حالىقتى بارىنەن جوعارى قويۋعا تاباندى بولا وتىرىپ رەفورمانى جوسپارلايىق جانە ىلگەرىلەتەيىك
_ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ جانە دايەكتىلەندىرۋ تۋرالى
□ حالىق گازەتىنىڭ شولۋشىسى
رەفورمانى يگەرىپ، دامۋدى جەبەۋ، سايىپ كەلگەندە، حالىقتى اناعۇرلىم جاقسى تۇرمىسقا كەنەلتۋ ٴۇشىن بولىپ تابىلادى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە قاراپ ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى» حالىقتى بارىنەن جوعارى قويۋعا تاباندى بولىپ، رەفورمانى حالىقتىڭ تۇتاس تۇلعالىق مۇددەسىن، ٴتۇبىرلى مۇددەسىن، ۇزاق بولاشاقتىق مۇددەسىن شىعار ٴتۇيىن ەتە وتىرىپ جوسپارلاپ جانە ىلگەرىلەتىپ، پارتيامىزدىڭ سيپاتى مەن باس ماقساتىن، اۋەلگى ماقساتى مەن بورىشىن تولىق ايگىلەدى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن تولىق ايگىلەدى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى رەفورمانى حالىقتى وزەك ەتۋگە تاباندى بولا وتىرىپ ىلگەرىلەتتى، حالىقتىڭ مۇددەسىن باستان ـ اياق ەڭ جوعارى ورىنعا قويىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن مىقتى يگەرىپ، ٴتۇيىندى سالالارداعى رەفورمانى ىلگەرىلەتتى. نازاردى ”ناۋقاس كورسەتۋ قيىن بولۋ، ناۋقاس كورسەتۋ قىمبات بولۋ“ ماسەلەسىن شەشۋگە شوعىرلاندىرىپ، ٴدارى ـ دارمەك پەن جۇمسالاتىن ماتەريالداردى شوعىرلى، مولداپ ساتىپ الۋدى مەملەكەت ۇيىمداستىرۋدى ىلگەرىلەتۋدەن ”تاماشا ەكولوگيالىق ورتا _ جالپىعا ەڭ ٴتيىمدى حالىق تۇرمىسىنىڭ قۇت ـ ىرىسى“ دەگەندى ۇستانىپ، ەكولوگيالىق وركەنيەت ٴتۇزىلىسى رەفورماسىن ىلگەرىلەتۋگە دەيىن، نوپوس ٴتۇزىمى رەفورماسىن جۇرگىزىپ، اۋىل شارۋاشىلىعىنان اۋىسقان 140 ميلليون حالىقتىڭ قالا ـ قالاشىقتارعا قونىستانۋىنا مۇمكىندىك جاساۋدان ٴادىليا ٴتۇزىلىسى رەفورماسىندا حالىق بۇقاراسىنا ٴاربىر ٴادىليا دەلوسىنان ادىلدىكتى، تۋراشىلدىقتى سەزىندىرۋگە دەيىن... حالىق تىلەگىنە سايكەسىپ، حالىق تىلەگىنە قۇرمەت ەتىپ، حالىق جاعدايىنا نازار اۋدارىپ، حالىق تۇرمىسىنا كۇش سالىپ، رەفورما ارقىلى حالىق بۇقاراسىنا اناعۇرلىم كوپ ناقتى پايدا جەتكىزدى. اماليات مىنانى تولىق دالەلدەدى: حالىقتى بارىنەن جوعارى قويۋعا تاباندى بولا وتىرىپ رەفورمانى جوسپارلاپ، ىلگەرىلەتىپ، رەفورما جوباسىنىڭ قۇنىن تولىق ايگىلەپ، رەفورمانى دامۋدىڭ قاجەتىمەن، نەگىزگى ساتىنىڭ تىلەگىمەن، حالىقتىڭ تىلەگىمەن اناعۇرلىم ويداعىداي تۇيلىستىرگەندە، رەفورمانى اناعۇرلىم جاپپاي تەرەڭدەتۋ ەڭ بەرىك سۇيەنىشكە، ەڭ قۇدىرەتتى جىگەرگە، ەڭ تاسقىنداعان قوزعاۋشى كۇشكە يە بولادى.
