جاڭ جۋ شينجياڭ مەديتسينا داشۋەسىندە يدەيا ـ ساياسي ساباعىن ٴوتتى

　　جاستىق جالىنى ارقىلى ۇلتتى گۇلدەندىرۋدىڭ تاسقىنداعان ومىرشەڭ كۇشىن قاۋلاتۋ كەرەك

انار بۇلت \ شينجياڭ گازەتىنىڭ ٴتىلشىسى ليۋ شياڭ 10 ـ ايدىڭ 28 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ باسشى كادرلار باس بولىپ يدەيا ـ ساياسي ساباعىن ٴوتۋ جونىندەگى ورنالاستىرۋى بويىنشا، 10 ـ ايدىڭ 28 ـ كۇنى اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ شينجياڭ مەديتسينا داشۋەسىندە ٴار ۇلت وقىتۋشى ـ وقۋشىلارىنا يدەيا ـ ساياسي ساباعىن ٴوتتى.

جاڭ جۋ ساباق بارىسىندا ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى مىندەت ەتىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ باتىل قولداۋشىسى، پارمەندى ۇگىتشىسى، امالياتتا ايگىلەۋشىسى بولۋعا سانالىلىقپەن قۇلشىنۋدى“ نەگىزگى تاقىرىپ ەتىپ، يدەيالىق داعدارىستى شەشۋ، تاريحي يدەيالىق الجاسۋدان ارىلۋ، ويدان قۇراستىرعان وسەك ـ اياڭدى ٴپاش ەتۋ سياقتى تۇرعىدان كىرىسىپ، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەۋدى ارقاۋ ەتە وتىرىپ، ٴار ۇلت وقىتۋشى ـ وقۋشىلارىمەن ىشكەرىلەي پىكىر اۋىستىردى.

جاڭ جۋ بىلاي دەپ اتاپ كورسەتتى: پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ستراتەگيالىق بيىگىنەن جاڭا داۋىردەگى پارتيانىڭ ۇلت قىزمەتىن جوسپارلاپ جانە ورنالاستىرىپ، جۇڭحۋا ۇلتى ورتاق تۇلعا تانىمىن بەكەمدەۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى، ۇلتتار وڭىرلەرى قىزمەتتەرىنىڭ نەگىزگى جەلىسى ەتۋدى ايقىن العا قويىپ، ۇلت ماسەلەسىن شەشۋدىڭ جۇڭگوشا دۇرىس جولىن اناعۇرلىم كەڭەيتىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىرىپ، ماركسيزمدىك ۇلت نازارياسىنىڭ جۇڭگوشالانۋىنىڭ، زامانالانۋىنىڭ جاڭا ٴورىسىن اشىپ، پارتيانىڭ ۇلت قىزمەتىندە جاڭا تاريحي تابىسقا قول جەتكىزدى.

جاڭ جۋ بىلاي دەپ باسا دارىپتەدى: تاريحقا كوز سالعاندا، تەك جۇڭحۋا ۇلتى مەن جۇڭحۋا وركەنيەتى عانا مەملەكەت فورماتسياسىمەن نەشە مىڭ جىل جالعاسىپ، ۇزدىكسىز شۇعىلا شاشىپ، شىنايى مويىندالۋ دارەجەسى اناعۇرلىم جوعارى، ۇيىسۋ قۋاتى اناعۇرلىم كۇشتى تاعدىرلاس ورتاق تۇلعاعا قاراي ۇزدىكسىز قادام تاستادى. تاريح بۇرمالاۋعا كونبەيدى، شىندىقتى تەرىسكە شىعارۋعا كەلمەيدى. شينجياڭ ەجەلدەن ەلىمىزدىڭ ايرىلماس ٴبىر بولىگى، شينجياڭداعى ۇلتتار _ جۇڭحۋا ۇلتى ۇلى شاڭىراعىنىڭ تامىرلاس، تاعدىرلاس ماڭىزدى مۇشەسى. شينجياڭدا جۇڭحۋا ۇلتى ورتاق تۇلعا تانىمىن بەكەمدەۋ قىزمەتىنىڭ ايرىقشا ماڭىزدىلىعى مەن رەال كوكەي تەستىلىگىن تەرەڭ ٴتۇسىنىپ، جوعارى مەكتەپتەردىڭ نەگىزگى شەپتىك رولىن شىنايى ساۋلەلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى وقۋ ـ اعارتۋدىڭ، وقىتۋدىڭ ٴارقايسى جاعىنا، تۇتاس بارىسىنا اناعۇرلىم باتىل، سانالى تۇردە ٴسىڭىرۋ كەرەك.

جاڭ جۋ قالىڭ جاس وقۋشىلارعا بىلاي دەپ سالەم جولدادى: جۇڭحۋا ۇلتىنىڭ تاڭداۋلى ٴداستۇرلى مادەنيەتىن جالعاستىرۋ جانە ساۋلەلەندىرۋ، جۇڭحۋا ۇلتى ورتاق تۇلعا تانىمىن بەكەمدەۋ سىندى ماڭىزدى بورىشتى ارقالاپ، قاي ـ قاشان دا مۇرات ـ سەنىمدى بەكەمدەپ، وتباسى ـ وتان سۇيىسپەنشىلىگىن تەرەڭ ورناتىپ، شىڭدالعان قابىلەتتى جەتىلدىرىپ، باتىلدىقپەن ٴورىس اشا جاڭالىق اشىپ، جاستىق كوكتەمنىڭ بەلسەندىلىگى مەن جاسامپازدىعى ارقىلى ۇلتتى گۇلدەندىرۋدىڭ تاسقىنداعان ومىرشەڭ كۇشىن قاۋلاتىپ، ٴىس جۇزىندىك ارەكەت ارقىلى ”پارتيا الاڭسىز بولسىن، قۇدىرەتتى مەملەكەت قۇرۋدا مەن بارمىن“ دەيتىن جاستىق سەرتىن امالياتتا ايگىلەۋ كەرەك.

ساباقتان كەيىن جاڭ جۋ كلاستاردى، وقۋشىلار جاتاعىن، اسحانانى ارالاپ، ”ۇشكە كىرۋ، ەكىمەن بايلانىس جاساۋ، بىرمەن دوستاسۋ“ بويىنشا جۇپ قۇراعان وقۋشىلارعا امانداستى ٴارى وقۋشىلارعا كىتاپ ۇسىندى.