حالىقتى وزەك ەتۋگە تاباندى بولىپ، دامۋ بارىسىندا حالىق تۇرمىسىن قامتاماسىز ەتەمىز جانە جاقسارتامىز

　　_ شينجياڭداعى ٴار سالا پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن قىزۋ تالقىلادى

　　□ انار بۇلت \ شينجياڭ گازەتىنىڭ تىلشىلەرى

رەفورما جاساۋدان رەفورمانى جاپپاي تەرەڭدەتۋگە، ودان رەفورمانى ونان ارى جاپپاي تەرەڭدەتۋگە دەيىن، جۇڭگو ۇلگىسىندەگى وسىزامانداندىرۋ جولى تاعى دا شەشۋشى تۇيىنگە جەتتى.

پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە مىنالار العا قويىلدى: دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋ _ جۇڭگو ۇلگىسىندەگى وسىزامانداندىرۋدىڭ كەلەلى مىندەتى. ٴسوز جوق، بار كۇشىمىزدى سالىپ ٴىس تىندىرۋعا، شاماعا قاراي ٴىس ىستەۋگە تاباندى بولىپ، نەگىزگى الەۋمەتتىك قىزمەت وتەۋ ٴتۇزىمى جۇيەسىن كەمەلدەندىرىپ، جالپىعا ٴتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، حالىقتىڭ ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن ويداعىداي شەشىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋ كەرەك. بۇل رايونىمىزداعى قالىڭ كادر ـ بۇقارا اراسىندا قىزۋ اڭىس قوزعادى.

كوپشىلىك ٴبىر اۋىزدان مىنالاردى ٴبىلدىردى: جالپى ٴماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، قوعامدىق ادىلدىكتى، ادىلەتتىلىكتى جەبەۋدى، حالىقتىڭ قۇت ـ ىرىسىن ارتتىرۋدى شىعار ٴتۇيىن جانە تابان تىرەر تياناق ەتىپ، رەفورمانى ونان ارى جاپپاي تەرەڭدەتىپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازامىز.

جۇڭگو ۇلگىسىندەگى وسىزامانداندىرۋدا حالىق تۇرمىسى ەڭ ماڭىزدى. جالپى ماجىلىستە مىنالار العا قويىلدى: حالىقتىڭ ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن ويداعىداي شەشىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋ كەرەك.

”تارام ـ تارام تەمىر جولداردىڭ شار تاراپقا تۇتاسىپ، ٴار ۇلت بۇقاراسىنىڭ پويەزگە وتىرىپ ساپارعا شىعۋىنىڭ قولايلى، تەز بولعاندىعىن كورىپ ٴبىز جۇڭگو ۇلگىسىندەگى وسىزامانداندىرۋدىڭ رەفورما جاساۋ، ەسىك اشۋ بارىسىندا ۇزدىكسىز ىلگەرىلەتىلگەندىگىن اناعۇرلىم تەرەڭ تانىپ جەتتىك“. جۇڭگو تەمىر جولى 1 ـ مەكەمەسى توبى شينجياڭ تەمىر جول بارلاۋ ـ جوبالاۋ مەكەمەسى شەكتى سەرىكتەستىگى پارتكومىنىڭ شۋجيى، القا باستىعى پىڭ شياۋچۋان بىلاي دەدى: جالپى ٴماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ جاسامپاز نازارياسىمەن وي ـ سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، شينجياڭنىڭ تەمىر جول تورى ورنالاسىمىنىڭ اناعۇرلىم عىلمي دا ۇيلەسىمدى، قولايلى دا جوعارى ٴونىمدى بولۋىنا مۇمكىندىك جاساپ، بۇقارانىڭ ٴجۇرىس ـ تۇرىس ساپاسىن ۇزدىكسىز جوعارىلاتامىز.

