انار بۇلت \ شينجياڭ گازەتىنىڭ ٴتىلشىسى ۋاڭ يايۇن 11 ـ ايدىڭ 3 ـ كۇنى ۇرىمجىدەن حابارلايدى. اۆتونوميالى رايوندىق جاراتىلىستىق بايلىق مەڭگەرمەسىنەن ۇعىسۋىمىزشا، 1 ـ ايدان 9 ـ ايعا دەيىن شينجياڭ ولكە، مينيسترلىك ەكى دارەجەلى 163 كەن بارلاۋ ۇقىعىن باسەكەلىك سيپاتتى وتكەرمەلەگەن، جيناعان كەن ۇقىعىن وتكەرمەلەۋ پايداسى 17 ميلليارد 599 ميلليون يۋان بولىپ، سايكەس مەزگىلدەگىدەن %45.44 ارتقان، كەن تۇرلەرى كومىر، مۇناي ـ تابيعي گاز، التىن، مىس، ليتي قاتارلىلاردى نەگىز ەتكەن.

بيىل جىل باسىنان بەرى، شينجياڭ بايلىق ەرەكشەلىگىن جانە وڭىرلىك ورىن باسىمدىعىن تياناق ەتىپ، ستراتەگيالىق كەندى جانە جالپىلىق كەندى نەگىزگى ٴتۇيىن ەتىپ، كەن بايلىعىن اشۋدى جەدەلدەتىپ، ەنەرگيا بايلىعىن بارلاۋدى، اشۋدى جانە قورىن ارتتىرىپ ٴونىمىن جوعارىلاتۋدى ۇزدىكسىز ىلگەرىلەتتى. اۆتونوميالى رايوندىق جاراتىلىستىق بايلىق مەڭگەرمەسى تەكسەرۋ ۋاقىتىن قىسقارتۋ، جالعاپ تەكسەرۋدى ازايتۋ، ارناۋلى بايلانىس مەحانيزمىن ورناتۋ، ۇگىتتەۋ، تانىستىرۋ سەرپىنىن زورايتۋ سياقتى ٴبىر قىدىرۋ شارالاردى قولدانىپ، گەولوگيالىق بارلاۋ جەتىستىكتەرىن كاسىپ سالاسى باسىمدىعىنا اينالدىرۋدى جەدەلدەتتى.

اۆتونوميالى رايوندىق جاراتىلىستىق بايلىق مەڭگەرمەسى كەن ۇقىعىن باسقارۋ باسقارماسىنىڭ باستىعى گاۋ جانشين بىلاي دەپ تانىستىردى: الدىڭعى 9 ايدا شينجياڭنىڭ باسەكەلىك سيپاتتى وتكەرمەلەۋ بولىگىندە باسەكەلەسىپ ساتۋعا قاتىناسقان كاسىپورىندار سانى ەسەلەپ ارتۋ، جوعارى باعا سالىستىرماسىندا ساۋدالاسۋ قايتا ـ قايتا جارىققا شىعۋ سىندى ەرەكشەلىك بايقالىپ، بىرنەشە بولىكتىڭ باسەكەلىك باعاسى 500 رەتتەن اسىپ، جالاڭ بولىك باسەكەلىك باعاسى كوپ بولعاندا 1432 رەت بولدى.

شينجياڭنىڭ كەن بايلىعى ٴتۇرى تولىق، قورى مول، كەن ىزدەۋ بولاشاعى ايرىقشا نۇرلى. تۇتاس رايوندا 153 ٴتۇرلى كەن بايقالعان، 103 ٴتۇرلى بايلىق قورى تەكسەرىپ انىقتالعان، بۇلار جەكە ـ جەكە بۇكىل مەملەكەتتىكىنىڭ %88ىن جانە %63ىن ۇستايدى، تەكسەرىپ انىقتالعان 77 ٴتۇرلى بايلىقتىڭ قورى بۇكىل ەل بويىنشا الدىڭعى 10 ورىننىڭ قاتارىندا تۇرادى، مۇناي ـ تابيعي گاز، كومىر، تەمىر، مىس، نيكەل، قورعاسىن، مىرىش سياقتى باسىمدىققا يە كەن ونىمدەرى جانە كوپتەگەن دۇنيە ٴجۇزى دارەجەلى كەنىش بار. تانىستىرۋعا قاراعاندا، بيىل 69 كاسىپورىن جاڭادان باسەكەگە قاتىناسقان، مۇنىڭ ىشىندە شينجياڭ سىرتىنداعى 13 كاسىپورىن، شينجياڭ ىشىندەگى 56 كاسىپورىن بار ەكەن.

قازىر اۆتونوميالى رايوننىڭ ٴوز دارەجەسىندە 30 كەن بارلاۋ ۇقىعى ماڭدايشالىق اسىپ وتكەرمەلەنۋدە، باستى كەن تۇرلەرى مىس، التىن، قورعاسىن ـ مىرىش، كومىر. ٴتورتىنشى ماۋسىمدا تاعى مۇناي ـ تابيعي گاز، كومىر، ليتي، مىس، تەمىر، التىن، فليۋرويت، كالي تۇزى سياقتى ماڭىزدى كەن ونىمدەرى ىركەس ـ تىركەس وتكەرمەلەنەدى، مەجەمەن وتكەرمەلەۋ جالپى سانى بىلتىرعىدان اسىپ تۇسەدى.