(ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ 3 ـ ماجىلىسىندە 2025 ـ جىلى 1 ـ ايدىڭ 21 ـ كۇنى ماقۇلداندى)

جۇڭگو حالىق ساياسي ٴماسليحات كەڭەسى شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ 3 ـ ٴماجىلىسى 2025 ـ جىلى 1 ـ ايدىڭ 18 ـ كۇنىنەن 21 ـ كۇنىنە دەيىن ۇرىمجىدە وتكىزىلدى.

اۆتونوميالى رايوندىق پارتكومنىڭ شۋجيى ما شيڭرۇي قاتارلى اۆتونوميالى رايونداعى باسشى جولداستار ماجىلىسكە قاتىناسىپ، ماجىلىستەگى سوزدەردى تىڭداپ، بىرىككەن گرۋپپالار تالقىسىنا قاتىناسىپ، مۇشەلەرمەن پىكىر اۋىستىرىپ، كورىكتى شينجياڭ قۇرىلىسىنىڭ ۇلى جوسپارىن بىرگە اقىلداسىپ، وسىزاماندانىپ دامۋدىڭ ابزال شاراسىن بىرگە قاراستىردى. ٴماجىلىس نۇرلان ٴابىلماجىننىڭ ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، ازەز مۇسانىڭ ۇسىنىس جوبا قىزمەت جاعدايىنان جاساعان بايانداماسىن قاراپ بەكىتتى، قاتىستى كادرلار ٴىسىن قاراپ ماقۇلدادى، سايلاۋ مىندەتىن تولىق تابىسپەن ورىندادى. مۇشەلەر اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ماجىلىسىنە سىرتتاي قاتىناسىپ، ەركىن تۇنيازدىڭ ۇكىمەت قىزمەتىنەن جاساعان بايانداماسىن تىڭدادى ٴارى تالقىلادى، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن جانە باسقا دا قاتىستى باياندامالاردى كەڭەستى جانە تالقىلادى، سونداي ـ اق قۇپتايتىندىقتارىن ٴبىلدىردى ٴارى پىكىرلەرى مەن ۇسىنىستارىن العا قويدى. بارلىق مۇشە وسكەلەڭ ساياسي سانالىلىقپەن جانە كۇشتى بورىش ارقالاۋمەن ۇسىنىس جوبا قويۋ، ماجىلىستە ٴسوز سويلەۋ، شاعىن گرۋپپا تالقىسى سياقتى فورمالار ارقىلى بەلسەندى تۇردە ۇكىمەت ٴىسىن كەڭەسىپ، اقىل ـ كەڭەس بەرىپ، كەڭ كولەمدە ورتاق تانىم ۇيىستىرىپ، ماڭىزدى جەتىستىككە قول جەتكىزدى. ٴماجىلىس ناقتى دا جوعارى ٴونىمدى، ستيلى پاك ٴارى سالتى دۇرىس، تولىق تابىستى بولىپ، جالپى بارىستىق حالىق دەموكراتياسىنىڭ ارتىقشىلىعىن جانە ومىرشەڭ كۇشىن تولىق ايگىلەدى، تۋدى بيىك ۇستاعان، ىنتىماقتى دا دەموكراتيالى، زەيىن ـ زەردەنى، كۇش ـ قۋاتتى ۇيىستىرعان ٴبىر رەتكى ٴماجىلىس بولدى.

ٴماجىلىس بىلاي دەپ قارادى: وتكەن ٴبىر جىلدا شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ٴار ۇلت كادر ـ بۇقاراسىن ىنتىماقتاستىرىپ جانە باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن جانە جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، رەفورمانى ونان ارى جاپپاي تەرەڭدەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ۇزدىكسىز ويداعىداي ىستەدى، قوعام ورنىقتىلىعىنىڭ نەگىزى اناعۇرلىم بەكەمدەلىپ، ەكونوميكانىڭ، قوعامنىڭ جوعارى ساپالى دامۋ ارىنى اناعۇرلىم كۇشەيىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالىپ، بۇكىل شينجياڭداعى جوعارى مەن تومەننىڭ جاڭا جورىقتا ەكپىندەي ىلگەرىلەۋ سەنىمىن، بەكىمىن ايرىقشا سەرپىلتتى. ناتيجەلەر جۇرتتى جىگەرلەندىرەدى، بۇل تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنىڭ ارقاسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە تاباندى بولۋدىڭ ارقاسى. قالىڭ مۇشەلەر ٴبىر اۋىزدان مىنالاردى ٴبىلدىردى: ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاپ، قىزمەتتەردىڭ باستان ـ اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتەمىز.

