شينجياڭ يحۋا كەن شارۋاشىلىعى شەكتى سەرىكتەستىگى ۋساي - ۋان كەن رايونى 1 - ءنومىرلى اشىق كومىر كەنىنىڭ تولىق كورىنىسى (5 - ايدىڭ 7 - كۇنى ۇشقىش اپپاراتپەن تۇسىرىلگەن).

　　□ سۋرەتتى انار بۇلت \ شينجياڭ گازەتىنىڭ ءتىلشىسى جوۋ پىڭ تۇسىرگەن

انار بۇلت \ شينجياڭ گازەتىنىڭ ٴتىلشىسى گى يوۋجۇن 5 ـ ايدىڭ 7 ـ كۇنى سانجىدان حابارلايدى. بۇلتتان تيڭجوۋعا كوز جىبەرسەك، تاۋ ـ وزەندەردىڭ سونشاما كوركەم ەكەندىگىن سەزىنەمىز. 5 ـ ايدىڭ 7 ـ كۇنى ”شينجياڭ اۋىل ـ قىستاق امانات ـ قارىز كووپەراتيۆى بىرلەسپە كووپەراتيۆى· اۋىل شارۋاشىلىق ساۋدا بانكەسى“ اتىنداعى شينجياڭدى اۋەدەن سۋرەتكە ٴتۇسىرۋ كولەمدى جالپىلىق مەديا تىلشىلىك قيمىلىنىڭ العاشقى بەكەت قيمىلى سانجى حۇيزۋ اۆتونوميالى وبلىسىنىڭ سانجى قالاسىندا باستالدى.

بيىل — اۆتونوميالى رايون قۇرىلعاندىعىنىڭ 70 جىلدىعى. 70 جىل بوران ـ شاشىندى باستان وتكەرىپ، 70 جىلدا مول تابىسقا قول جەتكىزدى، سانجى سىندى گۇلدەنىپ ـ كوركەيگەن وسىناۋ قۇتتى مەكەندە بۇكىل شينجياڭ سياقتى وراسان زور وزگەرىستەر تۋىلدى. جىبەك جولى ەكونوميكالىق بەلدەۋى وزەكتى رايونىنىڭ ماڭىزدى ٴتۇيىنى رەتىندە، سانجى وبلىسى كاسىپ سالاسىنىڭ دارەجەسىن جوعارىلاتۋ، اۋىل ـ قىستاقتى گۇلدەندىرۋ، ەكولوگيانى قورعاۋ، ۇلتتار ىنتىماعى سياقتى جاقتاردا تۇگەلدەي سۇبەلى جەتىستىكتەرگە قول جەتكىزدى. بۇگىنگى سانجى اسقاق بەينەمەن جوعارى ساپالى دامۋدىڭ جاڭا جورىعىنا قادام تاستاۋدا، تيڭجوۋدىڭ بايتاق دالاسىندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىنداعى تيپتىك ايماق، وبلىس قۇرۋدىڭ تىرشىلىك تىنىسى مەن ومىرشەڭ كۇشى قاۋلادى.

”شينجياڭ اۋىل ـ قىستاق امانات ـ قارىز كووپەراتيۆى بىرلەسپە كووپەراتيۆى · اۋىل شارۋاشىلىق ساۋدا بانكەسى“ اتىنداعى شينجياڭدى اۋەدەن سۋرەتكە ٴتۇسىرۋ كولەمدى جالپىلىق مەديا تىلشىلىك قيمىلىنىڭ العاشقى بەكەتى رەتىندە، وسى رەتكى جالپىلىق مەديا تىلشىلىك ۇجىمى سانجى وبلىسىنداعى شينجياڭ جۇندۇڭ ەكونوميكالىق ـ تەحنولوگيالىق اشۋ رايونىنا، موري قازاق اۆتونوميالى اۋدانىنا، سانجى قالاسىنا جانە ماناس اۋدانىنا بارىپ، ”كەڭىستىك + جەر بەتى“ سىندى ستەرەولدىق تۇرعىدان سانجى وبلىسىنىڭ 70 جىلدىق وراسان زور وزگەرىسىن جان ـ جاقتى ەستەلىككە الىپ، سانجى وبلىسىنىڭ ەكولوگيا كوركەمدىگىن، دامۋ كوركەمدىگىن، جاراسىمدىلىققا تولى كوركەمدىگىن ايگىلەپ، سۋرەت سياقتى كوپ ٴتۇرلى بەينەلەۋ ٴتاسىلى ارقىلى جاڭا داۋىردەگى سانجىنىڭ ەكپىندەي ىلگەرىلەگەن حيكاياسىن بايانداپ، بۇكىل ەلگە، ٴتىپتى، دۇنيە جۇزىنە اشىق، سەنىمدى، ومىرشەڭ كۇشى تاسقىنداعان سانجىنى كورسەتەدى.

