بۇراتالا موڭعۇل اۆتونوميالى وبلىسى قۇرىلعاندىعىنىڭ 70 جىلدىعىن قۇتتىقتاۋ جينالىسى وتكىزىلدى
مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس قۇتتىقتاۋ تەلەگرامماسىن جولدادى
چين يجى، جاڭ جۋ ٴسوز سويلەدى
انار بۇلت \ شينجياڭ گازەتىنىڭ ٴتىلشىسى ليۋ شياڭ 7 ـ ايدىڭ 23 ـ كۇنى بۇراتالادان حابارلايدى. 7 ـ ايدىڭ 23 ـ كۇنى بۇراتالا موڭعۇل اۆتونوميالى وبلىسى قۇرىلعاندىعىنىڭ 70 جىلدىعىن قۇتتىقتاۋ جينالىسى بۇراتالا قالاسىندا وتكىزىلدى. مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس قۇتتىقتاۋ تەلەگرامماسىن جولدادى.
ورتالىقتىڭ قاتىستى تاراۋلارىنىڭ قۇتتىقتاۋ ۇيىرمەسىنىڭ باستىعى، مەملەكەتتىك ۇلت ىستەرى كوميتەتىنىڭ ارناۋلى مىندەتتەگى مۇشەسى چين يجى، اۆتونوميالى رايوننىڭ قۇتتىقتاۋ ۇيىرمەسىنىڭ باستىعى، اۆتونوميالى رايوندىق پارتكومنىڭ ورىنباسار شۋجيى جاڭ جۋ جينالىسقا قاتىناستى ٴارى ٴسوز سويلەدى. ورتالىقتىڭ قاتىستى تاراۋلارىنىڭ قۇتتىقتاۋ ۇيىرمەسىنىڭ ورىنباسار باستىعى، مەملەكەتتىك حالىق قۇرىلتايى ۇلت ىستەرى كوميتەتى زاڭ جوباسى كەڭسەسىنىڭ مەڭگەرۋشىسى پىڭ جيانحۋا قۇتتىقتاۋ تەلەگرامماسىن وقىدى. حۋبەي ولكەسى پارتيا، ۇكىمەت ۋاكىلدەر ۇيىرمەسىنىڭ باستىعى، حۋبەي ولكەسىنىڭ ورىنباسار ولكە باستىعى پىڭ يۇڭ ٴسوز سويلەدى.
چين يجى ورتالىقتىڭ قاتىستى تاراۋلارىنىڭ قۇتتىقتاۋ ۇيىرمەسى اتىنان بۇراتالا وبلىسىنداعى ٴار ۇلت حالقىنا قۇتتى بولسىن ايتىپ، 70 جىلدان بەرى، اسىرەسە، پارتيانىڭ 18 ـ قۇرىلتايىنان بەرى بۇراتالا وبلىسىنىڭ ەكونوميكالىق، قوعامدىق دامۋدا قول جەتكىزگەن شۇعىلالى تابىستارىنا جوعارى باعا بەردى. ول بىلاي دەپ اتاپ كورسەتتى: بۇراتالا وبلىسى قۇرىلعان 70 جىلدان بەرگى دامۋ تابىستارى جۇڭگو كوممۋنيستىك پارتياسىنىڭ باسشىلىعى ۇلتتار وڭىرلەرىنىڭ گۇلدەنىپ دامۋىنىڭ ٴتۇبىرلى كەپىلى ەكەندىگىن، ۇلت ماسەلەسىن شەشۋدىڭ جۇڭگوشا دۇرىس جولى شەكسىز ابزالدىلىققا يە ەكەندىگىن، جۇڭحۋا ۇلتى ورتاق تۇلعاسى قۋاتتى سيىسىمدىلىققا جانە ۇيىستىرۋ قۋاتىنا يە ەكەندىگىن تالاسسىز دالەلدەدى. بۇراتالا مەملەكەت بويىنشا ۇلتتار ىنتىماعىنان، العاباسارلىعىنان ۇلگى كورسەتەتىن وبلىس رەتىندە، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە باستان ـ اياق تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جاپپاي دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، جۇڭحۋا ۇلتىنىڭ ورتاق رۋحاني مەكەنى قۇرىلىسىن جاپپاي ىلگەرىلەتۋ، ۇلتتاردىڭ سوتسياليستىك وسىزاماندانۋعا بىرگە بەت الۋىن ىلگەرىلەتۋ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ، ۇلت ىستەرىن باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن جوعارىلاتۋ، جاڭا داۋىردەگى پارتيانىڭ ۇلت قىزمەتى جاعدايىن قالىپتاستىرۋ سياقتى جاقتاردا جاقسى ۇلگى كورسەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە بۇراتالا وبلىسىنىڭ اناعۇرلىم كوپ كۇش ـ قۋاتىن ارناۋى كەرەك.
