تۇرپان

　　ٴجۇزىم مەرەكەسى باستالدى

انار بۇلت\شينجياڭ گازەتىنىڭ ٴتىلشىسى سارىنا 8 ـ ايدىڭ 17 ـ كۇنى تۇرپاننان حابارلايدى. ”تاماشا ەكەن، تاڭ قالدىم! ۇشقىش اپپاراتتىڭ ويىن كورسەتكەنىن تۇڭعىش كورۋىم ەكەن“، ـ دەدى 8 ـ ايدىڭ 16 ـ كۇنى كەشتە تۇرپان قالاسى گاۋچاڭ رايونىنىڭ تۇرعىنى ياڭ ياڭ تەبىرەنە. سول كۇنى كەشكى ساعات 10 مولشەرىندە گاۋچاڭ رايونىنىڭ ساياحات ـ مادەنيەت الاڭىنا الۋان ٴتۇرلى شىراقتار كورىك قوستى. ”تۇرپاننىڭ ٴجۇزىمى پىستى“ 30 ـ كەزەكتى جۇڭگو جىبەك جولى تۇرپان ٴجۇزىم مەرەكەسى وسى ارادا سالتاناتپەن باستالدى.

اشىلۋ سالتى ”ٴجۇزىم قالاسىن نۇرلاندىرۋ“ اتتى ۇشقىش اپپارات كولەمدى ساعىم سالتاناتىمەن باستالدى، 1000 ۇشقىش اپپارات تارتىپپەن ٴتىزىلىپ، قىسقا عانا 10 مينۋت ىشىندە 10 نەشە ٴتۇرلى ٴپىشىن قۇراپ، كورەرمەندەردى كورىنىس سالتاناتىمەن تاڭ قالدىردى. بۇدان سىرت، جارقىلداق ويىنى، سوقپالى اسپاپتار كونسەرتى، ٴان ـ ٴبي، ٴجۇزىم نەگىزگى تاقىرىبىنداعى كيىم ـ كەشەك سالتاناتى سياقتى تارتىمدى نومىرلەر ارت ـ ارتىنان قويىلدى.

بۇل رەتكى ٴجۇزىم مەرەكەسىندە ”تۇرپاننىڭ ٴجۇزىمى پىستى“ نەگىزگى تاقىرىپ بولدى، 4 نەگىزگى قيمىل، 18 جەلىلەس قيمىل ورنالاستىرىلدى، مۇنىڭ ىشىندە ”وتتى القاپ ساپارى · ٴتاتتى دامگە جول الۋ“ كارنەۆالى ارالاپ ساياحاتتاۋ قيمىلى تۇڭعىش ٴجۇزىم مەرەكەسىنەن كەيىن جالعاسقان ەكىنشى رەتكى كولەمدى ارالاپ ساياحاتتاۋ بولىپ تابىلادى، ارالاپ ساياحاتتاۋعا قاتىناسقان اۆتوموبيل اترەتى تۇرپاننىڭ 30 جىلدان بەرگى دامۋ وزگەرىسىن ايگىلەيدى. مۇنان سىرت، تۇرپان ٴجۇزىمى، مەيىز، ٴجۇزىم شارابى، مادەنيەت جاسامپازدىعى ونىمدەرى سياقتى ”تۇرپاننىڭ تارتۋ ـ تارالعىسىن“ ساراپتاۋ، كورمەگە قويۋ، ساتۋ قيمىلدارى، ”بالداي ٴتاتتى قوناعاسى“ تۇرپان ٴدامدى تاعامدارى جاسامپازدىعى جارىسى، 2024 ” ٴبىر بەلدەۋ، ٴبىر جول“ 6 ەلدىڭ بوكس پاتشاسى جارىسى (تۇرپان بەكەتى)؛ تۇرپاننىڭ زەرتتەۋ، ۇيرەنۋ، ساياحاتتاۋ بويىنشا باستان كەشىرۋ قيمىلى سياقتى تارتىمدى جەلىلەس قيمىلدار وتكىزىلەدى.

تۇرپان قالالىق مادەنيەت، دەنە تاربيە جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى ياڭ يۇڭ بىلاي دەدى: ”ٴجۇزىم مەرەكەسى تۇرپاننىڭ مادەنيەت پەن ساياحاتتى توعىستىرا دامىتۋ، ونىمدەردىڭ كاسىپ كۇيىن بايىتۋ، ساياحات ارقىلى حالىققا تيىمدىلىك جاساۋدى جەبەۋ سياقتى جاقتاردا قول جەتكىزگەن تىڭ ىلگەرىلەۋشىلىكتەرىنىڭ، جاڭا ناتيجەلەرىنىڭ شوعىرلى ايگىلەنۋى. بۇدان كەيىن ٴبىز تۇرپاننىڭ مادەنيەت ـ ساياحاتىنىڭ باۋراۋ قۋاتىن، كاسىپ كۇيىنىڭ قامداۋ قۋاتىن، كاسىپ باسەكەلىك قۋاتىن ۇزدىكسىز جوعارىلاتىپ، مادەنيەت پەن ساياحاتتىڭ تەرەڭدەي توعىسۋىن كۇش سالا جەبەيمىز“.