انار بۇلت \ شينجياڭ گازەتىنىڭ ٴتىلشىسى سو رۇڭجى 9 ـ ايدىڭ 3 ـ كۇنى ۇرىمجىدەن حابارلايدى. 9 ـ ايدىڭ 3 ـ كۇنى اۆتونوميالى رايوننىڭ 2024 ـ جىلعى ”ساپا ايى“ قيمىلىن باستاۋ سالتى ۇرىمجىدە وتكىزىلدى، بيىلعى ”ساپا ايى“ قيمىلىنىڭ نەگىزگى تاقىرىبى _ ”ساپالىق تىرەكتى كۇشەيتىپ، ساپادا قۋاتتى ەلدى بىرگە قۇرۋ“.

”ساپا ايى“ قيمىلى كەزىندە اۆتونوميالى رايوندىق ساپادا قۋاتتى رايون قىزمەتى باسشىلىق گرۋپپاسى كەڭسەسى 30 مۇشە ورىنمەن، ايماقتارمەن (وبلىس، قالا)، 9 قوعاممەن (عىلمي قوعام)، 21 كاسىپورىنمەن بىرگە فورماسى الۋان ٴتۇرلى، مازمۇنى باي ساپا نەگىزگى تاقىرىبىندىق قيمىلداردى شوعىرلى ورىستەتىپ، قوعامنىڭ ٴار سالاسىن بەلسەنە ات سالىسۋعا جەتەكتەپ، ساپا قۇرىلىسىن جۇرت جۇرەگىنە ۇيالاتادى.

مۇنىڭ ىشىندە اۆتونوميالى رايوندىق بازار باقىلاۋ ـ باسقارۋ مەكەمەسى ”ورگانيكالىق ونىمدەردى كۋالاندىرۋ ۇگىت اپتالىعى“، ”جاسىل ونىمدەردى كۋالاندىرۋ جانە بەلگىلەۋ ۇگىت اپتالىعى“، ”تەكسەرۋ، تەكسەرۋ ـ ولشەۋ قۇرىلىمدارىن اشىق ۇستاۋ كۇنى“ قيمىلدارىن ورىستەتەدى. تۇتىنۋ بۇيىمدارى ساپا حاۋىپسىزدىگىن ”الەۋمەتتىك اۋماقتارعا جەتكىزۋ، مەكتەپتەرگە جەتكىزۋ، اۋىل ـ قالاشىقتارعا جەتكىزۋ“ ۇگىت ـ تاربيەسى، ەرەكشە ازىق ـ تۇلىك حاۋىپسىزدىگى بويىنشا عىلىم جالپىلاستىرۋ ۇگىتىن الەۋمەتتىك اۋماقتارعا جەتكىزۋ قيمىلدارىن ورىستەتەدى. بۇكىل رايوندى ”ازىق ـ تۇلىك حاۋىپسىزدىگى بويىنشا عىلىم جالپىلاستىرۋ ۇگىتىن وتباسىلارىنا جەتكىزۋ“ قيمىلىن ورىستەتۋگە ۇيىمداستىرادى. ماجبۇرلەمەلى مەملەكەتتىك ولشەمدى ۇگىتتەپ، انىق ٴتۇسىندىرىپ، ٴارقايسى اكىمشىلىك جاۋاپتى تاراۋلاردىڭ جانە جەر ـ جەردىڭ ٴوز سالاسىنداعى ماڭىزدى ولشەمدى ۇگىتتەۋ، انىق ٴتۇسىندىرۋ، باۋلۋ جانە ”ولشەمدى كاسىپورىندارعا جەتكىزۋ، ورگاندارعا جەتكىزۋ، الەۋمەتتىك اۋماقتارعا جەتكىزۋ، مەكتەپتەرگە جەتكىزۋ“ قيمىلىن جوسپارلى تۇردە ورىستەتۋىنە قولداۋ كورسەتەدى. حالىقتىق شارۋاشىلىق ولشەمى بويىنشا جاڭالىق اشۋ اپتالىعى قيمىلىن ورىستەتەدى. ولشەۋ بويىنشا قىزمەت وتەۋدىڭ ورتا، شاعىن كاسىپورىندار ساپارى قيمىلىن، شاعىن، ۇساق كاسىپورىنداردىڭ ساپا باسقارۋ جۇيەسىن كۋالاندىرۋ، دەڭگەيىن كوتەرۋ ارەكەتىن ورىستەتەدى.

