امەريكانىڭ زورەكەرلىگى مەن وكتەمدىك ساياسيىنا زاڭ قارۋىمەن قايتارما سوققى بەرۋدىڭ پارمەندى شاراسى

اۆتونوميالى رايوندىق حالىق قۇرىلتايى تۇراقتى كوميتەتىنىڭ جازالاۋعا ۇشىراعان كاسىپورىنداردىڭ جانە قاتىستى كاسىپ سالاسىنىڭ دامۋىنا قولداۋ كورسەتۋ جونىندەگى قارارى اتقارىلدى

انار بۇلت \ شينجياڭ گازەتىنىڭ ٴتىلشىسى جاڭ لەي 9 ـ ايدىڭ 2 ـ كۇنى ۇرىمجىدەن حابارلايدى. ”امەريكانىڭ جۇڭگونىڭ ىشكى ىسىنە دورەكىلىكپەن كيلىگەتىن ورىنسىز قىلىقتارىنا باتىل قارسى تۇرىپ، بۇكىل رايون جوعارىدان تومەنگە دەيىن دەرەۋ اتتانىسقا كەلىپ، جازالاۋعا ۇشىراعان كاسىپورىنداردىڭ جانە قاتىستى كاسىپ سالاسىنىڭ دامۋىنا قولداۋ كورسەتەمىز“، ـ دەدى 9 ـ ايدىڭ 2 ـ كۇنى اۆتونوميالى رايوندىق حالىق قۇرىلتايى تۇراقتى كوميتەتى اشقان تىلشىلەر ماجىلىسىندە اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەتى كوميتەتىنىڭ ورىنباسار مەڭگەرۋشىسى چىن ميڭ.

سول كۇنى «شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ امەريكانىڭ شينجياڭعا ساياتىن جازالاۋ جەلىلەس زاڭدارىنا باتىل قارسى تۇرىپ، جازالاۋعا ۇشىراعان كاسىپورىنداردىڭ جانە قاتىستى كاسىپ سالاسىنىڭ دامۋىنا قولداۋ كورسەتۋ جونىندەگى قارارى» رەسمي اتقارىلدى.

2022 ـ جىلى 6 ـ ايدا امەريكانىڭ ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭى“ كۇشكە يە بولىپ، ايتىلمىس ”زورلىقپەن ەڭبەككە سالۋعا“ ساياتىن بارلىق وندىرىلگەن تاۋارلاردىڭ امەريكا بازارىنا كىرۋىنە تيىم سالىندى، بۇل شينجياڭ كاسىپورىندارىنىڭ ٴوندىرۋ، شارۋاشىلىق جۇرگىزۋ ۇقىعى مەن دامۋ مۇددەسىنە اۋىر زيان جەتكىزدى، شينجياڭداعى ٴار ۇلت حالقىنىڭ ٴومىر ٴسۇرۋ ۇقىعىنا، دامۋ ۇقىعىنا اۋىر زيان جەتكىزدى، شينجياڭداعى ٴار ۇلت حالقىنىڭ قاتتى كەگى مەن كۇشتى قارسىلىعىن قوزعادى.

امەريكانىڭ ”شينجياڭ ارقىلى جۇڭگونى شاۋجايلاۋ“ قاسكۇنەمدىگىن تەرەڭ اشكەرەلەپ، امەريكانىڭ جۇڭگونىڭ ىشكى ىسىنە دورەكىلىكپەن كيلىككەن ورىنسىز قىلىقتارىنا باتىل قارسى تۇرىپ، جازالاۋعا ۇشىراعان كاسىپورىنداردىڭ جانە قاتىستى كاسىپ سالاسىنىڭ دامۋىنا قولداۋ كورسەتۋ ٴۇشىن، بيىل 8 ـ ايدىڭ 23 ـ كۇنى اشىلعان اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 13 ـ ٴماجىلىسى «قاراردى» داۋىسقا سالىپ ماقۇلدادى.

اۆتونوميالى رايوندىق حالىق قۇرىلتايى تۇراقتى كوميتەتى مەجە ەسەپ قىزمەت كوميتەتى جوسپار، مەجە ەسەپ باسقارماسىنىڭ باستىعى لي ميڭشان مىنالاردى ٴبىلدىردى: بۇل شينجياڭنىڭ زاڭ قارۋىن الىپ امەريكانىڭ زورەكەرلىگى مەن وكتەمدىك ساياسيىنا قايتارما سوققى بەرۋىنىڭ، ەل ىشىندەگى زاڭمەن باسقارۋدى جانە شەتەلگە ساياتىن زاڭمەن باسقارۋدى ٴبىر تۇتاس جوسپارلاپ ىلگەرىلەتۋىنىڭ، جازالاۋعا ۇشىراعان كاسىپورىنداردىڭ دامۋىنا قولداۋ كورسەتۋىنىڭ پارمەندى شاراسى.

