انار بۇلت \ شينجياڭ گازەتىنىڭ ٴتىلشىسى سۇڭ حايبو 4 ـ ايدىڭ 21 ـ كۇنى ۇرىمجىدەن حابارلايدى. 30 ـ رەتكى دۇنيە جۇزىلىك كىتاپ وقۋ كۇنى قارساڭىندا شينجياڭ گازەتى مەكەمەسى (توبى) جالپىلىق مەديا فورماسىمەن 5 ـ كەزەكتى انار كىتاپ وقۋ مەرەكەسى قيمىلىن وتكىزەدى. وسى كەزەكتى كىتاپ وقۋ مەرەكەسىندە ”كىتاپ وقۋ مەرەيىنە شومعان تيانشان · كىتاپ وقۋ داڭق“ نەگىزگى تاقىرىپ ەتىلىپ، 7 ۇلكەن نەگىزگى تاقىرىپ تاراۋى جالپىلىق مەديا ارقىلى حابارلانىپ، جالپى حالىقتىڭ كىتاپ وقۋىنىڭ ىشكەرىلەي ورىستەتىلۋى ىلگەرىلەتىلىپ، تيانشان الابى قويۋ كىتاپ وقۋ مەرەيىنە شومادى.

انار كىتاپ وقۋ مەرەكەسى شينجياڭنىڭ ىقپالدى مادەنيەت ماركاسى قيمىلى رەتىندە، 4 كەزەك تابىستى وتكىزىلدى. وسىدان بۇرىن تىكە تاراتۋ، كىتاپ وقۋ جينالىسى، بەينەجازبا ارناۋلى تاقىرىبى، كىتاپ وقۋ كۋايشانى سياقتى فورمالار ارقىلى ادامداردى كىتاپپەن دوس بولۋعا، كىتاپ وقۋعا قۇمارتۋعا شاقىردى.

وسى كەزەكتى انار كىتاپ وقۋ مەرەكەسىندە اۆتونوميالى رايون قۇرىلعاندىعىنىڭ 70 جىلدىعىن نەگىزگى جەلى ەتىپ، 7 ۇلكەن نەگىزگى تاقىرىپتىق تاراۋ بويىنشا جالپىلىق مەديادا حابارلاۋ جوسپارلاندى: ”تاريح · قىزىل ەستەمە“ تاراۋىندا شينجياڭنىڭ دامۋ تاريحى ەستەلىككە الىنعان قىزىل كلاسسيكالىق كىتاپتار جىنتىكتەي سۇرىپتالىپ، وقىرمانداردى قىزىل جىلداردى قايتا ەسكە تۇسىرۋگە جەتەكتەلەدى؛ ”كەيىپكەرلەر · كىتاپ وقىعان بەينەلەر“ تاراۋىندا ٴتىلشى تۇرلىشە جاستاعى، كاسىپتەگى شينجياڭ وقىرماندارىنا تىلشىلىك ىستەپ، كىتاپ وقۋدىڭ ٴومىردى وزگەرتكەن حيكايالارىن بايانداپ، كوشە بويىندا سۇحبات العان بەينەجازبانى ٴبىر ۋاقىتتا شىعارادى؛ ”ساندى مالىمەت · وقۋدىڭ قۇپيا سيفرى“ تاراۋىندا كوپ جاقتى ساندى مالىمەتتەردى بىرىكتىرىپ، شينجياڭنىڭ كىتاپ وقۋ بەتالىسىنا تالداۋ جاسالادى ٴارى ٴۇرتىس 5 جىل شينجياڭ كىتاپ وقۋ بايانداماسىن قالىپتاستىرىپ، رايونىمىزدىڭ جالپى حالىقتىڭ كىتاپ وقۋ جاڭا كەلبەتىن ايگىلەيدى؛ ”كەڭىستىك · كىتاپ وقۋ مەرەيىنە شومعان تيانشان“ تاراۋىندا بۇكىل شينجياڭنىڭ جەر ـ جەرىن بىرلەسىپ ارەكەتتەندىرىپ ەرەكشە كىتاپ وقۋ ورىندارىن تانىستىرىپ، كىتاپ وقۋدى قىزۋ سۇيەتىن ادامدارعا جان دۇنيە تۇراعى قاراستىرىلادى؛ ”جاسامپازدىق · قالام ۇشىنداعى شينجياڭ“ تاراۋىندا جازۋشىلار جاسامپازدىعىنىڭ استارىنداعى حيكايالار باياندالىپ، ولاردىڭ شينجياڭنىڭ گۋمانيتارلىق سالت ـ ساناسىنان قالاي شابىت العاندىعى جونىندە وي ورتاقتاسىپ، جازۋلار ارقىلى كوسىلە سويلەيدى؛ ”بولاشاق · ورەندەردىڭ كىتاپ وقۋى“ تاراۋىندا جاستار مەن ورەندەردىڭ قانداي تاسىلمەن كىتاپ بەتىنەن ٴوسىپ ـ جەتىلۋدىڭ كۇش ـ قۋاتىن قابىلداۋى جونىندە ىزدەنىس جاسالادى؛ ”ىقپالداستىق · جالپى حالىق بىرگە وقۋ“ تاراۋىندا بۇكىل شينجياڭداعى 8 كىتاپحانانىڭ باستىعىن سىزبەن بىرگە ٴبىر جاقسى كىتاپ وقۋعا ۇسىنىس ەتەدى، ”ۇيرەنۋدە قۋاتتى ەل“ شينجياڭ ۇيرەنۋ تۇعىرى 3 جەردىڭ ينتەرنەت جەلىسىنەن تىسقارى سەزىنۋ كەڭىستىگىندە كىتاپ وقۋ، ورتاقتاسۋ جينالىسىن وتكىزىپ، ينتەرنەت جەلىسىندە جانە ينتەرنەت جەلىسىنەن تىس بولۋدى ۇشتاستىرىپ، جالپى حالىقتىڭ كىتاپ وقۋىنا تىڭ ومىرشەڭ كۇش ۇستەيدى.

بۇدان سىرت، وسى كەزەكتى انار كىتاپ وقۋ مەرەكەسى تاعى جالپى حالىقتىق كىتاپ وقۋ، جالپىلاستىرۋ جارناماسى، الەۋمەتتىك يگىلىك جارناماسى سياقتى جالپىلىق مەديا ونىمدەرىن شىعارىپ، قوعامدىق قارىم ـ قاتىناس تۇعىرىندا ىقپالداستىق تاقىرىبىن بەلگىلەپ، وقىرمانداردى كىتاپ وقۋ اسەرىن بىرگە بولىسۋگە شابىتتاندىرادى. بولاشاقتا انار كىتاپ وقۋ مەرەكەسى تىكە تاراتۋ، ينتەرنەت جەلىسىنەن تىسقارى كىتاپ وقۋ جينالىسى، جالپىلىق مەديادا حابارلاۋ سياقتى تاسىلدەر ارقىلى كىتاپ وقۋ مەرەيىنە شومعان شينجياڭ قۇرۋعا دەم بەرىپ، جالپى حالىقتىڭ كىتاپ وقۋىن سالتقا اينالدىرۋعا كۇش ۇستەيدى.