ەركىن تۇنياز سانجى حۇيزۋ اۆتونوميالى وبلىسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

　　جوعارى ساپالى دامۋدى ىلگەرىلەتۋ بارىسىندا جاۋاپكەرشىلىك ارقالاپ، ىسكەرلىك كورسەتىپ الدا ٴجۇرۋ كەرەك

انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 22 ـ كۇنى جەمسارىدان حابارلايدى. 7 ـ ايدىڭ 21 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز سانجى حۇيزۋ اۆتونوميالى وبلىسىنىڭ موري قازاق اۆتونوميالى اۋدانىنا، شونجى اۋدانىنا، جەمسارى اۋدانىنا بارىپ، باقشا رايوندارىن، كاسىپورىنداردى، مۇناي الابىن، ەگىنجايلاردى، ٴتۇيىندى نىسان قۇرىلىس الاڭدارىن ىشكەرىلەي ارالاپ، تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: سانجى وبلىسى پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنۋدى، ۇگىتتەۋدى، دايەكتىلەندىرۋدى كەلەلى ساياسي مىندەت ەتىپ، اۆتونوميالى رايوندىق پارتكومنىڭ ٴبىر تۇتاس ورنالاستىرۋى بويىنشا، رەفورما جاساپ ماسەلەنى شەشۋگە، جاڭالىق اشىپ جەتەكشىلىك ەتۋگە تاباندى بولىپ، جەرگىلىكتى ورىننىڭ جاعدايىنا قاراي ەرەكشەلىككە، باسىمدىققا يە كاسىپ سالاسىن زورايتىپ، كۇشەيتىپ، تۇتاس رايوننىڭ جوعارى ساپالى دامۋىن ىلگەرىلەتۋ بارىسىندا جاۋاپكەرشىلىك ارقالاپ، ىسكەرلىك كورسەتىپ الدا ٴجۇرۋى كەرەك.

حۋاديان شينجياڭ ەلەكتر تاراتۋ شەكتى سەرىكتەستىگى جاڭا ەنەرگيا بولىمشە سەرىكتەستىگىندە، ەركىن تۇنياز حۋاديان موري ٴبىر ميلليون كيلوۆاتتىق كومىر قىشقىل گازىن سىعىپ، سىعۋ بارىسىندا جارىققا شىققان جىلۋ ەنەرگياسىن ساقتاۋ جالپىلىق ەنەرگيا ۇلگى كورسەتۋ نىسانى مەن جەل، جارىق ەلەكتر نىسانىنىڭ اياق الىسى جاعدايى جونىندەگى دوكلاتتى تىڭدادى. ول بىلاي دەپ باسا دارىپتەدى: كەلەلى جاعدايدى كوزدە ۇستاپ، سەنىمدى بەكەمدەپ، ورايدى مىقتاپ يگەرىپ، ٴتۇيىندى جانە شەشۋشى بۋىندارعا كۇش سالىپ، ناتيجە جاراتىپ، ۇزدىكسىز تىزبەكتى ۇزارتۋ، تىزبەكتى تولىقتاۋ، تىزبەكتى كەڭەيتۋ، تىزبەكتى كۇشەيتۋ كەرەك. ەركىن تۇنياز تاعى شينجياڭ شۋاڭجيە جاڭا ەنەرگياسى، دۇڭفاڭ جەل ەلەكترى، جياچىڭ ەنەرگياسى، جينفىڭ عىلىم ـ تەحنيكاسى سياقتى جەل ەلەكتر جابدىقتارىن جاسايتىن كاسىپورىندارعا بارىپ، سەحتارعا كىرىپ، تەحنيكا باعىتى، ونىمدەردىڭ قۋاتى جانە بازاردى كەڭەيتۋ سياقتى جاعدايلاردى ۇعىسىپ بىلاي دەپ باسا دارىپتەدى: تور قاينارىن سايكەستىرۋدى جانە ەلەكتر قۋاتىن قابىلداۋدى الدىن الا جوسپارلاپ، جاڭا ەنەرگيا نىسانى مەن سايكەستى نەگىزدىك قۇرىلعى قۇرىلىسىن ٴبىر تۇتاس جوسپارلاپ، جاڭا ەنەرگيا كاسىپ سالاسىنىڭ ۇزدىكسىز اقاۋسىز دامۋىنا شىنايى كەپىلدىك ەتۋ كەرەك.

