انار بۇلت \ شينجياڭ گازەتىنىڭ ٴتىلشىسى بارشا تەگىس 7 ـ ايدىڭ 10 ـ كۇنى قۇلجادان حابارلايدى. ”كوركەمدىكتى ورتاقتاسۋ، ينتەرنەتتەگى شينجياڭنىڭ بولاشاعى“ 2024 ـ جىلعى شينجياڭ ينتەرنەت مادەنيەتى جەلىلەس نەگىزگى تاقىرىپتىق قيمىلى 7 ـ ايدىڭ 10 ـ كۇنى ىلە قازاق اۆتونوميالى وبلىسىنىڭ قۇلجا قالاسىندا باستالدى. ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ ورىنباسار مەڭگەرۋشىسى، مەملەكەتتىك ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ ورىنباسار مەڭگەرۋشىسى نيۋ يبيڭ، اۆتونوميالى رايوندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى ۋاڭ جيانشين، بيڭتۋان پارتكومىنىڭ ورىنباسار شۋجيى، ورىنباسار جىڭۋي ليۋ جيانميڭ باستالۋ سالتىنا قاتىناستى.
قيمىلدىڭ ماقساتى _ ينتەرنەت سالاسىندا شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، بەلسەندى، اقاۋسىز، العا ۇمتىلاتىن، ىزگىلىككە تالپىناتىن ينتەرنەت مادەنيەتىن كۇش سالا جەتىلدىرىپ، جۇڭحۋا ۇلتى ورتاق تۇلعا تانىمىن بەكەمدەۋدى ناقتى، اسەرلى، ٴونىمدى تۇردە ىلگەرىلەتۋ.
ماجىلىسكە قاتىناسقان قوناقتار وزدەرىنىڭ شينجياڭنىڭ ينتەرنەت مادەنيەتى جونىندەگى اڭگىمەلەرىن تۇرلىشە تۇرعىدان ورتاقتاستى، سونداي ـ اق ” 10 مىڭ ادام شينجياڭدى اڭگىمەلەۋ“ ينتەرنەتتە تاراتۋ قيمىلى، ”جۇڭگو ۇلگىسىندەگى وسىزامانداندىرۋدىڭ سان مىڭ كورىنىسى“ ينتەرنەتتەگى ايگىلى ادامداردىڭ شينجياڭعا ساپارى قيمىلى، 2024 ـ جىلعى شينجياڭ ينتەرنەت مادەنيەتىنىڭ جەلىلەس نەگىزگى تاقىرىپتىق قيمىلى، ”جاڭا جورىقتا ۇدەرە العا تارتىپ، بيڭتۋان رۋحى داڭقىن جالعاستىرۋ“ ينتەرنەت نەگىزگى تاقىرىپتىق ۇگىت قيمىلى، ينتەرنەتتەگى ايگىلى ادامدار قول ۇستاسۋ قيمىلى، ”جاستىق كوكتەم جايقالعان Z زامان“ شينجياڭ جوعارى مەكتەپ وقۋشىلارىنىڭ جاڭالىق اشۋ لەكسيا جارىسى جانە ينتەرنەت وركەنيەتىن امالياتتا ايگىلەۋ قيمىلى، تيانشان نازارياسى ”بايقاۋ“ جاڭا مەديا قيمىلى، تيانشان الابىندا ساياحاتتاۋدى ينتەرنەتتە تىكە تاراتۋ قيمىلى، ”ىلە@ سەن“ ينتەرنەت جەلىسى ارقىلى تاراتۋ قيمىلى سياقتى 9 ٴتۇرلى مازمۇنداعى قيمىل باستالدى.
ورتالىق كوميتەت ۇگىت ٴبولىمى، وقۋ ـ اعارتۋ مينيسترلىگى سياقتى ورتالىق پەن مەملەكەتتىڭ مينيسترلىكتەرىنىڭ، كوميتەتتەرىنىڭ قاتىستى مەڭگەرمەلەرىندەگى، مەكەمەلەرىندەگى جاۋاپتى جولداستار، بەيجيڭ، حىنان، گۋاڭدۇڭ، شيزاڭ، گانسۋ سياقتى 12 ولكەلىك (اۆتونوميالى رايون، توتە قاراستى قالا) پارتكومداردىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسىندەگى جاۋاپتى جولداستار، اۆتونوميالى رايوننىڭ جانە بيڭتۋاننىڭ قاتىستى ورىندارىنداعى جاۋاپتى جولداستار، ٴارقايسى ايماق، وبلىس، قالالاردىڭ، ٴارقايسى شى، قالالىق پارتكومداردىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسىندەگى جاۋاپتى جولداستار، ورتالىق اقپارات سايتتارىنداعى، ينتەرنەت قوعامدىق ۇيىمدارىنداعى، ينتەرنەت كاسىپورىندارىنداعى جاۋاپتى جولداستار، سونداي ـ اق ينتەرنەتتەگى ايگىلى ادامداردىڭ ۋاكىلدەرى، ت. ب. قيمىلعا قاتىناستى.
2024 ـ جىلعى شينجياڭ ينتەرنەت مادەنيەتى جەلىلەس نەگىزگى تاقىرىپتىق قيمىلىن شينجياڭ ۇيعۇر اۆتونوميالى رايوندىق پارتكوم ينتەرنەت حاۋىپسىزدىگى جانە ينفورماتسيالاندىرۋ كەڭسەسى، شينجياڭ ٴوندىرىس ـ قۇرىلىس بيڭتۋانى پارتكومى ينتەرنەت حاۋىپسىزدىگى جانە ينفورماتسيالاندىرۋ كەڭسەسى ۇيىمداستىرىپ وتكىزدى.