رەفورما جاساپ، ەسىك اشقاننان بەرگى، اسىرەسە، جاڭا داۋىردە رەفورمانى جاپپاي تەرەڭدەتۋدەگى قۇندى تاجىريبەلەردى قورىتىندىلاپ جانە قولدانىپ، بۇل رەتكى جالپى ٴماجىلىس رەفورمانى اناعۇرلىم جاپپاي تەرەڭدەتۋدە، ٴسوز جوق، دايەكتىلەندىرىلەتىن ”التىعا تاباندى بولۋ“ كەلەلى پرينسيبىن العا قويدى، ”حالىقتى وزەك ەتۋگە تاباندى بولۋ“ _ ٴدال وسىنىڭ ىشىندەگى ماڭىزدى ٴبىر تارماعى. قالىڭ حالىق بۇقاراسىن رەفورما مەن دامۋدىڭ جەتىستىكتەرىنەن تەڭ يگىلىكتەندىرۋ _ سوتسياليزمنىڭ ماندىك تالابى، سوتسياليستىك ٴتۇزىم ابزالدىلىعىنىڭ شوعىرلى بەينەلەنۋى ەكەندىگىن، ٴسوز جوق، جەتە تانۋ كەرەك. رەفورما جاساپ، ەسىك اشۋدىڭ تانىم جانە اماليات جاعىنداعى ٴار رەتكى جاڭالىعى مەن تەرەڭدەۋى، رەفورما جاساپ، ەسىك اشۋ بارىسىنداعى ٴاربىر جاڭا زاتتىڭ جارىققا شىعۋى مەن دامۋىنىڭ، رەفورما جاساپ، ەسىك اشۋدىڭ ٴاربىر سالاسى مەن بۋىنىنداعى تاجىريبەلەردىڭ جاراتىلۋى مەن توپتالۋى ميلليارد حالىقتىڭ اقىل ـ پاراساتى مەن امالياتتان وتكىزۋىنىڭ ناتيجەسى. جاڭا جورىقتا رەفورمانى اناعۇرلىم جاپپاي تەرەڭدەتۋدىڭ قۇن بەتالىسىن مىقتاپ يگەرىپ، حالىقتىڭ تىلەگىنە رەفورمامەن جاۋاپ قايتارۋعا تاباندى بولىپ، رەفورمانى حالىق ٴۇشىن جۇرگىزۋدى، رەفورما جاساۋدا حالىققا سۇيەنۋدى، رەفورما جەتىستىكتەرىنەن حالىق تەڭ يگىلىكتەنۋدى جۇزەگە اسىرعاندا عانا، رەفورمانىڭ باستان ـ اياق حالىق بۇقاراسىنىڭ شىن جۇرەكتەن قولداۋىنا يە بولۋىنا شىنايى كەپىلدىك ەتۋگە بولادى.
جۇڭگو ۇلگىسىندەگى وسىزامانداندىرۋ _ جالپى حالىق بىرگە باييتىن وسىزامانداندىرۋ، دامۋ بارىسىندا حالىق تۇرمىسىن قامتاماسىزداندىرۋ جانە جاقسارتۋ _ جۇڭگو ۇلگىسىندەگى وسىزامانداندىرۋدىڭ كەلەلى مىندەتى. ەلىمىز قوعامىنداعى باستى قايشىلىق حالىقتىڭ كۇن سايىن ارتقان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى، جوعارى ساپالى دامۋدى ىلگەرىلەتۋدە ٴدوپ كەلگەن كورنەكتى ماسەلە ٴالى دە دامۋدىڭ بىركەلكى، تولىق بولماۋى، قالا مەن اۋىلدىڭ وڭىرلىك دامۋى مەن كىرىس ٴبولىسى پارقىنىڭ ٴالى دە ٴبىرشاما زور بولۋى، حالىق تۇرمىسىن قامتاماسىز ەتۋدە، ەكولوگيالىق ورتانى قورعاۋدا ٴالى دە ولقىلىقتاردىڭ ورىن تەۋىپ وتىرۋى بولىپ سانالادى. بۇل رەتكى جالپى ٴماجىلىستىڭ حالىق بۇقاراسىنىڭ جاڭا تىلەگىنە سايكەسىپ، رەفورمانى ۇزدىكسىز العا ىلگەرىلەتۋى ٴدال حالىقتى وزەك ەتۋگە تاباندى بولىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىرۋدىڭ تابيعي تالابى، جوعارى ساپالى دامۋدى ىلگەرىلەتۋدىڭ، ەلىمىز قوعامىنداعى باستى قايشىلىقتىڭ وزگەرىسىنە اناعۇرلىم ويداعىداي ۇيلەسۋدىڭ كوكەي تەستى قاجەتى. جالپى ٴماجىلىس قوعامدىق ادىلدىك پەن تۋراشىلدىقتى جەبەۋدى، حالىقتىڭ قۇت ـ ىرىسىن ارتتىرۋدى شىعار ٴتۇيىن جانە تابان تىرەر تياناق ەتىپ، كىرىس ٴبولىسى ٴتۇزىمىن كەمەلدەندىرۋ، جۇمىستاندىرۋدى الدىڭعى ورىنعا قويۋ ساياساتىن كەمەلدەندىرۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىس رەفورماسىن تەرەڭدەتۋ، حالىق سانىنىڭ دامۋىن قولداۋ جانە قىزمەت وتەۋ جۇيەسىن اقاۋسىزداندىرۋ جونىندە ٴبىر قىدىرۋ كەلەلى رەفورما شارالارىن العا قويدى. وسى شارالاردىڭ تياناقتانىپ، ونىمدىلىك كورسەتۋى، ٴسوز جوق، حالىققا ۇزدىكسىز باقىت جاراتادى.
