اۆتونوميالى رايوننىڭ 2024 ـ جىلعى الدىڭعى ٴۇش ماۋسىمداعى ەكونوميكالىق اينالىمعا تالداۋ جاساۋ جانە ٴتورتىنشى ماۋسىمداعى ەكونوميكالىق قىزمەتتى ىلگەرىلەتۋ ٴماجىلىسى اشىلدى

　　ٴتورتىنشى ماۋسىمداعى شەشۋشى شايقاستا اتويلاپ، سىرگە جيۋ شايقاسىن باتىل ويداعىداي جۇرگىزۋ كەرەك

انار بۇلت \ شينجياڭ گازەتىنىڭ ٴتىلشىسى لي ياڭ 10 ـ ايدىڭ 26 ـ كۇنى ۇرىمجىدەن حابارلايدى. 10 ـ ايدىڭ 26 ـ كۇنى تۇستەن بۇرىن اۆتونوميالى رايوننىڭ 2024 ـ جىلعى الدىڭعى ٴۇش ماۋسىمداعى ەكونوميكالىق اينالىمعا تالداۋ جاساۋ جانە ٴتورتىنشى ماۋسىمداعى ەكونوميكالىق قىزمەتتى ىلگەرىلەتۋ ٴماجىلىسى اشىلدى. ٴماجىلىس مىنالاردى باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ەكونوميكالىق قىزمەتكە قاتىستى كەلەلى ورنالاستىرۋلارىن جاپپاي تياناقتاندىرىپ، اۆتونوميالى رايوندىق پارتكومنىڭ ورنالاستىرۋى بويىنشا، ىستەۋدى ماڭداي الدى ورىنعا قويۋعا، قايراتتانا العا ۇمتىلۋدى باستى ورىنعا قويۋعا تاباندى بولىپ، ەرەن شارالار ارقىلى ٴتورتىنشى ماۋسىمداعى شەشۋشى شايقاسقا اتوي سالىپ، تۇتاس جىلداعى ەكونوميكالىق، قوعامدىق دامۋ نىساناسىن قۇلشىنا ورىنداۋ كەرەك.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى ٴارى ٴسوز سويلەدى.

ٴماجىلىس مىنالاردى اتاپ كورسەتتى: بيىل الدىڭعى ٴۇش ماۋسىمدا رايونىمىزدىڭ باسىم كوپ ساندى ەكونوميكالىق كورسەتكىشتەرىنىڭ ارتۋ قارقىنى بۇكىل مەملەكەتتىڭ ورتاشا دەڭگەيىنەن اسىپ، ەكونوميكادا جالپى جاقتان ورنىقتى، ورنىقتىلىق بارىسىندا ىلگەرىلەۋ جاعدايى كورىلدى. كەزەكتەگى ەكونوميكالىق جاعدايدى دالمە ـ ٴدال يگەرىپ، تۇتاس جىلدىق ەكونوميكالىق، قوعامدىق دامۋداعى نىسانا ـ مىندەتتەردى ورىنداۋ سەنىمىن، بەكىمىن نىعايتىپ، ويدى ٴبىر اراعا شوعىرلاندىرۋعا، كۇشتى ٴبىر اراعا جۇمساۋعا تاباندى بولىپ، پارتيا ورتالىق كوميتەتىنە، مەملەكەتتىك كەڭەسكە جانە اۆتونوميالىق رايوندىق پارتكومعا، تۇتاس رايونداعى ٴار ۇلت بۇقاراسىنا رازى بولارلىقتاي جاۋاپناما تاپسىرۋ كەرەك.

