كونە تانىمالى ماركا جاڭاردى

　　بۇل توقىماشىلىق كاسىپورنى ٴۇش ادىسپەن ونىمدەردى قايتا جانداندىرىپ، ەلگە تانىتتى

　　انار بۇلت \ شينجياڭ گازەتىنىڭ ٴتىلشىسى لي ياڭ

”دۇكەندەرىنىڭ وسىنشاما زاماناۋي بولىپ وزگەرگەنىن مۇلدە ويلاماپپىن، ونىمدەرىنە دەگەن تۇسىنىگىم بۇكىلدەي وزگەردى، مىنا سياقتى ٴتۇبىتتى پالتونىڭ ماتەريالى مەن جوبالانۋى حالىقارالىق تانىمال ماركالاردان قالىسپايدى“. 8 ـ ايدىڭ 13 ـ كۇنى تۇستەن كەيىن شينجياڭ تيانشان ٴجۇن توقىماشىلىعى جارنا شەكتى سەرىكتەستىگىنىڭ (تومەندە قىسقارتىلىپ ”تيانشان توقىماشىلىعى“ دەلىنەدى) ونىمدەردى كورمەلەۋ ورتالىعى جانە تيانشان ماركاسى جەتەكشى دۇكەنىندە شاڭحايلىق ساياحاتشى ليۋ يەمين تيانشان توقىماشىلىعىنىڭ ونىمدەرىن ايرىقشا ماقتادى، ول جاڭا ۇلگىدەگى قايىرما جاعالى قوس تىستى، قوس رەڭدى ٴتۇبىت پالتو ساتىپ الدى.

ليۋ يەمين زات ساتۋشىعا ٴوزىنىڭ 16 جىلدىڭ الدىندا ۇرىمجىگە ىسساپارمەن كەلىپ، دوسىنىڭ تانىستىرۋىمەن تيانشان توقىماشىلىعى سارا ونىمدەرى دۇكەنىنە كەلىپ ٴتۇبىت پوپايكا ساتىپ العانىن ايتتى، ”سول ٴتۇبىت پوپايكانىڭ ساپاسى وتە جاقسى، تۇتەلەنبەيدى“. بيىل ول تاعى شينجياڭعا ساياحاتتاپ كەلەدى، قىزى وعان شياۋحۇڭشۋداعى ”اسىل قازىنا دۇكەنى“ _ تيانشان ماركاسى جەتەكشى دۇكەنىن تانىستىرادى، ”ويلاماعان جەردەن بۇرىن دا كەلگەن بولىپ شىقتىم، وتە جاقسى ەكەن“، ـ دەدى ليۋ يەمين.

بيىل الدىڭعى 7 ايدا تيانشان توقىماشىلىعىنىڭ تيجارات كىرىسى 280 ميلليون يۋان بولدى، تۇتاس جىلدىق تيجارات كىرىسى 460 ميلليون يۋانعا جەتىپ، وتكەن جىلداعىمەن سالىستىرعاندا، %47 ارتاتىندىعى مەجەلەنىپ وتىر. ٴتۇبىت كاسىپ سالاسىنىڭ ”التىن قىركۇيەك، كۇمىس قازان“ ايى بولعان تۇتىنۋدىڭ قاۋىرت مەزگىلى ٴالى كەلمەي جاتىپ، ساتىلىم كۇسەت بولدى.

شينجياڭنىڭ ”كونە تانىمالى ماركاسى“ تيانشان توقىماشىلىعى قايتا وركەندەپ، ەلگە تانىلۋدا نەگە سۇيەندى؟

عىلىم-تەحنيكامەن كۇش قوستى

جاڭالىق اشۋ ارقىلى جول تاپتى

تيانشان ماركاسى جەتەكشى دۇكەنىنىڭ ٴبىرىنشى قاباتىندا رەڭى اشىق، قولعا وتە جەڭىل، جۇقا سەزىلەتىن، ۇلگىسى قاراپايىم كەلگەن شولاق جەڭ جەيدەلەر ايرىقشا كوز تارتادى.

”بۇل بيىلعى الارماندارعا ٴتۇيىندى تانىستىرىلاتىن شەبەر توقىلعان شولاق جەڭ ٴتۇبىت جەيدە، كىر جۋعىش ماشينامەن جۋسا دا بولادى، بىرىسپايدى، كىر كوتەرەدى، تەر ٴسىمىرىپ، اۋا وتكىزىپ تۇرادى“، ـ دەدى وسى دۇكەننىڭ باستىعى باي حۋان، بۇل سەرىكتەستىك زەرتتەپ جاساعان جاڭا ٴونىم، ٴجىپتىڭ شيراۋىنىڭ الدى الىنعاندىقتان، تارىلمايدى، قالپى وزگەرمەيدى.

