_ شينجياڭنىڭ ”قوس 11“ زات ساتىپ الۋ مەرەكەسى قيمىلىنا نازار

　　انار بۇلت \ شينجياڭ گازەتىنىڭ ٴتىلشىسى حي حۇڭۋي

”قوس 11“ جىلدىق كولەمدى ساتۋدى جەبەۋ قيمىلى رەتىندە، سوڭعى جارتى جىلداعى نەگىزگى تۇتىنۋ مەزگىلى ٴارى تۇتىنۋ جاعدايىنداعى وزگەرىستى باقىلايتىن ماڭىزدى تەرەزە. بيىلعى ”قوس 11“ شينجياڭ پوچتا اقىسى كوتەرىلەتىن وڭىرگە اينالعاننان كەيىنگى تۇڭعىش ”قوس 11“ زات ساتىپ الۋ شاتتىق مەرەكەسى بولىپ، توراپتاستار ەڭ ۇزاق ”قوس 11“ دەپ اتادى، 10 ـ ايدىڭ اياق شەنىنەن باستاپ، ٴارقايسى ٴىرى ەلەكتروندى ساۋدا تۇعىرلارى بيىلعى ”قوس 11“ ساتۋدى بارىنشا جەبەۋ قيمىلىن باستاپ، تۇتىنۋشىلارعا شىنايى تيىمدىلىك جاسادى.

ساندى مالىمەتتە كورسەتىلۋىنشە، ”قوس 11“ كەزىندە شينجياڭنىڭ ينتەرنەتتە بولشەك ساتىلۋ سوماسى سايكەس مەزگىلدەگىدەن %13.8 ارتقان، مۇنىڭ ىشىندە ناقتى زاتتاردىڭ ينتەرنەتتە بولشەك ساتىلۋ سوماسى سايكەس مەزگىلدەگىدەن %12.1 ارتقان، قىزمەت وتەۋ ٴتۇرىنىڭ ينتەرنەتتە بولشەك ساتىلۋ سوماسى سايكەس مەزگىلدەگىدەن %20.8 ارتقان. 11 ـ ايدىڭ 1 ـ كۇنىنەن 11 ـ كۇنىنە دەيىن شينجياڭعا كىرىپ ـ شىققان جەدەل جولدامالاردىڭ ٴبىر جاقتى ەتىلۋ مولشەرى جيىنى 68 ميلليون 498 مىڭ داناعا جەتىپ، سايكەس مەزگىلدەگىدەن %31.7 ارتىپ، تاريحتاعى تىڭ دەڭگەيگە جەتكەن.

　　جەدەل جولدامالاردىڭ جەتكىزىلۋى تەز بولدى

　　زات ساتىپ الۋ اناعۇرلىم قولايلى بولدى

”قوس 11“دەگى قولايلى ساتتە، كونەشار اۋدانى وپال قالاشىعى قاراوستەڭ قىستاعىنىڭ ديقانى ماحمۇت تۇرعۇن ينتەرنەتتەن تالاسا ساتىپ العان زاتتارىن قىسقا عانا 4 كۇندە تاپسىرىپ الدى.

”قازىر جەدەل جەتكىزۋ قىزمەت وتەۋ پۋنكتى قىستاققا كەلدى، ازىق ـ تۇلىكتەردى، تۇرمىستىق بۇيىمداردى، كيىم ـ كەشەكتەردى تۇگەل ينتەرنەتتەن ساتىپ الۋعا بولادى“، ـ دەدى ماحمۇت تۇرعۇن.

بيىلعى تيانماۋ ”قوس 11“ زات ساتىپ الۋ شاتتىق مەرەكەسى كەزىندە شينجياڭداعى تۇتىنۋشىلار بۇرىن بولماعان ساتىپ الۋ ومىرشەڭ كۇشىن ايگىلەدى. ساناققا قاراعاندا، تيانماۋ ”قوس 11“ قيمىلى باستالعان كەزدە، شينجياڭداعى تۇتىنۋشىلاردىڭ ادام باسىنا تۋرا كەلەتىن ساتىپ الۋ مولشەرى %50 جوعارىلاعان، تاۋباۋ ساۋداگەرلەرىنىڭ شينجياڭ وڭىرىنە جونەلتكەن تاپسىرىس مولشەرى بىلتىرعى قيمىلداعى ۇقساس مەزگىلدەگىدەن ەسەلەپ ارتىپ، ساتىلۋ سوماسى كۇندەلىكتەگىنىڭ 3 ەسەسىنە جەتكەن.