رەفورما جاساۋ، ەسىك اشۋ _ پارتيا مەن حالىقتىڭ داۋىرگە ارشىندى قاداممەن ىلەسۋدەگى ماڭىزدى اسىلى. رەفورمانى يگەرۋ، دامۋدى جەبەۋ سايىپ كەلگەندە حالىقتى اناعۇرلىم ويداعىداي تۇرمىسقا كەنەلتۋ ٴۇشىن بولماق.

بيىل قورعاس اۋدانى ەرەكشە قيىنشىلىعى بار قارتتار وتباسىنا قارتتارعا ۇيلەسەتىن جاڭالاۋ جۇرگىزدى، قارتتاردىڭ تاماقتانۋىنا كومەكتەسۋ بويىنشا 70قىزمەت وتەۋ ٴتۇيىنى رەسمي ىسكە قوسىلدى. ”ٴبىز جالپى ٴماجىلىستىڭ رۋحىن مۇقيات ۇيرەنىپ، دايەكتىلەندىرىپ، باستان ـ اياق حالىقتى وزەك ەتۋگە تاباندى بولىپ، نەگىزگى حالىق تۇرمىسىن قامتاماسىز ەتۋ قىزمەت جاۋاپكەرشىلىگىمىزدى شىنايى وتەپ، قيىنشىلىعى بار بۇقارانىڭ نەگىزگى تۇرمىسىن جان ـ جاقتى ويداعىداي قامتاماسىز ەتەمىز“، ـ دەدى قورعاس اۋداندىق حالىق ىستەرى مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى ياڭ شۋەفىڭ.

”جالپى ٴماجىلىستىڭ رۋحىن مۇقيات ۇيرەنىپ، دايەكتىلەندىرىپ، ەمدەۋ قىزمەت وتەۋى جۇيەسىنىڭ ’بار بولۋدان ساپالى بولۋعا دەيىنگى‘ بۇرىلىسىن جۇزەگە اسىرامىز“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى ساياسي ـ زاڭ ٴتۇزىلىس ـ رەفورماسى باسقارماسىنىڭ باستىعى لي لينيۇي مىنالاردى ٴبىلدىردى: سالاماتتىقتى الدىمەن دامىتۋ ستراتەگياسىن ارقاۋ ەتىپ، الەۋمەتتىك دەنساۋلىق ساقتاۋ جۇيەسىن اقاۋسىزداندىرىپ، قوعامدىق بىرگە باسقارۋدى، ەمدەۋ قىزمەتى مەن اۋرۋدىڭ الدىن الۋ جانە ونى تىزگىندەۋ قىزمەتىن سايكەستىرۋدى، ەمدەۋ قىزمەتى مەن اۋرۋدان ساقتانۋ جانە ونى تىزگىندەۋ قىزمەتىن توعىستىرۋدى جەبەيمىز؛ ەمدەۋدى، ەمدەلۋ قامسىزداندىرۋىن، ەمدەۋ، ٴدارى ـ دارمەكتى سايكەستى دامىتۋدى جانە باسقارۋدى جەبەيمىز؛ ساپالى ەمدەۋ بايلىعىنىڭ كولەمىن كەڭەيتۋدى، تومەنگە جەتكىزۋدى جانە وڭىرلىك بىركەلكى ورنالاسىمىن جەبەپ، دارەجەگە ٴبولىپ دياگنوز قويۋ ـ ەمدەۋ جۇيەسىن جەدەل قۇرىپ، تىعىز ەمدەۋ بىرلەستىك تۇلعاسى قۇرىلىسىن ىلگەرىلەتىپ، نەگىزگى ساتىنىڭ ەمدەۋ، دەنساۋلىق ساقتاۋعا قىزمەت وتەۋىن كۇشەيتەمىز.