ٴماجىلىس بىلاي دەپ قارادى: وتكەن ٴبىر جىلدا ساياسي كەڭەس شينجياڭ ۇيعۇر اۆتونوميالى رايوندىق كوميتەتى جانە ونىڭ تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىمەن ساياسي كەڭەس قىزمەتىن بۇلجىماي ٴبىر تۇتاس يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىمەن ساياسي كەڭەس قىزمەتىنە بۇلجىماي جەتەكشىلىك ەتىپ، جالپى بارىستىق حالىق دەموكراتياسىمەن ساياسي كەڭەس قىزمەتىن بۇلجىماي تەرەڭدەتىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، ۇلى ىنتىماققا، ۇلى بىرلىككە تاباندى بولىپ، دەموكراتيانى ساۋلەلەندىرۋ مەن ىنتىماقتى كۇشەيتۋدىڭ ٴوزارا ساباقتاسۋىنا، ۇكىمەت ىسىنە اقىل ـ كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، اۆتونوميالى رايوندىق پارتكومنىڭ وزەكتى مىندەتىن تىعىز ارقاۋ ەتىپ، مىندەت وتەپ، جاۋاپكەرشىلىكتى ادا ەتىپ، ۇكىمەت ٴىسىن كەڭەسۋدە جاڭا جاعداي اشىپ، زەيىن ـ زەردەنى، كۇش ـ قۋاتتى ۇيىستىرىپ، تىڭ ونىمدىلىكتەرگە قول جەتكىزىپ، ارناۋلى كەڭەس قۇرىلىمى قۇرىلىسىندا جاڭا بەينە كورسەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە قىزمەت وتەۋدە جاڭا ىسكەرلىك ايگىلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ٴۇشىن اقىل ـ پاراسات جانە كۇش ـ قۋات قوستى.

ٴماجىلىس مىنالاردى اتاپ كورسەتتى: 2025 ـ جىل _ ”14 ـ بەسجىلدىق“ جوبا اياقتايتىن جىل، شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى. بۇكىل رايونىمىزداعى ٴار دارەجەلى ساياسي كەڭەستەر، ساياسي كەڭەسكە قاتىناسۋشى ورىندار جانە ٴار ۇلت، ٴار سالا مۇشەلەرى شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ٴتۇسىنىپ، شىنايى اتقارىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن، شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 ـ كەزەكتى پارتكومنىڭ ٴار كەزەكتى جالپى ماجىلىستەرىنىڭ، اسىرەسە، ون ٴۇشىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، شينجياڭ قىزمەتى باس نىساناسىن مىقتى يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى قىزمەتتىڭ نەگىزگى جەلىسى ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ىسىنە اقىل ـ كەڭەس بەرۋ فۋنكتسياسىن جاپپاي اتقارىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى ٴبىر تۇتاس جوسپارلاپ ىلگەرىلەتۋ بارىسىندا كەڭ كولەمدە جۇرت تىلەگىن ۇيىستىرۋى، ورتاق تانىم ۇيىستىرۋى، اقىل ـ پاراسات ۇيىستىرۋى، كۇش ـ قۋات ۇيىستىرۋى كەرەك.

