انار بۇلت \ شينجياڭ گازەتىنىڭ ٴتىلشىسى ما ينيڭ 8 ـ ايدىڭ 28 ـ كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، 8 ـ ايدىڭ 28 ـ كۇنى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جاڭادان تۇراقتاندىرعان 2024 ـ جىلعى اۆتونوميالى رايوننىڭ ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىندارىنىڭ ٴتىزىمىن جاريالاعان. بيىل شينجياڭدا ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىننان 245ى جاڭادان كوبەيىپ، قازىر جيىنى 899عا جەتكەن.

كاسىپورىندار ٴوزىن باعالاۋ، دارەجە بويىنشا كورسەتۋ، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى تەكسەرۋ جانە قوعامدا جاريالاۋ سياقتى تارتىپتەر ارقىلى شينجياڭ يۇنجى سيفرلى تور شەكتى سەرىكتەستىگى، شينجياڭ شييۇيچۇن ٴسۇت شارۋاشىلىعى شەكتى جاۋاپكەرشىلىك سەرىكتەستىگى، كورلا حۇيتۇڭتاي گۇل باسۋ ـ بوياۋ عىلىم ـ تەحنيكا شەكتى سەرىكتەستىگى سياقتى 245 كاسىپورىن 2024 ـ جىلعى اۆتونوميالى رايوننىڭ ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىندارى بولدى. اۆتونوميالى رايوننىڭ ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىندارىنىڭ كۇشكە يە مەرزىمى 3 جىل، جاڭادان تۇراقتاندىرىلعان كاسىپورىندار مەن قايتا تەكسەرۋدەن وتكەن 2021 ـ جىلعى اۆتونوميالى رايوننىڭ ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىندارىنىڭ كۇشكە يە مەرزىمى 2027 ـ جىلى 12 ـ ايدىڭ 31 ـ كۇنىنە دەيىن.

تاياۋ جىلداردان بەرى شينجياڭ شييۇيچۇن ٴسۇت شارۋاشىلىعى شەكتى جاۋاپكەرشىلىك سەرىكتەستىگى ىلگەرىندى ـ كەيىندى 500 ميلليون يۋاننان استام قارجى قوسىپ، جابدىقتاردى تەحنيكالىق جاڭالاپ، دارەجەسىن ٴوسىرىپ، زارارسىزداندىرىلعان ٴسۇت ٴوندىرىس سەحى مەن ايران ٴوندىرىس سەحىن جاڭادان قۇرىپ، حالىقاراداعى وزىق ليلى زارارسىز قۇيۋ جابدىعىن ەنگىزدى، كۇندىك وڭدەۋ قۋاتى 700 نەشە تونناعا جەتتى. بۇل سەرىكتەستىكتىڭ ٴتۇرلى ٴسۇت ونىمدەرى شينجياڭ بازارىن قاناعاتتاندىرۋمەن بىرگە، ەل ىشىندەگى 20 نەشە ٴىرى، ورتا قالاعا ۇزدىكسىز ساتىلۋدا.

كورلا حۇيتۇڭتاي گۇل باسۋ ـ بوياۋ عىلىم ـ تەحنيكا شەكتى سەرىكتەستىگى ىلگەرىندى ـ كەيىندى 200 ميلليون يۋاننان استام قارجى قوسىپ، جابدىقتاردى تەحنيكالىق جاڭالاپ، دارەجەسىن ٴوسىرىپ، ورالعان تورعىنعا بوياۋ بەرۋ جانە بىزبەن توقىلعان كەزدەمەنى سوڭعى رەتتەۋ ٴوندىرىس سەحىن قۇرىپ، حالىقاراداعى وزىق بوياۋ، وڭاۋ جابدىعىن ەنگىزدى، 1 ـ دارەجەلى ونىمدەردىڭ ساپا سالىستىرماسى 2 پايىز جوعارىلاپ، بازارى ۇزدىكسىز كەڭەيدى.

بيىل عىلىم ـ تەحنيكا جاڭالىق اشۋدى كاسىپ سالاسىندا جاڭالىق اشۋمەن ۇشتاستىرۋدى، كاسىپورىنداردى جەتىلدىرۋدى، ساپالىلاندىرۋدى كاسىپ سالاسىن كۇشەيتۋمەن ۇشتاستىرۋدى ارقاۋ ەتكەن، شينجياڭ جەرگىلىكتى ورىننىڭ ىرىقتىلىعى مەن بەلسەندىلىگىن تولىق ساۋلەلەندىرىپ، ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىنداردىڭ جاڭالىق اشۋ قابىلەتى مەن ماماندانۋ دەڭگەيىن اناعۇرلىم جوعارىلاتتى. سونىمەن بىرگە كاسىپ سالاسى تىزبەگىنىڭ سايكەستى قۋاتىن كۇشەيتىپ، ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىنداردى جەتىلدىرۋگە قۋات ۇستەۋدى ارتتىرىپ، ارنايىلانعان، كەمەلدەنگەن، ەرەكشەلەنگەن، جاڭاشالانعان ”شاعىن قۋاتتى“ كاسىپورىنداردىڭ ۇلگىلىك، جەتەكشىلىك رولىن ساۋلەلەندىرىپ، اناعۇرلىم كوپ ورتا، شاعىن كاسىپورىنداردىڭ ارنايىلانۋعا، كەمەلدەنۋگە، ەرەكشەلەنۋگە، جاڭاشالانۋعا قاراي دامۋىن جەبەدى.

«اۆتونوميالى رايوننىڭ ارنايىلانعان، كەمەلدەنگەن، ەرەكشەلەنگەن، جاڭاشالانعان ورتا، شاعىن كاسىپورىنداردى ەسەلەي ارتتىرىپ جەتىلدىرۋ ارەكەت جوسپارىندا» ”14 ـ بەسجىلدىقتىڭ“ سوڭىندا بۇكىل رايوندا جيىنى 1500دەن استام جاڭاشا ورتا، شاعىن كاسىپورىن، اۆتونوميالى رايون دارەجەلى ارنايىلانعان، كەمەلدەنگەن، ەرەكشەلەنگەن، جاڭاشالانعان 800دەن استام ورتا، شاعىن كاسىپورىن، مەملەكەت دارەجەلى ارنايىلانعان، كەمەلدەنگەن، ەرەكشەلەنگەن، جاڭاشالانعان ”شاعىن قۋاتتى“ 100دەن استام كاسىپورىن جەتىلدىرۋ العا قويىلدى.