□ انار بۇلت \ شينجياڭ گازەتىنىڭ تىلشىلەرى لۋ فىڭباۋ، حي حۇڭۋي

كونە، ەسكى شاعىن اۋماقتاردى جاڭالاعاندا، ”بەت ـ الپەت“ جاڭالاندى، ”جۇرەكتەر“ جىلىندى.

10 ـ ايدىڭ 28 ـ كۇنى 2024 ـ جىلعى اۆتونوميالى رايوننىڭ جوعارى ساپالى دامۋدى تەكسەرۋ ـ زەرتتەۋ ساپارى تاقىرىپتىق تىلشىلىك ۇيىرمەسى تۇرپان قالاسى گاۋچاڭ رايونى گاۋچاڭ جولى ٴمالى باسقارماسى لۇييۋان الەۋمەتتىك اۋماعىنىڭ لۇييۋان شاعىن اۋماعىنا بارعاندا، ۇيلەردىڭ سىرتقى قابىرعالارىنىڭ شىت جاڭا بەينەگە ەنىپ، جولدارى كەڭەيىپ، ورتاسى جاسىل جەلەك جامىلعاندىعىن، بالالاردىڭ ساۋىق ـ سايران الاڭىندا اسىر سالىپ، قارتتاردىڭ كاريدورلاردا ەمىن ـ ەركىن اڭگىمە ـ دۇكەنىن قۇرىپ وتىرعاندىعىن كوردى.

بىرنەشە ايدىڭ الدىندا بۇل ارانىڭ جەكەلىك اۆتوكولىكتەردىڭ بەتالدى توقتاتىلىپ، ەلەكتر سىمدارىنىڭ بەتالدى تارتىلىپ، قوقىر ـ قوقسىقتاردىڭ الباتى ٴۇيىلىپ جاتقان كونە، ەسكى شاعىن اۋماق ەكەندىگىن ەشكىم دە ويلامايدى.

لۇييۋان الەۋمەتتىك اۋماعى پارتيا باس ياچەيكاسىنىڭ شۋجيى ياڭ گو ـ ۋي بىلاي دەپ تانىستىردى: بۇل گاۋچاڭ رايونىنداعى ٴبىرشاما ەرتە سالىنعان شاعىن اۋماقتاردىڭ ٴبىرى، بۇدان بۇرىن شاعىن اۋماق كورشىلەس كونە، ەسكى شاعىن اۋماقتارمەن ٴوزارا كىرىگىپ، قورعان تامدارمەن ٴبولىنىپ تۇراتىن، الەۋمەتتىك كەڭىستىكتىڭ تارلىعىنان وسى شاعىن اۋماقتاردىڭ قوجالىق باسقارۋىنىڭ جەتەرسىز بولۋى، تۇرعىنداردىڭ ٴجۇرىس ـ تۇرىسىنىڭ قولايسىز بولۋى، كولىكتۇراقتىڭ جەتىسپەۋى، كوڭىل اشۋ، دەنە شىنىقتىرۋ قۇرىلعىلارىنىڭ جوقتىعى سياقتى ماسەلەلەر جاپپاي ورىن تەپكەن.

”اۆتوكولىك توقتاتۋ قيىن، ٴسال كەشىكسەك بولعانى كولىك توقتاتاتىن ورىن قالمايدى. قوجالىق باسقارۋ جوقتىڭ قاسى، قوقىر ـ قوقسىق ۇزاق ۋاقىت تازالانباي جاتادى“. 69 جاستاعى ساتتار يمىن لۇييۋان شاعىن اۋماعىندا 30 جىلعا جۋىق تۇرمىس كەشىرگەن، شاعىن اۋماقتىڭ ورتاسى اۋىزعا الىنسا بولدى قاباعى تۇيىلە قالادى.

جىل باسىندا تۇرپان قالاسى كونە، ەسكى شاعىن اۋماقتاردى جاڭالاۋدى حالىق تۇرمىسىن جاقسارتۋداعى 10 ٴىرى ناقتى ٴىستىڭ بىرىنە ەنگىزىپ، 3 ـ ايدان باستاپ كونە، ەسكى شاعىن اۋماقتاردى جاڭالاۋ قىزمەتىنە كىرىستى.