تاۋار تاڭداۋ جاعىندا، شينجياڭداعى تۇتىنۋشىلار دا تۇتىنۋ دەڭگەيىن بارىنشا ايگىلەگەن. سۋىرما قاعاز، وراما قاعاز سياقتى قاجەتتى سۇرانىس بۇيىمدارىنان سىرت، سۋلى ورامال، جۇمساق سۋلى قاعاز سياقتى ۇنەمى تۇتىنىلاتىن ونىمدەر دە ٴوتىمدى بۇيىمعا اينالعان. شاش ساندەۋ، شاش قورعاۋ بۇيىمدارىنىڭ ىشىندە شاش اسىراۋىش، شاشتى بۋلاپ اسىراۋىش، شاش مايلاۋىش جانە جالعان شاش سياقتى تاۋارلار دا ەرەكشە قارسى الىندى. بۇدان سىرت، ايەلدەر سومكەسى، قول تەرىسىن قورعاۋ مايى، وتباسىندىق جيناستىرۋ تاۋارلارى، ەرمەك حايۋان ازىق ـ تۇلىگى، قار ـ مۇز سپورتىنا قاتىستى تاۋارلار، سونداي ـ اق لوسىفىن سياقتىلاردىڭ بارلىعى بيىل شينجياڭداعى تۇتىنۋشىلار قىزۋ ىنتامەن ساتىپ العان تاۋارلار بولىپ، شينجياڭعا جونەلتىلگەن تاپسىرىس مولشەرى تۇگەلدەي زور مولشەردە ارتقان.

بۇل وزگەرىس مەملەكەت پەن اۆتونوميالى رايوننىڭ ٴبىر قىدىرۋ تۇتىنۋدى جەبەۋ ساياساتتارىنىڭ تياناقتانىپ اتقارىلۋىنىڭ ارقاسى، ونان دا ماڭىزدىسى، ەلەكتروندى ساۋدا تۇعىرىنىڭ زات اينالىمى جانە تولەۋ جاعىندا ۇزدىكسىز جاڭالىق اشۋىنان جانە ساپالىلانۋىنان بولە قاراۋعا بولمايدى.

ساۋداگەرلەردىڭ زات جونەلتۋ زات اينالىمى نارقىن تومەندەتۋ ٴۇشىن، تاۋباۋ شينجياڭ جانە باسقا دا باتىس بولىكتەگى 5 ولكەگە وتكەرمەلەپ شوعىرلى تاسىمالداۋ قىزمەت وتەۋىن اشتى. وتكەرمە قامبا ارقىلى تاپسىرىس مولشەرىن مولايتىپ كولەم باسىمدىعىن قالىپتاستىردى، ونىڭ ۇستىنە تاۋباۋدىڭ تاسىمال اقىسى قوسىمشا قاراجاتى بولعاندىقتان، ساۋداگەرلەردىڭ باتىس بولىكتەگى وڭىرلەرگە جىبەرگەن جەدەل جولدامالارىنىڭ نارقى بارىنشا تومەندەدى.

