قۇندۇزاي تاش:

　　ادەبيەت ـ كوركەمونەر ”گۇل ـ بايشەشەكتەرىن“ اۋىلىما تارتۋ ەتۋدى قالايمىن

□ انار بۇلت \ شينجياڭ گازەتىنىڭ ٴتىلشىسى سى لۋلۋ

”ادەبيەت ـ كوركەمونەر شىعارماشىلىعىم شينجياڭ سىندى كورىكتى جەردەن ايرىلا المايدى، مەكەنىمدى قۇلپىرتۋعا كۇش سالۋعا پەيىلمىن“، ـ دەدى 1 ـ ايدىڭ 12 ـ كۇنى اۆتونوميالى رايوندىق ساياسي كەڭەستىڭ مۇشەسى قۇندۇزاي تاش تىلشىلىكتى قابىلداعاندا.

قۇندۇزاي تاش شينجياڭ كوركەمونەر تەاترى ٴان ـ ٴبي ۇيىرمەسىنىڭ مەملەكەتتىك 1 ـ دارەجەلى ارتيسى، ونىڭ ورىنداۋلارىنا قاراساڭىز، سەزىمى اسەرلى دە شىنايى، كەيىپكەرلەردى جۇرت جۇرەگىنە قونىمدى سۋرەتتەيدى. ونىڭ تۋىندىلارى شينجياڭنىڭ بايتاق دالاسىنا تەرەڭ تامىر تارتىپ، شينجياڭداعى ٴار ۇلت كادرلارى مەن بۇقاراسىنىڭ ىشكى سۇيىسپەنشىلىگىن ايگىلەدى.

1998 ـ جىلى قۇندۇزاي تاش ورتالىق تەاتر شۋەيۋانىنىڭ ورىنداۋ فاكۋلتەتىنەن ۇزدىك ناتيجەمەن وقۋ تاۋىسىپ، سول جىلى شينجياڭ كوركەمونەر تەاترىنىڭ وپەرا ۇيىرمەسىنە كىرىپ قىزمەت ىستەيدى. مەكتەپ بىتىرۋدەن بۇرىنعى 1996 ـ جىلدىڭ سوڭىنان 1997 ـ جىلدىڭ باسىنا دەيىن، ول چاڭچۇن كينو ستۋدياسى تۇسىرگەن «حاربينداعى وتكەن ىستەر» اتتى تەلە فيلمدى تۇسىرۋگە قاتىناسىپ، تەاتردا ورىس قىزى اننانى ٴساتتى سومدادى. ىلە ـ شالا ول تاعى دا «كەزدەسۋ»، «وقۋعا تۇسۋدەن بۇرىن»، «حاتشى تاڭداۋ» قاتارلى ون نەشە كومەديا ورىنداپ، مول ويىن كورسەتۋ تاجىريبەسىن توپتايدى.

2005 ـ جىلى قۇندۇزاي تاش كولەمدى مۋزيكالى تەاتر «مۇزتاۋعا كەلگەن قوناققا» قاتىناسادى، شينجياڭ مەن ەل ىشىندەگى باسقا ولكەلەردەگى 14 قالادا قويۋ ارقىلى شينجياڭداعى ٴار ۇلت كادرلارى مەن بۇقاراسىنىڭ پارتيانى، وتاندى سۇيەتىن شىنايى اڭگىمەلەرىمەن بۇكىل ەلدەگى كورەرمەندەردى اسەرلەندىردى.

2014 ـ جىلى «شىنايى سۇيىسپەنشىلىك» اتتى كينو ٴتۇسىرىلدى، قۇندۇزاي تاش مەملەكەتتىك ٴمورال ۇلگىسى ٴانيپا الىماحۇن رولىن سومداپ، وسى انانىڭ ادامدار اراسىنداعى قانداستىق سەزىمنەن اسىپ تۇسكەن، ۇلتتان اسىپ تۇسكەن ناعىز سۇيىسپەنشىلىگىن، نەشە ون جىل ىشىندە 6 ۇلتتان 19 بالانى باعىپ ـ قاققان اسەرلى ىزگى ىستەرىن شىنايى كوز الدىعا اكەلەدى.

”تاڭداۋلى، قۇندى تۋىندى جاراتۋ _ ارتيستىڭ بورىشى، اۋىلىمىزدىڭ دامۋى ٴۇشىن اقىل ـ كەڭەس بەرۋ، اۋىلداستاردى قۇت ـ ىرىسقا كەنەلتۋ ٴاربىر شينجياڭ ۇلانىنىڭ شىنايى سۇيىسپەنشىلىگى، شىن ىقىلاسى“، ـ دەدى قۇندۇزاي تاش.

قۇندۇزاي تاش ۇزاق ۋاقىتتان بەرى شينجياڭنىڭ بەيزاتتىق مادەنيەت مۇرالارىن قورعاۋعا جانە ونى جالعاستىرۋعا نازار اۋدارىپ كەلەدى. اۆتونوميالى رايوندىق ساياسي كەڭەستىڭ ايلىق كەڭەس اڭگىمە ماجىلىسىندە ول كوپ رەت اقىل ـ كەڭەس بەرىپ، تۇرلىشە تۇرعىدان دۇرىس كوزقاراس ٴبىلدىرىپ، بەيزاتتىق مادەنيەت مۇرالارىن جالعاستىرۋ، قورعاۋ بارىسىندا ولاردىڭ تىڭ ومىرشەڭ كۇشىن قاۋلاتۋعا دەم بەردى.

”ساياحاتشىلار ساۋىردىن ٴبيىن، قىز قۋاردى تاماشالاعان كەزدە ەرەكشە جەلپىنەدى، اسىرەسە، سىرت جەرلەردەن كەلگەن ساياحاتشىلار بۇعان قاتتى قىزىعۋشىلىق تانىتتى“. قۇندۇزاي تاش مىنالاردى ۇسىنىس ەتتى: بەيزاتتىق مادەنيەت مۇرالارى بايلىعىن مادەنيەتتە جاڭالىق اشۋ، سەيىل ـ سەرۋەن، كوڭىل اشۋ، مەرەكەلىك كونسەرت قويۋ سياقتى كوپ نەگىزدى ەلىتە سەزىنۋ ونىمدەرىنە اينالدىرۋعا قۇلشىنىپ، باۋراۋ قۋاتىن كۇشەيتىپ، دۇنيە جۇزىنە شينجياڭنىڭ بەيزاتتىق مادەنيەت مۇرالارىنىڭ كوركەمدىگىن كورسەتۋ كەرەك.