انار بۇلت \ شينجياڭ گازەتىنىڭ ٴتىلشىسى ليۋ شياڭ 7 ـ ايدىڭ 15 ـ كۇنى ۇرىمجىدەن حابارلايدى. 7 ـ ايدىڭ 15 ـ كۇنى اۆتونوميالى رايوندىق پارتكوم مەن ۇكىمەتتىڭ ورنالاستىرۋىنا ساي، اۆتونوميالى رايون كومىر الابى ٴورت رايوندارىن جونگە سالۋ قىزمەتىن ىلگەرىلەتۋ ٴماجىلىسىن اشىپ، كومىر الابى ٴورت رايوندارىن جونگە سالۋ تاجىريبەلەرىن قورىتىندىلادى، ورىن تەپكەن ماسەلەلەر مەن جەتەرسىزدىكتەرگە تالداۋ جاسادى، كومىر الابى ٴورت رايوندارىن جونگە سالۋ قىزمەتىن ورنىقتى، ٴتارتىپتى ىلگەرىلەتتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت ماجىلىسكە قاتىناستى ٴارى ٴسوز سويلەدى.

ٴماجىلىس مىنالاردى اتاپ كورسەتتى: كومىر الابى ٴورت رايوندارىن جونگە سالۋ جاڭا دامۋ ۇستانىمىن دايەكتىلەندىرىپ، ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ“ نىساناسىن تياناقتاندىرىپ، كومىر كاسىپ سالاسىنىڭ جانە ەكونوميكانىڭ، قوعامنىڭ جوعارى ساپالى دامۋىن جەبەۋدىڭ ماڭىزدى تۇتقاسى، حالىق تۇرمىسى ينجەنەرياسى، حالىق تىلەگى ينجەنەرياسى. جەر ـ جەر، تاراۋلار ساياسي دەڭگەيدى شىنايى جوعارىلاتىپ، كومىر الابىنداعى ٴورت اپاتىنىڭ ناقتى زيانىن جەتە تانىپ، كومىر الابى ٴورت رايوندارىن جونگە سالۋدى جەدەلدەتۋدەگى جاۋاپكەرشىلىك سەزىمدى، كوكەي تەستىلىك سەزىمدى شىنايى كۇشەيتۋى كەرەك.

ٴماجىلىس مىنالاردى باسا دارىپتەدى: ٴبىر تۇتاس جوسپارلاپ ىلگەرىلەتۋگە، كەشەندى شارا قولدانۋعا تاباندى بولىپ، بازارلاندىرۋ، زاڭمەن باسقارۋ ٴتاسىلىن قولدانىپ، ٴورت اۋماعىن باسقارۋدى ەكولوگيانى قالپىنا كەلتىرۋ، بايلىقتى اشۋ سياقتى قىزمەتتەرمەن جاندى ۇشتاستىرىپ، قايتا تىندىرۋ، قايتا جاسىلداندىرۋ قىزمەتىن ورنىقتى، ويداعىداي ىستەۋ؛ حاۋىپسىزدىكتى ماڭىزدى ورىنعا قويۋعا، تومەنگى شەكتى ساقتاۋعا تاباندى بولىپ، قازۋ ٴوڭىرى جيەگىندەگى بەتكەيلەردى يكەمدى باقىلاۋ ـ ولشەۋ، باسقارۋ سياقتى قىزمەتتەردى تىڭعىلىقتى ىستەپ، كومىر الابىنداعى حاۋىپ ـ قاتەردەن، كومەسكى كىناراتتاردان ٴونىمدى ساقتانۋ جانە ونى جويۋ؛ جەرگىلىكتى جاعدايعا قاراي ىستەۋگە، تۇرلەر بويىنشا شارا قولدانۋعا تاباندى بولىپ، قىزمەت مەحانيزمىن ورناتىپ، كەمەلدەندىرىپ، تەحنيكالىق جوبانى ۇيلەسىمدى بەلگىلەپ، كومىر الابى ٴورت رايوندارىن جونگە سالۋ قىزمەتىن بەلسەندى، ىرىقتى تۇردە ىلگەرىلەتۋ كەرەك.

ٴارقايسى كومىر الاپتارىنداعى ٴورت رايوندارىن باسقارۋعا قاتىستى ايماق، وبلىس، قالالار قاتىستى قىزمەتتەردىڭ ىلگەرىلەتىلۋ جاعدايى جونىندە پىكىر اۋىستىرىپ، ٴسوز سويلەدى. اۆتونوميالى رايوندىق ٴوندىرىس حاۋىپسىزدىگى كوميتەتىندەگى قاتىستى جاۋاپتى جولداس كومىر الابى ٴورت رايوندارىن جونگە سالۋ قىزمەتى جونىندە ناقتى ورنالاستىرۋ جاسادى. قازىر بۇكىل شينجياڭداعى 84 ورىنداعى كومىر الابى ٴورت رايونىندا 43 ٴورت رايونى جونگە سالىنىپ بولدى جانە جونگە سالىنۋ ۇستىندە، بۇل %51.2تى ۇستايدى؛ 38 ورىندا ەگجەي ـ تەگجەيلى بارلاۋ جۇرگىزىلدى جانە العاشقى جوبا جاسالدى، بۇل %45.2تى ۇستادى.