تەكسەرۋ ـ زەرتتەۋ بارىسىندا، ەركىن تۇنياز ديامەترى 110 مەترلىك اينالا قوزعالاتىن راديو تەلەسكوپ نىسانى (QTT) قۇرىلىس الاڭىنا كەلىپ، نىساننىڭ اياق الىس جاعدايىن ەگجەي ـ تەگجەيلى ۇعىسىپ، ماسەلەنى سايكەستىرىپ شەشتى. ول بىلاي دەپ باسا دارىپتەدى: ”مەملەكەتتىڭ ماڭىزدى قارۋىن“ قۇرۋدىڭ كەلەلى ٴمانىن تولىق تانىپ جەتىپ، حاۋىپسىزدىك تومەنگى شەگىن بەرىك ساقتاۋ، ٴوندىرىس حاۋىپسىزدىگىن ويداعىداي يگەرۋ العى شارتى استىندا، جۇمىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزىپ، قۇرىلىستىڭ اياق الىسىن بار كۇشپەن جەدەلدەتۋ كەرەك. عىلمي زەرتتەۋ نىساندارىن الدىن الا جوسپارلاپ، كاسىبي دارىندىلاردى بار كۇشپەن باۋلىپ، نىساندى سالىنىپ بولعان سوڭ دەرەۋ پايدالانۋعا بەرۋگە شىنايى كەپىلدىك ەتىپ، جوعارى دەڭگەيلى، ىقپالدى عىلمي زەرتتەۋ جەتىستىگىن جەدەل قالىپتاستىرۋ كەرەك. مادەنيەت پەن ساياحاتتى توعىستىرۋدى بەلسەندى ىلگەرىلەتىپ، استرونوميا عىلىمىن جالپىلاستىرۋ، ەكسكۋرسيالاۋ، زەرتتەۋ ـ ۇيرەنۋ سياقتى ”ساياحات+ “ كاسىپ كۇيىن اشۋعا ىزدەنىس جاساپ، اتى الىس ـ جاقىنعا ايگىلى ”استرونوميا شاعىن قالاشىعىن“ تۇلعالاۋ كەرەك.

شونجى اۋدانى جەبەكۋ قالاشىعى جاڭبا قىستاعىندا، ەركىن تۇنياز ٴبيداي اتىزىنا بارىپ، ٴبيداي ورۋ اياق الىسىن ناقتى ورىندا تەكسەرىپ، ٴبيدايدىڭ مۋ باسىندىق ٴونىم مولشەرى، اۋىل شارۋاشىلىعى ماشينالارىن ىڭعايلاستىرۋ، استىق ساتىپ الۋ سياقتى جاعدايلاردى ۇعىستى. ول بىلاي دەپ باسا دارىپتەدى: ”جازعى ٴۇش جۇمىستىڭ“ ٴبيداي ورۋ قىزمەتىن بار كۇشپەن ويداعىداي ىستەپ، ٴتۇيىر ٴداندى دە قالدىرماي قامباعا الۋعا شىنايى كەپىلدىك ەتىپ، قۇنارلى اتىز، ساپالى تۇقىم، تاماشا ٴتاسىل، ساپالى ماشينا، تاماشا ٴتۇزىمدى توعىستىرىپ، بىرگە جەبەۋگە تاباندى بولىپ، استىقتىڭ بىرلىك ٴونىم مولشەرىن ٴونىمدى جوعارىلاتۋ كەرەك.

ەلىمىزدەگى تۇڭعىش مەملەكەت دارەجەلى قۇرلىقتىق تاقتاتاس مۇنايىن الۋ ۇلگى كورسەتۋ رايونى _ شينجياڭ مۇناي الابى جيچيڭ مۇناي الابى جۇمىس اۋماعىندا، ەركىن تۇنياز بىلاي دەپ باسا دارىپتەدى: تاقتاتاس مۇنايىن اشۋدىڭ مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى كەلەلى ستراتەگيالىق ٴمانىن تولىق تانىپ جەتىپ، تەحنيكادان قامال الۋدى، وندىرىستەن قامال الۋدى جەدەل ىلگەرىلەتىپ، ۇلگى كورسەتۋ اۋماعىن ەلىمىزدەگى قۇرلىقتىق تاقتاتاس مۇنايىن اشۋدىڭ ”سەركەسى“ ەتىپ تۇلعالاۋ كەرەك.

تەكسەرۋ ـ زەرتتەۋ بارىسىندا، ەركىن تۇنياز بىلاي دەپ باسا دارىپتەدى: اۋىل شارۋاشىلىعىن وسىزامانداندىرۋدى جەدەل ىلگەرىلەتىپ، استىق جانە ماڭىزدى اۋىل شارۋاشىلىعى ونىمدەرىمەن قامداۋ، قامتاماسىز ەتۋ قابىلەتىن ورنىقتى جوعارىلاتىپ، اۋىل شارۋاشىلىعىندا قۋاتتى وبلىستى قۇلشىنا قۇرۋ كەرەك. ”3 ـ توقساندا ۇمتىلىپ، سوڭعى جارتى جىلدا شەشۋشى جەڭىسكە جەتۋ“ سىندى كۇشتى شايقاس كۇيىن دەرەۋ قالىپتاستىرىپ، تۇتاس جىلداعى نىسانا ـ مىندەتتى ٴساتتى ورىنداۋعا بەرىك نەگىز قالاۋ كەرەك. رەفورما جاساۋ ارقىلى دامۋداعى بوگەتتەردى تالقانداپ، قىزمەت وتەۋدى ۇزدىكسىز ساپالىلاندىرىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن ۇزدىكسىز تۇلعالاۋ كەرەك.