اۆتونوميالى رايوندىق پارتكوم باسقاراتىن كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى جونىندەگى ارناۋلى تاقىرىپتىق زەرتتەۋ ـ تالقى كۋرسى (2 ـ مەرزىمدىك) اياقتادى

رەفورمانى تياناقتاندىرۋدى ٴبىر نيەتپەن كۇش بىرىكتىرىپ ويداعىداي يگەرۋ كەرەك

انار بۇلت \ شينجياڭ گازەتىنىڭ ٴتىلشىسى جاڭ يانفاڭ 9 ـ ايدىڭ 2 ـ كۇنى ۇرىمجىدەن حابارلايدى. 9 ـ ايدىڭ 2 ـ كۇنى تۇستەن كەيىن اۆتونوميالى رايوندىق پارتكوم باسقاراتىن كادرلاردىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى جونىندەگى ارناۋلى تاقىرىپتىق زەرتتەۋ ـ تالقى كۋرسى (2 ـ مەرزىمدىك) اۆتونوميالى رايوندىق پارتكوم پارتيا مەكتەبىندە (اكىمشىلىك شۋەيۋانى) اياقتادى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى ۋاڭ لين كۋرستىڭ اياقتالۋ سالتىنا قاتىناستى ٴارى قورىتىندى ٴسوز سويلەدى.

ٴماجىلىس مىنالاردى اتاپ كورسەتتى: وسى رەتكى ارناۋلى تاقىرىپتىق زەرتتەۋ ـ تالقى كۋرسىنىڭ نەگىزگى تاقىرىبى كورنەكتى، مازمۇنى باي بولدى. باۋلۋ كەزىندە كوپشىلىك دەن قويا ۇيرەنىپ، دەن قويا ٴتۇسىنىپ، رەفورما بەتالىسىن اناعۇرلىم ايقىنداپ، رەفورما ورتاق تانىمىن ۇيىستىرىپ، رەفورمانىڭ قوزعاۋشى كۇشىن قاۋلاتتى.

ٴماجىلىس مىنالاردى باسا دارىپتەدى: ساياسي دەڭگەيدى جوعارىلاتىپ، ”ەكىنى تۇراقتاندىرۋدى“ باتىل قورعاۋ، ”ەكىنى قورعاۋدى“ تاباندىلىقپەن ورىنداۋ ساياسي تۇرعىسىندا تۇرىپ، جالپى ٴماجىلىستىڭ رۋحىن ۇيرەنۋدى، دايەكتىلەندىرۋدى باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىرقىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن ۇيرەنۋمەن، تۇسىنۋمەن ساباقتاستىرۋعا تاباندى بولىپ، نازاريالىق جاقتاعى سەرگەكتىك ارقىلى ساياسي جاقتاعى تاباندىلىققا، ارەكەت جاقتاعى سانالىلىققا شىنايى كەپىلدىك ەتۋ كەرەك. جۇيە كوزقاراسىن كۇشەيتىپ، سايكەسە كۇش سالۋ جاعىنا ۇزدىكسىز كۇش سالىپ، جالپى ٴماجىلىس رۋحىن ىشكەرىلەي دايەكتىلەندىرۋدى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋمەن ۇشتاستىرىپ، جالپى ٴماجىلىستىڭ ستراتەگيالىق ورنالاستىرۋى مەن ٴوز قىزمەتتەرىنىڭ ۇشتاسۋ ٴتۇيىنىن، كۇش سالۋ ٴتۇيىنىن ٴدال تاۋىپ، جوعارى مەن تومەن سايكەسىپ، سالالار مەن سالالاردى ۇشتاستىرىپ، رەفورمانى تياناقتاندىرۋدى ٴبىر نيەتپەن كۇش بىرىكتىرىپ ويداعىداي يگەرۋ كەرەك. ناقتى ٴىس ىستەۋگە، ناقتى ونىمدىلىككە باسا ٴمان بەرىپ، رەفورمادان قامال الۋعا ۇزدىكسىز كۇش سالىپ، ٴىس جۇزىندىك جاعدايمەن ۇشتاستىرىپ باتىلدىقپەن ىزدەنىس جاساپ، امالياتتا ايگىلەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماسەلەلەردەن باستاپ كۇش سالىپ، رەفورما ارقىلى قيىن ماسەلەلەردى شەشىپ، جاڭا جاعداي اشۋ كەرەك. پارتيانىڭ باسشىلىعىن كۇشەيتىپ، ورنىقتى قاداممەن الىسقا جەتۋگە ۇزدىكسىز كۇش سالىپ، قالىڭ پارتيا مۇشەلەرى مەن كادرلاردىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ۇزدىكسىز زەيىن ـ زەردە، كۇش ـ قۋات ۇيىستىرۋ كەرەك.

وقۋ ٴبىتىرۋ سالتىندا 4 جولداس پىكىر اۋىستىرىپ، ٴسوز سويلەدى.