□ انار بۇلت \ شينجياڭ گازەتىنىڭ ٴتىلشىسى جاڭ جىلي

”بۇل كىشكەنتايلاردىڭ ٴجۇزۋى وتە كەرەمەت ەكەن، كەلگەنىنە بىرنەشە كۇن عانا بولدى، ’جاڭا ۇيگە‘ ۇيلەسىپ كەتتى!“ ـ دەدى جۋىقتا شينجياڭ ٴوندىرىس ـ قۇرىلىس بيڭتۋانى 1 ـ شى ارال قالاسى 14 ـ تۋان 5 ـ ليانى، ارال قالاسى لۇڭدا سۋ ونىمدەرى باعىمشىلىعى شارۋالار كاسىپتىك سەلبەستىك كووپەراتيۆىنىڭ باسالقاسى پىڭ رىنكاي كولشىكتە ەمىن ـ ەركىن ٴجۇزىپ جۇرگەن مەرۋەرت ـ كوكگۇل پلوتۆا بالىعىنا قاراپ تۇرىپ جانىنداعى تەحنيكتەرگە قۋانا.

5 ـ ليان ٴشول دالانىڭ تەرەڭ قويناۋىنا ورنالاسقانىمەن، مول سورتاڭ سۋ بايلىعى بار، بۇل جوعارعى اعارداعى سۋارمالى وڭىرلەرگە شىعارىلعان سورتاڭ سۋدى دا قامتيدى. 2020 ـ جىلى بايۋدىڭ باستاماشىسى پىڭ رىنكاي سورتاڭ سۋدان پايدالانىپ جىلىجايدا ”تەڭىز ونىمدەرىن قۇرلىقتا باعۋ“ ۇلگىسىن تاپتى، باعىمداعى وڭتۇستىك امەريكاداعى اق جۇپ سۋ شايانىنىڭ ەتى مايلى، ٴوڭى جىلتىراپ تۇر، وسى 2 جىلدا جىلدىق ٴونىم مولشەرى 70 نەشە تونناعا جەتسە دە، قامداۋ قاجەتىن قاناعاتتاندىرا الماي وتىر. مول ٴونىم الۋمەن بىرگە، ول ٴوزىنىڭ 15 تەڭىز ونىمدەرى باعىمشىلىعى شاتىرىنا ”جاڭا تەڭىز ونىمدەرىن“ قوسۋدى ٴۇمىت ەتتى.

ويلاماعان جەردەن جىجياڭنىڭ شينجياڭعا كومەكتەسەتىن عىلىم ـ تەحنيكا ارناۋلى قىزمەتكەرى پىڭ رىنكايدىڭ تەڭىز ونىمدەرى باعىمشىلىعىن كەڭەيتىپ، ارمانىن جۇزەگە اسىرۋىنا كومەكتەستى.

بىلتىر 9 ـ ايدان بەرى جىجياڭ ولكەسى شينجياڭعا كومەكتەسۋ قولباسشىلىق شتابى ىلگەرىندى ـ كەيىندى 2 توپتا شينجياڭعا كومەكتەسەتىن عىلىم ـ تەحنيكا ارناۋلى ۇيىرمەسىن ۇيىمداستىرىپ، جىجياڭ داشۋەسى، جىجياڭ ونەركاسىپ داشۋەسى، جىجياڭ جاراتىلىستىق عىلىمدار داشۋەسى سياقتى جوعارى مەكتەپتەردىڭ زەرتتەۋ ورىندارىنداعى تۇرلىشە تەحنيكا سالاسىنداعى عىلىم ـ تەحنيكا ارناۋلى قىزمەتكەرلەرىن ۇيىمداستىرىپ، ”ٴبىر ادام، ٴبىر كاسىپورىن، ٴبىر كاسىپ“، ”ٴبىر تۋان، ٴبىر ورتالىق، ٴبىر ەرەكشە تىزبەك“ ۇلگىسى ارقىلى عىلىم ـ تەحنيكا فاكتورلارىن اۋىل شارۋاشىلىعىن، اۋىل ـ قىستاقتى دامىتۋدىڭ جاڭا ارناسىنا ۇزدىكسىز ەنگىزىپ، اۋىل ـ قىستاقتى گۇلدەندىرۋدىڭ جاڭا قوزعاۋشى قۋاتىن جانداندىردى. شينجياڭعا تۇڭعىش توپتا كومەككە كەلگەن عىلىم ـ تەحنيكا ارناۋلى قىزمەتكەرى شۋ مياۋ ـ ان پروفەسسور مەن دۇڭ ۋيرىن دوكتور ارال قالاسى جەر استى سورتاڭ سۋىنا قاتىستى جاعدايلاردى تەكسەرۋ ـ زەرتتەۋ نەگىزىندە، سورتاڭ سۋمەن قامدايتىن ”تەڭىز سۋىن تۇرلەندىرۋ“ تىزگىندەۋ تەحنيكاسىن زەرتتەپ جاسادى.