ال پيندودو ”10 ميلليارد يۋاندىق كەمەيتۋ، كەشىرىم ەتۋ“ جوسپارىن اتقارىپ، وتكەرمەلەۋ اقىسىن ەڭ تومەنگى شەكتەن تۇسىرمەي، باتىس بولىك وڭىرلەردىڭ پوچتا اقىسىن كوتەرۋ قيىن بولۋ ماسەلەسىن شەشتى. مىسالى، شينجياڭ، شيزاڭ سياقتى شالعاي وڭىرلەرگە زات جەتكىزۋ جونىندە پيندودو شي ـ اندا قامبا سالىپ، جەدەل جولداما الدىمەن شي ـ ان وتكەرمەلەۋ قامباسىنا جەتكەننەن كەيىن ەكىنشى رەت جولداندى. الدىڭعى بۋىنداعى وتكەرمەلەۋ اقىسىن ساۋداگەرلەر ۇستىنە الادى، سوڭعى بۋىنداعى اقىنى تۇعىر ۇستىنە الادى. بۇل شارا ساۋداگەرلەردىڭ زات اينالىمى نارقىن ونان ارى تومەندەتتى ٴارى شينجياڭداعى تۇتىنۋشىلارعا ٴتىپتى دە كوپ تيىمدىلىك جەتكىزدى.

شينجياڭنىڭ زات اينالىمى قىزمەت وتەۋى دە ”قوس 11“ كەزىندە ساپانى جوعارىلاتىپ، ونىمدىلىكتى ارتتىردى. جيڭدۇڭ زات اينالىمى، ساينياۋ يجان سياقتى زات اينالىمى كاسىپورىندارى ارنا قامالىن بەلسەنە اشىپ، قىزمەت وتەۋ ساپاسىن جوعارىلاتىپ، زات اينالىمىنا بەرىلەتىن جاقسى باعا مولشەرىنىڭ 1.2 پايىز جوعارىلاۋىنا دەم بەردى.

شينجياڭ داشۋەسى ەكونوميكا جانە باسقارۋ شۋەيۋانىنىڭ پروفەسسورى چىن بيڭ تالداۋ جاساپ بىلاي دەپ قارادى: جەدەل جولدامالار زات اينالىمىنىڭ كوبەيۋى جانە تولەۋ ٴتاسىلىنىڭ الۋان ٴتۇرلى بولۋى شينجياڭداعى تۇتىنۋشىلارعا اناعۇرلىم مول زات ساتىپ الۋ تالعامىن جانە اناعۇرلىم قولايلى زات ساتىپ الۋ سەزىنۋىن ازىرلەدى. ال تۇتىنۋشىلاردىڭ بايىپتىلىقپەن تۇتىنۋ كوزقاراسىنىڭ قالىپتاسۋى ەلەكتروندى ساۋدا تۇعىرىنىڭ اقاۋسىز دامۋىن ونان ارى ىلگەرىلەتتى.

　　تىكە تاراتۋ ارقىلى زات ساتۋ كۇشەيدى

　　شينجياڭنىڭ ەرەكشەلىككە يە ونىمدەرى ٴوتىمدى بولدى

11 ـ ايدىڭ 11 ـ كۇنى جۇڭگو پوچتا توبى شەكتى سەرىكتەستىگى حوتان ايماقتىق بولىمشە سەرىكتەستىگى پوچتا ەلەكتروندى ساۋدا تىكە تاراتۋ بازاسىندا اۋىل شارۋاشىلىق ونىمدەرىن تىكە تاراتۋ ارقىلى ساتۋشىلار بۇكىل ەلدەگى توراپتاستارعا حوتان شىلانى، جاڭعاعى، مەيىزى سياقتى ەرەكشەلىككە يە اۋىل شارۋاشىلىق ونىمدەرىن تانىستىرۋدا، تىكە تاراتۋداعى جارتى كۇندىك ساۋدا مولشەرى 2000نان استام تاپسىرىسقا جەتتى.

”تىكە تاراتۋدا ساتۋ ارقىلى شارۋالاردىڭ ساتۋى قيىن بولۋ، زات اينالىمى قيىن بولۋ ماسەلەسى شەشىلدى“. جۇڭگو پوچتا توبى شەكتى سەرىكتەستىگى حوتان ايماقتىق بولىمشە سەرىكتەستىگى يوۋلى ينتەرنەت تۇعىرىنىڭ جۇمىس جۇرگىزۋ جاۋاپتىسى ابدۇسامەت سامار بىلاي دەدى: جايشىلىقتا كولەمدى تىكە تاراتۋ قيمىلىن وتكىزگەندە ساتىلۋ ساۋدا سوماسى 800 مىڭ يۋاننان ٴبىر ميلليون يۋان اينالاسىندا بولادى.

