تۇركيا مەديا قىزمەتكەرلەرى قاشقاردى ايرىقشا القادى:

　　بۇل ٴبىر ومىرشەڭدىككە تولى قالا ەكەن

　　□ انار بۇلت \ شينجياڭ گازەتىنىڭ ٴتىلشىسى سۇڭ حايبو

”قاشقارعا بارىپ ساياحاتتامايىنشا، شينجياڭعا باردىم دەمەڭىز“. 8 ـ ايدىڭ 12 ـ كۇنى T24 اقپارات سايتىنىڭ ارناۋلى ستون جازۋشىسى اسىلحان اتاسوي قاشقار بايىرعى قالا كوشەسىنەن وسى ٴسوزدى تالاي رەت كوزى شالىپ، نازارى اۋىپ، جانىنداعى ساياحات جول باستاۋشىسىنان ونىڭ ٴمانىن سۇراپ ۇعىسقاننان كەيىن، ول: ”بۇل ٴسوز مەنىڭ دە جۇرەك ٴۇنىمدى جەتكىزدى“، ـ دەدى.

سول كۇنى ”كوركىنە كوز تويمايتىن شينجياڭ“ ينتەرنەتتە تاراتۋ قيمىلىنداعى تۇركيادان كەلگەن 11 مەديا قايراتكەرى قاشقار قالاسىنا كەلدى. وسى رەتكى ساپاردىڭ سوڭعى بەكەتى رەتىندە، ومىرشەڭدىككە تولى قاشقار ولارعا تەرەڭ اسەر قالدىردى.

قاشقار بايىرعى قالاسىندا كونەنىڭ كوزىندەي بايىرعى، قاراپايىم قۇرىلىستار، كوزدىڭ جاۋىن الاتىن قولونەر بۇيىمدارى، حوش ٴيىسى اڭقىعان ٴدامدى تاعامدار ارلى ـ بەرلى وتكەن ساياحاتشىلاردى وزىنە باۋرادى. كەتپەنبازار تەمىرشىلىك كووپەراتيۆىندە تارسىلداعان تەمىر جابدىقتاردىڭ ٴوزارا سوعىلىسۋىنان شىققان داۋىس تولاستامادى، حاليجي حالىقارالىق اعىم جاڭالىقتارى مەدياسىنىڭ فوتوشىسى بۇلاق ديۋارچي تەمىر بۇيىمداردى جاساۋعا قىزىعىپ، توقتاۋسىز سۋرەتكە ٴتۇسىردى. ”بۇل ارادا ٴداستۇرلى تەمىر جابدىق جاساۋ ٴادىسى ساقتالعان، دەرەكتى فوتو سۋرەت تاقىرىبى ماتەريالى ەتۋگە ۇيلەسەدى، مەن تەمىرشىلەردىڭ تەمىر سوعۋ ارەكەتىنىڭ قىرپۋلى ەكەندىگىن بايقادىم، بۇل ماعان ٴداستۇرلى ونەردىڭ قۇدىرەتىن سەزىندىردى“.

بۇدان سىرت، قاشقار بايىرعى قالاسىنىڭ مىس ىدىستارى، اعاش جابدىقتارى، قولونەر مۋزيكا اسپاپتارى، وجاۋقاباق ورنەگى سياقتى ٴتۇرلى ٴداستۇرلى بەيزاتتىق مادەنيەت مۇرالارى شەبەرلىكتەرى دە تۇركيا مەديا قايراتكەرلەرىنىڭ نازار اۋداراتىن تۇيىنىنە اينالدى. اعاش جابدىقتار بازارىندا قولونەرشىلەر مارك قالام، دانەكەرلەۋ قالامى، ويما پىشاعى سياقتى سايمانداردى الىپ، وجاۋقاباقتىڭ ۇستىنە ارلەپ نوباي سالا باستادى، سايماننىڭ وجاۋقاباقتىڭ ۇستىندە ارلى ـ بەرلى جورعالاۋىمەن اسەم دە وزگەشە ورنەكتەر وجاۋقاباقتىڭ سىرتقى بەتىندە ايشىقتالا باستادى. بۇل كورىنىس كۇندىك گازەتىنىڭ باس رەداكتورى يبىراھيم ۋاريلدى وزىنە باۋرادى. ”بۇل مەنىڭ وجاۋقاباققا سۋرەت سالۋدى تۇڭعىش رەت كورۋىم، وتە كەرەمەت ەكەن، بىرنەشە سايمان ارقىلى ـ اق وجاۋقاباقتى ادەمى كوركەمونەر بۇيىمىنا اينالدىردى“.

تۇركيا مەديا قايراتكەرلەرى قاشقار قالاسىنىڭ بايىرعى قالا رايونىن قورعاۋ، جان ـ جاقتى وڭاۋ ەسكەرتكىش سارايىن ەكسكۋرسيالاعاندا، قاشقار بايىرعى قالاسىنىڭ دۇنيە جۇزىندە قازىرگە دەيىن ساقتالعان ەڭ ۇلكەن شيكى توپىراق قۇرىلىس شوعىرىنىڭ ٴبىرى ەكەندىگىن، بايىرعى قالادا قىم ـ قۋىت كۇردەلى كوشەلەرى مەن قاباتتارى ايقىن سالىنعان قۇرىلىستار بار ەكەنىن، جۇڭگوداعى بىردەن ـ ٴبىر جاقسى ساقتالعان شىتىرمان ساراي ۇلگىسىندەگى قالا كوشەسى ەكەنىن ۇعىستى. قازىر بۇل ارا اشىق ساياحات كورىنىس وڭىرىنە اينالىپتى.

”ۇكىمەت بايىرعى قالانى وتە جاقسى قورعاپتى“. سارايدى ەكسكۋرسيالاعاندا حاليجي حالىقارالىق اعىم جاڭالىقتارى مەدياسىنىڭ رەجيسسەرى سەركان كوچي بايىرعى قالانىڭ قازىرگى وزگەرىسىنە تاڭ قالدى. ”قاشقار بايىرعى قالاسىنىڭ قاتەرلى، كونە ۇيلەرىن وزگەرتىپ سالۋ وراسان زور ادام كۇشىن، زاتتىق كۇشتى قاجەت ەتەتىن ينجەنەريا، الايدا جۇڭگو ۇكىمەتى مۇنى ورىنداي الدى، بايىرعى قالادا تۇرمىس كەشىرىپ جاتقان ٴار ۇلت حالقى، ٴسوز جوق، وتە باقىتتى، ويتكەنى ولاردا كورىكتى وتباسى بار“.

تۇركيا مەديا قايراتكەرلەرى تاعى يپارحان باقشاسى كورىنىس رايونى سياقتى جەرلەرگە بارىپ، قاشقاردىڭ باي تاريحىن، مادەنيەتىن ىشكەرىلەي ۇعىستى. يبىراھيم ۋاريل بىلاي دەدى: ”بۇرىن قاشقاردى ەستىگەن بولاتىنمىن، بۇل جولى وسىناۋ مەكەنگە كەلىپ، ونىڭ وسىزاماندانعان دامۋىنا تاڭ قالدىم. ٴتۇن شىمىلدىعى جابىلعاننان كەيىن دە كوشە ـ كوشەلەردەن شاتتىق ٴۇنى كوتەرىلىپ، ادامدار ٴان ايتىپ، ٴبي بيلەپ، تۇرمىستان ٴلاززات الادى ەكەن، بۇل قالا تىرشىلىك تىنىسى مەن ومىرشەڭدىككە تولى ەكەن“.