جاڭ جۋ اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، اسكەري رايون، بيڭتۋان جانە بۇكىل رايونداعى ٴار ۇلت كادر ـ بۇقاراسى اتىنان ورتالىقتىڭ قاتىستى تاراۋلارىنىڭ قۇتتىقتاۋ ۇيىرمەسىنىڭ كەلگەندىگىن قىزۋ قارسى الاتىندىعىن ٴبىلدىردى، بۇراتالا وبلىسىنداعى ٴار ۇلت كادر ـ بۇقاراسىنا شىنايى سالەم جولدادى، بۇراتالا وبلىسىنىڭ دامىپ العا باسۋىنا ۇزاق ۋاقىتتان بەرى قولداۋ كورسەتىپ كەلگەن باعىتتامالى كومەكتەسەتىن ولكەلەرگە جانە ٴار سالاداعى دوستارعا شىن جۇرەكتەن العىس ايتتى. ول بىلاي دەپ اتاپ كورسەتتى: 70 جىلدا بۇراتالا وبلىسىنىڭ ەكونوميكاسىندا، قوعامىندا وراسان زور وزگەرىستەر جارىققا شىقتى. اسىرەسە، پارتيانىڭ 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇراتالا وبلىسى بۇكىل شينجياڭمەن بىرگە دامۋ ساپاسى ەڭ جوعارى، قالا ـ اۋىل بەت ـ بەينەسىندە وزگەرىس ەڭ زور، ٴار ۇلت بۇقاراسىنىڭ يگىلىككە كەنەلۋى ەڭ كوپ داۋىرگە قادام تاستادى. وسىزامانداندىرۋ قۇرىلىسىنىڭ جاڭا جورىعىنا قادام تاستاعاندا بۇراتالا وبلىسىنداعى ٴار ۇلت كادر ـ بۇقاراسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعىن قورعاۋدى قاشاندا ماڭداي الدى ورىنعا قويىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى وسى نەگىزگى جەلىنى تىعىز ارقاۋ ەتىپ، رەفورما، دامۋ، ورنىقتىلىق قىزمەتتەرىن تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋدىڭ بۇراتالا تاراۋىن قۇلشىنا جازۋى كەرەك.
ورتالىقتىڭ قاتىستى تاراۋلارىنىڭ قۇتتىقتاۋ ۇيىرمەسىنىڭ مۇشەلەرى، حۋبەي ولكەسى پارتيا، ۇكىمەت ۋاكىلدەر ۇيىرمەسىنىڭ مۇشەلەرى، اۆتونوميالى رايوننىڭ قۇتتىقتاۋ ۇيىرمەسىنىڭ ورىنباسار باستىقتارى ٴمامىتىمىن قادىر، مۇقيات جارمۇقامەت، پۋ شۋەمەي، دەمالىسقا، زەينەتكە شىققان ٴىشىنارا ولكە دارەجەلى باسشىلار، بۇكىل ەلدەگى ٴىشىنارا از ۇلت اۆتونوميالى وبلىستارىنىڭ جانە ايماق، وبلىس، قالالاردىڭ ۋاكىلدەرى قاتارلىلار قاتىناستى.
قيمىل كەزىندە جينالىسقا قاتىناسقان سيلى قوناقتار بۇراتالا وبلىسىنىڭ اۋىل ـ قىستاقتارىن، مەكتەپتەرىن، شەكارا وتكەلىن، كاسىپورىندارىن دا، ت.ب ارالاپ، كوزدەن كەشىرىپ، تەكسەرۋ ـ زەرتتەۋ جۇرگىزدى.