جۇڭچيۋ، مەملەكەت مەرەكەسى سياقتى ماڭىزدى ۋاقىت كەزەڭدەرىندە استىق، ماي، ەت، كوكونىس سياقتى ماڭىزدى حالىق تۇرمىسى تاۋارلارىنا مەڭزەس، ٴۇرىمجى قالاسى باعانى باقىلاۋ سەرپىنىن ۇزدىكسىز كۇشەيتىپ، باعانى كوتەرۋ، باعا الدامشىلىعى، استاسىپ باعانى قىمباتتاتۋ سياقتى باعا جاعىنداعى زاڭسىز ارەكەتتەرگە قاتاڭ سوققى بەرىپ، بازاردىڭ باعا ٴتارتىبىن ارناعا تۇسىرەدى.

21 كاسىپورىن ”ساپا ايى“ قيمىلى كەزىندە ساپا مادەنيەتى قۇرىلىسى، تەحنيكالىق جاڭالىق اشۋ رەفورماسى، ٴونىم ساپاسىن جاقسارتۋ، ساپانى جوعارىلاتۋ قيمىلى سياقتى كوپتەگەن جاقتاردا قيمىل ورىستەتىپ، كاسىپورىنداردىڭ ساپادا جاڭالىق اشۋ ىنتاسىن تاسقىنداتىپ، ساپا باسقارۋ ورەسىن جوعارىلاتىپ، ساپادا قۋاتتى كاسىپورىن قۇرادى.

اۆتونوميالى رايوندىق بازار باقىلاۋ ـ باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى چىن ليبو بىلاي دەپ تانىستىردى: بيىل جىل باسىنان بەرى اۆتونوميالى رايوندىق پارتكوم مەن ۇكىمەتتىڭ جوعارى دەڭگەيدە ىلگەرىلەتۋىندە، رايونىمىز نازاردى ماڭىزدى سالالارعا شوعىرلاندىرىپ، 40 ٴتۇرلى ٴتۇيىندى قىزمەت مىندەتى ٴتىزىمىن جاساپ اتقارىپ، ساپا قىزمەتىنىڭ كاسىپ سالاسى، ٴوڭىر، عىلىم ـ تەحنيكا، دارىندى سياقتى كەلەلى دامۋ ستراتەگيالارىمەن توعىسۋىن ىلگەرىلەتىپ، ساپا قىزمەتىنىڭ جالپى تۇلعالىق ونىمدىلىگىن ۇزدىكسىز جوعارىلاتىپ، بۇكىل شينجياڭنىڭ ٴونىم، ينجەنەريا، قىزمەت وتەۋ جانە قورشاعان ورتا ساپاسى ۇزدىكسىز جوعارىلاپ، ورتالىقتىڭ ساپانى قۋزاۋ ـ تەكسەرۋ باعالاۋىندا تۇڭعىش رەت ٴۇرتىس 2 جىل B دارەجەلىك ورەنى ساقتاپ، بەلسەندى ونىمدىلىككە قول جەتكىزدى.

ەلىمىزدىڭ ”ساپا ايى“ 1978 ـ جىلى باستالعان، 40 نەشە جىلدىق جالعاستىرۋ جانە دامىتۋ ارقىلى ”ساپا ايى“ قيمىلى قوعامنىڭ ساپا جونىندەگى ورتاق تانىمىن ۇيىستىرۋدىڭ، ساپا دامۋ جەتىستىكتەرىن ايگىلەۋدىڭ ماڭىزدى تۇعىرىنا اينالدى.