يليار ٴانۋار:

　　بىلتىرعى ۋادەمنىڭ ٴبارىن ورىندادىم

　　□ انار بۇلت \ شينجياڭ گازەتىنىڭ ٴتىلشىسى گو ليڭ

”بىلتىرعى ۋادەمنىڭ ٴبارى ورىندالدى“. 1 ـ ايدىڭ 12 ـ كۇنى اۆتونوميالى رايوندىق حالىق قۇرىلتايىنىڭ ۋاكىلى يليار ٴانۋار تىلشىگە بىلتىر اۆتونوميالى رايوندىق ەكى ٴماجىلىس جابىلعان كەزدە اقپارات مەدياسى ەكرانىنىڭ الدىندا جاڭا ٴبىر جىلداعى قىزمەت جوسپارىنا كوز جىبەرگەندىگىن، سول كەزدە ٴوزىنىڭ قىستاقتاعى ساپالى اۋىل شارۋاشىلىق ونىمدەرىن ماركالى قوراپتاپ، ساتىلىم ارناسىن كەڭەيتۋ ارقىلى قىستاق كوللەكتيۆ ەكونوميكاسىن ارتتىرۋ ۋادەسىن بەرگەندىگىن، قازىر ٴبارى ىسكە اسقاندىعىن ايتتى.

يليار ٴۇرىمجى قالاسى ميدۇڭ رايونى چاڭشانزى قالاشىعى تۋلياڭ قىستاعى پارتيا ياچەيكاسىنىڭ شۋجيى، نەگىزگى ساتى كادرى رەتىندە، ول حالىقتىڭ كۇتكەنى ٴوزىنىڭ مىندەت وتەۋ باعىتى ەكەندىگىن ابدەن بىلەدى. جىجياڭعا حالىق قۇرىلتايى ۋاكىلدەرىن باۋلۋ كۋرسىنا قاتىناسۋعا بارعانىندا، يليار جىجياڭنىڭ ”مىڭ قىستاق ۇلگى كورسەتۋ، ون مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەسىن توتەنشە مۇقيات ۇيرەنىپ، قىستاققا قايتقاننان كەيىن، ”مەيلي تۋلياڭ“ قىستاق ماركاسىن جانە ”جينتۋلياڭ“ اۋىل شارۋاشىلىعى ونىمدەرى ماركاسىن جاراتتى.

ماركانىڭ تانىمالدىعىن جوعارىلاتۋ ٴۇشىن، يليار قىستاق كادرلارىمەن بىرگە ماركانىڭ logoسىن جوبالاپ، باسكەتبول كومانداسىنا قارجىلاي كومەك بەرۋ، سەنترلى شاعىن الەۋمەتتىك اۋماقتىڭ جارناما ورنىن الۋ سياقتى تاسىلدەر ارقىلى ماركانى ۇگىتتەۋ سەرپىنىن كۇشەيتتى؛ ٴتۇرلى كورمەلەۋ ـ ساتۋ جارمەڭكەلەرىنە جانە اۋىس ـ كۇيىس جارمەڭكەلەرىنە بەلسەنە قاتىناسىپ، بارلىق ورايدى قولدان جىبەرمەي ”جينتۋلياڭ“ ماركاسىن ۇگىتتەدى؛ دوۋيىن، ۋيشين بەينەجازبا ٴنومىرى سياقتى جەلىدەگى تۇعىرلار ارقىلى قىسقا فيلم ٴتۇسىرىپ، جان ـ جاقتى، سەزىنۋ ۇلگىسىندە تيجارات جۇرگىزدى.

بىلتىر 5 ـ ايدا شينجياڭ جينتۋلياڭ اۋىل شارۋاشىلىعىن دامىتۋ شەكتى سەرىكتەستىگى قۇرىلدى. سەرىكتەستىك تيجارات كولەمىن ۇزدىكسىز كەڭەيتىپ، تۋ باستاعى شينجياڭنىڭ جەرگىلىكتى قويىنان تارتىپ، گۇل، بال، ٴسۇت، جەمىس سياقتىلارعا دەيىن كاسىپتەرى كۇننەن ـ كۇنگە مولايدى. قىستاق قۇرعان كاسىپورىن رەتىندە، ”جينتۋلياڭ“ بىرتىندەپ دامىپ زورايىپ، باسەكەلىك قۋاتى كۇننەن ـ كۇنگە ارتىپ، اناعۇرلىم كوپ شارۋانى كىرىسىن ارتتىرىپ بايۋعا باستادى.

ٴبىر جىلدان بەرى، يليار ”ون مىڭ ۋاكىل ون مىڭ وتباسىنا كىرۋ“ نەگىزگى تاقىرىپتىق امالياتتىق قيمىلى ارقىلى بەلگىلى مەرزىمدە وتباسىلارىن ارالاپ، بۇقارادان حالىق تۇرمىسى جونىندە 12 ارىز ـ ارمان جيىپ، تۇرعىنداردىڭ سۋ ىستەتۋ، گاز ىستەتۋ، وقۋعا ٴتۇسۋ سياقتى شۇعىل، قيىن، ۋايىمداعان، ٴزارۋ 13 ماسەلەسىن سايكەستىرىپ شەشتى.

يلياردىڭ اۆتونوميالى رايوندىق ەكى ماجىلىسكە اپاراتىن ۇسىنىسى جىلدان ـ جىلعا مولايدى، باسىم كوبى حالىق تۇرمىسىنا جانە اۋىل ـ قىستاقتى گۇلدەندىرۋگە قاتىستى بولدى، ”حالىق قۇرىلتايى ۋاكىلى رەتىندە، قىزمەتتە، تۇرمىستا ۇلگىلىك، باستاماشىلدىق رولىمدى بەلسەنە ساۋلەلەندىرىپ، ۋاكىلدىك بورىشىمدى مۇقيات وتەپ، بەلسەندى تۇردە بۇقاراعا ناقتى ىستەر ىستەپ، قيىن ىستەرىن شەشەمىن“.