تىكە تاراتۋ ەلەكتروندى ساۋداسى بيىلعى ”قوس 11“دەگى ٴبىر ۇلكەن جارقىن تۇيىنگە اينالدى، تىكە تاراتۋ ارقىلى زات ساتۋ سياقتى جاڭاشا ساتۋ ۇلگىسى ارقىلى شينجياڭنىڭ ساپالى ەرەكشە ونىمدەرى ٴساتتى تۇردە كوزگە ٴتۇسىپ، اعىن مولشەرىنەن ساتىلۋ مولشەرىنە دەيىنگى تاماشا بۇرىلىستى جۇزەگە اسىردى.

ساناققا قاراعاندا، ”قوس 11“ كەزىندە شينجياڭنىڭ تىكە تاراتۋ بويىنشا ينتەرنەتتە بولشەك ساتىلۋ سوماسى سايكەس مەزگىلدەگىدەن %38.4 ارتقان، تىكە تاراتۋدى كورگەن ادام ٴتىپتى 240 ميلليونعا (رەت) جەتكەن. ازىق ـ تۇلىك، دەنساۋلىق ساقتاۋ ونىمدەرى، ٴىنجۋ ـ مارجان، اشەكەي بۇيىمدار، اجارلاندىرۋ، كۇتىمدەۋ سياقتى كاسىپتەردىڭ ينتەرنەت جەلىسىندەگى ساتىلۋ مولشەرى ٴبىرشاما جاقسى بولعان.

بۇكىل شينجياڭنىڭ جەر ـ جەرى ”قوس 11“ كەزىندەگى ساتۋدى بارىنشا جەبەۋ سىندى شەشۋشى مەزگىلدى مىقتاپ يگەرىپ، جاقسى زاتتاردى، ساپالى ونىمدەردى تۋ باسىنان تاڭداپ الىپ، قوعامدىق قارىم ـ قاتىناس مەديالارىن ەنگىزۋ ارقىلى ۇگىت جۇرگىزۋ، قىسقا بەينەجازبا، شاعىن باعدارلاما سياقتى كوپ جاقتى ارنالار ارقىلى كومەسكى قابىلداۋشىلاردى تاۋىپ، اۋىل شارۋاشىلىعى ونىمدەرىنىڭ قىستاقتان شىعىپ قالاعا كىرۋىن جەدەلدەتتى. ساناققا نەگىزدەلگەندە، ”قوس 11“ كەزىندە شينجياڭداعى اۋىل ـ قىستاقتاردىڭ ينتەرنەتتە بولشەك ساتىلۋ سوماسى سايكەس مەزگىلدەگىدەن %18 ارتقان، مۇنىڭ ىشىندە اۋىل شارۋاشىلىق ونىمدەرىنىڭ ينتەرنەتتە بولشەك ساتىلۋ سوماسى سايكەس مەزگىلدەگىدەن %18 ارتقان، جەمىس ـ جيدەك، قاتتى قابىقتى جەمىستەر، مال، قۇس كاسىپتەرى الدىڭعى 3 ورىندى يەلەگەن.

چىن بيڭ مىنانى ٴبىلدىردى: اۋىل ـ قىستاقتى گۇلدەندىرۋ، سيفرلى اۋىل ـ قىستاق، اۋدان كولەمى ساۋدا جۇيەسى قۇرىلىسى سياقتى ساياساتتاردىڭ ونىمدىلىگى ۇزدىكسىز كورنەكتىلەندى، سونداي ـ اق شينجياڭنىڭ اۋىل شارۋاشىلىق ونىمدەرىنىڭ ساتىلۋىنا پارمەندى قولداۋ كورسەتتى.

