انار بۇلت \ شينجياڭ گازەتىنىڭ ٴتىلشىسى سۋ لۋپيڭ 8 ـ ايدىڭ 18 ـ كۇنى ۇرىمجىدەن حابارلايدى. 8 ـ ايدىڭ 19 ـ كۇنى 7 ـ رەتكى جۇڭگو شيپاگەرلەر مەرەكەسى. 2023 ـ جىلدىڭ سوڭىنا دەيىن رايونىمىزدا جالپى 57 مىڭ 119 كاسىپتىك شيپاگەر، 10 مىڭ 511 كاسىپتىك كومەكشى شيپاگەر بولدى. بۇلاردىڭ اراسىندا، تولىق كۋرستان جوعارى وقۋ ماعلۇماتىنا يە كاسىپتىك (كومەكشى) شيپاگەرلەردىڭ سالىستىرماسى %59.48، ورتا دارەجەلىدەن جوعارى تەحنيكالىق اتاق العان كاسىپتىك (كومەكشى) شيپاگەرلەردىڭ سالىستىرماسى %49.7. تۇتاس اۆتونوميالى رايوندا تولىق كۋرس جانە ودان جوعارى وقۋ ماعلۇماتىنا يە امبەباپ شيپاگەرلەردىڭ سالىستىرماسى %40.21، دەنساۋلىق ساقتاۋ، سالاماتتىق كاسىپتىك ـ تەحنيكالىق قىزمەتكەرلەردىڭ سانى ورنىقتى ارتىپ، قۇرىلىمى كۇن سايىن ۇيلەسىمدى بولدى.

سوڭعى جىلدارى اۆتونوميالى رايونىمىز دەنساۋلىق ساقتاۋ، سالاماتتىق دارىندىلار قىزمەت ٴتۇزىلىس ـ مەحانيزمى رەفورماسىن ۇزدىكسىز تەرەڭدەتىپ، دارىندىلاردىڭ وزەكتى ومىرشەڭدىك كۇشىن تاسقىنداتىپ، دارىندىلاردى ىنتالاندىرۋ، قامتاماسىز ەتۋ ساياساتىن تياناقتاندىرىپ، دارىندىلار قۇرىلىمى مەن وڭىرلىك ورنالاسىمىن اناعۇرلىم ساپالىلاندىردى، دارىندىلارعا قىزمەت وتەۋ قابىلەتىن اناعۇرلىم جوعارىلاتتى، جوعارى دەڭگەيدەگى دارىندىلاردى شوعىرلاندىرۋ دەڭگەيىن اناعۇرلىم جوعارىلاتتى، دارىندىلاردى باسقارۋ تۇزىمىندە اناعۇرلىم جاڭالىق اشتى جانە كەمەلدەندىردى.

ەمدەۋ، دەنساۋلىق ساقتاۋ كاسىپتىك ـ تەحنيكالىق دارىندىلار زاپاسىن تولىقتىرىپ، دارىندىلاردىڭ ساتىلى قوسىن قۇرىلىسىن جەدەلدەتۋ ٴۇشىن، رايونىمىز، ٴبىر جاعىنان، شۇعىل قاجەتتى، تاپشى دارىندىلاردى بەلسەنە ەنگىزسە، ەندى ٴبىر جاعىنان، كوپ ساتىدا، كوپ ارنامەن نەگىزگى ساتىعا شۇعىل قاجەتتى دارىندىلاردى تاربيەلەدى. نەگىزگى ساتىعا باعىتتامالى تاربيەلەۋ نىسانىن اتقارۋ ارقىلى بۇكىل رايوننىڭ نەگىزگى ساتىعا باعىتتامالى تاربيەلەگەن تولىق كۋرس، ارناۋلى كۋرس مەديتسينا وقۋشىلارىن نەگىزگى ساتىداعى ەمدەۋ، دەنساۋلىق ساقتاۋ قۇرىلىمدارىنا تولىقتىرىپ جىبەرىپ، نەگىزگى ساتىنىڭ ەمدەۋ، دەنساۋلىق ساقتاۋ كاسىپتىك ـ تەحنيكالىق قىزمەتكەرلەر كەمشىل بولۋ، قابىلەتى جەتكىلىكسىز بولۋ ماسەلەسىن باسەڭدەتىپ، ساپالى ەمدەۋ بايلىقتارىنىڭ قالا ـ اۋىل نەگىزگى ساتىلارىنا جەتۋىن اناعۇرلىم ىلگەرىلەتتى.

كەلەسى قادامدا رايونىمىز نەگىزگى ساتىنى ٴتۇيىن ەتۋگە تاباندى بولىپ، قىزمەت وتەۋ جۇيەسىندە جوعارى مەن تومەننىڭ سايكەسىپ بىرلەسىپ ارەكەتتەنۋىن جانە قولداۋدى، كومەكتەسۋدى، سۇيەمەلدەۋدى كۇشەيتىپ، قالالاردىڭ ەمدەۋ بايلىقتارىنىڭ اۋدان دارەجەلى شيپاحانالارعا جانە قالا ـ اۋىل نەگىزگى ساتىلارىنا ٴتۇسۋىن ىلگەرىلەتەدى؛ دەنساۋلىق ساقتاۋ، سالاماتتىق دارىندىلارىنىڭ قۇنى مەن جەتىلۋ زاڭدىلىعىن يگەرىپ، مەديتسينا مەن وقىتۋدىڭ سايكەسىمدىلىگىن تەرەڭدەتىپ، كلينيكالىق سۇرانىس باعدارىمەن مەديتسينا دارىندىلارىن تاربيەلەپ، نەگىزگى ساتىنى ٴتۇيىن ەتىپ، ەمدەۋ، دەنساۋلىق ساقتاۋ قوسىنىن دامىتادى، زورايتادى؛ امبەباپ ٴبولىم، بالالار ٴبولىمى، پسيحيكالىق اقاۋسىزدىق، جۇعىمدالۋ، پاتولوگيا، جانسىزداندىرۋ سياقتى ەمدەۋ، دەنساۋلىق ساقتاۋ بايلىعىن كەڭەيتىپ، قىزمەت وتەۋ دەڭگەيىن جوعارىلاتادى.