وڭتۇستىك شينجياڭنىڭ جوعارى ساپالى دامۋىن قولداۋ سياقتى قىزمەتتەردى اقىلداستى

انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 21 ـ كۇنى ۇرىمجىدەن حابارلايدى. 4 ـ ايدىڭ 21 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، باس شۋجي شي جينپيڭنىڭ تاياۋداعى ماڭىزدى سوزدەرىنىڭ رۋحىن جەتكىزىپ، ۇيرەنىپ، اۆتونوميالى رايوندىق پارتكومنىڭ تالابىنا ساي، وڭتۇستىك شينجياڭنىڭ جوعارى ساپالى دامۋىن قولداۋ، تۇتاس قوعامدا زات اينالىمى وزىندىك قۇنىن ٴونىمدى تومەندەتۋ، جوعارى ساپالى دامۋدى جەبەۋگە ىنتالاندىرۋ قارجىسىن تاعايىنداۋ، اۋىز سۋ قاينارىن قورعاۋدى كۇشەيتۋ سياقتى قىزمەتتەردى اقىلداستى.

ٴماجىلىس مىنالاردى اتاپ كورسەتتى: وڭتۇستىك شينجياڭنىڭ دامۋى تۇتاس رايوننىڭ جوعارى ساپالى دامۋى جونىنەن ەرەكشە ماڭىزدى ٴمان الاتىندىعىن تەرەڭ يگەرىپ، تۇتاس رايوننىڭ كەلەلى جاعدايى جانە ۇزاق بولاشاقتىق دامۋ تۇرعىسىندا تۇرىپ، نازاردى وڭتۇستىك شينجياڭ كاسىپ سالالارىنىڭ كەنجە قالۋى سياقتى كورنەكتى ماسەلەلەرگە جانە بوگەتتىك تەجەمدەرگە شوعىرلاندىرىپ، وڭتۇستىك شينجياڭنىڭ جوعارى ساپالى دامۋىن ىلگەرىلەتۋ قىزمەتتەرىندە تىڭ ناتيجەلەرگە قول جەتكىزۋ كەرەك. وڭتۇستىك شينجياڭنىڭ دامۋىنا قولداۋ كورسەتۋ سەرپىنىن زورايتىپ، كاسىپ سالاسىن جەتىلدىرۋگە ۇزدىكسىز كۇش سالىپ، وڭتۇستىك شينجياڭنىڭ بايلىق ارتىقشىلىعىن تياناق ەتىپ، ەرەكشەلىككە، باسىمدىققا يە كاسىپ سالالارىن جەتىلدىرىپ، زورايتىپ، كاسىپ سالاسى تىزبەگى ۇزىن، جەتەكتەۋ قۋاتى كۇشتى، شارپۋ اۋماعى كەڭ ٴبىر توپ كەلەلى نىساندى عىلمي جوبالاپ، جاڭا ارتۋ ۇيەگىن جەدەل جەتىلدىرىپ، جاڭاشا وندىرگىش كۇشتەردى دامىتىپ، وڭتۇستىك شينجياڭنىڭ كاسىپ سالاسى جۇيەسىنىڭ وسىزاماندانۋ ورەسىن ۇزدىكسىز جوعارىلاتۋ كەرەك. وڭتۇستىك شينجياڭنىڭ قاتىستى ايماق، وبلىستارى فاكتور قامتاماسىزدىعىن كۇشەيتىپ، اۆتونوميالى رايونداعى قاتىستى تاراۋلار ىرىقتىلىقپەن سايكەسىپ، جوعارى مەن تومەن بىرلەسىپ قيمىلداپ، جەتەكشىلىكتى كۇشەيتىپ، تەكسەرىپ بەكىتۋ ونىمدىلىگىن جانە قىزمەت وتەۋ دەڭگەيىن ۇزدىكسىز جوعارىلاتىپ، بىرىككەن كۇش قالىپتاستىرىپ، ٴتۇيىندى نىسانداردىڭ ەرتە جۇمىس باستاۋىن، ەرتە سالىنۋىن، ەرتە ونىمدىلىك كورسەتۋىن ىلگەرىلەتۋ كەرەك. رايونعا قاراستى مەملەكەت مەنشىگىندەگى كاسىپورىندار قوعامدىق جاۋاپكەرشىلىكتى بەلسەنە ارقالاپ، قارجى قوسىپ شارۋاشىلىقتى گۇلدەندىرۋدى، كاسىپ سالاسىنا جەتەكشىلىك ەتۋدى، جۇمىستاندىرۋ اياسىن كەڭەيتۋدى ٴبىر تۇتاس جوسپارلاپ، ٴتىپتى دە كوپ ەڭبەككۇشتىڭ جۇمىس ورنىن ورنىقتىرۋ بويىنشا جۇمىستانىپ، كىرىسىن ارتتىرىپ بايۋىنا دەم بەرۋ كەرەك.

