنىڭ اۋىل ـ قىستاقتارىن گۇلدەندىرۋگە اناعۇرلىم ويداعىداي دەم بەرەدى“.