جالپى ٴماجىلىستىڭ اشىلۋىمەن، التاي ايماعى شىڭگىل اۋدانى ارالتوبە قالاشىعى قۇماعىن قىستاعىنىڭ تۇرعىنى اسقاربەك دۋاي تىڭ تىلەككە تولى بەينەمەن: ”بىلتىر جىل سوڭىندا سىرقاتتانىپ اۋرۋحاناعا جاتتىم، باعىما جاراي ەمدەۋ قامسىزداندىرۋى بويىنشا حالىققا تيىمدىلىك جاساۋ ساياساتى بولعاندىقتان 120 مىڭ يۋان ەمدەۋ قاراجاتىنىڭ نەبارى 20 مىڭ يۋانىن عانا ٴوزىم تولەدىم. رەفورما ٴبىزدىڭ تۇرمىسىمىزدى وزگەرتتى، بۇدان كەيىنگى تۇرمىسىمىز، ٴسوزجوق، بارعان سايىن جاقسى بولادى“، ـ دەدى.

حالىقتىق تۇرعىدان جازباعاندا عانا، رەفورما ورنىقتى قاداممەن الىسقا جەتەتىن بولادى. جالپى ٴماجىلىس: حالىق بۇقاراسىنىڭ تىڭ تىلەگى الدىندا، ٴسوز جوق، سانالىلىقپەن رەفورمانى اناعۇرلىم كورنەكتى ورىنعا قويۋ كەرەك، ـ دەپ باسا دارىپتەدى.

اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى چىن جىجياڭ بىلاي دەدى: تۇتاس رايونداعى ادام كۇشى بايلىعى جانە قوعامدىق قامتاماسىزداندىرۋ جۇيەسى جالپى ٴماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، جۇمىستاندىرۋ ٴتۇزىلىس ـ مەحانيزمى رەفورماسىن تەرەڭدەتۋدى قوزعاۋشى كۇش ەتىپ، جوعارى ساپالى، تولىق جۇمىستاندىرۋ قىزمەتىن جەبەۋ جۇيەسىن جەدەل ورناتىپ، جۇمىستاندىرۋ بويىنشا الەۋمەتتىك قىزمەت وتەۋ ٴتۇزىمىن كەمەلدەندىرىپ، ٴتۇيىندى قاۋىمدى جۇمىستاندىرۋعا قولداۋ كورسەتۋ ساياساتىن اقاۋسىزداندىرىپ، جۇمىستاندىرۋ ساپاسىن جوعارىلاتۋعا، جۇمىستاندىرۋ كولەمىن كەڭەيتۋگە، جۇمىستاندىرۋ قۇرىلىمىن ساپالىلاندىرۋعا تۇساۋ بولىپ وتىرعان كەدەرگى، بوگەتتىك ماسەلەلەردى كۇش سالا شەشىپ، بۇقارا سەزىنە الاتىن، قولى جەتەتىن ٴبىر توپ جۇمىستاندىرۋ ناقتى ىستەرىن ورىنداۋدى كۇشتى شوعىرلاندىرا ويداعىداي يگەرىپ، دامۋ جەتىستىكتەرىنىڭ حالىق تۇرمىسىنا تيىمدىلىك جەتكىزۋىن، جۇرت تىلەگىن توعىستىرۋىن ىلگەرىلەتەدى.

”رەفورما _ دامۋدىڭ قوزعاۋشى كۇشى، دامۋ _ حالىقتىڭ باقىتىن جۇزەگە اسىرۋدىڭ تەتىگى“. شينجياڭ داشۋەسى ماركسيزم شۋەيۋانى پارتكومىنىڭ ورىنباسار شۋجيى، دوتسەنت بو ليڭچۋان مىنالاردى ٴبىلدىردى: حالىق بۇقاراسىنىڭ تىڭ تىلەگى الدىندا، ٴسوز جوق، رەفورما ارقىلى تىڭ قارىشتاۋدى جۇزەگە اسىرۋ كەرەك. ٴبىر جاعىنان، بايلىقتى ورنالاستىرۋ ٴتۇزىلىسى رەفورماسىن تەرەڭدەتىپ، دامۋدىڭ بىركەلكى بولماۋ، تولىق بولماۋ ماسەلەسىن كۇش سالا شەشۋ كەرەك؛ ەندى ٴبىرجاعىنان، حالىقتى وزەك ەتۋگە تاباندى بولىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جەتىستىگىنەن جالپى حالىقتى اناعۇرلىم كوپ، اناعۇرلىم ٴادىل يگىلىكتەندىرۋ كەرەك.

