_ شينجياڭداعى تاراۋلار، ورىندار پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەندى، دايەكتىلەندىردى
□ انار بۇلت \ شينجياڭ گازەتىنىڭ تىلشىلەرى
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى _ مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ شەشۋشى مەزگىلىندە اشىلعان توتەنشە ماڭىزدى ٴماجىلىس. جالپى ٴماجىلىستىڭ مازمۇنداماسى مەن ”قاۋلىسى“ ىركەس ـ تىركەس جاريالاندى، بىرنەشە كۇننەن بەرى شينجياڭداعى تاراۋلار، ورىندار ٴتۇرلى فورمالارمەن ىشكەرىلەي ۇيرەنىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدىڭ، دايەكتىلەندىرۋدىڭ قىزۋ ورلەۋىن كوتەردى.
كوپشىلىك مىنالاردى ٴبىلدىردى: جالپى ٴماجىلىستىڭ اشىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى سوڭىنا دەيىن جۇرگىزۋ بەرىك بەكىمى مەن كۇشتى بورىش ـ جاۋاپكەرشىلىك ارقالاۋىن ايگىلەدى، «قاۋلى» _ جاڭا جورىقتا رەفورمانى ونان ارى جاپپاي تەرەڭدەتۋگە جەتەكشىلىك ەتەتىن تۇعىرنامالىق حۇجات، يدەيا مەن ارەكەتتى پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىمەن بىرلىككە كەلتىرىپ، اناعۇرلىم اسقاق جىگەرمەن، اناعۇرلىم ناقتى ستيلمەن، اناعۇرلىم پارمەندى شارالارمەن رەفورمانى ونان ارى جاپپاي تەرەڭدەتۋدىڭ جاڭا جاعدايىن ۇزدىكسىز اشامىز.
اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى:
شىت جاڭا رەفورما يدەياسىمەن امالياتقا جەتەكشىلىك ەتەمىز
7 ـ ايدىڭ 21 ـ كۇنى اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ (كەڭەيتىلگەن) ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزدى، ۇيرەندى.
اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي حۇڭبين مىنالاردى ٴبىلدىردى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە اۆتونوميالى رايوندىق پارتكومنىڭ قاتىستى ورنالاستىرۋلارىن، تالاپتارىن پارتيا باسشىلىق گرۋپپاسىنىڭ نازاريا ۇيرەنۋ وزەكتى گرۋپپاسى، ٴار دارەجەلى پارتيا ياچەيكالارى سياقتىلاردىڭ ۇيرەنۋ جوسپارىنا ەنگىزىپ، پارتيا مۇشەلەرىن، كادرلاردى يدەيانى پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىمەن شىن مانىندە بىرلىككە كەلتىرۋگە جەتەكتەپ، كۇش ـ قۋاتتى جۇڭگو ۇلگىسىندەگى وسىزامانداندىرۋدى ىلگەرىلەتۋدە بەلگىلەنگەن نىسانا ـ مىندەتتەردى جۇزەگە اسىرۋعا ۇيىستىرامىز، باسشى كادرلار الدىمەن ۇيرەنىپ، ىشكەرىلەي ۇيرەنىپ، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن، ناقتى ونىمدىلىككە قول جەتكىزۋىن ىلگەرىلەتۋىمىز كەرەك.
ٴماجىلىس مىنالاردى تالاپ ەتتى: رەفورما قابىلەتى مەن ونەرىن ونان ارى جوعارىلاتىپ، نازاردى جوعارى دارەجەلى ورىندار نازار اۋدارىپ وتىرعان، كاسىپورىندار مەن بۇقارا كوڭىل ٴبولىپ وتىرعان، نەگىزگى ساتى ٴجىتى قاداعالاپ وتىرعان قولامتالى، قيىن ماسەلەلەرگە شوعىرلاندىرىپ، كاسىپ رەفورماسى قىزمەتىن جۇيەلى زەرتتەپ، مەحانيزمدى اقاۋسىزداندىرىپ، كەمەلدەندىرىپ، وي جەلىسىن، شارالاردى ايقىنداپ، اناعۇرلىم كوپ ”كىشى ـ گىرىم“ رەفورمالاردى جوسپارلاپ، اتقارىپ، ٴتۇيىندى كورنەكتىلەندىرىپ، تاقىرىپتىق زەرتتەۋ جۇرگىزىپ، تۇرعىن ٴۇي جانە قالا، اۋىل قۇرىلىسى سالاسىنداعى كوشىرىپ قولدانۋعا، جالپىلاستىرۋعا بولاتىن جاڭالىق اشۋ قىزمەت مىسالدارى مەحانيزمىنەن ويداعىداي پايدالانىپ، ٴتۇرلى رەفورما شارالارىنىڭ قاداعالانۋىنا، جارامدى بولۋىنا، پايدالانىلۋىنا شىنايى كەپىلدىك ەتۋ كەرەك.
