انار بۇلت\شينجياڭ گازەتىنىڭ ٴتىلشىسى لۋ فىڭباۋ 8 ـ ايدىڭ 18 ـ كۇنى ۇرىمجىدەن حابارلايدى. 8 ـ ايدىڭ 18 ـ كۇنى جۇڭشى ازىق ـ تۇلىك كاسىپ سالاسى (شينجياڭ) ساۋدا زالىنىڭ (تومەندە قىسقارتىلىپ ”ساۋدا زالى“ دەپ الىنادى) ماڭدايشالىعى ۇرىمجىدە اسىلدى، بۇل ٴارى شينجياڭداعى ازىق ـ تۇلىك تۇرىندەگى تۇڭعىش ساۋدا زالى ماڭدايشالىعىنىڭ اسىلۋى سانالادى. ماڭدايشالىق اسىلعاننان كەيىن، شينجياڭنىڭ سىرتىنداعى ازىق ـ تۇلىك كاسىپورىندارى سوندا ىرگە تەۋىپ، ساۋدا زالىندا ساندى مالىمەتتى تۇيىلىستىرەدى جانە سول ورىندا ساۋدا جۇرگىزەدى.

ساۋدا زالى ٴۇرىمجى حايحۇڭ حالىقارالىق ازىق ـ تۇلىك زات اينالىمى پورتىنا ورنالاسىپ، ايماق، وبلىستاردىڭ ايگىلى ونىمدەرى، بيڭتۋاننىڭ ساپالى ونىمدەرى، جەر ـ جەردىڭ ايگىلى ونىمدەرى، ەلەكتروندى ساۋدا جەتىلدىرۋ ورتالىعى، ازىق ـ تۇلىك ٴوندىرىس فاكتورلارى ايىرباس ورتالىعى سياقتى اۋماقتارعا ٴبولىندى، جالپى اۋماعى 10 مىڭ شارشى مەتر بولىپ، زالدا ساۋدا جاساۋ ۇلكەن ەكرانى ورنالاستىرىلعان، ناقتى ساۋدا جاعدايىن كورۋگە بولادى.

شينجياڭ ازىق ـ تۇلىك ساۋدا قوعامىنىڭ اتقارۋشى ٴتوراعاسى جياڭ رۇي تانىستىرىپ بىلاي دەدى: ساۋدا زالىن قۇرۋداعى ماقسات _ شينجياڭنىڭ جاقسى ازىق ـ تۇلىكتەرىن وسى تۇعىر ارقىلى بۇكىل ەلدەگى ۇلكەن بازارلارعا شىعارۋ، ٴونىم مولشەرى، ٴتۇر، سيپاتى جانە ٴپىشىنى، باعاسى، قامباداعى قورى، پەريودى، قامبالاۋ قۋاتى، زات اينالىم قۋاتى سياقتى ينفورماتسيالاردى تۇعىر ارقىلى كەڭىنەن ٴتۇيىلىستىرىپ، ينفورماتسيانىڭ سايكەسپەلى بولۋىن جۇزەگە اسىرۋ. سونىمەن بىرگە شينجياڭنىڭ ازىق ـ تۇلىك كاسىپ سالاسىنا قۋات ۇستەپ، شينجياڭنىڭ ازىق ـ تۇلىك كاسىپ سالاسى تىزبەگى قۇرىلىمىنىڭ اناعۇرلىم ۇيلەسىمدى، قارجى قوسىپ قۇرىلىس جۇرگىزۋدىڭ اناعۇرلىم دالمە ـ ٴدال بولۋىنا دەم بەرىپ، شينجياڭنىڭ ازىق ـ تۇلىك ماركالارىنىڭ تارالۋ ىقپال كۇشى كورسەتكىشىن ۇزدىكسىز جوعارىلاتىپ، شينجياڭنىڭ ازىق ـ تۇلىكتەرىن بۇكىل ەلگە، اۋەلى، بۇكىل جەر شارى ۇلكەن بازارىنا شىعارۋ ٴۇشىن بولىپ وتىر.

وسى رەتكى ماڭدايشالىق اسۋدى جۇڭگو ازىق ـ تۇلىك گازەتى ”الاڭسىز تۇتىناتىن جاقسى ازىق ـ تۇلىكتەر تىزىمدىگى“ نىسان كەڭسەسى مەن شينجياڭ ازىق ـ تۇلىك ساۋداگەرلەرى قوعامى ۇيىمداستىردى ٴارى كوپتەگەن فينانس، زات اينالىمى، قامبالاۋ سياقتى ورىندارمەن بىرلەسىپ بىرگە قۇردى.