انار بۇلت \ شينجياڭ گازەتىنىڭ ٴتىلشىسى شيە حۇيبيان 10 ـ ايدىڭ 27 ـ كۇنى ۇرىمجىدەن حابارلايدى. 10 ـ ايدىڭ 26 ـ كۇنى جۇڭگو عىلىم اكادەمياسى 7 ـ كەزەكتى عىلىم مەرەكەسىنىڭ شينجياڭ اۋماعى قيمىلى ٴۇرىمجى قالاسى وسىمدىكتەر باقشاسىندا باستالدى.

بۇل جولعى قيمىلدا ”حاي، عىلىم! _ قىزىعا تىلسىمدىك جونىندە ىزدەنىس جاساۋ، عىلىم ارقىلى بولاشاقپەن جالعاسۋ“ نەگىزگى تاقىرىپ بولىپ، ”عىلىم شوۋى“، ”عىلىم ـ تەحنيكادا جاڭالىق اشۋ كورمەسى“، ”مەن عىلىمعا جاقىنمىن“، ”عىلىم كوركەمدىگىنەن ٴلاززاتتانۋ“ سىندى وزىندىك ەرەكشەلىككە يە 4 كورمە بولىگى مەن ىقپالداستىق اۋماعى ورنالاستىرىلدى.

سول ورىندا الەۋمەتتىڭ شونجى راديو تولقىنى تەلەسكوبى، پروتون ۇدەتكىشى سياقتىلاردى بىلۋىنە، جۇڭگو عىلىم اكادەمياسى شينجياڭ بولىمشە اكادەمياسى جۇيەسىنىڭ جۋىق جىلدارداعى عىلمي زەرتتەۋ جەتىستىكتەرىن جان ـ جاقتى، جاقىن ارالىقتان بىلۋىنە بولادى، تەرەڭ جەردەن تەرەڭ كەڭىستىككە، ٴىرى ەل ماڭىزدى قارۋىنىڭ الەمنىڭ سىرىنا قالاي تالپىنىس جاساعانىنان ەكولوگيانى قالپىنا كەلتىرۋ ارقىلى مەملەكەتتىڭ استىق حاۋىپسىزدىگىنە، ەكولوگيالىق حاۋىپسىزدىگىنە دەم بەرۋگە، جوعارى يقۋاتتى ماتەريال جاساپ، مەملەكەتتىڭ ستراتەگيالىق دامۋىنا دەم بەرۋدەن ۇلتتار شيپاگەرلىگىن، ٴدارى ـ دارمەگىن وسىزامانداندىرىپ، حالىقتىڭ ٴومىرى مەن سالاماتتىعىن قورعاۋعا دەيىنگىلەردى، ت . ب بىلۋىنە بولادى، تاعى باعالى وسىمدىكتەر مەن ناسەكومدار ۇلگىسىن ەكسكۋرسيالاپ، ۇلگى جاساۋ بىلىمدەرى سياقتىلاردى ۇيرەنۋىنە بولادى.

ٴۇرىمجى قالالىق 76 ـ باستاۋىش مەكتەپ 4 ـ جىلدىعىنىڭ وقۋشىسى لي في ۇيىندەگىلەرمەن بىرگە قيمىل الاڭىنا ەرتە كەلدى. ”تۇرمىستىڭ ٴار جاعىندا ٴبىلىم بار ەكەندىگىن سەزىندىم، سول ورىنداعى عىلمي تاجىريبەلەردىڭ باسىم كوبى تۇرمىستان باستاۋ العان ەكەن، توتەنشە كەرەمەت، وسىمدىكتەر باقشاسىندا كۇندە دەرلىكتەي كورىپ جۇرگەن وسىمدىكتەردە دە قىرۋار ٴبىلىم ساقتالعان ەكەن“، ـ دەدى لي في.

الداعى ٴبىر اپتادا شينجياڭ بولىمشە اكادەمياسى جۇيەسىندەگى ورىندار تاعى حوتان ايماعىنىڭ قاراقاش اۋدانى، بايىنعولين موڭعۇل اۆتونوميالى وبلىسىنىڭ لوپنۇر اۋدانى، ٴۇرىمجى قالاسى سياقتى جەرلەردى ارالاپ، ”عىلىم جالپىلاستىرۋدى مەكتەپتەرگە جەتكىزۋ“، ”عىلىم جالپىلاستىرۋدى اۋىل ـ قىستاقتارعا جەتكىزۋ“، ”عىلىم جالپىلاستىرۋدى الەۋمەتتىك اۋماقتارعا جەتكىزۋ“ سياقتى جەلىلەس قيمىلدار ورىستەتىپ، بارشا الەۋمەتكە عىلىمدى جاقىن ارالىقتان سەزىنۋ، عىلىم باۋرامدىلىعىن سەزىنۋ تۇعىرىن ورناتىپ بەرىپ، تۇتاس قوعامدا عىلىمدى ۇيرەنەتىن، عىلىمدى سۇيەتىن، عىلىمدى قولداناتىن قويۋ راي قالىپتاستىرادى.

جۇڭگو عىلىم اكادەمياسى عىلىم مەرەكەسى _ جۇڭگو عىلىم اكادەمياسى 2018 ـ جىلى تۇلعالاعان تۇتاس قوعامداعى الەۋمەتتى بەتكە العان كولەمدى عىلىم سالتاناتى قيمىلىنان، نەگىزگى الاڭ قيمىلىنان جانە ٴبىرسىپىرا عىلمي زەرتتەۋ ورىندارىنىڭ عىلىم جالپىلاستىرۋ قيمىلىنان قۇرالعان، جۇڭگو عىلىم اكادەمياسىنىڭ جەلىلەس ماڭىزدى عىلىم جالپىلاستىرۋ قيمىلدارىنىڭ ٴبىرى. بۇل جولعى شينجياڭ اۋماعى قيمىلىنا جۇڭگو عىلىم اكادەمياسى ٴىلىم قىزمەتى مەكەمەسى جەتەكشىلىك ەتكەن، جۇڭگو عىلىم اكادەمياسى شينجياڭ بولىمشە اكادەمياسى جۇيەسىندەگى ورىندار مەن ٴۇرىمجى قالاسى وسىمدىكتەر باقشاسى بىرگە باس بولىپ ۇيىمداستىرعان.