(ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ 3 ـ ماجىلىسىندە 2025 ـ جىلى 1 ـ ايدىڭ 21 ـ كۇنى ماقۇلداندى)

اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ٴماجىلىسى كەزىندە ٴار سالاداعى ساياسي كەڭەس مۇشەلەرى، ساياسي كەڭەسكە قاتىناسقان ورىندار جانە ساياسي كەڭەستىڭ ٴارقايسى ارناۋلى كوميتەتتەرى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكومنىڭ ٴار رەتكى جالپى ٴماجىلىسىنىڭ رۋحىن، اسىرەسە، 13 ـ كەزەكتى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، نازاردى باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرىپ، ۇسىنىس جوبا ٴتاسىلى ارقىلى بەلسەنە ۇكىمەت ىسىنە اقىل ـ كەڭەس بەرىپ، وسكەلەڭ ساياسي جاۋاپكەرشىلىك سەزىمدى، بورىشتىلىق سەزىمدى بەينەلەدى.

1 ـ ايدىڭ 19 ـ كۇنى ساعات 16عا دەيىن جيىنى 1047 ۇسىنىس جوبا تاپسىرىپ الىندى. ۇسىنىس جوبا قىزمەت ەرەجەسىنە جانە ۇسىنىس جوبالاردى تەكسەرۋ قىزمەتىنىڭ ەگجەي ـ تەگجەيلى ەرەجەسىنە نەگىزدەلىپ، تەكسەرۋ ارقىلى 525 ۇسىنىس جوبا ەستەلىككە الىنىپ، 74 ۇسىنىس جوبا بىرىكتىرىپ، بىرلەستىرىلدى، 81 ۇسىنىس جوبا قوعام جاعدايىن، حالىق تىلەگىن اڭىس ەتكەن ينفورماتسياعا اينالدىرىلدى، 321 ۇسىنىس جوبا حات ارقىلى قاتىستى تاراۋلاردىڭ پايدالانۋىنا جولداندى، 46 ۇسىنىس جوبا ەستەلىككە الىنبادى. ەستەلىككە الىنعان ۇسىنىس جوبالاردىڭ ىشىندە ەكونوميكالىق قۇرىلىس جاعىندا 221 ۇسىنىس جوبا بولىپ، %42.1ىن يەلەدى، ساياسي قۇرىلىس جاعىندا 45 ۇسىنىس جوبا بولىپ، %8.6ىن يەلەدى، مادەنيەت قۇرىلىسى جاعىندا 57 بولىپ، %10.9ىن يەلەدى، قوعامدىق قۇرىلىس جاعىندا 142 ۇسىنىس جوبا بولىپ، %27ىن يەلەدى، ەكولوگيالىق وركەنيەت قۇرىلىسى جاعىندا 60 ۇسىنىس جوبا بولىپ، %11.4ىن يەلەدى. مۇشەلەر قويعان ۇسىنىس جوبا 326 بولىپ، %62.1ىن يەلەدى، پارتيا ـ توپتار، ۇيىمدار سياقتىلار توپتىق قويعان ۇسىنىس جوبا 199بولىپ، %37.9ىن يەلەدى.

وسى رەتكى ٴماجىلىستىڭ ۇسىنىس جوبا قىزمەتىنەن تومەندەگىدەي بىرنەشە ەرەكشەلىك بايقالدى: ٴبىرىنشى، ۇسىنىس جوبانى جيناۋ ٴتاسىلى كەمەلدەندىرىلدى. ماجىلىستەن ٴۇش اي بۇرىن ۇسىنىس جوبالاردى جيناۋ، قابىلداۋ، العاشقى تەكسەرۋ قىزمەت ٴتۇزىمى باستاپقى قادامدا ورناتىلىپ، باسىم كوپ ساندى ۇسىنىس جوبا ماجىلىستەن بۇرىن ينتەرنەتتە تاپسىرىلدى. ەكىنشى، ارناۋلى كوميتەتتەر ۇسىنىس جوبانى تەكسەرۋگە قاتىناسۋ قىزمەت مەحانيزمى قۇرىلدى. ٴارقايسى ارناۋلى كوميتەتتەر ايىرىم ـ ايىرىم قاتىستى ۇسىنىس جوبا جونىندە تەكسەرۋ پىكىرىن بەردى. ٴۇشىنشى، مىندەت وتەۋ جەتىستىكتەرىن كادەگە جاراتۋعا ٴمان بەرىلدى. ارناۋلى تاقىرىپتىق ۇكىمەت ٴىسىن كەڭەسۋ سيپاتتى تۇراقتى كوميتەت ٴماجىلىسى، ارناۋلى تاقىرىپتىق كەڭەس ٴماجىلىسى، ايلىق كەڭەس ٴماجىلىسى، ماماندار كەڭەس ٴماجىلىسى، سونداي ـ اق كوزدەن كەشىرۋ، قىزمەت تەكسەرۋ، تەكسەرۋ ـ زەرتتەۋ جۇرگىزۋ سياقتى ۇكىمەت ٴىسىن اقىلداسۋدىڭ ٴبىر توپ ماڭىزدى جەتىستىكتەرىن ۇسىنىس جوباعا اينالدىرىپ، مىندەت وتەۋ جەتىستىكتەرىن قولدانۋدى كۇشەيتتى. ٴتورتىنشى، پارتيا ـ توپتار، ۇيىمدار سياقتىلار توپتىق قويعان ۇسىنىس جوبالاردىڭ يەلەيتىن سالىستىرماسى جوعارى، ساپالى بولدى. ٴارقايسى پارتيا ـ توپتاردىڭ، ۇيىمداردىڭ دايىندىعى تولىق، ۇيىمداستىرۋى پارمەندى بولىپ، ۇسىنىستاردىڭ باعىتتامالىلىعى جانە جارامدىلىعى ونان ارى كۇشەيدى. بەسىنشى، نازار وزەككە، كەلەلى جاعدايعا قىزمەت وتەۋگە شوعىرلاندىرىلدى. مۇشەلەر جاڭا داۋىردەگى پارتيانىڭ شينجياڭدى باسقارۋ جالپى جوباسىن ارقاۋ ەتىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، نازاردى جوعارى ساپالى دامۋعا شوعىرلاندىرىپ، ارتىقشىلىقتى، باسىمدىقتى ساۋلەلەندىرىپ، تاقىرىپتى دەن قويا تاڭداپ، ىشكەرىلەي تەكسەرۋ ـ زەرتتەۋ جۇرگىزىپ، ناقتى جاعدايدى اڭىس ەتىپ، ناقتى شارالاردى ورتاعا قويىپ، ٴار ۇلت، ٴار سالا مۇشەلەرىنىڭ جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە، كورىكتى شينجياڭ قۇرۋعا جاپپاي نازار اۋدارعاندىعىن ايگىلەدى.

ٴماجىلىس جابىلعاننان كەيىن ۇسىنىس جوبالار ٴبىر جاقتى ەتۋدى مىندەتىنە العان ورىنداردىڭ بىتىرۋىنە شوعىرلى تاپسىرىلادى. وسى رەتكى ٴماجىلىستىڭ ۇسىنىس جوبالاردى قابىلداۋ ۋاقىت شەگىنەن كەيىن تاپسىرىپ الىنعان ۇسىنىس جوبالار جايشىلىقتاعى ۇسىنىس جوبا رەتىندە دەر كەزىندە تەكسەرىپ ٴبىر جاقتى ەتىلەدى.