ەكونوميكانىڭ ارتۋىنىڭ ماڭىزدى قوزعاۋشى كۇشى رەتىندە، تۇتىنۋ حالىق تۇرمىسىن قامتاماسىز ەتۋگە جانە جاقسارتۋعا سايادى، تۇتىنۋ ساپاسىن جوعارىلاتۋ _ تاماشا تۇرمىستى جۇزەگە اسىرۋدىڭ قاجەتتى تالابى.

”ٴبىز اۆتوكولىك، ٴۇي ەلەكتر جابدىقتارى سياقتى ونىمدەردىڭ كونەسىنىڭ ورنىنا جاڭاسىن اۋىستىرۋ ساياساتىنان تولىق پايدالانىپ، شارتقا ۇيلەسەتىن تۇتىنۋشىلاردى ۇيلەسىمدى قوسىمشا قاراجاتپەن قامداپ، ساياسات پايداسىنىڭ ٴار ۇلت بۇقاراسىنا ەڭ جوعارى شەكتە تيىمدىلىك جاساۋىنا شىنايى كەپىلدىك ەتەمىز. سونىمەن بىرگە، تۇتىنۋدى سەرپىلتەتىن ٴبىر قىدىرۋ ٴونىمدى شارا اتقارىپ، حالىق تۇرمىسىن ونان ارى قامتاماسىز ەتەمىز جانە جاقسارتامىز“، ـ دەدى ٴۇرىمجى قالالىق ساۋدا ىستەرى مەكەمەسى ساۋدا ىستەرى اينالىمىن جانە تۇتىنۋدى جەبەۋ ٴبولىمىنىڭ ورىنباسار باستىعى يۋان يۋان.

جاڭا داۋىردەگى جاڭا جورىقتا رەفورما جاساۋشىلار عانا العا ىلگەرىلەيدى، جاڭالىق اشۋشىلار عانا كۇشەيەدى، رەفورما جاساپ، جاڭالىق اشۋشىلار عانا جەڭىسكە جەتەدى.

”جالپى ٴماجىلىس ٴبىر قىدىرۋ جاڭا يدەيانى، جاڭا كوزقاراستى، جاڭا تۇجىرىمدى ورتاعا قويدى، مۇنىڭ جۇڭگو ۇلگىسىندەگى وسىزاماندىرۋدى ىلگەرىلەتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جۇزەگە اسىرۋعا اناعۇرلىم باياندى، اناعۇرلىم قۋاتتى قوزعاۋشى كۇش ازىرلەيتىندىگى شۇباسىز“. اۆتونوميالى رايوندىق حالىق ىستەرى مەڭگەرمەسى پارتيا باسشىلىق گرۋپپاسىنىڭ شۋجيى ليۋ شينلي مىنالاردى ٴبىلدىردى: تۇتاس رايونداعى حالىق ىستەرى جۇيەسى شەگە قاعۋ رۋحىمەن رەفورمانىڭ تياناقتانۋىن ويداعىداي يگەرىپ، جۇيەلى ويلاۋدى كۇشەيتىپ، ٴارى جوعارى دەڭگەيدە جوبالاۋدى كۇشەيتۋ جاعىنا كۇش سالىپ، ٴارى قىزمەت شاراسىن ساپالىلاندىرۋ جاعىنا كۇش جۇمساپ، رەفورمانىڭ جۇيەلىك سيپاتىنا شىنايى كەپىلدىك ەتىپ، رەفورمانىڭ قوزعاۋشى كۇشىن مازداتۋ ارقىلى حالىق ىستەرى بايلىعىن جانداندىرىپ، جالپىعا بىردەي، نەگىزدىك، تۇبەسەلى حالىق تۇرمىسى قۇرىلىسىن ٴۇرتىس كۇشەيتىپ، ٴار ۇلت بۇقاراسىنىڭ اناعۇرلىم كوپ سەزىنە الاتىن، قولى جەتەتىن ناقتى تيىمدىلىككە كەنەلۋىنە مۇمكىندىك جاسايدى.