ٴماجىلىس مىنالاردى باسا دارىپتەدى: پارتيانىڭ ساياسي كەڭەس قىزمەتىنە جالپى بەتتىك باسشىلىعىنا تيتتەي دە اۋىتقىماي تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرۋدى، تياناقتاندىرۋدى باستان ـ اياق ماڭداي الدى ساياسي مىندەت ەتىپ، مۇشەلەردىڭ كىتاپ وقۋىن، نازاريالىق ۇيرەنۋىن جانە ساياسي باۋلۋىن ۇدايىلاندىرا ورىستەتىپ، ٴارقايسى پارتيا ـ توپتاردىڭ، ۇيىمداردىڭ جانە ٴار ۇلت، ٴار سالا قايراتكەرلەرىنىڭ ساياسي جاقتا ىنتىماقتاسا سەلبەسۋىنىڭ، يدەيالىق جاقتا بىرگە العا باسۋىنىڭ، ارەكەت جاعىندا قادامدارىنىڭ بىركەلكى بولۋىنىڭ جۇزەگە اسۋىن ىلگەرىلەتىپ، ىنتىماقتاسا كۇرەس جۇرگىزۋدىڭ ورتاق يدەيا ـ ساياسي نەگىزىن ۇزدىكسىز بەكەمدەۋ كەرەك. قوعام ورنىقتىلىعىن قورعاۋدى باستان ـ اياق ساياسي كەڭەستىڭ مىندەت اتقارۋىنىڭ ٴتۇيىنى ەتىپ، شينجياڭعا ساياتىن سىرتقا قاراتىلعان كۇرەسكە بەلسەنە ات سالىسىپ، ٴار ۇلت، ٴار سالا مۇشەلەرىنىڭ نەگىزگى ساتىنى باسقارۋداعى باسىمدىققا يە رولىن شىن مانىندە ساۋلەلەندىرىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن سەلبەسە ىلگەرىلەتۋ كەرەك. جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەپ، جۇڭحۋا ۇلتى ورتاق تۇلعا تانىمىن بەكەمدەۋ ٴتۇزىم ـ مەحانيزمىن اقاۋسىزداندىرۋ، مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋدى جاپپاي كەڭەيتۋ، شينجياڭدى مادەنيەتپەن نارلەندىرۋدى ىشكەرىلەي ورىستەتۋ، شينجياڭدا ٴىسلام ٴدىنىن جۇڭگوشالاندىرۋدى جۇيەلى ىلگەرىلەتۋ، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەۋ، جۇڭحۋا ۇلتى ورتاق رۋحاني مەكەنى قۇرىلىسىن ىلگەرىلەتۋ سياقتى جاقتاردا كۇش ۇيىستىرىپ، قىرپۋلى ەڭبەك ەتىپ، قوعامداعى ٴار سالانى دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ٴدىن كوزقاراسىن بەرىك ورناتۋعا جەتەكتەۋ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى ۇزدىكسىز كۇشەيتۋ كەرەك. مەملەكەتتىڭ ستراتەگيالىق كەلەلى جاعدايىنا ىرىقتىلىقپەن قىزمەت وتەپ، رەفورمانى جاپپاي تەرەڭدەتۋدەن قامال الۋ ارەكەتىن اتقارۋ، جوعارى دەڭگەيدە ىشكە، سىرتقا ەسىك اشۋدى كەڭەيتۋ، ”ون ٴىرى كاسىپ سالاسى شوعىرىن“ جوعارى ساپالى قۇرۋ، جاڭاشا قالا ـ قالاشىقتاندىرۋ مەن اۋىل ـ قىستاقتى جاپپاي گۇلدەندىرۋدى ٴبىر تۇتاس جوسپارلاپ ىلگەرىلەتۋ، وقۋ ـ اعارتۋ، عىلىم ـ تەحنولوگيا دارىندىلار ىستەرىن جوعارى ساپالى دامىتۋ، وڭتۇستىك شينجياڭداعى كورنەكتى ماسەلەلەردى شەشۋ سياقتى ٴتۇيىندى مىندەتتەردى تىعىز ارقاۋ ەتىپ، كوپتىڭ پاراساتىن شوعىرلاندىرىپ، تاماشا شارا قاراستىرىپ، مەملەكەتتىڭ ەنەرگيا، استىق، ماقتا جانە شەشۋشى كەن بايلىعى حاۋىپسىزدىگىنە قىزمەت وتەۋگە جانە بۇلاردى قامتاماسىز ەتۋگە قوساتىن ۇلەس دەڭگەيىن قۇلشىنا جوعارىلاتۋ كەرەك. پارتيانى جاپپاي قاتاڭ باسقارۋدىڭ ماڭگى جالعاساتىندىعىن ەستە بەرىك ساقتاپ، پارتيانىڭ ساياسي قۇرىلىسىن باسشىلىققا الۋعا تاباندى بولىپ، پارتيانىڭ ساياسي كەڭەستەگى ٴتۇرلى قۇرىلىستارىنىڭ جاپپاي قاتاڭ بولۋىن، جالپى بەتتىك شىڭدالۋىن جاپپاي ىلگەرىلەتۋ كەرەك. ”20 ارىپتىك“ جاقسى كادر ولشەمى مەن ۇلتتار وڭىرلەرىندەگى كادرلاردىڭ ”ٴتورت ەرەكشە“ ساياسي ولشەمىنە تاباندى بولىپ، ساياسي كەڭەس مۇشەلەرى مەن ساياسي كەڭەس ورگان كادرلارى قوسىنى قۇرىلىسىن شىنايى كۇشەيتىپ، ساياسي قابىلەتتى جانە مىندەت اتقارۋ شەبەرلىگىن ۇزدىكسىز جوعارىلاتىپ، ”ساياسي كەڭەستى ٴتۇسىنۋدى، كەڭەسۋدى ٴبىلۋدى، ۇكىمەت ٴىسىن كەڭەسۋگە شەبەر بولۋدى، تارتىپكە بويسۇنۋدى، قاعيدانى دارىپتەۋدى، ٴمورالعا ٴمان بەرۋدى“ ورىنداۋ كەرەك. ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن تىنباي قۇلشىنا تياناقتاندىرىپ، تاباندىلىقپەن ”ٴتورت بۇرىس ستيلدى“ تۇزەتىپ، جاڭا سالت ورناتىپ، فورماشىلدىقتى، تورەشىلدىكتى تيىپ، ناقتى ىستەۋدى ماڭداي الدى ورىنعا قويۋعا تاباندى بولىپ، تەكسەرۋ ـ زەرتتەۋدى كەڭىنەن ورىستەتىپ، ”ٴتورتتى نەگىزگى ساتىعا ٴتۇسىرۋدى“ تياناقتاندىرىپ، قاتاڭ اۋەندى، قاتاڭ شارانى، قاتاڭ رايدى سوڭىنا دەيىن جالعاستىرىپ، ستيلى پاك، سالتى دۇرىس، ٴىس تىندىرىپ ناتيجە شىعاراتىن ساياسي ەكولوگيا قالىپتاستىرۋ كەرەك.

ٴماجىلىس مىنالارعا ۇندەدى: بۇكىل رايونىمىزداعى ٴار دارەجەلى ساياسي كەڭەستەر، ساياسي كەڭەسكە قاتىناسۋشى ورىندار جانە ٴار ۇلت، ٴار سالا مۇشەلەرى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ باسشىلىعىندا، تۋراشىلدىقتان اينىماي جاڭالىق اشىپ، قايراتتانا العا ىلگەرىلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ جولىندا ىنتىماقتاسا كۇرەس جۇرگىزەيىك!