شۋ مياۋ ـ ان جىجياڭ داشۋەسى حايۋاناتتار عىلىمى شۋەيۋانىنىڭ پروفەسسورى، سۋ ونىمدەرى مامانى، ول بىلاي دەپ قارادى: سورتاڭ سۋدان عىلمي تۇردە ويداعىداي پايدالانىپ، ونان سوڭ باعىمشىلىق بازاسىنىڭ جاراتىلىستىق شارت ـ جاعدايىمەن ۇشتاستىرىپ، تەحنيكالىق قيىن ماسەلەلەردى ٴبىر ـ بىردەن شەشكەندە، مەرۋەرت ـ كوكگۇل پلوتۆا بالىعىن شينجياڭنىڭ تەڭىز ونىمدەرى اۋلەتىنىڭ جاڭا ەركەسىنە اينالدىرۋ عاجاپ ەمەس.

جىجياڭ ولكەسى تايجوۋ قالاسى شينجياڭعا كومەكتەسۋ قولباسشىلىق شتابىنىڭ سايكەستىرۋىندە، قولداۋىندا، شينجياڭعا كومەكتەسەتىن عىلىم ـ تەحنيكا ارناۋلى قىزمەتكەرى ارال قالاسى لۇڭدا سۋ ونىمدەرى باعىمشىلىعى شارۋالار كاسىپتىك سەلبەستىك كووپەراتيۆىنىڭ جەتەكشىلىگىندە، پىڭ رىنكاي سياقتى سەلبەستىك كووپەراتيۆى مۇشەلەرىنىڭ مەرۋەرت ـ كوكگۇل پلوتۆا بالىعىن باعۋ تەحنيكاسىن بىرتىندەپ يگەرۋىنە مۇمكىندىك جاسالدى. 5 ـ ايدىڭ 17 ـ كۇنى تۇڭعىش توپتاعى 2000نان استام مەرۋەرت ـ كوكگۇل پلوتۆا بالىعى، قۇرتشاباق 20 نەشە ساعاتتى باستان وتكەرىپ، حايناننان ارالعا جەتكىزىلىپ، وسى سەلبەستىك كووپەراتيۆىنە قونىستاندى.

”بۇل قۇرتشاباقتىڭ ٴاربىرى كەم دەگەندە 10 سانتيمەتر، قۇنى 20 نەشە يۋان“. ٴبىز ٴار كۇنى 4 رەت دەن قويا قورەكتەندىرەمىز، 10 ـ ايعا دەيىن باعامىز، ٴار قۇرتشاباقتاردىڭ سالماعى 700 _ 600 گرامعا جەتەدى، مەجەمەن ٴار كيلوگرامى 100 يۋاننان اسادى“، ـ دەدى پىڭ رىنكاي ۇلكەن ۇمىتپەن.

جىجياڭ ولكەسى تايجوۋ قالاسى شينجياڭعا باعىتتامالى كومەكتەسۋ قولباسشىلىق شتابى كاسىپ سالاسىن دامىتۋ جانە جۇمىسقا ورنالاستىرۋدى جەبەۋ گرۋپپاسىنىڭ باستىعى چىن چيڭرۇڭ مىنانى ٴبىلدىردى: مەرۋەرت ـ كوكگۇل پلوتۆا بالىعىنىڭ ارالدا ٴساتتى جىبەرىلۋى شينجياڭنىڭ ٴوز جەرىنىڭ جوعارى دەڭگەيلى سۋ ونىمدەرى باعىمشىلىعىنىڭ سورتىن بايىتىپ، سۋ ونىمدەرى باعىمشىلىعىنىڭ ونىمدىلىگىن جوعارىلاتۋمەن بىرگە، سورتاڭ جەرلەردەن جان ـ جاقتى پايدالانۋعا جاڭا وي جەلىسى مەن جاڭا جول ازىرلەدى. تايجوۋ قالاسىنىڭ شينجياڭعا باعىتتامالى كومەكتەسۋ قولباسشىلىق شتابى سورتاڭ سۋ باعىمشىلىعى كاسىبىن قولداۋ تەبىنىن ۇزدىكسىز ارتتىرىپ، سورتاڭ جەرلەردى كىرىستى ارتتىرىپ، بايۋدىڭ جەرىنە اينالدىرۋعا كۇش سالادى.