اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى 46 ـ رەتكى مەڭگەرۋشىلەر ٴماجىلىسىن وتكىزدى

　　2025 ـ جىلعى ”ٴبىر ٴتۇيىن، ٴتورت جوسپار“ قىزمەتىن اقىلداستى

انار بۇلت \ شينجياڭ گازەتىنىڭ ٴتىلشىسى جاڭ لەي 2 ـ ايدىڭ 5 ـ كۇنى ۇرىمجىدەن حابارلايدى. 2 ـ ايدىڭ 5 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى 46 ـ رەتكى مەڭگەرۋشىلەر ٴماجىلىسىن وتكىزدى، ٴماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ 2025 ـ جىلعى قىزمەت ٴتۇيىنىن جانە زاڭ ەرەجە شىعارۋ، باقىلاۋ، ۋاكىلدەر، سونداي ـ اق سىرتپەن بارىس ـ كەلىس جاساۋ قىزمەتى جوسپارىن (قىسقارتىلىپ ”ٴبىر ٴتۇيىن، ٴتورت جوسپار“ دەلىنەدى) اقىلداستى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى ٴارى ٴسوز سويلەدى.

ٴماجىلىس مىنالاردى اتاپ كورسەتتى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 ـ كەزەكتى پارتكومنىڭ ٴار رەتكى جالپى ماجىلىستەرىنىڭ، اسىرەسە، ون ەكىنشى، ون ٴۇشىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، پارتيا باسشىلىعىنىىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ماڭىزدى بويسۇنۋ ولشەمى، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى، رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، جالپى بارىستىق حالىق دەموكراتياسىن دامىتىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، وزەكتى ارقاۋ ەتىپ كەلەلى جاعدايعا قىزمەت وتەپ، مىندەتتى زاڭ بويىنشا وتەپ، جاۋاپكەرشىلىك ارقالاپ ىسكەرلىك كورسەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا حالىق قۇرىلتايىنىڭ تىڭ ۇلەسىن قوسۋ كەرەك.

ٴماجىلىس مىنالاردى باسا دارىپتەدى: اۆتونوميالى رايوندىق حالىق قۇرىلتايى تۇراقتى كوميتەتىنىڭ ”ٴبىر ٴتۇيىن، ٴتورت جوسپارى“ _ بيىلعى تۇراقتى كوميتەت قىزمەتىنىڭ ”مىندەتتەمەسى“، ”قۇرىلىس جۇرگىزۋ چەرتوجى“. پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە اۆتونوميالى رايوندىق پارتكومنىڭ وزەكتى قىزمەتىن مىقتاپ ارقاۋ ەتىپ، اۆتونوميالى رايوننىڭ رەفورما، دامۋ، ورنىقتىلىق ٴتۇيىندى قىزمەتتەرىمەن تىعىز بايلانىستىرىپ، بۇقارانىڭ ارمان ـ تىلەگىمەن تىعىز جاناستىرىپ، بيىل تۇراقتى كوميتەتتىڭ زاڭ بويىنشا وتەيتىن ٴتۇيىندى مىندەتتەرىن اقىلداسىپ ويداعىداي جوسپارلاپ، ”ٴبىر ٴتۇيىن، ٴتورت جوسپاردى“ ويداعىداي جاساپ، زاڭ شىعارۋ، باقىلاۋ، ۋاكىلدەر جانە سىرتپەن بارىس ـ كەلىس قىزمەتىن ٴبىر تۇتاس جوسپارلاپ ويداعىداي ىستەپ، حالىق قۇرىلتايىنىڭ رولى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ تەرەڭدەۋىن، ناقتىلانۋىن ىلگەرىلەتۋ كەرەك.

ٴماجىلىس مىنالاردى تالاپ ەتتى: اۆتونوميالى رايوندىق حالىق قۇرىلتايى تۇراقتى كوميتەتى ورگانىنداعى تاراۋلار، ورىندار اۆتونوميالى رايوندىق پارتكومنىڭ ”جۇمىس ورنالاستىرۋدا شوگەل بولۋ، جۇمىس ىستەۋدە مۇقيات بولۋ، جۇمىس تىندىرۋدا ناقتى بولۋ“ تالابى بويىنشا بيىلعى ٴتۇرلى قىزمەتتى شىن مانىندە ويداعىداي، تىڭعىلىقتى ىستەۋ، قىزمەت قارقىنىن ويداعىداي يگەرۋمەن بىرگە، قىزمەت ريتىمىن دە ويداعىداي يگەرۋ؛ قىزمەت سانى بولۋمەن بىرگە، قىزمەت ساپاسىنا دا كەپىلدىك ەتىپ، مۇقيات مىندەت وتەپ، جاۋاپكەرشىلىكتى ادا ەتىپ، ىرىقتىلىقپەن جاۋاپكەرشىلىك ارقالاپ ىسكەرلىك كورسەتىپ، ٴتۇرلى قىزمەتتىڭ جاقسى باستاما اشىپ، جاقسى قادام تاستاۋىنا شىنايى كەپىلدىك ەتىپ، حالىق قۇرىلتايى قىزمەتىنىڭ جوعارى ساپالى دامۋىن ورنىقتىلىق بارىسىندا ىلگەرىلەتۋ كەرەك.

اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر، باس حاتشى ۋاڭ جياڭ ماجىلىسكە قاتىناستى.