اۆتونوميالى رايوندىق قاتىناس ـ تاسىمال مەڭگەرمەسى:
ناقتى ٴىس ىستەۋ ارقىلى جاۋاپ قايتارىپ، ناقتى ناتيجەمەن ەمتيحان تاپسىرامىز
7 ـ ايدىڭ 23 ـ كۇنى اۆتونوميالى رايوندىق قاتىناس ـ تاسىمال مەڭگەرمەسى ارناۋلى تاقىرىپتىق پارتكوم ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىن جەتكىزىپ، ۇيرەنىپ، دايەكتىلەندىرىپ، ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى.
”پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتەمىز“، ـ دەدى اۆتونوميالى رايوندىق قاتىناس ـ تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ.
اۆتونوميالى رايوندىق قاتىناس ـ تاسىمال مەڭگەرمەسى جالپى ٴماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى وراي ەتىپ، تۇتاس جىلدىق قاتىناس تۇراقتى مۇلكىنە قارجى قوسۋ نىسانا ـ مىندەتتەرىن كوزدەپ، 3 ـ توقسانداعى قۇرىلىس جۇرگىزۋدىڭ التىن مەزگىلىن مىقتاپ يگەرىپ، قىزمەت ٴادىسىن ساپالىلاندىرىپ، قىزمەت ونىمدىلىگىن جوعارىلاتىپ، نىسان قۇرىلىسىن بار كۇشپەن ىلگەرىلەتەدى. شينجياڭ قىزمەتىنىڭ مەملەكەتتىڭ جالپى جاعدايىنداعى ستراتەگيالىق ورنىن مىقتاپ ارقاۋ ەتىپ، ازيا ـ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋ ورنالاسىمىنا بەلسەندى، ىرىقتى تۇردە قىزمەت ەتىپ، اۆتونوميالى رايوننىڭ جوعارى دەڭگەيدە سىرتقا ەسىك اشۋىنا جانە ”ٴبىر بەلدەۋ، ٴبىر جولدى“ بىرگە قۇرۋىنا قاتىناس كۇشىن قوسادى؛ نازاردى قاتىناس ـ تاسىمالدا رەفورمانى جاپپاي تەرەڭدەتۋدەگى ٴتۇيىندى سالالارعا شوعىرلاندىرىپ، قاتىناس ـ تاسىمالدىڭ جوعارى ساپالى دامۋىنىڭ قوزعاۋشى كۇشىن، ومىرشەڭدىك كۇشىن ۇزدىكسىز كۇشەيتىپ، قاتىناستا قۋاتتى ەلدى جەدەل قۇرۋدىڭ شينجياڭ تاراۋىن ويداعىداي جازادى.
اۆتونوميالى رايوندىق سۋ يگىلىگى مەڭگەرمەسى:
سۋ يگىلىگىنىڭ ٴتۇيىندى سالالارىندا رەفورمانى ۇزدىكسىز تەرەڭدەتەمىز
7 ـ ايدىڭ 19 ـ كۇنى اۆتونوميالى رايوندىق سۋ يگىلىگى مەڭگەرمەسى پارتيا باسشىلىق گرۋپپاسىنىڭ ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەندى، ۇگىتتەدى، دايەكتىلەندىردى، تياناقتاندىردى. اۆتونوميالى رايوندىق سۋ يگىلىگى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جياۋ چۋانشي مىنالاردى ٴبىلدىردى: يدەيا مەن ارەكەتتى جالپى ٴماجىلىستىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ٴسوزىنىڭ رۋحىمەن شىنايى بىرلىككە كەلتىرىپ، جالپى ٴماجىلىس رۋحىنىڭ سۋ يگىلىگى مەڭگەرمەسىندە تياناقتانىپ، ونىمدىلىك كورسەتۋىن ىلگەرىلەتەمىز.
