ەرىكتى تىلشىلەر فىڭ حايسىن، چۇي جى - ي، گو جيانمين حابارلايدى. قورعاس قالالىق بازار باقىلاۋ - باسقارۋ مەكەمەسىنىڭ ساناعىنا قاراعاندا، جۇڭگو (شينجياڭ) ەركىن ساۋدا سىناق رايونى قۇرىلعاننان باستاپ 10 - ايدىڭ 21 - كۇنىنە دەيىن قورعاس اۋماعىنداعى تيجارات تۇلعالارى ٴبىر مىڭ 825 كە جەتكەن، مۇنىڭ ىشىندە ٴبىر مىڭ 113 كاسىپورىن، 712 جەكە كاسىپكەر بار.

قورعاس قالاسى ەۆروپا - ازيا ەكونوميكالىق بولىگىنىڭ سەنترىنە ورنالاسقان، قازاقستانمەن ىرگەلەس، جۇڭگونىڭ باتىسقا ەسىك اشۋداعى ماڭىزدى تەرەزەسى جانە ازيا - ەۆروپا ۇلى قۇرلىعىن تۇتاستىراتىن ”التىن وتكەل“، ”ٴبىر بەلدەۋ، ٴبىر جول“ قۇرىلىسىنىڭ ىشكەرىلەي ىلگەرىلەتىلۋىنە بايلانىستى شينجياڭ ەركىن ساۋدا سىناق رايونىنىڭ قورعاس اۋماعىن سىرتقا اشىق ۇستاۋ دەڭگەيى ۇزدىكسىز جوعارىلاپ، تيجارات - ساۋدا ورتاسى ۇزدىكسىز ساپالىلاندى، كاسىپ سالاسىنىڭ ومىرشەڭدىك كۇشى، جاڭالىق اشۋدىڭ ومىرشەڭدىك كۇشى، بازاردىڭ ومىرشەڭدىك كۇشى كورنەكتى ارتتى.

شينجياڭ سىلۋ جۇڭجياڭ ساۋدا شەكتى سەرىكتەستىگىنىڭ باس ديرەكتورى شيە گوچيڭ بىلاي دەدى: ”تەرەزەدەگى قىزمەتكەرلەردىڭ كومەگىندە مەن قوعامدىق قامتاماسىزداندىرۋ، قىزمەتكەرلەر ينفورماتسياسى سياقتىلاردى تەز ارادا جازىپ بولدىم، كۋالىك بىتىرۋدەن كۋالىك شىعارۋعا دەيىن نە ٴبارى بىرنەشە مينۋت ۋاقىت كەتتى، جۇڭگو (شينجياڭ) ەركىن ساۋدا سىناق رايونىنىڭ تيجارات كۋالىگىن العانىما وتە قۋانىشتىمىن“. 

قورعاس قالاسى تيجارات تۇلعالارىن دامىتۋعا باسا ٴمان بەرىپ، تەكسەرىپ بەكىتۋ ٴتۇزىمى رەفورماسى ارقىلى ٴىس ٴبىتىرۋ بۋىندارىن ازايتىپ، ٴوتىنىش ەتۋ ماتەريالدارىن ىقشامداپ، ٴبىتىرۋ ۋاقىت شەگىن قىسقارتىپ، اكىمشىلىك قىزمەت وتەۋ ىستەرىن شوعىرلى ٴبىتىرۋدى ىلگەرىلەتىپ، ماتەريالدى  ٴبىر جولدا جولداۋ، ٴبىر تەرەزەدە قابىلداپ، تەكسەرىپ - بەكىتۋ سىندى ”كۋالىك پەن كنەشكانى بىرگە ٴبىتىرۋ“ ۇلگىسىن قالىپتاستىردى ٴارى كاسىپورىنداردىڭ، جەكە ساۋدا ـ ونەركاسىپشىلەردىڭ جانە شارۋالار كاسىپتىك سەلبەستىك كووپەراتيۆتەرىنىڭ اتىن جەلىدە دەربەس ٴوتىنىش ەتۋدى العا قويدى. شاعىن، ۇساق كاسىپورىندار مەن جەكەشە ونەركاسىپشى - ساۋداگەرلەردى تىزىمگە الىپ تيجارات جۇرگىزۋ ورىندارى جونىندەگى شەكتەمە جەڭىلدەتىلدى. سونىمەن بىرگە، بانكە مەن كاسىپورىن سەلبەستىگىن ورىستەتىپ، كاسىپورىنداردىڭ قيىنشىلىعىن شەشىپ، تيجارات سەنىمىن ارتتىرىپ، تيجارات تۇلعالارىنىڭ اقاۋسىز دامۋىن جەبەدى.

قورعاس قالالىق بازار باقىلاۋ - باسقارۋ مەكەمەسى اكىمشىلىك تەكسەرىپ - بەكىتۋ ٴبولىمىنىڭ باستىعى گاۋ شۇي بىلاي دەدى:  ”ٴبىز كاسىپورىن مەن جەكە تيجاراتشىلاردىڭ قاجەتىن باستان - اياق ماڭداي الدى ورىنعا قويىپ، باسقارۋ ۇلگىسىنەن قىزمەت وتەۋ ۇلگىسىنە بۇرىلىس جاساۋعا تاباندى بولىپ، قىزمەت وتەۋ بارىسىن ۇزدىكسىز ساپالىلاندىرىپ، جەكە تيجاراتشىنى كاسىپورىنعا وزگەرتۋدى تىزىمگە الۋ جانە تيجارات كۋالىگى، ازىق - تۇلىك تيجارات رۇقسات كۋالىگى مەن كنەشكانى ٴبىر ۋاقىتتا ٴبىتىرىپ، تۇتاس بارىستى ەلەكترونداندىرۋدى جۇزەگە اسىرىپ، تيجارات تۇلعالارىنىڭ جەدەل جەتىلۋىنە اناعۇرلىم كەڭ، قولايلى دامۋ ورتاسىن ازىرلەدىك“.