جالپى ماجىلىستە مىنالار العا قويىلدى: وقۋ ـ اعارتۋ، عىلىم ـ تەحنيكا، دارىندى _ جۇڭگو ۇلگىسىندەگى وسىزامانداندىرۋدىڭ نەگىزدىك، ستراتەگيالىق تىرەگى. وقۋ ـ اعارتۋ، عىلىم ـ تەحنيكا، دارىندىلار ٴتۇزىلىس ـ مەحانيزمىن ٴبىر تۇلعالاندىرۋ رەفورماسىن ٴبىر تۇتاس جوسپارلاپ ىلگەرىلەتۋ كەرەك.

”ٴبىز پارتيا ٴۇشىن ادام تاربيەلەۋ، مەملەكەت ٴۇشىن دارىندى تاربيەلەۋ بورىشىن ەستە بەرىك ساقتاپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، وقۋ ـ اعارتۋدا قۋاتتى رايون قۇرىلىسىن تەزدەتىپ، قىزمەت وتەۋ باعدارىن كۇشەيتىپ، وقۋ ـ اعارتۋدىڭ جوعارى ساپالى دامۋعا تىرەك بولۋ قۋاتىن، ۇلەس قوسۋ قۋاتىن ٴونىمدى جوعارىلاتىپ، وقۋ ـ اعارتۋدىڭ دامۋ جەتىستىكتەرىنەن ٴار ۇلت بۇقاراسىن اناعۇرلىم كوپ، اناعۇرلىم ٴادىل يگىلىكتەندىرۋگە مۇمكىندىك جاساپ، وقۋ ـ اعارتۋدىڭ جوعارى ساپالى دامۋ جاڭا تابىسى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتەمىز“، ـ دەدى اۆتونوميالى رايوندىق پارتكوم وقۋ ـ اعارتۋ قىزمەت كوميتەتىنىڭ ورىنباسار شۋجيى، اۆتونوميالى رايوندىق وقۋ ـ اعارتۋ مەڭگەرمەسىنىڭ باستىعى زۇلايات سىمايىل.

رەفورما سان سالانى شارپيدى، حالىق مۇددەسىن ماقسات ەتكەندە عانا رەفورمانىڭ عىلميلىعىندا تىرەك بولادى، تياناقتاندىرۋدىڭ ونىمدىلىگىندە قامتاماسىزدىق بولادى. جالپى ماجىلىستە مىنالار العا قويىلدى: نازاردى حالىقتىڭ تۇرمىس ساپاسىن جوعارىلاتۋعا شوعىرلاندىرىپ، رەفورمانى ۇزدىكسىز العا ىلگەرىلەتۋ كەرەك.

كونە ٴشار اۋدانىنىڭ ورىنباسار اكىمى پاشاگۇل ابىلەز بىلاي دەدى: جالپى ٴماجىلىستىڭ رۋحىن جەتەكشى ەتىپ، ٴارى بار كۇشىمىزدى سالىپ ٴىس تىندىرىپ، ٴارى شاماعا قاراي ٴىس ىستەپ، الەۋمەتتىك اۋماقتى باسقارۋدا جاڭالىق اشۋدى ۇزدىكسىز ىلگەرىلەتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ارناسىن قالىپتاستىرىپ، ٴار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم تولىق بولۋىنا، اناعۇرلىم قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاسايمىز.

(ٴتىلشى جاۋ چۇنحۋا، قاتىناسقان تىلشىلەر رىن چۇنشياڭ، جاۋ شييا، لي لين، سۋ لۋپيڭ، گو چيان، گاۋ ۋا، لۋ فىڭباۋ، جازيرا نەسىپبەك، بارشا تەگىس)