ٴماجىلىس مىنالاردى باسا دارىپتەدى: سۋ يگىلىگى ىستەرىنىڭ ”15 ـ بەسجىلدىق“ جوباسى مەن كەلەلى جوبالاردى جاساۋدا، سۋ يگىلىگى ٴتۇزىلىسى، مەحانيزمى رەفورماسىن تەرەڭدەتۋدە، سۋدى زاڭ بويىنشا تىزگىندەۋدى ىلگەرىلەتۋدە، ساياسات ـ شارالاردى زەرتتەپ بەلگىلەۋدە، قىزمەتتەردى ورنالاستىرۋدا، پارتيا ورتالىق كوميتەتىنىڭ ايقىن تالاپتارىن قاتاڭ دايەكتىلەندىرىپ، ماسەلەلەرگە وي جۇگىرتۋدە، شەشىم جاساۋدا، تياناقتاندىرۋدى يگەرۋدە سانالى تۇردە ولشەمگە، ۇلگىگە تۋرالانۋ كەرەك.
ٴماجىلىس مىنالاردى تالاپ ەتتى: سۋ يگىلىگىنىڭ ٴتۇيىندى سالالارىنداعى رەفورمانى ۇزدىكسىز تەرەڭدەتىپ، سۋ يگىلىگى قۇرىلىسى قورى، سۋ باسقارۋ ٴتۇزىلىسى، اۋىل شارۋاشىلىعى سۋ باعاسى كەشەندى رەفورماسى سىندى ”ٴۇش ۇلكەن رەفورمانى“ جەدەل ىلگەرىلەتىپ، قارجى قوسۋ، قارجى قۇراۋ ٴتۇزىلىس ـ مەحانيزمىن ۇزدىكسىز كەمەلدەندىرىپ، سۋ يگىلىگى عىلىم ـ تەحنيكاسىندا جاڭالىق اشۋدى كۇشەيتىپ، نازاردى سۋدى ۇنەمدەۋ، سۋدى مولايتۋ، سۋ قويمالارىن تازالاۋ، ەكولوگياعا پايدالانىلاتىن سۋ، تۇشتىلاۋ سۋدان پايدالانۋ سياقتى ٴتۇيىندى تاقىرىپتاردان بىرلەسىپ قامال الۋعا شوعىرلاندىرىپ، سۋ يگىلىگىنىڭ جوعارى ساپالى دامۋىنىڭ جاڭا ونىمدىلىكتەرى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە سۋ يگىلىگى ۇلەسىن قوسۋ كەرەك.
اۆتونوميالى رايوندىق ساۋدا ىستەرى مەڭگەرمەسى:
تۇزىمدىك ەسىك اشۋدى ورنىقتى قاداممەن كەڭەيتەمىز
7 ـ ايدىڭ 22 ـ كۇنى اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ (كەڭەيتىلگەن) ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزىپ، دايەكتىلەندىرۋ، تياناقتاندىرۋ قىزمەتىن اقىلداسىپ ورنالاستىردى.
جالپى ماجىلىستە ەسىك اشۋ _ جۇڭگو ۇلگىسىندەگى وسىزامانداندىرۋدىڭ ايقىن بەلگىسى دەپ العا قويىلدى. شينجياڭ سىرتقا ەسىك اشۋدى بەلسەنە كەڭەيتۋ جانە كوپ سالاداعى حالىقارالىق سەلبەستىكتى ورىستەتۋ ارقىلى كورنەكتى ونىمدىلىككە قول جەتكىزىپ، ەكونوميكانىڭ جوعارى ساپالى دامۋىنا بەرىك نەگىز قالادى. بيىل الدىڭعى جارتى جىلدا شينجياڭنىڭ سىرتقى ساۋدا يمپورت ـ ەكسپورت جالپى قۇنى 220 ميلليارد 630 ميلليون يۋان حالىق اقشاسى بولىپ، سايكەس مەزگىلدەگىدەن %48.4 ارتىپ، ارتۋ جىلدامدىعى بۇكىل ەل بويىنشا 2 ـ ورىندى يەلەپ، تاريحتاعى سول تۇستاعى تىڭ دەڭگەيدى جاراتتى.
”پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى جۇڭگو ۇلگىسىندەگى وسىزامانداندىرۋ قۇرىلىسىن ىشكەرىلەي ىلگەرىلەتۋ جونىندە جاڭا ستراتەگيالىق ورنالاستىرۋ جاسادى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان مىنالاردى ٴبىلدىردى: بۇدان كەيىن شينجياڭنىڭ ەكونوميكالىق، قوعامدىق دامۋىنىڭ ٴىس جۇزىندىك جاعدايىمەن ۇشتاستىرىپ، جالپى ٴماجىلىستىڭ رۋحىن ىشكەرىلەي ويداعىداي ۇيرەنىپ، دايەكتىلەندىرىپ، تياناقتاندىرىپ، تۇزىمدىك ەسىك اشۋدى ورنىقتى قاداممەن كەڭەيتىپ، سىرتقى ساۋدا ٴتۇزىلىسى رەفورماسىن تەرەڭدەتىپ، شەتەل ساۋداگەرلەرىنىڭ قارجى قوسۋ جانە شەتەلگە قارجى قوسۋدى باسقارۋ ٴتۇزىلىسى رەفورماسىن تەرەڭدەتىپ، وڭىرلىك ەسىك اشۋ ورنالاسىمىن ساپالىلاندىرىپ، شينجياڭنىڭ ازيا ـ ەۆروپا التىن ارناسى مەن ەلىمىزدىڭ باتىسقا ەسىك اشۋداعى الدىڭعى شەبى ماڭىزدى ورنىن مىقتاپ يگەرىپ، ”ٴبىر بەلدەۋ، ٴبىر جول“ وزەكتى رايونىن بىرگە قۇرۋ قۇرىلىسىندا شينجياڭنىڭ ساۋدا ىستەرى كۇشىن بەلسەنە قوسامىز.
اۆتونوميالى رايوندىق سالىق ىستەرى مەكەمەسى:
”ٴونىمدى سالىق ىستەرىن“ تۇلعالايمىز
7 ـ ايدىڭ 19 ـ كۇنىنەن بەرى، اۆتونوميالى رايوندىق سالىق ىستەرى مەكەمەسى پارتكومى پارتكومنىڭ (كەڭەيتىلگەن) ٴماجىلىسىن، پارتكومنىڭ نازاريا ۇيرەنۋ وزەكتى گرۋپپاسىنىڭ ۇيرەنۋ ٴماجىلىسىن ىركەس ـ تىركەس اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزدى، ۇيرەندى، شينجياڭنىڭ سالىق ىستەرى جۇيەسىنىڭ دايەكتىلەندىرۋ، تياناقتاندىرۋ شارالارىن اقىلداسىپ ورنالاستىردى.
ٴماجىلىس مىنالاردى اتاپ كورسەتتى: «قاۋلى» قازىنا ـ سالىق ٴتۇزىلىسى رەفورماسىن تەرەڭدەتۋدى ارقاۋ ەتىپ، مەجە ەسەپ ٴتۇزىمىن اقاۋسىزداندىرۋ، سالىق ٴتۇزىمىن اقاۋسىزداندىرۋ، ورتالىق پەن جەرگىلىكتى ورىنداردىڭ قازىنا قاتىناسىن كەمەلدەندىرۋ سياقتى جاقتاردا ماڭىزدى ورنالاستىرۋ جاساپ، قازىنا ـ سالىق ٴتۇزىلىسى رەفورماسىن اناعۇرلىم تەرەڭدەتۋگە ايقىن العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەدى.
ٴماجىلىس مىنالاردى تالاپ ەتتى: بۇكىل شينجياڭداعى سالىق ىستەرى جۇيەسى جالپى ٴماجىلىستىڭ رۋحىنا سانالى تۇردە تۋرالانىپ، سالىقتى زاڭ بويىنشا باسقارۋدى اناعۇرلىم تەرەڭدەتىپ، سالىقتى سان ارقىلى باسقارىپ، سالىقتى قاتاڭ باسقارىپ، ”ٴونىمدى سالىق ىستەرىن“ تۇلعالاۋعا تاباندى بولىپ، رەفورما مىندەتتەرىن تارماقتار، تۇرلەر بويىنشا تياناقتاندىرىپ، سالىقتىڭ مەملەكەتتى باسقارۋداعى نەگىزدىك سيپاتتى، تىرەكتىك سيپاتتى، قامتاماسىزدىق سيپاتتى رولىن اناعۇرلىم ويداعىداي ساۋلەلەندىرىپ جانە كەڭەيتىپ، دەڭگەيىن جوعارىلاتىپ، ۋاقىت كۇتىپ تۇرمايدى دەيتىن كوكەي تەستىلىك سەزىممەن جانە ٴاردايىم قام جەپ تۇراتىن جاۋاپكەرشىلىك سەزىممەن سوڭعى جارتى جىلداعى سالىق قىزمەتىن بار كۇشپەن ويداعىداي ىستەپ، سالىقتى وسىزامانداندىرۋ ارقىلى جۇڭگو ۇلگىسىندەگى وسىزامانداندىرۋعا قىزمەت وتەۋدىڭ شينجياڭ تاراۋىن قۇلشىنا جازۋ كەرەك.