ٴماجىلىس «اۆتونوميالى رايوننىڭ تۇتاس قوعامدا زات اينالىمى وزىندىك قۇنىن ٴونىمدى تومەندەتۋ جوباسىن» اقىلداسىپ، مىنالاردى باسا دارىپتەدى: ەنەرگيا بايلىعى زات اينالىمىنىڭ جۇمىس جۇرگىزۋ جۇيەسىن كەمەلدەندىرىپ، جەر ـ جەردىڭ كومىر، كەن ونىمدەرىن ساقتاۋ، تاسىمالداۋ قۇرىلعىلارىن قۇرۋىنا قولداۋ كورسەتىپ، ”سولتۇستىكتىڭ كومىرىن وڭتۇستىككە تاسىمالداۋ“، ”شينجياڭ كومىرىن سىرتقا تاسىمالداۋ“، ”كەن ونىمدەرىن شينجياڭنان شىعارۋ“، ”شيكىزاتتى شينجياڭعا ەنگىزۋ“ سياقتى نەگىزگى بايلىق ارناسىن تەمىر جولمەن تاسىمالداۋ باعاسىنا تيىمدىلىك جاساۋ ساياساتىن شىعارۋدى اقىلداسۋ كەرەك. استىق، ماقتا سياقتى كوپ قولدى اۋىل شارۋاشىلىق ٴونىمىن شينجياڭنان شىعارۋ تاسىمالىن ساپالىلاندىرىپ، مەملەكەتتىك (وڭىرلىك) تىرەكتى سۋىق تىزبەكتى زات اينالىمى بازاسىن قۇرۋدى جەدەلدەتىپ، وسى زامانعى اينالىم ستراتەگيالىق تىرەكتىك قالالاردى وزەك ەتىپ، ەنەرگيا ونىمدەرىنىڭ، اۋىل شارۋاشىلىق ونىمدەرىنىڭ، كەن ونىمدەرىنىڭ تىرەكتى اينالىم ٴدالىزىن قۇرۋ كەرەك. ساۋدا اينالىمى سالاسىنىڭ زات اينالىمى قۇرىلعىسىن ولشەمدەندىرۋ، زەردەلىلەندىرۋ قۇرىلىسىن ىلگەرىلەتىپ، قالانىڭ زات جەتكىزۋ تورىن ىركىلىسسىزدەندىرىپ، شينجياڭنىڭ ”پوچتا اقىسى قامتىلعان تاۋار جەتكىزۋ“ جەتىستىگىن بەكەمدەپ، ەلەكتروندى جەدەل جولداما، زات اينالىمى بويىنشا جولداۋ ـ جەتكىزۋ قىزمەت وتەۋى قابىلەتىن كۇشەيتۋ كەرەك. جۇڭگو - ەۆروپا كەزەكشى پويەزدەرىنىڭ توراپتىق جۇيەسى قۇرىلىسىن ىلگەرىلەتىپ، ”تەمىر جول شەكارا وتكەلى + قاراستى جەردە تەز وتكىزۋ“ ۇلگىسىنە رەفورما جاساپ، سىرتقا قاراتىلعان ارنانىڭ كوتەرىمدىلىك قۋاتىن جوعارىلاتۋ كەرەك.

پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ جوعارى ساپالى دامۋدى جەبەيتىن اۋدارىپ تولەۋدى ىنتالاندىرۋ ـ تەجەۋ مەحانيزمىن ورناتۋ جونىندەگى ورنالاستىرۋىن دايەكتىلەندىرۋ، تياناقتاندىرۋ ٴۇشىن، اۆتونوميالى رايون جوعارى ساپالى دامۋدى جەبەۋگە ىنتالاندىرۋ قارجىسىن باسقارۋدىڭ ۋاقىتتىق ٴادىسىن شىعارادى. ٴماجىلىس مىنالاردى تالاپ ەتتى: جەر ـ جەر ىنتالاندىرۋ قارجىسىنان شىنايى ويداعىداي پايدالانىپ، ايماقتىڭ، اۋداننىڭ ”قان جاساۋ“ قۋاتىن ارتتىرۋدى ىلگەرىلەتىپ، قازىنالىق كىرىس كولەمى مەن ساپاسىن جوعارىلاتۋ كەرەك. ماسەلەنى باعدار ەتۋگە تاباندى بولىپ، ٴتۇيىندى سالالاردى كورنەكتىلەندىرىپ، ىنتالاندىرۋ قارجىسىن باسقارۋدىڭ اناعۇرلىم جۇيەلىلەنۋىن، ٴبولىستىڭ اناعۇرلىم عىلميلانۋىن، ٴتاسىلدىڭ اناعۇرلىم ٴونىمدى بولۋىن ۇزدىكسىز ىلگەرىلەتىپ، قارجىنىڭ قولدانىلۋ ساپاسىن، ونىمدىلىگىن شىنايى جوعارىلاتۋ كەرەك.

ٴماجىلىس مىنالاردى باسا دارىپتەدى: جەر ـ جەر، قاتىستى تاراۋلار سۋ قاينارىن قورعاۋدىڭ ٴتۇرلى شاراسىن ناقتى، ەگجەي ـ تەگجەيلى تياناقتاندىرىپ، اۋىز سۋ قاينارىن قورعاۋ ٴوڭىرىنىڭ زاڭ، زاڭ ەرەجەلەرى مەن تەحنولوگيالىق ولشەمىن قاتاڭ اتقارىپ، اۋىز سۋ قاينارىن قورعاۋ ٴوڭىرىن عىلمي بەلگىلەپ، رەتتەپ، كۇشىنەن قالدىرىپ، كۇندەلىكتى شارلاۋ ـ تەكسەرۋ تەبىنىن ارتتىرىپ، ورىن تەپكەن ماسەلەلەردى دەر كەزىندە بايقاپ ٴبىر جاقتى ەتىپ، اۋىز سۋ قاينارىنىڭ حاۋىپسىزدىگىن قامتاماسىز ەتۋ كەرەك.

ٴماجىلىس باسقا دا ىستەردى اقىلداستى.