□ انار بۇلت \ شينجياڭ گازەتىنىڭ ٴتىلشىسى جاڭ لەي
”اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى نەگىزگى ساتى ەمدەۋ ـ دەنساۋلىق ساقتاۋ قىزمەت وتەۋى ساپاسىن جوعارىلاتۋعا ايرىقشا ٴمان بەرىپ، ۇسىنىس مازمۇندارىنا ٴبىر ـ بىردەن جاۋاپ قايتاردى“، ـ دەدى 1 ـ ايدىڭ 12 ـ كۇنى اۆتونوميالى رايوندىق حالىق قۇرىلتايىنىڭ ۋاكىلى اديلا ابليميت ۇسىنىسىنا جاۋاپ قايتارىلۋ جاعدايىن تانىستىرعاندا.
نەگىزگى ساتى ەمدەۋ ـ دەنساۋلىق ساقتاۋ قۇرىلىمدارى قالالار مەن اۋىلدارعا تارالا ورنالاسقان، نەگىزگى ساتىدا قالاي اناعۇرلىم قولايلى، حاۋىپسىز، اناعۇرلىم ساپالى ەمدەلۋ ەجەلدەن ٴار ۇلت بۇقاراسى نازار اۋدارىپ كەلگەن ماسەلە.
”تەكسەرۋ ـ زەرتتەۋ جۇرگىزگەندە نەگىزگى ساتى ەمدەۋ ـ دەنساۋلىق ساقتاۋ قىزمەت وتەۋى قابىلەتىنىڭ جەتەرسىز بولۋ ماسەلەسى ٴالى دە جاپپاي ورىن تەۋىپ وتىرعانىن بايقادىم“. اديلا بىلاي دەدى: بۇقارانىڭ سۇرانىسىمەن سالىستىرعاندا، نەگىزگى ساتىنىڭ دياگنوز قويۋ ـ ەمدەۋ قابىلەتىنىڭ، قىزمەت وتەۋ دەڭگەيىنىڭ، قولايلىلىعىنىڭ ٴالى دە زور دامۋ كەڭىستىگى بار. سوندىقتان مەن اۆتونوميالى رايوندىق 14 ـ كەزەكتى حالىق قۇرىلتايىنىڭ 2 ـ ماجىلىسىندە نەگىزگى ساتى ەمدەۋ ـ دەنساۋلىق ساقتاۋ قىزمەت وتەۋى ساپاسىن ۇزدىكسىز جوعارىلاتۋ جونىندە ۇسىنىس تاپسىردىم.
اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى قاتىستى تاراۋلارمەن بىرلەسىپ اقىلداسقاننان كەيىن، تەز ارادا جاۋاپ قايتاردى.
جاۋاپتا بىلاي دەلىندى: ۋاكىل اديلا ينتەرنەت تەحنولوگياسىنان جانە ينفورماتسيالاندىرۋ تاسىلىنەن پايدالانىپ نەگىزگى ساتىنىڭ قىزمەت وتەۋ قابىلەتىن ٴوسىرۋ، ەمدەۋ ـ دەنساۋلىق ساقتاۋ دارىندىلارىن قابىلداۋ، باۋراۋ ٴتارتىبى مەن شارت ـ جاعدايى شەكتەمەسىن ساپالىلاندىرۋ، ىقشامداۋ، ”اۋدان باسقارىپ، اۋىل ىستەتۋ، اۋىل ۇسىنىس ەتىپ، قىستاق ىستەتۋ“ مەحانيزمىن ىلگەرىلەتۋ سياقتى جاقتاردا جارامدى ۇسىنىستار قويدى، بۇل قىزمەت ورىستەتۋدە اسا كۇشتى ۇلگى الۋ مانىنە يە.
2024 ـ جىلى اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى سياقتى 5 تاراۋ جوعارى مەكتەپ بىتىرگەن اۋىل ـ قىستاق شيپاگەرلەرىن ارناۋلى جوسپار بويىنشا قابىلداۋ قىزمەت جوباسىن باسىپ تاراتىپ، بۇكىل رايونىمىزداعى جوعارى مەكتەپ بىتىرگەن اۋىل ـ قىستاق شيپاگەرلەرىن قاجەت ەتەتىن جۇمىس ورىندارىن دالمە ـ ٴدال اداقتادى ٴارى تۇتاس رايونىمىزدا قىزمەتكەر قابىلداۋ قىزمەتىن سايكەستى باستادى. اۆتونوميالى رايوننىڭ قالالارداعى ەمدەۋ ـ دەنساۋلىق ساقتاۋ بايلىقتارىن اۋدان دارەجەلى شيپاحانالار مەن نەگىزگى ساتى ەمدەۋ ـ دەنساۋلىق ساقتاۋ قۇرىلىمدارىنا ٴتۇسىرۋ قىزمەت جوباسىن جاساپ، تومەنگە تۇسكەن ادامداردىڭ تۇيىندە تۇرىپ كومەكتەسىپ ـ سۇيەمەلدەۋى، ارالاپ ەمدەۋ جۇرگىزۋى، الىس ارالىقتان كومەكتەسىپ ـ سۇيەمەلدەۋدى اتقارۋى سياقتى تاسىلدەردى ايقىندادى.
سونىمەن بىرگە اۆتونوميالى رايون اۋدان وڭىرىندەگى شوعىرلى ەمدەۋ ورتاق تۇلعاسى قۇرىلىسىن جاپپاي ىلگەرىلەتۋدى ٴتۇيىن ەتىپ، ادام، تەحنولوگيا، قىزمەت وتەۋ، باسقارۋ سىندى ٴتورتتى تومەنگە ٴتۇسىرۋدى ىلگەرىلەتىپ، رايون ىشىندەگى ساپالى ەمدەۋ بايلىقتارىنىڭ بىركەلكى ورنالاسۋىن ۇزدىكسىز ىلگەرىلەتىپ، سالاماتتىق ساپاسىن جەبەۋ جانە تۇرعىنداردىڭ سالاماتتىق ساپاسىن باقىلاۋ ـ تەكسەرۋ قىزمەتىن ۇدايىلاندىرا ورىستەتتى.
”نەگىزگى ساتى ەمدەۋ ـ دەنساۋلىق ساقتاۋ قۇرىلىمى بۇقارانىڭ سالاماتتىعىن قورعاۋداعى ٴبىرىنشى قورعانىس شەبى“. اديلا بىلاي دەدى: نەگىزگى ساتىنى كۇشەيتەتىن، حالىق تۇرمىسىنا تيىمدىلىك جاسايتىن اناعۇرلىم كوپ ساياسات ـ شارالاردىڭ تياناقتانىپ ٴونىم بەرۋىن، ٴار ۇلت بۇقاراسىنىڭ ەسىك الدىندا ـ اق ساپالى دا قولايلى ەمدەۋ ـ دەنساۋلىق ساقتاۋ قىزمەت وتەۋىنەن يگىلىكتەنۋىنە مۇمكىندىك جاسالۋىن ٴۇمىت ەتەمىن.