تيانشان توقىماشىلىعى پارتكومىنىڭ شۋجيى، القا باستىعى ليۋ جۇڭبيننىڭ ۋيشين دوستار شەڭبەرىندە ”يوۋزىجىحۋا“ اتتى لوپنۇر كەندىرى مەن ٴتۇبىت ارالاس توقىلعان جەيدەنى تانىستىرىلۋدا. بۇل ۇلگىدەگى ٴونىم %30 لوپنۇر كەندىرى تالشىعى مەن %70 ەشكى ٴتۇبىت تالشىعىنان ارالاس توقىلعان، ىلعالدى ٴسىمىرۋ، باكتەرياعا قارسى تۇرۋ رولى بار، ”2024 ـ جىلعى 10 ٴىرى تۇردەگى توقىماشىلىق جاسامپازدىعى ونىمىنە“ ٴوتىنىش ەتىلۋدە.

تانىمعا بۇكىلدەي وزگەرىس اكەلەتىن ٴونىمىنىڭ استارىندا عىلىم ـ تەحنيكانىڭ قولداۋ كورسەتۋى جاتىر.

1980 ـ جىلى قۇرىلعاننان بەرى، تيانشان توقىماشىلىعى _ شينجياڭ ٴجۇن توقىماشىلىعى كاسىپ سالاسىنداعى بىردەن ـ ٴبىر ٴتۇبىت شيكى ماتەريالىن ساتىپ الۋدى، ونىمدەردى زەرتتەپ اشۋدى، ٴوندىرۋ ـ وڭدەۋدى، ماركالى ونىمدەرىن ساتۋدى ٴبىر تۇلعالاندىرعان تۇتاس كاسىپ سالاسى تىزبەگىندىك كاسىپورىن.

الايدا تۇتىنۋشىلاردىڭ سۇرانىسىنىڭ الۋان تۇرلىلەنۋىنە ىلەسە، ٴبىر ۇلگىدەگى ٴتۇبىت جەيدەمەن بارلىق بازاردا ساۋداسى كۇسەت بولاتىن ٴداۋىر كەلمەسكە كەتتى، ليۋ جۇڭبين بىلاي دەدى: ٴونىمدى جاڭالايمىن دەسەڭ، الدىمەن، ٴسوز جوق، يدەيانى جاڭالاۋ كەرەك، تيانشان توقىماشىلىعى جاڭالىق اشۋعا سۇيەنىپ جول تاۋىپ، بازاردى باعدار ەتە وتىرىپ پارىقتى باسەكە ورىستەتتى.

تيانشان توقىماشىلىعىندا 71 ادامنان قۇرالعان عىلمي زەرتتەۋ قوسىنى بار، الدىڭعى جارتى جىلدا وسى سەرىكتەستىكتىڭ زەرتتەپ اشۋ ۇسىنىلىمى 4 ميلليون 912 مىڭ 600 يۋان بولىپ، زەرتتەپ اشۋ ۇسىنىلىمىنىڭ كۇشەمەلىلىگى %2.01 بولۋدى جۇزەگە اسىردى. شي ـ ان قۇرىلىس داشۋەسى سياقتى جوعارى مەكتەپتەرمەن سەلبەستىك ورىستەتىپ، پارىقتى، فۋنكتسيالانعان ٴتۇبىت جەلىلەس جاڭا ونىمدەرىن زەرتتەپ اشۋ تەبىنىن كۇشەيتتى. قازىر كەندىر مەن ەشكى تۇبىتى ارالاس توقىلعان جەلىلەس ونىمدەر، لوپنۇر كەندىرى مەن ەشكى ٴتۇبىتى ارالاس توقىلعان جەلىلەس ونىمدەر، ەرىگىش سيپاتتى ەشكى ٴتۇبىتى جەلىلەس ونىمدەرى، بويالعان ەشكى تۇبىتىنەن يىرىلگەن ٴجىپ، ٴىلىپ بويالعان ەشكى ٴتۇبىتتى پوپايكاسى سياقتى جاڭا ونىمدەردى زەرتتەپ اشۋ دابىرالى جۇرگىزىلۋدە.

