□ انار بۇلت \ شينجياڭ گازەتىنىڭ ٴتىلشىسى جيا شاۋچي

8 ـ ايدىڭ 19 ـ كۇنىنەن 23 ـ كۇنىنە دەيىن 2024 ـ جىلعى ”پاكيستان مەديالارىنىڭ اقىل ـ پاراسات قويماسى قايراتكەرلەرىنىڭ جۇڭگوعا ساپارى“ قيمىلى جۇڭگونىڭ شينجياڭىنا كەلىپ، ىلگەرىندى ـ كەيىندى ٴۇرىمجى قالاسىنا، ىلە قازاق اۆتونوميالى وبلىسىنا بارىپ ەكسكۋرسيادا ـ ساپاردا بولدى. 5 كۇندىك ساپاردا ەكسكۋرسيالاۋ ـ ساپارلاۋ ۇيىرمەسى شينجياڭ ٴىسلام ٴدىنى شۋەيۋانى، تيانشان بۇلتتىق ەسەپتەۋ كاسىپ سالاسى بازاسى جانە لۇيگۋ عىلىم ـ تەحنيكا جاسامپازدىعى بازارى، شينجياڭ كوركەمونەر تەاترى مۇقام كوركەمونەر ۇيىرمەسى، شينجياڭ حالىقارالىق ۇلكەن بازارى، قازانشى حالىقتىق سالت ـ سانا ساياحات ٴوڭىرى سياقتى جەرلەرگە بارىپ، شينجياڭنىڭ قوعام جاراسىمدى، ورنىقتى بولعان، ەكونوميكا قارىشتاپ دامىعان، مادەنيەت الۋان ٴتۇرلى، سيىسىمدى، ۇلتتار ىنتىماقتى بولعان، ٴدىن تاتۋ، ٴار ۇلت حالقى تىنىش ٴومىر، شات ـ شادىمان تىرشىلىك كەشىرگەن ناقتى جاعدايىن جاقىننان سەزىندى.

مۇقام كوركەمونەر ۇيىرمەسىنىڭ تەاترحاناسىندا پاكيستاندىق قوناقتار بايىرعى ٴارى جاندى شينجياڭ ٴداستۇرلى مۋزيكا ـ ٴبي كوركەمونەرىنىڭ سالتاناتىنان ٴلاززاتتاندى. ”وسى ويىندار ارقىلى ٴبىز جۇڭگونىڭ شينجياڭىنىڭ ۇلتتار مۋزيكا اسپاپتارىن قورعاۋ جانە وعان مۇراگەرلىك ەتۋ جاعىندا جاساعان قۇلشىنىستارىن كوردىك“. پاكيستان بۇرىنعى زۇڭتۇڭىنىڭ اقپارات حاتشىسى، ەركىن ماقالا جازۋشى كامال باشير: كەرەمەت مۇقام ويىنى شينجياڭنىڭ مول، كوپ نەگىزدى مادەنيەت مۇرالارىن ايگىلەدى، ـ دەدى، ول جۇڭگو مەن پاكيستاننىڭ مادەنيەت اۋىس ـ كۇيىسىن، ٴوزارا ۇلگى الۋىن جەبەپ، ٴبىر ـ ٴبىرىنىڭ مادەنيەتىن شىنايى مويىنداۋدى كۇشەيتۋدى ٴۇمىت ەتتى. بۇل ونىڭ شينجياڭعا 2 ـ رەت كەلۋى، الدىڭعى جولى شينجياڭعا 10 جىلدىڭ الدىندا كەلگەن، ”شينجياڭدا وزگەرىس وتە زور ەكەن، مەن بۇل جەردەگى حالىقتىڭ اناعۇرلىم باقىتتى بولىپ، تۇرمىسىنىڭ بارعان سايىن جاقسارعاندىعىن، سونداي ـ اق وزىنە دەگەن سەنىمىنىڭ ارتا تۇسكەنىن كوردىم“.

ىلە قازاق اۆتونوميالى وبلىسىندا قۇلجا قالاسىنىڭ قازانشى حالىقتىق سالت ـ سانا ساياحات وڭىرىندەگى تۇرعىندار ۇيىندە تىلشىلىك ۇيىرمەسىن كۇتىپ الدى. قۇلجا قالاسى قازانشى حالىقتىق سالت ـ سانا ساياحات ٴوڭىرى ەرەكشە ۇلتتىق ەرەكشەلىكپەن جانە تۇرمىس تىنىسىمەن ۋاكىلدەر ۇيىرمەسىنە تەرەڭ اسەر قالدىردى. سول ارادا ارالاپ جۇرگەندە، پاكيستاندىق دوستار شينجياڭداعى ٴار ۇلتتىڭ مەيىرلى، جاراسىمدى قاتار ٴومىر سۇرگەن، مادەنيەتى الۋان ٴتۇرلى كورىنىسىنەن تەرەڭ اسەرلەندى، ولار وسى ارانىڭ كوركەم دە شىنايى كورىنىسىن ٴتىپتى دە كوپ پاكيستاندىقتارعا جەتكىزەتىندىكتەرىن جابال ٴبىلدىرىستى.

شاپشال سىبە اۆتونوميالى اۋدانى شاپشال قالاشىعى ۇزىنبۇلاق قىستاعىندا دا ەكسكۋرسيالاۋ ـ ساپارلاۋ ۇيىرمەسىن قىستاق تۇرعىندارى ۇلتتار ەرەكشەلىگىنە يە بالكۇلشەدەن ٴدام تاتۋعا ىستىق ىقىلاسپەن ۇسىنىس ەتتى. كوڭىلدى كۇلكى، قىزعىندى اڭگىمە ىشىندە «بۇگىنگى پاكيستاننىڭ» ٴىسلامابادتاعى جاۋاپتىسى ٴميان ابلا قۇسايىن شينجياڭنىڭ تاياۋ جىلداردان بەرگى زور وزگەرىستەرىنە تاڭداي قاقتى. ”2014 ـ جىلى شينجياڭعا كەلگەن ەدىم، ول كەزدە بۇل جەردە كەدەيلىكتەن ارىلتۋدان قامال الۋ قىزمەتى ورىستەتىلىپ جاتقان ەدى، قازىر وزگەرىس، شىنىندا، زور، قىستاق تۇرعىندارىنىڭ تۇراتىن باسپاناسى بار، كوپ ەڭبەكتەنگەندەر كوپ الادى، تۇرمىسى باقىتتى ەكەن“، ـ دەدى.

5 كۇندىك ەكسكۋرسيالاۋ ـ ساپارلاۋ قيمىلىندا پاكيستان مەديالارىنىڭ اقىل ـ پاراسات قويماسى قايراتكەرلەرى شينجياڭنىڭ قوعام ورنىقتى، ەكونوميكا دامىعان، ۇلتتار ىنتىماقتى، ٴدىن جاراسىمدى بولعان شىنايى بەت ـ بەينەسىنە كۋا بولدى. ەكسكۋرسيالاۋ ـ ساپارلاۋ ۇيىرمەسىنىڭ مۇشەلەرى ٴبىر اۋىزدان مىنالاردى ٴبىلدىردى: شينجياڭ امەريكا مەن باتىس ەلدەرىنىڭ ٴىشىنارا مەديالارىنىڭ حابارلاۋىنان مۇلدە باسقاشا ەكەن، ”شينجياڭ حالقىنىڭ باقىتتى تۇرمىسى _ ادامدىق ۇقىققا قۇرمەت ەتۋدىڭ جانە ونى قامتاماسىز ەتۋدىڭ جاندى بەينەسى ەكەن“.