اۋىل شارۋاشىلىق ونىمدەرىنەن سىرت، شينجياڭنىڭ كورىنىس وڭىرلەرى دە ”قوس 11“ كەزىندە دۋماندى بولدى. ٴارقايسى ۇلكەن ساياحات كووپەراتيۆتەرى، ەلەكتروندى ساۋدا تۇعىرلارى ۇشاق بەلەتى توسىن سي قورابى، رەت سانى شەكتەلمەگەن ۇشۋ جەلىلەس توپتامالارى، قوناق ۇيلەر ايىرباسى سياقتى ٴتيىمدى تاۋارلاردى ىركەس ـ تىركەس شىعارىپ، قىرۋار ساياحاتشىلاردىڭ نازارىن اۋداردى. مەيتۋان قوناق ٴۇيى ”قوس 11“ كەزىندە شينجياڭ قوناق ۇيلەرىنىڭ كوپتەگەن ٴتيىمدى توپتامالارىن شىعارىپ، ەندى كەلەتىن شينجياڭ قار ـ مۇز ساياحاتىنىڭ قاۋىرت مەزگىلىنە تاعى كۇش ۇستەدى.

مەيتۋاننىڭ ساندى مالىمەتىندە كورسەتىلۋىنشە، ”قوس 11“دىڭ الدى ـ ارتىندا شينجياڭنىڭ جەرگىلىكتى قوناقتارىنان سىرت، بەيجيڭ، شاڭحاي، شي ـ ان، چىڭدۋ، گۋاڭجوۋ، شىنجىن، ۋحان، چۇڭچيڭ، حاڭجوۋ، تيانجين سياقتى قالالاردان كەلگەن ساياحاتشىلار شينجياڭنىڭ ساياحات ينفورماتسياسىن ىركەس ـ تىركەس ىزدەپ، شينجياڭنىڭ قار ـ مۇز ساياحاتىنا دەگەن كۇشتى اۋەسىن ايگىلەگەن. ساياحاتشىلاردىڭ الۋان ٴتۇرلى قاجەتىن قاناعاتتاندىرۋ ٴۇشىن، مەيتۋان قوناق ٴۇيى ”قوس 11“ كەزىندە ٴبىر قىدىرۋ ٴتيىمدى جەلىلەس توپتامالاردى دەن قويا جوبالادى، بۇل شينجياڭدى ٴوز ىشىنە العان ەل ىشىندەگى 20دان استام ٴوتىمدى ساياحات نىسانالى جەرىن قامتىدى، اسىرەسە، شينجياڭ سياقتى قار الاڭىنىڭ توڭىرەگىندەگى قوناق ۇيلەرگە قاراتا ٴتۇيىندى تۇردە جالپىلاستىردى.

　　كونەسىنىڭ ورنىنا جاڭاسىن اۋىستىرۋ قوسىلدى

　　تۇتىنۋ بازارى جانداندى

بيىل تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ تۇڭعىش رەت ”قوس 11“ كەزىندەگى ساتۋدى بارىنشا جەبەۋ قيمىلىنا قاتىناسىپ، تۇتىنۋ بازارىن تەز جانداندىرىپ، ”قوس 11“ كەزىندەگى ساتۋدى بارىنشا جەبەۋ قيمىلىنا تىڭ مازمۇن ۇستەدى. بۇكىل شينجياڭنىڭ جەر ـ جەرىندەگى سۋنيڭ يگوۋ، وجيا ديانچي سياقتى ٴۇي ەلەكتر جابدىقتارىن ساتۋ ورىندارى ”قوس 11“دى مىقتى يگەرىپ، ٴۇي ەلەكتر جابدىقتارىنىڭ كونەسىنىڭ ورنىنا جاڭاسىن اۋىستىرۋدى اناعۇرلىم جەدەل ىلگەرىلەتتى.