سانجى وبلىستىق پارتكوم ۇگىت ٴبولىمىنىڭ ۇنەمىلىك ىستەرگە جاۋاپتى ورىنباسار باستىعى ۋاڭ جيانجۇڭ مىنالاردى ٴبىلدىردى: وسى رەتكى شينجياڭدى اۋەدەن سۋرەتكە ٴتۇسىرۋ كولەمدى جالپىلىق مەديا تىلشىلىك قيمىلىنىڭ العاشقى بەكەتى رەتىندە، سانجى وبلىسى شينجياڭ گازەتى مەكەمەسىنىڭ (توبى) جالپىلىق مەديا تىلشىلىك ۇجىمىنا بار كۇشپەن سايكەسىپ، سانجىنىڭ كوركەم تاۋ ـ وزەندەرىن، قالانىڭ جاڭا بەت ـ بەينەسىن، كاسىپ سالاسى كارتيناسىن جانە گۋمانيتارلىق سالت ـ ساناسىن تەرەزە ەتىپ، بۇكىل شينجياڭداعى تىلشىلىك قيمىلىنا جاقسى باستاما اشادى. سونىمەن بىرگە سانجى وبلىسى وسى رەتكى تىلشىلىك قيمىلىن وراي ەتىپ، شينجياڭ گازەتى مەكەمەسىمەن (توبى) ىستەستىكتى، ىقپالداستىقتى اناعۇرلىم تەرەڭدەتىپ، ”شينجياڭدى اۋەدەن سۋرەتكە ٴتۇسىرۋدىڭ“ بايتاق تا كورىكتى شينجياڭدى ايگىلەيتىن، ٴداۋىردىڭ كۇشتى ٴۇنىن تاراتاتىن جارقىراعان ماركاعا اينالۋىن ىلگەرىلەتەدى.

شينجياڭ سانجى اۋىل ـ قىستاق ساۋدا بانكەسى جارنا شەكتى سەرىكتەستىگىنىڭ قاتىستى جاۋاپتىسى مىنالاردى ٴبىلدىردى: مەديا مەن فينانستىڭ شەكارا اتتاپ قول ۇستاسۋى، عىلىم ـ تەحنولوگيا كوزى، فينانس كۇشى ارقىلى سانجى وبلىسىنىڭ كوركەم تاۋ ـ وزەندەرىن بىرگە ەستەلىككە الىپ، فينانس پەن كاسىپ سالاسىنىڭ بىرگە ارەكەتتەنۋدەگى جاندى امالياتىنا كۋا بولىپ، اۋەدەن سۋرەتكە تۇسىرىلگەن كورىنىس ارقىلى ٴار ۇلت بۇقاراسىنىڭ بىرگە بايۋعا قادام تاستاعان باقىتتى بەينەسىن ەستەلىككە الىپ، اۋىل ـ قىستاقتى گۇلدەندىرۋ مەن جوعارى ساپالى دامۋىنا كۇش ۇستەۋدى ٴۇمىت ەتەمىز.

”شينجياڭ اۋىل ـ قىستاق امانات ـ قارىز كووپەراتيۆى بىرلەسپە كووپەراتيۆى · اۋىل شارۋاشىلىق ساۋدا بانكەسى“ اتىنداعى شينجياڭدى اۋەدەن سۋرەتكە ٴتۇسىرۋ كولەمدى جالپىلىق مەديا تىلشىلىك قيمىلىن شينجياڭ گازەتى مەكەمەسى (توبى) ۇيىمداستىرعان، شينجياڭ فوتوگرافتار قوعامى، شينجياڭ اقپارات فوتو سۋرەت عىلمي قوعامى سەلبەسىپ وتكىزگەن، ”شينجياڭ اۋىل ـ قىستاق امانات ـ قارىز كووپەراتيۆى بىرلەسپە كووپەراتيۆى · اۋىل شارۋاشىلىق ساۋدا بانكەسى“ اتىن جازۋ ۇقىعىنا يە. تيانشان الابىنان كەلگەن ۇزدىك ۇشقىش اپپارات ۇشىرۋشىلار، شينجياڭ گازەتى مەكەمەسىنىڭ (توبى) جانە سانجى وبلىسىنىڭ، سونداي ـ اق ٴىشىنارا اۋدان، قالالاردىڭ جالپىلىق مەديا تىلشىلەرى سانجى بەكەتىندەگى تىلشىلىك قيمىلىنا بىرگە قاتىناسادى.