لۇييۋان شاعىن اۋماعىن قالاي جاڭالاۋ كەرەك؟ تۇرعىنداردىڭ ايتقانى ەسەپ.

”حالىقتىڭ قاجەتىن ٴبىلىپ، قىزمەتكە باستاپ كىرىسۋدە، الدىمەن، كوپشىلىكتىڭ پىكىرىن تىڭداعاننان كەيىن جۇمىس باستاۋدى ۇيعاردىق“، ـ دەدى ياڭ گو ـ ۋي.

”قورعان تامدى شاعۋ“، ”قوجالىق باسقارۋ سەرىكتەستىگىن اكەلۋ“، ”كولىكتۇراق ورنىن بەلگىلەۋ“، ”قيمىل الاڭىن كوبەيتۋ“... تۇرعىندار ٴتۇرلى پىكىرلەردى ورتاعا قويدى، الەۋمەتتىك اۋماق قىزمەتكەرلەرى پىكىرلەردى ٴبىر ـ بىردەن ەستەلىككە الدى.

پىكىر بىرلىگىنە كەلدى: كوپشىلىك اناعۇرلىم جايلى تۇرمىس ورتاسىنىڭ بولۋىن ٴۇمىت ەتتى، كونە، ەسكى شاعىن اۋماقتاردى جاڭالاۋدى قولدادى.

الايدا، ٴىشىنارا تۇرعىندار كولىك توقتاتاتىن ورىن شىقپاۋدان الاڭدادى، كەيبىرەۋلەر وزدەرى سالعان كولىك توقتاتۋ قالتقىسىن بۇزعىسى كەلمەدى.

الەۋمەتتىك اۋماقتاعى پارتيا مۇشەلەرى بولەك ـ بولەك ارەكەتتەنىپ، جوبا كارتاسىن الىپ، ٴۇي ـ ۇيگە كىرىپ ٴتۇسىندىرىپ، اقىل ـ كەڭەس بەردى. ”كولىك توقتاتۋ قالتقىسىن بۇزۋعا تۇرعىنداردىڭ ماقۇلدىعىن الۋ ٴۇشىن، ٴبىز ٴۇي ـ ۇيگە قايتا ـ قايتا باردىق“، ـ دەدى ياڭ گو ـ ۋي.

الەۋمەتتىك اۋماق قىزمەتكەرلەرى تۇرعىندار اراسىنداعى ساقا پارتيا مۇشەلەرىن اتتانىسقا كەلتىرىپ، ولاردى كورشىلەرىنە قىزمەت ىستەۋگە جۇمىلدىردى. قىزمەت جاقسى ىستەلدى، تۇرعىنداردىڭ كوڭىلى جاي تاپتى، 9 ـ ايدا كونە، ەسكى شاعىن اۋماقتاردى جاڭالاۋ قىزمەتى باستالدى.

جاڭالاۋ قىزمەتى ”الىپ قالۋ، جاڭالاۋ، شاعۋ، كوبەيتۋ، شارۋاشىلىققا پايدالانۋ“ دەگەن ماسەلەلەرمەن تىعىز بىرلەستىرىپ، لۇييۋان شاعىن اۋماعىن وزەك ەتىپ، توڭىرەكتەگى 9 شاعىن اۋماقتىڭ 525 مەترلىك تام قابىرعاسىن، 892 شارشى مەترلىك بەلگىلەمەگە قايشى سالىنعان ٴۇيدى شاعىپ، 18 مىڭ 908 شارشى مەترلىك عيمارات قابىرعاسىنىڭ جىلۋ ساقتاۋ اۋماعىن جاڭادان وزگەرتىپ سالدى، جاڭادان 180 كولىكتۇراق، 2 باسكەتبول الاڭى مەن قاۋىرسىن دوپ الاڭىن جاڭادان سالىپ، 97 دەنە شىنىقتىرۋ اسپابىن، بالالاردىڭ ويىن قۇرىلعىسىن، اعاش ورىندىق، تاس ورىندىق ورناتتى، جاسىل، ورتاعا زالالسىز 45 قوقىر ـ قوقسىق ساندىعى قويىلدى، 60 اۆتوكولىك، ەلەكترلى ۆەلوسيپەد زارياتتاۋ باعاناسى كوبەيتىلدى، ت . ب.