شينجياڭ سۋنيڭ يگوۋ ساۋدا شەكتى سەرىكتەستىگىنىڭ باس ديرەكتورى ۋاڭ يەجى بىلاي دەپ تانىستىردى: شامامەن %90 تۇتىنۋشى كونەسىنىڭ ورنىنا جاڭاسىن اۋىستىرۋ تاسىلىمەن ٴۇي ەلەكتر جابدىقتارىن ساتىپ الدى. ساندى مالىمەتتە كورسەتىلۋىنشە، ”قوس 11“ كەزىندە شينجياڭ سۋنيڭ يگوۋدىڭ ساتۋ سوماسى بەرتىنگى 3 جىلداعى تىڭ دەڭگەيگە جەتىپ، سايكەس مەزگىلدەگىدەن %127 ارتقان، مۇنىڭ ىشىندە اۋا رەتتەگىش ونىمدەرى سايكەس مەزگىلدەگىدەن %360 ارتقان، تەلەۆيزور ونىمدەرى سايكەس مەزگىلدەگىدەن %81 ارتقان، توڭازىتقىش، كىر جۋعىش سايكەس مەزگىلدەگىدەن %60 ارتقان، اس ٴۇي ەلەكتر جابدىقتارى سايكەس مەزگىلدەگىدەن %63.5 ارتقان، كومپيۋتەر سايكەس مەزگىلدەگىدەن %130 ارتقان. دۇكەنگە كىرگەن قاريدار مولشەرى سايكەس مەزگىلدەگىدەن %170 ارتىپ، ٴاربىر قاريداردىڭ تاۋار ساتىپ الۋ ورتاشا سوماسى، ساتىپ العان دانا سانى تۇگەلدەي تىڭ ورەگە كوتەرىلىپ، مەملەكەتتىڭ ٴۇي ەلەكتر جابدىقتارى قوسىمشا قاراجاتىنا قاتىناسقان قاريدارلاردىڭ يەلەگەن سالىستىرماسى %92 بولعان.

”ٴۇي ەلەكتر جابدىقتارىنىڭ كونەسىنىڭ ورنىنا جاڭاسىن اۋىستىرۋ ساياساتى بيىلعى”قوس 11“ ساتۋدى جەبەۋدە زور رول اتقاردى“. ۋاڭ يەجى بىلاي دەدى: ۇكىمەتتىڭ قوسىمشا قاراجاتى مەن ٴتۇرلى ٴۇي ەلەكتر جابدىقتارىنىڭ، ٴۇي جيھازدارىنىڭ ارزانداتىلىپ ساتىلۋى ٴوزارا ۇشتاسىپ، تۇتىنۋشىلارعا اناعۇرلىم زور تيىمدىلىك جاسالدى.

اۆتوكولىك بازارىندا كونەسىنىڭ ورنىنا جاڭاسىن اۋىستىرۋ ساياساتى دا ماڭىزدى رول اتقاردى. كونەسىنىڭ ورنىنا جاڭاسىن اۋىستىرۋ ساياساتىنىڭ جەبەۋىندە، جاڭا ەنەرگيالى اۆتوكولىك كاسىبى جاڭا ونىمدەرىن شوعىرلى شىعارىپ، كوپتەگەن ايگىلى ماركالار قاراستىلىعىنداعى ەڭ جاڭا ونىمدەرىن بازارعا سالدى.

11 ـ ايدىڭ 9 ـ كۇنى بييادي اۆتوكولىگى ٴۇرىمجى جينالىس ـ كورمە ۋيۋە الاڭىندا جاڭا ونىمدەرىن جاريالاۋ ٴماجىلىسىن اشتى، 2025 ـ جىلعى نۇسقاداعى تاڭ DM-i جاڭادان بازارعا شىقتى. بۇراتالا قالاسىنىڭ تۇرعىنى جالاليدەن الگىندە 2018 ـ جىلعى بييادي جانار ماي اۆتوكولىگىن تاڭ DM-i اۆتوكولىگىنە اۋىستىردى. ”جاڭا كولىك ۇلكەن دە جايلى ەكەن“. جالاليدەن بىلاي دەدى: كونەسىنىڭ ورنىنا جاڭاسىن اۋىستىرۋ ساياساتىنا قاتىناسىپ، ۇكىمەتتىڭ 18 مىڭ يۋان اۆتوكولىك اۋىستىرۋ قوسىمشا قاراجاتىنان سىرت، زاۆود تاعى 8000 يۋان اۋىستىرۋ قوسىمشا قاراجاتىن بەرىپ، جيىنى 26 مىڭ يۋان ۇنەمدەپ قالدىم، بۇل وتە ٴتيىمدى بولدى.

