2024 ـ جىلعى اۆتونوميالى رايوندىق ٴوندىرىس حاۋىپسىزدىگى كوميتەتىنىڭ ٴۇشىنشى جالپى ٴماجىلىسى اشىلدى
جوعارى دەڭگەيلى حاۋىپسىزدىك ارقىلى ەكونوميكانىڭ، قوعامنىڭ جوعارى ساپالى دامۋىن قامتاماسىز ەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 23 ـ كۇنى ۇرىمجىدەن حابارلايدى. 7 ـ ايدىڭ 23 ـ كۇنى 2024 ـ جىلعى اۆتونوميالى رايوندىق ٴوندىرىس حاۋىپسىزدىگى كوميتەتىنىڭ ٴۇشىنشى جالپى ٴماجىلىسى اشىلدى. ٴماجىلىس پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ٴوندىرىس حاۋىپسىزدىگى، اپاتتان ساقتانۋ، اپات شىعىنىن ازايتۋ، اپاتتان قۇتقارۋ جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن، اسىرەسە، شانشي شاڭلو قالاسى جاشۇي اۋدانىنداعى ٴبىر جوعارى قارقىندى تاس جول كوپىرىنىڭ قۇلاعاندىعى جونىندە بەرگەن ماڭىزدى نۇسقاۋىنىڭ رۋحىن، سونداي ـ اق لي چياڭ زۇڭليدىڭ بەكىتۋىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكوم مەن ۇكىمەتتىڭ قىزمەت ورنالاستىرۋىنا ساي، تاياۋداعى شىرعالاڭ، اپات ساباقتارىن تەرەڭ قابىلداپ، حاۋىپسىزدىك جاعدايىنا تالداۋ جاساپ، تۇجىرىم جاساپ، اۋىر حاۋىپسىزدىك حاۋىپ ـ قاتەرىنەن بار كۇشپەن ساقتانىپ جانە ونى جويىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىنايى قامتاماسىز ەتۋدى تالاپ ەتتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: بيىل جىل باسىنان بەرى، بۇكىل رايوننىڭ ٴوندىرىس حاۋىپسىزدىگى شىرعالاڭدارى سايكەس مەزگىلدەگىدەن تومەندەۋ اۋقىمى جارىققا شىقتى، دەسەدە حاۋىپسىز دامۋ ۇستانىمى بەرىك بولماۋ، ٴتۇيىندى سالالارداعى شىرعالاڭداردان ساقتانۋ ـ تىزگىندەۋ قاتاڭ بولماۋ، حاۋىپ ـ قاتەردەن ساقتانۋ ـ تىزگىندەۋ شارالارى دالمە ـ ٴدال بولماۋ، جاراتىلىستىق اپاتتاردان ساقتانۋ قابىلەتى كۇشتى بولماۋ سياقتى ماسەلەلەر مەن ولقىلىقتار ٴالى دە ورىن تەۋىپ وتىر. جەر ـ جەر، تاراۋلار ”سول اۋماقتىڭ دامۋىن جەبەۋ، سول اۋماقتىڭ تىنىشتىعىن ساقتاۋ“ ساياسي جاۋاپكەرشىلىگىن باتىل ارقالاپ، نازاردى ولقىلىقتار مەن ٴالسىز بۋىندارعا شوعىرلاندىرىپ، ايرىقشا قىراعىلىقتى ساقتاپ، جاۋاپكەرشىلىكتى قاتايتىپ، ناقتىلاندىرىپ، قىزمەت شارالارىن ەگجەي ـ تەگجەيلىلەندىرىپ، جوعارى دەڭگەيلى حاۋىپسىزدىك ارقىلى بۇكىل رايوننىڭ ەكونوميكاسىنىڭ، قوعامىنىڭ جوعارى ساپالى دامۋىن قامتاماسىز ەتۋ كەرەك.