”حالىق ٴۇشىن رەفورما جاساعاندا عانا، رەفورما ٴمان ـ ماعىناعا يە بولادى، حالىققا سۇيەنىپ رەفورما جاساعاندا عانا، رەفورما قوزعاۋشى كۇشكە يە بولادى“. رەفورمانى اناعۇرلىم جاپپاي تەرەڭدەتىپ، حالىقتى بارىنەن جوعارى قويۋعا تاباندى بولۋدا، ”بۇقارا نەگە كوڭىل بولسە، نەنى كوكسەسە، رەفورمادا سونى يگەرۋ، سونى ىلگەرىلەتۋ كەرەك“ دەگەندى شىنايى بەلگىلەپ، حالىق تۇرمىسىنا شۇعىل قاجەتتى، حالىق كوكسەگەن رەفورما شارالارىن كوبىرەك العا قويىپ، حالىق تۇرمىسىنا يگىلىك جاراتاتىن، جۇرت جۇرەگىن جىلىتاتىن، حالىق قالاۋىنان شىعاتىن ناقتى ىستەردى كوبىرەك ٴبىتىرۋ كەرەك. تەكسەرىپ ـ زەرتتەۋدى زور كولەمدە ورىستەتىپ، بۇقارالىق لۋشيانمەن ويداعىداي ٴجۇرىپ، قاجەتتى سۇراپ، حالىقتان اقىل ـ كەڭەس الىپ، نەگىزگى ساتى مەن بۇقارانىڭ جاسامپازدىق رۋحىنا قۇرمەت ەتىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىنەن رەفورمانىڭ كۇش سالۋ ٴتۇيىنى مەن قامال الۋ ٴتۇيىنىن ٴداپ باسىپ تاۋىپ، بۇقارانىڭ تابىس سەزىمىن، شىنايى مويىنداۋىن كۇشەيتىپ، حالىقتىڭ اقىل ـ پاراساتىن شوعىرلاندىرىپ، جۇرت تىلەگىن ۇيىستىرىپ، حالىققا بەرىك سۇيەنىپ، رەفورمانى العا ىلگەرىلەتۋ كەرەك.
جۇڭگو كوممۋنيستىك پارتياسى _ حالىق ٴۇشىن قىزمەت ىستەيتىن، حالىقتى باقىتقا كەنەلتەتىن پارتيا. پارتيانىڭ بارلىق قىزمەتى تۇگەلدەي ەڭ قالىڭ حالىقتىڭ ٴتۇبىرلى مۇددەسىن ويداعىداي جۇزەگە اسىرۋ، قورعاۋ، دامىتۋ ٴۇشىن بولىپ تابىلادى. رەفورمانى اناعۇرلىم جاپپاي تەرەڭدەتۋ باس نىساناسىن كوزدەپ، قۇن بەتالىسىن مىقتى يگەرىپ، حالىقتى بارىنەن جوعارى قويۋعا تاباندى بولا وتىرىپ، رەفورمانى جوسپارلاپ جانە ىلگەرىلەتىپ، ناقتى ونىمدىلىك پەن حالىق بۇقاراسىنىڭ ريزالىق دارەجەسى ارقىلى رەفورمانى سىننان وتكىزسەك، ٴبىز، ٴسوز جوق، جاڭا ەمتيحان بەرۋ جولىندا تاريح پەن حالىققا تىڭ دا ۇزدىك جاۋاپ قايتارا الامىز.
(شينحۋا اگەنتتىگىنىڭ 7 ـ ايدىڭ 21 ـ كۇنى بەيجيڭنەن بەرگەن حابارى)