جاڭا ۇلگىمەن جول اشتى

جوعارى دەڭگەيلەنۋگە بەتتەدى

اعاش رەڭدى ارتقى داۋالداعى سارعىلت ٴتۇستى شىراق نۇرى، تاپ ـ تازا جاسىل وسىمدىكتەر، باياۋ مۋزيكا جان جادىراتار ورتا قالىپتاستىرعان. تيانشان توقىماشىلىعى ٴونىم كورمەلەۋ ورتالىعى جانە تيانشان ماركاسى جەتەكشى دۇكەنىنىڭ ۇستىڭگى، استىڭعى ەكى قاباتىنداعى 2000 شارشى مەترگە جۋىق دۇكەن اۋماعىندا ٴتۇبىتتى نەگىز ەتكەن ٴتۇرلى كيىم ـ كەشەك ۇلگىلەرى 3000نان اسقان.

بۇل ارادا ٴتۇبىت پوپايكا، قوي ٴجۇنى پوپايكاسى، پالتو، جامىلعى سياقتىلار بار، تاعى شولاق جەڭ پوپايكا، جەيدە، كويلەك، جينسي شالبار سياقتى ٴتۇرلى جالاڭ ونىمدەر بار. جىبەك، شياڭيۇن ٴجىبى، كەندىر سياقتى تۇرلىشە ماتەريالدان تىگىلگەن كيىم ـ كەشەكتەر كوزدىڭ جاۋىن الادى. مەيلى قىزمەت ىستەۋ، بىرەۋلەرمەن كەزدەسۋ بولسىن، الدە ساۋدا ىستەرى، سەيىل ـ سەرۋەن بولسىن، ٴتۇرلى كيىنۋ سۇرانىسى وسى ارادان ٴبىر جولدا تولىق قاناعاتتانادى.

بۇرىن ”تيانشان“ ٴتۇبىت پوپايكانىڭ، قوي ٴجۇنى پوپايكاسىنىڭ ۋاكىلدىك اتى بولاتىن، جاستاردىڭ نازارىندا ٴتۇبىت پوپايكا ”انالار پوپايكاسى“ سانالادى. قازىر جاڭا ۇلگىدەگى جوبالاۋ جاستاردى وزىنە باۋرادى. باي حۋان بىلاي دەدى: كوپتەگەن داشۋە وقۋشىلارى جازعى دەمالىس كەزىندە وسى اراعا ارنايى كەلىپ كيىم ساتىپ الادى، كەيبىر ونىمدەر شياۋحۇڭشۋدا تانىستىرىلىپ، تۇتىنۋشىلار كورگەن سوڭ سىرت جەردەن ارنايى كەلىپ ساتىپ الاتىن بولدى.

ماركانى قايتا سومداۋ ٴۇشىن، تيانشان توقىماشىلىعى جوبالاۋ ۇستانىمىن جاڭالاۋمەن بىرگە، ينتەرنەت جەلىسىنەن تىس ارنانىڭ جانە تەرمينالدىڭ تيپ جاڭالاۋىن تەڭ قادامدا ىلگەرىلەتتى.

”بۇرىن ’تيانشان‘ اۋىزعا الىنسا، ادامدارعا ساۋدا سارايىنىڭ ەڭ ۇستىڭگى قاباتىنداعى توقىما بۇيىمدار اۋماعى، توڭىرەگىندە قارتتارعا ارنالعان كيىم ـ كەشەك ماركالارى اينالدىرا تىزىلگەن كورىنىس ەلەستەيتىن، مۇنداي وبرازدى، ٴسوز جوق، جاڭالاۋ كەرەك“، ـ دەدى ليۋ جۇڭبين، وتكەن جىلى تيانشان ماركاسى جەتەكشى دۇكەنى تيجارات باستادى، ٴماجىلىس ـ كورمە ۋ ـ يۋە الاڭىندا تيانشان ايەلدەر كيىم ـ كەشەگىنىڭ جالپى تاۋار تۇرىندەگى دۇكەنى ورنالاستىرىلىپ، ”تيانشان“ ماركا وبرازى جوعارى دەڭگەيلەنۋگە قاراي كوتەرىلدى.

قازىر تيانشان توقىماشىلىعىنىڭ بۇكىل ەلدە 200گە تارتا دۇكەنى بار. ليۋ جۇڭبين مىنالاردى ٴبىلدىردى: بيىل ٴۇرىمجى حالىقارالىق اۋەجايى T4 تەرمينالىنا دۇكەن ورنالاستىرۋ ٴارى ۋحان جۇڭشاڭ توبىمەن سەلبەستىك جاساسىپ، قاراستىلىعىنداعى زات ساتىپ الۋ ورتالىعىنا ىرگە تەبۋ سياقتىلاردى جوسپارلاپ وتىرمىز. كەلەسى كەزەكتە چۇڭچيڭ، چىڭدۋ، سونداي ـ اق بەيجيڭ، شاڭحاي، گۋاڭجوۋ سياقتى قالالاردا اناعۇرلىم كوپ جالپى تاۋار تۇرىندەگى دۇكەندەردى بىرتىندەپ ورنالاستىرامىز.