قۇرىلىس جۇرگىزۋ بارىسىندا ٴۇن ـ ٴتۇنسىز ىستەي بەرمەي، جۇمىستىڭ ٴاربىر بۋىنىندا جۇمىس باستاۋدان بۇرىن الەۋمەتتىك اۋماق تۇرعىنداردىڭ پىكىرىنە تولىق قۇلاق استى.

”راشەتكانىڭ رەڭىنە قاراڭىزشى“. ياڭ گو ـ ۋي شاعىن اۋماقتىڭ قورعان تام راشەتكاسىن نۇسقاپ تۇرىپ تىلشىگە بىلاي دەدى: ”وسى رەڭ جونىندە، الەۋمەتتىك اۋماق 3 كەزەك پىكىر الدى، ەڭ سوڭىندا ورىك سارى ٴتۇستى ٴبىر تۇتاس پايدالاندىق“.

جاڭالاۋ بارىسىندا، الەۋمەتتىك اۋماق بىرىكتىرىلگەننەن كەيىنگى 9 شاعىن اۋماقتى ٴبىر قوجالىق سەرىكتەستىگىنىڭ ٴبىر تۇتاس باسقارۋىنا وتكىزىپ، ٴبىر ۋاقىتتا 2 الەۋمەتتىك اۋماق پارتيا مۇشەسىن شاعىن اۋماقتىڭ ”قىزىل باسقارۋشىسى“ بولۋعا تاڭداپ جىبەرىپ، 1013 وتباسىنداعى 3097 ادامعا تيىمدىلىك جەتكىزدى. ”باسقاراتىن ادام بولماۋدان“ ”باسقاراتىن ادام بولۋعا“، ونان ”جاقسى باسقارۋعا“ دەيىن، كونە، ەسكى شاعىن اۋماقتاردىڭ قوجالىق قىزمەت وتەۋىنىڭ ساپاسى جوعارىلادى.

2 ايعا جۋىق جاڭالاۋ ارقىلى قازىرگى لۇييۋان شاعىن اۋماعىندا الەۋمەتتىك قىزمەت وتەۋ قۇرىلعىلارى كەمەلدەنىپ، شاعىن اۋماقتى باسقارۋ ونىمدىلىگى جوعارىلاپ، اۋلالار ٴوزارا جالعاسىپ، كورشىلەر ٴوزارا كومەكتەسىپ، تۇرعىنداردىڭ باقىت سەزىمى، ريزا بولۋ دەڭگەيى كورنەكتى كۇشەيدى.

”شاعىن اۋماقتىڭ ورتاسى قازىر بۇرىنعىعا ۇقسامايدى، كوپشىلىك جاڭالاۋ قىزمەتىنە ەرەكشە ريزا، قولدارى بوساي قالسا بولدى قيمىل الاڭىنا بارىپ دەنە شىنىقتىرادى، اڭگىمە ـ دۇكەنىن قۇرادى“، ـ دەدى 75 جاستاعى تۇرعىن ديڭ ۋيساي.

لۇييۋان شاعىن اۋماعىنىڭ قاقپاسىنداعى بوساعالىق تۇرعىنداردىڭ جۇرەك ٴۇنىن جەتكىزىپ تۇرعانداي سەزىلەدى، جوعارعى بوساعالىقتا ”ٴجۇزىمنىڭ تامىرىنداي تامىرلارى جالعاسقان“، تومەنگى بوساعالىقتا ”اناردىڭ دانىندەي سۇيىسپەنشىلىكتەرى توعىسقان“، كولدەنەڭ بوساعالىقتا ”توعىسقان جۇرەك شاعىن اۋلاسى“ دەپ جازىلعان.