كيپر مەديا ۋاكىلدەر ۇيىرمەسى ساپارلاي كەلدى _

　　”قازىرگى تاڭداعى جۇڭگونىڭ شينجياڭى كۇن سايىن جاڭارۋدا ەكەن، ٴبىزدىڭ ۇيرەنۋىمىزگە تاتيدى“

　　□ انار بۇلت \ شينجياڭ گازەتىنىڭ ٴتىلشىسى سى لۋلۋ

”كورىنىسى كوركەم، وزگەشە، ونەركاسىپ، اۋىل شارۋاشىلىق عىلىم ـ تەحنيكاسىندا جاڭالىق اشۋ بولاشاعى شەكسىز ەكەن، قازىرگى تاڭداعى جۇڭگونىڭ شينجياڭى كۇن سايىن جاڭارۋدا ەكەن، ٴبىزدىڭ ۇيرەنۋىمىزگە تاتيدى“، ـ دەدى 10 ـ ايدىڭ 28 ـ كۇنى شينجياڭداعى ساپارىن اياقتاتۋ الدىندا تۇرعان كيپر مەديا ۋاكىلدەر ۇيىرمەسىنىڭ مۇشەسى، كيپر «تاڭ گازەتى» ساياسي ـ ەكونوميكا ايدارىنىڭ اعا رەداكتورى كونستانتينوس زاحاريۋ تەبىرەنە.

10 ـ ايدىڭ 22 ـ كۇنىنەن 28 ـ كۇنىنە دەيىن ۋاكىلدەر ۇيىرمەسىندەگىلەر ىلگەرىندى ـ كەيىندى ٴۇرىمجى قالاسىنا، بايىنعولين موڭعۇل اۆتونوميالى وبلىسىنا، اقسۋ ايماعىنا باردى، ولار مۇراجايعا، ٴىسلام ٴدىنى شۋەيۋانىنا بارىپ شينجياڭنىڭ تاريحي مادەنيەتىن، ۇلتتىق كوركەمونەرىن جانە دىندەردىڭ دامۋ جاعدايىن ۇعىستى، كاسىپورىندارعا، كورىنىس وڭىرلەرىنە بارىپ، شينجياڭنىڭ عىلىم ـ تەحنيكا قۇرىلىسى جەتىستىكتەرىن جانە كوركەم جاراتىلىستىق كورىنىستەرىن ەكسكۋرسيالاپ، شينجياڭنىڭ قوعامى ورنىقتى، مادەنيەتى گۇلدەنگەن، ۇلتتارى ىنتىماقتى، ٴدىن تاتۋ، سونداي ـ اق ٴار ۇلت حالقى تىنىش ٴومىر، شات ـ شادىمان تىرشىلىك كەشىرگەن شىنايى جاعدايىن تىكە سەزىندى.

شينجياڭ ٴىسلام ٴدىنى شۋەيۋانىندا ۋاكىلدەر ۇيىرمەسىنىڭ مۇشەلەرى ٴدىني وقىتۋشى ـ قىزمەتكەرلەردى باۋلۋ، ٴدىني قيمىل ورىستەتۋ سياقتى جاعدايلاردى تاپتەشتەي ۇعىستى. شينجياڭ حالىقارالىق ٴماجىلىس ـ كورمە ورتالىعىنداعى ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىندە“ ۋاكىلدەر ۇيىرمەسىنىڭ مۇشەلەرى قىرۋار سۋرەت، بەينەجازبا جانە ناقتى زات كورمەسى ارقىلى لاڭكەستىكتىڭ، ٴدىني ۇشقارىلىقتىڭ شينجياڭعا اكەلگەن زيانىن ىشكەرىلەي ۇعىستى، ۋاكىلدەر ۇيىرمەسىنىڭ مۇشەلەرى حالىقارالىق سەلبەستىكتى كۇشەيتىپ، لاڭكەستىكتەن بىرگە ساقتانۋدى جانە وعان سوققى بەرۋدى ٴۇمىت ەتەتىندىكتەرىن ٴبىلدىردى.

شينجياڭ حالىقارالىق ۇلكەن بازارىندا، كۇشار قالاسى كۇسان كوشەسىندە ۋاكىلدەر ۇيىرمەسىنىڭ مۇشەلەرى ايقىش ـ ۇيقىش كوشەلەردە اياڭداي ٴجۇرىپ، كوشەنىڭ ەكى جاعىنداعى ٴار قيلى، وزگەشە ەسكىلىكتى قاراپايىم تۇرعىندار تۇراعىن جانە جايماداعى كوزدىڭ جاۋىن الاتىن ۇلتتىق ەرەكشەلىككە يە قولونەر بۇيىمدارىن كورگەندە ٴالسىن ـ ٴالى ايالداي قالىپ تاماشالادى، جايما يەسىنەن باعاسىن سۇراپ، اڭگىمەلەستى. ۋاكىلدەر ۇيىرمەسىنىڭ مۇشەلەرى تاعى كۇشار قالاسى كۇسان ۋي، جين پاتشالىعى داۋىرىندەگى ەسكى قابىر جۇرتى مۇراجايىن، باي اۋدانىنداعى قىزىل تاس ۇڭگىرى سياقتىلاردى ەكسكۋرسيالاپ، جۇڭگو شينجياڭىنىڭ تاريحي مادەنيەت مايەگى تەرەڭ ەكەن دەپ ٴسۇيىندى.