ٴماجىلىس مىنالاردى باسا دارىپتەدى: ٴتۇيىندى جەرلەردى، ٴتۇيىندى سالالاردى، ٴتۇيىندى ورىنداردى ٴجىتى قاداعالاپ، ٴبىر جەرگە ٴبىر شارا قولدانۋعا، ٴبىر كاسىپورىنعا ٴبىر شارا قولدانۋعا تاباندى بولىپ، حاۋىپسىزدىك قاتەرىن تۋ باستان تومەندەتۋ كەرەك. دەرەۋ بۇكىل رايون كولەمىندە جول قاتىناس حاۋىپسىزدىگىن ارناۋلى وڭاۋدى ورنالاستىرىپ جانە ورىستەتىپ، اسپالى جول، كوپىر تۋنەلدەرىنىڭ حاۋىپسىزدىك كومەسكى قاتەرىن جان ـ جاقتى، باعىتتامالى تۇردە ٴبىر ـ بىردەن تەكسەرۋ كەرەك. مايتاۋ ـ كۇشار تاس جولى، S101 جەلىسى جانە ىلە ـ موڭعۇلكۇرە تاس جولى سياقتى ٴتۇيىندى تاس جولداردى ٴجىتى قاداعالاپ، قۇرىلىس جۇرگىزەتىن جول بولەكتەرى، مەملەكەتتىك، ولكەلىك نەگىزگى جولدار جانە اۋىل ـ قىستاق تاس جولى سياقتى جولداردى باسقارۋ ـ مەڭگەرۋدى كۇشەيتىپ، شارلاۋ ـ تەكسەرۋ جيىلىگىن ارتتىرۋ كەرەك. كەن حاۋىپسىزدىگىنە قاداعالاي نازار اۋدارىپ، زەردەلى كەن، جاسىل كەن قۇرىلىسىن جەدەلدەتىپ، كومىر الابىنداعى ٴورت ٴوڭىرىن وڭاۋدى حاۋىپسىز، ٴتارتىپتى ىلگەرىلەتۋ كەرەك. تاسقىننان ساقتانۋ، تاسقىنعا قارسى اتتانۋدى ٴجىتى قاداعالاپ، اقىلداسىپ تۇجىرىم جاساۋدى جانە باقىلاۋ ـ ولشەۋ، ساقتاندىرۋدى كۇشەيتىپ، سايكەسۋ مەحانيزمىن تياناقتاندىرىپ، باعىتتامالى ساقتانۋ شارالارىن دەر كەزىندە اقىلداسىپ بەلگىلەۋ كەرەك. ٴورت ٴسوندىرۋ، ورتتەن ساقتانۋ حاۋىپسىزدىگىن ٴجىتى قاداعالاپ، ەلەكترلى ۆەلوسيپەتكە قاتىستى حاۋىپسىزدىك كومەسكى قاتەرىن تۇتاس تىزبەكتى وڭاۋدى ۇزدىكسىز ورىستەتىپ، ٴورت اپاتى جونىندەگى تيپتىك مىسالدار ارقىلى ساقتاندىرۋ تاربيەسىن شوعىرلى ورىستەتىپ، بۇقارانىڭ ورتتەن ساقتانۋ حاۋىپسىزدىك تانىمىن كۇشەيتۋ كەرەك. مادەنيەت ـ ساياحات، جانار گاز، قۇرىلىس جۇرگىزۋ، تاس جول، تەمىر جول، حالىقتىق اۆياتسيا سياقتى ٴتۇيىندى كاسىپ سالالارى ٴوندىرىس حاۋىپسىزدىگىن تۇبىرىنەن وڭاۋدان قامال الۋدىڭ 3 جىلدىق ارەكەتىن تىڭعىلىقتى ىلگەرىلەتىپ، ماندىك حاۋىپسىزدىك دەڭگەيىن قۇلشىنا جوعارىلاتۋ كەرەك.
ٴماجىلىس مىنالاردى تالاپ ەتتى: ”پارتيا مەن ۇكىمەت تەڭ جاۋاپكەرشىلىك ارقالاۋ، ٴبىر قىزمەت ورنىندا قوس جاۋاپكەرشىلىك وتەۋ، بىردەي يگەرىپ، تەڭ باسقارۋ، مىندەتىن وتەمەگەندەردىڭ جاۋاپكەرشىلىگىن قۋزاستىرۋدى“ قاتاڭ تياناقتاندىرىپ، وتكەلدى الدىعا جىلجىتۋعا، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا تاباندى بولىپ، شىنداپ كىرىسىپ، قيىن تۇيىندەرگە باتىلدىقپەن ٴتيسىپ، باقىلاۋ ـ باسقارۋدىڭ، زاڭ اتقارۋدىڭ دالدىگىن، ونىمدىلىگىن ۇزدىكسىز جوعارىلاتۋ كەرەك. سايكەسۋدى، بىرلەسىپ قيمىلداۋدى كۇشەيتىپ، باقىلاۋ ـ باسقارۋداعى قالتارىس وڭىرلەر مەن اقتاڭداقتىقتىڭ جارىققا شىعۋىنان باتىل ساقتانۋ كەرەك. ٴوندىرىس حاۋىپسىزدىگى، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قىزمەتىن پارتكوم مەن ۇكىمەتتىڭ باقىلاۋ ـ تەكسەرۋ مازمۇنىنا ەنگىزىپ، پارتيا ٴتارتىبىن ۇيرەنۋ تاربيەسى سياقتىلارمەن ۇشتاستىرىپ، زاڭعا، بەلگىلەمەگە قايشىلىق ىستەۋ سياقتى ارەكەتتەردى زاڭ بويىنشا، ٴتارتىپ بويىنشا باتىل، قاتاڭ ٴبىر جاقتى ەتۋ كەرەك.
ماجىلىستە تۇتاس رايوننىڭ بيىل جىل باسىنان بەرگى ٴوندىرىس حاۋىپسىزدىگى، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قىزمەتى جاعدايى حابارلاندىرىلدى. قاتىستى ايماق، وبلىس، قالالارداعى، تاراۋلارداعى جاۋاپتى جولداستار پىكىر اۋىستىرىپ، ٴسوز سويلەدى.
چىن ۋيجۇن باسقاردى، ٴيۇسۇپجان مامەت، سۇن حۇڭمەي، ۋاڭ گاڭ، ٴماردان مۇحيت، قايسار ابدىكەرىم، جۋ ليفان، باتۋ ماجىلىسكە قاتىناستى.