شينجياڭ اۋىل ـ قىستاق امانات ـ قارىز كووپەراتيۆى:
اۋىل ـ قىستاق امانات ـ قارىز كووپەراتيۆىنىڭ ٴبىر تۇتاس زاڭدىق يە رەفورماسىن ىلگەرىلەتەمىز
7 ـ ايدىڭ 23 ـ كۇنى شينجياڭ اۋىل ـ قىستاق امانات ـ قارىز كووپەراتيۆى كادرلار جينالىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزدى، ۇيرەندى، دايەكتىلەندىردى، شينجياڭ اۋىل ـ قىستاق امانات ـ قارىز كووپەراتيۆى بىرلەسكەن كووپەراتيۆى پارتكومىنىڭ شۋجيى جىڭ يۇيفىڭ ٴماجىلىستى باسقاردى ٴارى جالپى ٴماجىلىستىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە ورنالاستىرۋ جاسادى.
ٴماجىلىس مىنالاردى باسا دارىپتەدى: نازاردى حاۋىپ ـ قاتەردى جويۋعا، ٴبىر جاقتى ەتۋگە شوعىرلاندىرىپ، جۇيەلىك حاۋىپ ـ قاتەر تۋىلماۋ تومەنگى شەگىن باتىل ساقتاۋ؛ نازاردى رەفورمانى تەرەڭدەتۋگە شوعىرلاندىرىپ، تۇتاس اۆتونوميالى رايونىمىزداعى اۋىل ـ قىستاق امانات ـ قارىز كووپەراتيۆتەرىنىڭ ٴبىر تۇتاس زاڭدىق يە رەفورماسىن بار كۇشپەن ىلگەرىلەتۋ؛ نازاردى قۇرىلىمدى رەتتەۋگە شوعىرلاندىرىپ، ”پارتيا قۇرىلىسى ارقىلى جەتەكشىلىك ەتۋ + اقىل ـ پاراساتتىق سەنىمدىلىك“ تۇتاس قىستاق بويىنشا سەنىمدىلىك بەرۋ جاڭا ۇلگىسىن جالپىلاستىرۋدى، قولدانۋدى جانە ينتەرنەت جەلىسىندەگى جالپىعا ٴتيىمدى جەلىلەس ونىمدەردىڭ پايدالانۋشىلارىن مولايتۋدى، كولەمىن كەڭەيتۋدى تىڭعىلىقتى، ويداعىداي ىستەۋ؛ نازاردى ىشكى تىزگىندەۋگە، باسقارۋعا شوعىرلاندىرىپ، ىشكى تىزگىندەۋدىڭ ەرەجەگە ۇيلەسەتىن باياندى مەحانيزمىن ۇزدىكسىز كەمەلدەندىرىپ، شوعىرلى ىسكە قوسۋدى الدىن الا جوبالاپ، ەگجەي ـ تەگجەيلى باسقارۋ دەڭگەيىن كۇشەيتۋ؛ نازاردى پارتيا قۇرىلىسى ارقىلى جەتەكشىلىك ەتۋگە شوعىرلاندىرىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى پارتيا ٴتارتىبىن ۇيرەنۋ تاربيەسىمەن، شارلاپ رەتتەۋ ـ تۇزەتۋمەن، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋمەن، دەلو ارقىلى تۇزەتۋدى جەبەۋمەن جانە كۇندەلىكتى قىزمەتپەن ۇشتاستىرىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن ۇزدىكسىز ىلگەرىلەتۋ كەرەك.
(ٴتىلشى حي حۇڭۋي، قاتىناسقان تىلشىلەر ۋاڭ يايۇن، لۋ فىڭباۋ، كاڭ حاۋيان، جاۋ يۋە، ران حۋ)