انار بۇلت \ شينجياڭ گازەتىنىڭ ٴتىلشىسى يۇي جياڭيان 10 ـ ايدىڭ 29 ـ كۇنى سانجىدان حابارلايدى. ”شينجياڭدا دا ىستىق بەلدەۋ وسىمدىكتەرى ەگىلەتىندىگىن مۇلدە ويلاماعان ەكەنمىن.“ 10 ـ ايدىڭ 27 ـ كۇنى شينجياڭ اۋىل شارۋاشىلىعى كورمە باقشاسىن ەكسكۋرسيالاعاننان كەيىن، جۇڭگو شەتەل تىلىندەگى باسىلىمداردى باسپادان شىعارۋ ـ تاراتۋ ىستەرى مەكەمەسى ازيا ـ تىنىق مۇحيت ورتالىعىنداعى يندونەزيالىق ٴتىلشى لي فۋشياڭ ٴوز اۋىلىندا جۇرگەندەي تەبىرەنىستى كۇي كەشتى.

سول كۇنى لي فۋشياڭ ”ورايعا تولى جۇڭگو·اشىق شينجياڭ“ اتىنداعى شينجياڭدى ساپارلاۋ قيمىل ۇيىرمەسى قۇرامىندا سانجى قالاسىنا بارىپ، شينجياڭ اۋىل شارۋاشىلىعى كورمە باقشاسىن، جيۋجوۋ حىڭچاڭ زات اينالىمى جارنا شەكتى سەرىكتەستىگىن ەكسكۋرسيالاپ، زەردەلەندىرۋدىڭ شينجياڭنىڭ اۋىل شارۋاشىلىعى مەن زات اينالىمىنا اكەلگەن وزگەرىستەرىن شىنايى سەزىندى.

شينجياڭ اۋىل شارۋاشىلىق كورمە باقشاسىندا عىلىم ـ تەحنيكادان پايدالانا وتىرىپ، ىستىق بەلدەۋ وسىمدىكتەرى ەگىلۋمەن بىرگە، قۇمدا وسەتىن وسىمدىكتەر دە ەگىلگەن، اسىرەسە، كورمە باقشاسىنداعى بولاشاق اۋىل شارۋاشىلىق سارايى لي فۋشياڭنىڭ كوز اياسىن كەڭەيتتى. ”كوكونىستىڭ توپىراقسىز ورتادا دا ٴوسىپ ـ جەتىلەتىنىن ويلاماپپىن“، ـ دەدى لي فۋشياڭ. شينجياڭ اۋىل شارۋاشىلىعى كورمە باقشاسىنىڭ كوكونىس ەگۋ ۇلگىسى دۇنيە جۇزىندەگى اناعۇرلىم كوپ مەملەكەتتەرگە جالپىلاستىرۋعا تاتيدى.

قورەكتىك سۇيىقتىق ىشىندە ەگۋ، كوپ قاباتتى ەگۋ، تولقىن فورماسىندا ەگۋ سياقتى ەگىمشىلىك ۇلگىسىنەن پايدالانعان شينجياڭ اۋىل شارۋاشىلىق كورمە باقشاسىندا يوۋمايساي، شىڭساي، كۋجۇي سياقتى 10 نەشە ٴتۇرلى جاپىراقتى كوكونىس ەگىلگەن. بۇل ارادا ٴاربىر ٴتۇپ كوكونىس كىشكەنتاي كوزى بار سۋلياۋ قۇبىر ىشىندە ەگىلەدى، قۇبىردىڭ ىشىندە جاساندى جولمەن قورەكتىك سۇيىقتىق جەتكىزىلىپ، كوكونىستىڭ ٴوسۋىن قورەكتىكپەن قامدايدى.

بولاشاق اۋىل شارۋاشىلىق سارايىندا حىنان اۋىل شارۋاشىلىق داشۋەسى ماشينا ـ ەلەكتر ينجەنەرياسى شۋەيۋانىندا وقيتىن پاكيستاندىق دوكتورانت ابباس كوكونىس ەگۋ تەحنيكاسىن ەگجەي ـ تەگجەيلى سۇرادى، اۋىل شارۋاشىلىق ماماندىعىن ۇيرەنگەن ول وسى تەحنيكانى اۋىلىنا الا بارۋدى ٴۇمىت ەتتى.

جيۋجوۋ حىڭچاڭ زات اينالىمى جارنا شەكتى سەرىكتەستىگى كومىر، تەمىر كەنى، اك تاسى سياقتى كوپ تۇتىنىلاتىن زات تاسىمالىن نەگىز ەتكەن ٴىرى تۇرپاتتى جالپىلىق زات اينالىمى بويىنشا قىزمەت وتەۋشى ساۋداگەر. سول كۇنى بۇل سەرىكتەستىك شەتەلدىك تىلشىلەر مەن ينتەرنەت تانىمالىلارىنا زات اينالىمى تۇعىرى قۇرىلىسىنىڭ جەتىستىكتەرىن كورسەتتى. زەردەلى زات اينالىمى تۇعىرى ارقىلى جيۋجوۋ حىڭچاڭ زات اينالىمى جارنا شەكتى سەرىكتەستىگى تاپسىرىس باسقارۋدان تارتىپ ەسەپ جابۋعا دەيىنگى تۇتاس كاسىپ بارىسىن ساندى مالىمەتكە اينالدىرۋدى، كوزبەن كورۋگە بولاتىن ەتىپ، جۇيەلىلەندىرۋدى جۇزەگە اسىردى.

2019 ـ جىلدان باستاپ، جيۋجوۋ حىڭچاڭ زات اينالىمى جارنا شەكتىسەرىكتەستىگى جاڭا ەنەرگيالى تاسىمال اۆتوكولىكتەرىن ساتىپ الا باستادى، اسىرەسە، بيىل ٴتىپتى دە كولەمدەنگەن تۇردە 1000نان استام جاڭا ەنەرگيالى تاسىمال اۆتوموبيلىن ساتىپ الدى. ”قازىر 1200 جاڭا ەنەرگيالى تاسىمال اۆتوموبيلى بار، جىل سوڭىندا 1500گە جەتەدى. جيۋجوۋ حىڭچاڭ زات اينالىمى جارنا شەكتى سەرىكتەستىگىنىڭ باس ديرەكتورى چىن حۋ الداعى 2 جىلدا جاڭا ەنەرگيالى تاسىمال اۆتوكولىكتەرىنىڭ سانى 3500گە جەتەتىندىگىن ايتتى.

بۇل جاڭا ەنەرگيالى تاسىمال اۆتوموبيلدەرى شامامەن 45 مينۋتتا زارياتتالىپ بولادى، باتارەيانى 5 مينۋت ىشىندە ـ اق اۋىستىرۋعا بولادى. جۇڭگو سايتىنىڭ پەرۋلىك ٴتىلشىسى پىڭ رۇي، جۇڭگو شەتەل تىلىندەگى باسىلىمداردى باسپادان شىعارۋ ـ تاراتۋ ىستەرى مەكەمەسى ازيا ـ تىنىق مۇحيت ورتالىعىنىڭ بيرمالىق ٴتىلشىسى تۇڭ سىدۋ قاتارلىلار سول ارادا قىسقا بەينە جازبا ٴتۇسىردى، ولار ٴوز ەلدەرى حالقىنا شينجياڭنىڭ زات اينالىمى سالاسىن زەردەلەندىرىپ، تومەن كومىر قىشقىل گازدى ەتىپ قۇرۋ جاعىنداعى جەتىستىكتەرىن ۇگىتتەيتىندىكتەرىن ايتتى.