انار بۇلت \ شينجياڭ گازەتىنىڭ ٴتىلشىسى ۋاڭ شينحۇڭ 5 ـ ايدىڭ 2 ـ كۇنى ۇرىمجىدەن حابارلايدى. 4 ـ ايدىڭ 30 ـ كۇنى اۆتونوميالى رايوندىق پارتكوم ۇگىت ٴبولىمى، شينجياڭ راديو ـ تەلەۆيزيا ستانسياسى، تيانشان كينو ستۋدياسى بىرلەسىپ جاساعان «سالەم FM949» كينوسى ۇرىمجىدە الدىن الا ٴۇزىندى قويۋ جينالىسىن وتكىزىپ، 300دەن استام ادام كوردى.

بۇل كينو راديو تولقىنىن دانەكەر ەتىپ، داۋىرگە تاڭبا قالدىرعان 3 بولىك شينجياڭ حيكاياسىن بايلانىستىرعان. رەجيسسەر شيرزات ياقۇپ بىلاي دەپ تانىستىردى: «سالەم FM949» ٴداستۇرلى رەتىمەن بايانداۋ ۇلگىسىن بۇزىپ، راديو باعدارلاماسىن جۇلگە ەتىپ، 3 دەربەس حيكايانى شەبەرلىكپەن بايلانىستىرىپ، ”حيكايانى حيكايامەن بايلانىستىرۋ“ سىندى كىرىكپەلى قۇرىلىم قالىپتاستىردى. كينودا FM949دىڭ جۇرگىزۋشىلەرىنىڭ داۋىسى باستان ـ اياق سىڭىرىلگەن، ولار حيكايا بايانداۋشى ٴارى كورەرمەندەردىڭ سۇيىسپەنشىلىگىنىڭ جەتەكتەۋشىسى بولىپ، كورەرمەندەردى تىكە تاراتۋ بولمەسىندە وتىرىپ بۇكىل شينجياڭداعى تىڭدارماندارمەن بىرگە تىڭداعانداي، بىرگە اسەرلەنگەندەي سەزىمگە بولەيدى.

كورىنىس جاعىندا فيلم ۇلىڭگىر كولىنىڭ مۇز كول ٴتىلسىم كورىنىسىن، ىلە جايلاۋىنىڭ قىسقى كوركەم كورىنىسىن، حوتاننىڭ جاسىل القابىنداعى اۋىل كورىنىسىن تۇگەلدەي ەكران كوزىنە جيناپ، قىسقى بالىق اۋلاۋ سياقتى ەرەكشە مادەنيەت ـ ساياحات كورىنىستەرىن سايكەستىرىپ، وڭىرلىك سالت ـ سانانىڭ سالتاناتىن تۇلعالادى.

كوركەمونەرلىك بەينەلەۋ جاعىندا فيلم نازىك بۋىندار ارقىلى نەگىزگى تاقىرىپتى كۇشەيتۋمەن ۇندەستىك تاپقان — دۇربىدە ەكى ۇرپاق ادامداردىڭ دوستىق سۇيىسپەنشىلىگى بايلانىپ، فوتواپپاراتتا جاستىق كەزدەگى اتتەگەن ـ ايلار ساقتالىپ، 10 مىڭ مەتر بيىكتىكتەگى ۇشاقتا تىرشىلىك ٴۇمىتى جالعاندى، ەستەمەگە تولى وسى حيكايالار ۋاقىت پەن كەڭىستىكتەن وتكەن سۇيىسپەنشىلىك دانەكەرىنە اينالدى.

سەناريست لي مۋشى مىنالاردى ٴبىلدىردى: كينو فيلم قاراپايىم ادامداردىڭ تۇرعىسىنان كوز جىبەرىپ، مەيىرلى دە جان جاراسىن جازاتىن اڭگىمەلەر ارقىلى وزەكتى قۇن كوزقاراسىن جەتكىزەدى، تۇرلاۋسىز تاعدىر ازاپ اكەلۋى مۇمكىن، ٴبىراق شينجياڭنىڭ بايتاق دالاسىندا ماڭگى قاعىس قالمايتىن ىزگىلىك پەن سۇيىسپەنشىلىك تۇبىندە بارلىق جاراقاتتى جازادى. ٴار ۇلتتىڭ ورتاق كەشىرمەلەر بارىسىندا قالىپتاستىرعان سەزىمدىك ۇندەستىگى ٴدال جۇڭحۋا ۇلتى ورتاق تۇلعا تانىمىن بەكەمدەۋدىڭ جاندى تۇسىندىرمەسى.

”كينو ماعان مەيىر جانە اسەر سيلادى“. كورەرمەن نيۋ سىيۋاننىڭ ينتەرنەتتە 300 مىڭ جان كۇيەرى بار، ول بۇدان كەيىن شينجياڭ حيكايالارى مەن مەيىرىن بەينەلەيتىن ٴتىپتى دە كوپ كينولاردىڭ قويىلۋىن ٴۇمىت ەتتى.

كينو ـ تەلەفيلم تاربيەسىمەن كوپ جىل شۇعىلدانعان ۋ يۇيشيا بۇل فيلمدەگى جاڭالىقتى تولىق تۇراقتاندىردى. ول بىلاي دەدى: 3 اڭگىمە قاراماققا دەربەس كورىنگەنىمەن، ۇلتتار ىنتىماعىنىڭ نەگىزگى اۋەنىن بىرگە شارىقتاتقان. مەيلى ٴداۋىر اتتاعان تاتۋلىق بولسىن، الدە كوپشىلىكتىڭ قول ۇستاسا تاڭشانداعى جەر سىلكىنىسى اپاتى تۋىلعان رايونعا كومەكتەسۋى بولسىن، سونداي ـ اق 10 مىڭ مەتر بيىكتىكتە ٴار ۇلت بۇقاراسىنىڭ اجالدان قۇتقارۋعا ات سالىسۋى بولسىن، بارلىعى ٴار ۇلت حالقىنىڭ اناردىڭ دانىندەي تىعىز ۇيىسۋىنىڭ تەرەڭ ٴمانىن جاندى ٴتۇسىندىردى.

تيانشان كينو ستۋدياسى پارتكومىنىڭ شۋجيى جيڭ لۋجوۋ مىنالاردى ٴبىلدىردى: «سالەم FM949»دى جاڭا باستاما ەتىپ، ”شاعىن كەيىپكەر، ۇلى سۇيىسپەنشىلىك، وڭ ەنەرگيا“ جاسامپازدىق بەتالىسىنا تاباندى بولىپ، شينجياڭداعى ٴار ۇلت حالقىنىڭ ىنتىماقتاسا كۇرەس جۇرگىزۋىن، بىرگە گۇلدەنىپ ـ كوركەيۋىن بەينەلەيتىن اناعۇرلىم كوپ جاندى حيكايالاردى تاۋىپ، ٴتىپتى دە كوپ سارا تۋىندىلاردى ۇسىنىپ، شينجياڭنىڭ تاماشا حيكايالارىنىڭ ٴتىپتى دە شۇعىلا شاشۋىنا مۇمكىندىك جاسايمىز.

بۇل فيلمنىڭ تۇڭعىش قويىلۋ سالتى 5 ـ ايدىڭ 10 ـ كۇنى وتكىزىلەدى.