شينجياڭ كوركەمونەر شۋەيۋانىنىڭ ۋان تۇڭشۋ جانە 12 مۇقام كورمە زالىندا ۋاكىلدەر ۇيىرمەسىنىڭ مۇشەلەرى 12 مۇقام كونسەرتىن تاماشالادى؛ باعراش اۋدانى بەيزاتتىق مادەنيەت مۇرالارىن جالعاستىرۋ ورتالىعىندا ۋاكىلدەر ۇيىرمەسىنىڭ مۇشەلەرى توپشۇر شەرتۋ، چينچياڭ اۋەنى، «جاڭعىر» ايتۋ سياقتى ويىن نومىرلەرىن تاماشالاپ، شينجياڭ حالقىنىڭ مۋزيكا مەن بيگە سۇيىسپەنشىلىكتەرىن ارناعاندىعىن، تۇرمىسقا شوگەلدىك تانىتىپ، باقىتقا تالپىنعان تاماشا ارمان ـ تىلەكتەرىن سەزىندى.

كيپر «تاڭ گازەتىنىڭ» جاۋاپتى رەداكتورى، ەڭبەكشى حالىق العاباسار پارتياسى ورتالىق كوميتەتى ساياسي بيۋروسىنىڭ مۇشەسى، قوسىمشا نيكوسيا قالالىق پارتكومنىڭ شۋجيى ناۋفيتوس ناۋفيتو مىنالاردى ٴبىلدىردى: ”ٴبىزدىڭ كورگەنىمىز وسى بايىرعى مۋزيكا اسپاپتارى جانە ٴبي عانا ەمەس، ونان دا ماڭىزدىسى، وسى بارىستا ادامداردىڭ جاراسىمدى مەكەندى قالاي قۇرۋ، قالاي باقىتتى تۇرمىس كەشىرۋ سىندى تاماشا رۋحاني تالپىنىسىن سەزىندىك“.

ۋاكىلدەر ۇيىرمەسىنىڭ مۇشەلەرى ”جۇڭگونىڭ اق ورىك مەكەنى“ اتانعان بۇگىر اۋدانىنا بارعان ٴساتى شينجياڭنىڭ ماقتا تەرۋ مەزگىلىنە تۋرا كەلگەن ەدى، بۇگىر اۋدانى لۇننان قالاشىعىنىڭ ماقتا اتىزىندا ٴىرى تۇرپاتتى ەكى ماقتا تەرۋ ماشيناسى گۇرىلدەپ، ماقتا تەرۋدىڭ جۇمىس باسى ەڭبەك دۋمانىنا شومعان. ٴىشىنارا اتىزدارداعى ماقتا جينالىپ بولىپ، ”ماقتا دومالاقشاسى“ ەتىپ تايلانىپتى، ۋاكىلدەر ۇيىرمەسىنىڭ مۇشەلەرى جابال ماقتا اتىزىنا بارىپ ”ماقتا دومالاقشاسىمەن“ سۋرەتكە ٴتۇسىپ ەستەلىك قالدىردى.

”ٴبىز ٴوز كوزىمىزبەن كورگەن نارسەلەرگە سەنەمىز، ٴبىز شينجياڭدا ماقتا تەرۋدىڭ جوعارى دەڭگەيدە ماشينالانعاندىعىن كوردىك، نەبارى 10 نەشە مينۋتتا ٴبىر بولىك ماقتا اتىزىنداعى ماقتانى تەرىپ، تايلاپ ۇلگىردى، ەرەكشە جوعارى ٴونىمدى ەكەن“، ـ دەدى كونستانتينوس زاحاريۋ.

ۋاكىلدەر ۇيىرمەسىنىڭ مۇشەلەرى تاعى كاسىپورىندارعا بارىپ، جاڭا ماتەريالداردى زەرتتەپ اشۋ، قالا جولى قۇرىلىسى، بوراننان ساقتانۋ، قۇمدى تۇراقتاندىرۋ، سونداي ـ اق سۋ بايلىعىن باسقارۋ سياقتى جاقتاردان شينجياڭنىڭ عىلىم ـ تەحنيكادا جاڭالىق اشۋ جەتىستىكتەرىن ىشكەرىلەي ۇعىستى. ولار ەكى ەل كاسىپورىندارىنىڭ تەحنيكالىق سەلبەستىكتى كۇشەيتىپ، كوبىرەك اۋىس ـ كۇيىس جاساۋىن ٴۇمىت ەتەتىندىكتەرىن ٴبىلدىرىستى.

”جۇڭگونىڭ شينجياڭى مەن بۇرىن بىلگەن جاعدايدان مۇلدە باسقاشا ەكەن، ادامدار تىنىش تا جاراسىمدى تۇرمىس كەشىرىپ جاتىپتى“، ناۋفيتوس ناۋفيتو مىنالاردى ٴبىلدىردى: جۇڭگو ۇكىمەتى شينجياڭداعى ٴار ۇلت حالقىنىڭ قۇت ـ ىرىسىن ارتتىرۋعا بار كۇشىن سالۋدا، ٴبىز وسى ارادا تۇرمىس كەشىرىپ جاتقان ادامداردىڭ ٴبىرىن ـ ٴبىرى ٴتۇسىنىپ، بەرەكەلى، قارايلاسىمدى بولىپ، كوركەم مەكەندى بىرگە قۇرۋ جونىندەگى كۇشتى تىلەگىن تەرەڭ سەزىندىك، وسى رەتكى ەكسكۋرسيا، ساپار ارقىلى شينجياڭمەن بايلانىستى جانە اۋىس ـ كۇيىستى ونان ارى كۇشەيتىپ، ناقتى ىستەر سەلبەستىگىن تەرەڭدەتىپ، جارقىن بولاشاقتى بىرگە جاراتۋدى ٴۇمىت ەتەمىز.