”ايتىلمىس شينجياڭعا ساياتىن زاڭ جوبانى اتقارۋ _ امەريكا پارلامەنتىنىڭ جۇڭگونىڭ شينجياڭىنىڭ ادامدىق ۇقىق جاعدايىنا قاساقانا كۇيە جاعىپ، ەل ىشىندەگى زاڭى ارقىلى ەلىمىزدى سىڭار جاقتى جازالاپ، شينجياڭنىڭ گۇلدەنۋىن، ورنىقتىلىعىن بۇلدىرۋگە، جۇڭگونىڭ دامۋىن توسۋعا، شاۋجايلاۋعا ۇرىنعان جيىركەنىشتى ارەكەتى“. چىن ميڭ بىلاي دەدى: سوندىقتان «قاراردا» مىنالار ايقىن ورتاعا قويىلدى: امەريكانىڭ ايتىلمىس ”زورلىقپەن ەڭبەككە سالۋ“ ارقىلى شينجياڭ كاسىپورىندارىن قيسىنسىز جازالاۋىنا باتىل قارسى تۇرۋ _ بۇكىل رايونداعى ٴار دارەجەلى مەملەكەت ورگاندارىنىڭ، حالىقتىق ۇيىمداردىڭ، كاسىپورىنداردىڭ، ٴىسورىنداردىڭ، ٴار ۇلت حالقىنىڭ ٴتيىستى ادىلەتتى تۇرعىسى جانە بۇلتارتپاس جاۋاپكەرشىلىگى. «قاراردا» سونىمەن بىرگە زاڭ ەرەجە شىعارۋ ۇقىعى بار حالىق قۇرىلتايلارى مەن ونىڭ تۇراقتى كوميتەتتەرىنەن، ٴار دارەجەلى حالىق ۇكىمەتتەرىنەن، ٴادىليا ورگاندارىنان جانە جازالاۋعا ۇشىراعان كاسىپورىنداردان امەريكانىڭ جۇڭگونىڭ ىشكى ىسىنە كيلىگۋىنە، ورىنسىز جازا قولدانۋىنا جانە ”قاراستىلىعىنان اسىپ باسقارۋىنا“ تىزە قوسا قارسى تۇرۋ تالاپ ەتىلدى.

”قايداعى ’زورلىقپەن ەڭبەككە سالۋ‘ بولسىن؟ قايداعى ’ادامدىق ۇقىققا قول سۇعۋ‘ بولسىن؟ شينجياڭ حالىق قۇرىلتايى ۋاكىلدەرى امەريكانىڭ جيىركەنىشتى ارەكەتىنە باتىل قارسى تۇرادى، «قاراردىڭ» اتقارىلۋىن باتىل قولدايدى“. تىلشىلەر ماجىلىسىندە كاسىپورىن سالاسىنان كەلگەن اۆتونوميالى رايوندىق حالىق قۇرىلتايىنىڭ ۋاكىلى ٴانۋار ابەيدوللا امەريكانىڭ شينجياڭعا ساياتىن زاڭ جوباسىنىڭ سۇرقيا ٴمانىن ٴوز كەشىرمەلەرى ارقىلى اشكەرەلەدى. ول بىلاي دەدى: ەڭبەك شوعىرلانعان كاسىپورىندار بۇقارانىڭ جۇمىسقا ورنالاسىپ، كىرىسىن ارتتىرۋداعى ەڭ نەگىزگى ارنا، امەريكانىڭ شينجياڭنىڭ قىزاناق، ماقتا توقىماشىلىعى، كرەمني نەگىزدى سياقتى كاسىپورىندارىن جازالاۋ ماقساتى شينجياڭ كاسىپورىندارىنىڭ دامۋىنا جول بەرمەۋ، شينجياڭ حالقىن دامۋ ۇقىعىنان ايىرۋ.

”«قارار» شينجياڭداعى 25 ميلليوننان استام حالىقتىڭ ادىلەت ۇنىنە ۋاكىلدىك ەتەدى“. ٴانۋار ابەيدوللا مىنالاردى ٴبىلدىردى: شينجياڭنىڭ ادامدىق ۇقىق جاعدايى جاقسى ما، جامان با دەگەندە شينجياڭ حالقى ەڭ ٴسوز سويلەۋ ۇقىعىنا يە. امەريكا ۇكىمەتىنە جانە ساياسي الاياقتارعا قاتە ارەكەتتەردى دەرەۋ توقتاتىپ، شينجياڭ كاسىپورىندارىنا ٴادىل دە ادىلەتتى بازار ورتاسىن قايتارىپ بەرۋدى ەسكەرتەمىز.