انار بۇلت \ شينجياڭ گازەتىنىڭ ٴتىلشىسى سو رۇڭجى 7 ـ ايدىڭ 24 ـ كۇنى ۇرىمجىدەن حابارلايدى. 7 ـ ايدىڭ 24 ـ كۇنى تۇستەن كەيىن ٴۇرىمجى ەكونوميكالىق، تەحنيكالىق اشۋ رايونىنىڭ (توۋتۇنحى رايونى) ۇكىمەتتىك قىزمەت وتەۋ زالىندا ان كاڭ قىزمەتكەردىڭ قولىنان جاڭادان بىتىرگەن تيجارات كۋالىگىن الدى، ”مەن ٴبىر ـ اق رەت كەلدىم، تيجارات كۋالىگى ٴبىر قىزمەت كۇنىندە ـ اق قولىما ٴتيدى“.
7 ـ ايدىڭ 23 ـ كۇنى ان كاڭ شينجياڭ ۇكىمەتتىك قىزمەت وتەۋ تورىنا كاسىپورىن قۇرۋعا قاجەتتى ماتەريالداردى جولدادى. سول كۇنى تۇستەن كەيىن ماتەريالدارى ٴۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) بازار باقىلاۋ، باسقارۋ مەكەمەسىنىڭ توردا تەكسەرۋىنەن وتكەننەن كەيىن، ول تيجارات كۋالىگىن الىپ الۋ جونىندەگى كەلتە حاتتى تاپسىرىپ الادى. 2 جىلدىڭ الدىندا تۇڭعىش قۇرعان سەرىكتەستىگىنە تيجارات كۋالىگىن ٴبىتىرۋ كەشىرمەسىمەن سالىستىرعاندا ان كاڭ” “ونىمدىلىكتىڭ بارعان سايىن جوعارىلاعاندىعىن“ بارىنشا سەزىندى.
ٴتىلشى ۇكىمەتتىك قىزمەت وتەۋ زالىنىڭ بازار باقىلاۋ ـ باسقارۋ تەرەزەسىنە كەلىپ كاسىپ بىتىرگەندەردىڭ وتە از ەكەندىگىن بايقادى. قىزمەتكەر بىلاي دەپ تانىستىردى: ماتەريالداردىڭ بارلىعى توردا جولدانادى، بۇقارانىڭ بۇل اراعا كەلىپ تاپسىرۋىنىڭ قاجەتى جوق. اۆتونوميالى رايوننىڭ ٴبىر تۇلعالاندىرىلعان ۇكىمەتتىك قىزمەت وتەۋ تۇعىرىنا سۇيەنگەن ولاردان ٴار ادام ٴار كۇنى كاسىپورىن قۇرۋ، وزگەرتۋ، كۇشىنەن قالدىرۋ سياقتى ورتا ەسەپپەن 100دىڭ اينالاسىندا جۇمىستى تەكسەرەدى. ەگەردە ۇلكەن ساندى مالىمەت تەحنيكاسىنىڭ تىرەگى بولماسا، مۇنداي جوعارى ونىمدىلىك بولماس ەدى.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە، ٴسوز جوق، بازار مەحانيزمىنىڭ رولىن اناعۇرلىم ويداعىداي ساۋلەلەندىرىپ، اناعۇرلىم ٴادىل، اناعۇرلىم جاندى بازار ورتاسىن قالىپتاستىرۋ العا قويىلدى. ”كاسىپورىن قۇرۋ _ شارۋاشىلىق نەگىزگى تۇلعالارىنىڭ بازارعا كىرەتىن ٴبىرىنشى قادامى ٴارى شارۋاشىلىق ـ ساۋدا ورتاسىن ساپالىلاندىرۋدىڭ شەشۋشى بۋىنى“. اۆتونوميالى رايوندىق بازاردى باقىلاۋ ـ باسقارۋ مەكەمەسى تىزىمدەۋ، تىركەۋگە الۋ باسقارماسىنىڭ قاتىستى جاۋاپتىسى بىلاي دەپ تانىستىردى: بىلتىر شينجياڭ ”كاسىپورىن قۇرۋ ٴىسى“ بلوكچين تەحنيكاسىن تۇيىندە سىناق ەتىپ قولدانۋدى ورىستەتتى، ”كاسىپورىن قۇرۋ“ ساندى مالىمەتىن تىزبەككە جالعاپ وتكەرىپ، جولدادى، ٴتۇرلى ىستەردىڭ ٴبىتىرىلۋ ناتيجەسى بلوكچين تۇعىرى ارقىلى ٴبىر تۇتاس قابىلداۋ تۇعىرىنا اڭىس ەتىلدى، كاسىپورىن قۇرۋدىڭ دارەجەسى” 3 كۇندە بىتىرۋدەن“ ”سول كۇنى بىتىرۋگە“ قاراي جوعارىلادى. بىلتىر 8 ـ ايدا بۇل قىزمەت مەملەكەتتىڭ ۇكىمەتتىك قىزمەت وتەۋ يقۋاتىن جوعارىلاتۋداعى تيپتىك مىسالدار قاتارىنا ٴساتتى قوسىلدى.
كاسىپورىن قۇرۋ جۇمىسىن سول كۇنى ٴبىتىرۋدى تياناقتاندىرۋ ٴۇشىن، ٴۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ٴبىر قىدىرۋ رەفورما شارالارىن قولداندى: ۇكىمەتتىك قىزمەت وتەۋ زالىندا ەركىن ساۋدا سىناق رايونى كاسىپورىندارىنىڭ ارناۋلى تەرەزەسىن (اۋماعىن) قۇرىپ، ارناۋلى قىزمەت ورنىن ورنالاستىرىپ كاسىپورىنداردىڭ تيجارات كۋالىگىن بىتىرۋىنە تۇتاس بارىستا كومەكتەستى، ارناۋلى تەرەزە (اۋماق) كاسىپورىن قۇرۋدا ”ٴبىر ٴىستى ٴبىر جولدا ٴبىتىرۋدى“ جۇزەگە اسىردى. الداعى جەردە كاسىپ ٴتارتىبىنىڭ ٴاربىر بۋىن جاۋاپكەرشىلىگىن ادامعا تياناقتاندىرىپ، كاسىپورىن قۇرۋ ماتەريالدارىن تەكسەرۋ ونىمدىلىگىن بارىنشا جوعارىلاتادى. ”تاڭەرتەڭ ەرتە بارۋ، كەشتە ۋاقىتتى ۇزارتۋ، تۇستە ٴۇزىلىس جاساماۋ“ سىندى يكەمدى قىزمەت ۋاقىتىن قولدانىپ، بۇقارانىڭ ٴىس جۇزىندىك قاجەتىن قاناعاتتاندىرادى.
قازىرگە دەيىن ٴۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) 67 مىڭ 823 شارۋاشىلىق نەگىزگى تۇلعاسىن تىزىمدەپ تىركەۋگە الدى، مۇنىڭ ىشىندە بيىل 1 ـ ايدان قازىرگە دەيىن 6980 شارۋاشىلىق نەگىزگى تۇلعاسى تىزىمدەلىپ، تىركەۋگە الىندى، %75 شارۋاشىلىق نەگىزگى تۇلعاسىنىڭ كاسىپورىن قۇرۋ جۇمىسىن سول كۇنى ٴبىتىرۋ جۇزەگە اسىرىلدى.