ٴماجىلىس مىنالاردى باسا دارىپتەدى: جەر ـ جەر، تاراۋلار قيىنشىلىققا دۇرىس قاراپ، نىسانانى كوزدەپ، ماڭىزدى ٴتۇيىندى مىقتى يگەرىپ، ىرىقتىلىقپەن ىسكەرلىك كورسەتىپ، قايشىلىقتى، ماسەلەنى شەشۋدىڭ ناقتى شاراسىن، مىعىم شاراسىن قولدانىپ، ەكونوميكانىڭ ۇزدىكسىز قايتا جاندانۋىن، جاقسارۋىن تىڭعىلىقتى ىلگەرىلەتىپ، سىرگە جيار شايقاستى باتىل، ويداعىداي جۇرگىزۋ كەرەك. كۇزگى استىق جيناۋ، دۇمبە ٴبيداي ەگۋ، مالدى قىسقى وتارعا كوشىرۋ سياقتىلاردى ويداعىداي يگەرىپ، مال شارۋاشىلىعىندا وزىندىك قۇندى تومەندەتۋ، ونىمدىلىگىن ارتتىرۋدى جەبەپ، ەرەكشە اۋىل شارۋاشىلىق ونىمدەرىن جىنتىكتەي وڭدەۋدى جەدەل ىلگەرىلەتىپ، اۋىل شارۋاشىلىعىنىڭ نەگىزگى جاعدايىن ورنىقتىرۋ كەرەك. كومىر وندىرىسىندە ٴونىمى تۇراقتى، جوعارى ٴونىمدى بولۋ، مۇناي ـ گازدىڭ قورىن ارتتىرىپ ٴونىمىن جوعارىلاتۋ، جاڭاشا ەلەكتر قۋاتى جۇيە قۇرىلىسى، كەن شارۋاشىلىعىن جوعارى ساپالى دامىتۋ سياقتىلاردى ارقاۋ ەتىپ، ٴونىمدى ٴوندىرىس قۋاتىن تولىق جارىققا شىعارىپ، ونەركاسىپتىڭ ”ورنىقتىرعىشتىق“ رولىن بەكەمدەۋ كەرەك، جىل سوڭىنداعى تۇتىنۋدىڭ قاۋىرت مەزگىلىن مىقتى ۇستاپ، تۇتىنۋدى جەبەۋ قيمىلدارىن ورىستەتىپ، قورا ـ جاي، جاڭا ەنەرگيالى اۆتوموبيل سياقتى ٴتۇرلى تۇتىنۋ قاجەتىن جەدەل جارىققا شىعارۋ، قار ـ مۇز ساياحاتىنىڭ جوعارى ساپالى دامۋىن كۇش سالا جەبەۋ كەرەك. كەلەلى نىسان قۇرىلىسىن مىقتى يگەرىپ، جىل ىشىندە اناعۇرلىم كوپ ناقتى زاتتىق قىزمەت مولشەرىن قالىپتاستىرۋدى جەبەپ، تۇتاس جىلدىق ەكونوميكا نىسانالارىن ورىنداۋعا ۇلەس قوسۋ كەرەك. سىرتقى ساۋدانىڭ مولشەرىن ارتتىرىپ، ساپاسىن جوعارىلاتۋدى ۇزدىكسىز جەبەپ، شينجياڭ ەركىن ساۋدا سىناق رايونىنىڭ رەفورما مىندەتتەرىن تياناقتاندىرۋدى ويداعىداي يگەرىپ، شەكارا وتكەلدەرىن وسىزامانداندىرىپ جاڭالاۋدى جەدەلدەتىپ، رايونىمىزدىڭ سىرتقا ەسىك اشۋ دەڭگەيىن ۇزدىكسىز جوعارىلاتۋ كەرەك. كولەمى ساناق ولشەمىنە جەتكەن ورىنداردى مەملەكەتتىك ساناق مەكەمەسىنىڭ بىرلەسكەن تور تىكە مالىمدەۋ قويماسىنا ەنگىزۋدى ىلگەرىلەتىپ، نەگىزگى ساتىنىڭ ساناق قىزمەتى قابىلەتىن ۇزدىكسىز كۇشەيتۋ كەرەك. دامۋ مەن ورتانى اناعۇرلىم ويداعىداي ٴبىر تۇتاس جوسپارلاپ، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋدى تىڭعىلىقتى ىلگەرىلەتۋ، تاكلاماكان ٴشولى جيەگى توسقاۋىل شايقاسىنىڭ جەڭىسىنە باتىل قول جەتكىزۋ كەرەك. عىلىم ـ تەحنيكادا جاڭالىق اشۋدى شىن مانىندە ويداعىداي يگەرىپ، كەلەلى عىلىم ـ تەحنيكادا جاڭالىق اشۋ تۇعىرلارىنىڭ رولىن ساۋلەلەندىرىپ، عىلىم ـ تەحنيكا جەتىستىكتەرىن كادەگە جاراتۋدى ەكونوميكالىق دامۋدىڭ ارتىقشىلىعىنا اينالدىرۋدى جەبەۋ قاجەت. 2024 ـ جىلعى حالىق تۇرمىسىنداعى ون ٴىرى ناقتى ٴىستى تىڭعىلىقتى ىلگەرىلەتىپ، بۇقارانىڭ كىرىس دەڭگەيىن شىنايى جوعارىلاتىپ، بازارمەن قامداۋدى جانە قامتاماسىز ەتۋدى كۇشەيتىپ، ٴار ۇلت بۇقاراسىنىڭ قىستان جىلى وتۋىنە شىنايى كەپىلدىك ەتۋ كەرەك. ورنىقتىلىق قىزمەتىن تيتتەي دە بوساڭسىماي ويداعىداي يگەرىپ، جەرگىلىكتى ۇكىمەتتەردىڭ قارىز ىستەرى، فينانس قۇرىلىمى، قورا ـ جاي، ٴوندىرىس حاۋىپسىزدىگى سياقتى سالالارداعى حاۋىپ ـ قاتەرلەرىن، كومەسكى كىناراتتارىن كۇش سالا شەشىپ، اناعۇرلىم حاۋىپسىز دامۋ ورتاسىن ازىرلەۋ كەرەك.

ٴماجىلىس مىنالاردى باسا دارىپتەدى: ٴار دارەجەنىڭ جاۋاپكەرشىلىگىن ناقتىلاندىرىپ، ورنالاستىرۋدى، جەتەكشىلىك ەتۋدى كۇشەيتىپ، فاكتور قامتاماسىزدىعىن نىعايتىپ، شارۋاشىلىق ـ ساۋدا ورتاسىن ساپالىلاندىرىپ، يدەيانى ازات ەتۋگە تاباندى بولىپ، جالپى جاعداي كوزقاراسىن بەكەمدەپ، ەسكى جىلدىڭ سوڭىنداعى، جاڭا جىلدىڭ باسىنداعى ٴتۇرلى قىزمەتتەردى كورەگەندىكپەن ويداعىداي ىستەپ، كەلەر جىلعى قىزمەتتەردە جاڭا باستاما اشۋعا، جاقسى قادام تاستاۋعا نەگىز قالاۋ كەرەك.

ٴماجىلىس الدىڭعى ٴۇش ماۋسىمداعى ەكونوميكالىق اينالىم جاعدايىن حابارلاندىردى، قاتىستى ايماق، وبلىس، قالالاردىڭ جانە تاراۋلاردىڭ جاۋاپتى جولداستارى پىكىر اۋىستىرىپ، ٴسوز سويلەدى.

چىن ۋيجۇن باسقاردى، ٴيۇسۇپجان مامەت، سۇن حۇڭمەي، شۋە بين، قايسار ابدۇكەرىم، جۋ ليفان ماجىلىسكە قاتىناستى.