بيىل الدىڭعى 10 ايدا شينجياڭ بييادي ۋاڭچاۋ جەلىلەس جاڭا ەنەرگيالى اۆتوكولىگىنەن جيىنى 23 مىڭى ساتىلىپ، سايكەس مەزگىلدەگىدەن %60 ارتتى. بييادي اۆتوكولىگى ۋاڭ چاۋ تورى شينجياڭ ۇلكەن رايونىنىڭ تيجارات ديرەكتورى ما شىڭتيڭ بىلاي دەپ تانىستىردى: دۇكەنگە كەلىپ كونەسىنىڭ ورنىنا جاڭاسىن اۋىستىرۋعا قاتىناسقان اۆتوكولىكتەر %40تەن استى، مەملەكەت جانە اۆتونوميالى رايوننىڭ جاراقسىزعا شىعارۋ جانە كونەسىنىڭ ورنىنا جاڭاسىن اۋىستىرۋ قوسىمشا قاراجاتىنان سىرت، كاسىپورىن تاعى 8000 يۋاننان استام كونەسىنىڭ ورنىنا جاڭاسىن اۋىستىرۋ قوسىمشا قاراجاتىن بەرىپ، اۆتوكولىك تۇتىنۋىن جەبەدى.

ٴۇي ەلەكتر جابدىقتارى مەن اۆتوكولىك بازارىنان سىرت، شينجياڭداعى ٴارقايسى ۇلكەن ساۋدا شەڭبەرلەرى، ساۋدا دۇكەندەرى، ەرەن بازارلار، سەيىل ـ سەرۋەن، كوڭىل اشۋ سياقتى كاسىپ كۇيلەرى دە ىركەس ـ تىركەس ”قوس 11“ ساتۋدى جەبەۋ قاتارىنا قوسىلدى. ٴبىر ٴبولىم دۇكەندەردىڭ ونىمدەرى كوپ ٴتۇرلى ”قوسىمشا قاراجاتتى“ كوبەيتىپ، تيىمدىلىك جاساۋ مولشەرى ينتەرنەت جەلىسىندەگىدەن دە كوپ بولدى، ”ينتەرنەت جەلىسىنەن تىس شىنايى سەزىنۋ، ينتەرنەت جەلىسىندەگىمەن بىردەي تيىمدىلىك جاساۋ“ كوپتەگەن ساۋداگەرلەردىڭ ساتۋدى جەبەۋدەگى ”اسىلىنا“ اينالدى.

تۇتىنۋ بازارىنىڭ ۇزدىكسىز قالپىنا كەلىپ، جاقسارۋىن ىلگەرىلەتۋ ٴۇشىن، بيىل جىل باسىنان بەرى شينجياڭ كونەسىنىڭ ورنىنا جاڭاسىن اۋىستىرىپ تۇتىنۋدى جەبەۋ جونىندەگى ٴبىر قىدىرۋ ساياسات ـ شارالاردى شىعاردى، سونىمەن بىرگە تۇتىنۋ بەلەتى، زات ساتىپ الۋ مەرەكەسى سياقتىلاردى ۇزدىكسىز العا قويدى.

اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، 1 ـ دارەجەلى شارلاۋشى جۋ حىشياڭ بىلاي دەپ تانىستىردى: اۆتونوميالى رايوندىق ساۋدا ىستەرى مەڭگەرمەسى ساياسات پەن قيمىل سىندى قوس تەگەرشىكتى قوزعاۋشى كۇشكە تاباندى بولىپ، كونەسىنىڭ ورنىنا جاڭاسىن اۋىستىرۋ تەبىنىنىڭ باسەيمەۋىنە شىنايى كەپىلدىك ەتىپ، ساياساتتىڭ پايداسىنان قالىڭ تۇتىنۋشىلاردى يگىلىكتەندىرەدى.