تەك بۇل عانا ەمەس، تيانشان توقىماشىلىعى ”ينتەرنەت + ماركادان“ تولىق پايدالانىپ، ينتەرنەت جەلىسىندە، ينتەرنەت جەلىسىنەن تىسقارى ساتۋ توعىستىرىلعان جاڭاشا بولشەك ساتۋ ۇلگىسىن ورناتتى، قازىر بۇل ماركانىڭ تيانماۋ، جيڭدۇڭ، دوۋيىن، كۋايشۋ سياقتى تۇعىرلاردىڭ بارىندە تىكە تاراتۋ بولمەسى بار. ٴار كۇنى 3 رەت تىكە تاراتادى، جانكۇيەرلەرى بارعان سايىن كوبەيۋدە.

مادەنيەت پەن ساياحاتتى توعىستىردى

ونىمدەر كورىنىس اۋماعىنا ەنگىزىلدى

8 ـ ايدىڭ 16 ـ كۇنى تۇستەن بۇرىن تۇرپان قالاسىنىڭ بۇيلۇق كورىنىس اۋماعىنداعى ”تيانشان“، ”GTS“ ماركا وبرازى جەتەكشى دۇكەنىندە بەيجيڭدىك ساياحاتشى ليۋ جۇڭ، ٴبىر جاعىنان، الارماندارعا نۇسقاۋ كورسەتۋشىسى ايتقان ”ٴبىر ۋىس ٴتۇبىتتىڭ“ قالاي جەيدەگە اينالعانى جونىندەگى حيكايانى تىڭداسا، ٴبىر جاعىنان، تەلەفونىن الىپ وزگەشە شينجياڭ ەرەكشەلىگىندەگى كىلەمدەردى، ۇرشىقتاردى سۋرەتكە ٴتۇسىردى.

توپىراق رەڭدەس ٴجۇزىم كەپتىرەتىن ٴۇيدىڭ سىرتقى كورىنىسى، ساڭلاۋلى ناقىشتالعان كەرپىش داۋال.. بۇل اراداعىنىڭ بارلىعى قويۋ شينجياڭ ۇلگىسىنە تولى. دۇكەن ىشىندە تاعى كاسىپورىن ماركاسىنىڭ دامۋ تاريحى تانىستىرىلىپ، شينجياڭدىقتاردىڭ ”تيانشانعا“ دەگەن قويۋ سۇيىسپەنشىلىگى اڭگىمەلەنۋدە.

ۇقساس ۋاقىتتا تيانشان توقىماشىلىعى شينجياڭ حالىقارالىق ۇلكەن بازارىنداعى حۋاچى دۇكەنى دە ادامعا تولدى.

بۇل ەكى دۇكەن بيىل 5 ـ ايدا تەڭ جۇمىس باستاعان. ايتۋلى كورىنىس وڭىرلەرىمەن سەلبەسۋ ارقىلى تيانشان توقىماشىلىعى ماركاسىنىڭ ىقپال كۇشى ونان ارى كەڭەيە ٴتۇستى.

40 نەشە جىلدىق سىناقتان وتكەن تيانشان توقىماشىلىعى قويۋ تاريحي مادەنيەت نەگىزىن توپتادى، كونە زاۆود ۇيلەرى، كونە جابدىقتار شينجياڭ توقىماشىلىق ونەركاسىبى مادەنيەتىنىڭ قۇندى ەستەمەسى بولسا، جاڭا جابدىق، جاڭا ورتا سيفرلانعان، زەردەلىلەنگەن دامۋدىڭ جاڭا قادامىن ايگىلەيدى. ليۋ جۇڭبين مىنالاردى ٴبىلدىردى: بۇدان كەيىن، ٴبىر جاعىنان، ايتۋلى كورىنىس اۋماقتارىمەن سەلبەسىپ، اناعۇرلىم كوپ ساياحات تاۋارلارىن زەرتتەپ اشامىز، ەندى ٴبىر جاعىنان، ٴوز بايلىعىمىزدان پايدالانىپ ”ونەركاسىپ + ساياحاتتى“ كۇشەيتىپ، ساياحاتشىلاردىڭ تاماشالاۋىنا، ويناۋىنا، زات ساتىپ الۋىنا، ۇيرەنۋىنە، ٴلاززات الۋىنا مۇمكىندىك جاساپ، ساياحات جاڭا سەزىنۋىن ازىرلەيمىز.