فينانستىق قىزمەت وتەۋدىڭ اياسى كەڭەيدى

　　رايونىمىزداعى بارلىق اكىمشىلىك قىستاقتار اقشا تولەۋ بويىنشا قىزمەت وتەۋمەن تولىق قامتىلدى

انار بۇلت \ شينجياڭ گازەتىنىڭ ٴتىلشىسى ۋاڭ يۇڭفي 5 ـ ايدىڭ 19 ـ كۇنى ۇرىمجىدەن حابارلايدى. جۇڭگو حالىق بانكەسى شينجياڭ بولىمشە بانكەسىنەن ۇعىسۋىمىزشا، 4 ـ ايدىڭ سوڭىنا دەيىن شينجياڭنىڭ اۋىل ـ قىستاق وڭىرلەرىندە جيىنى 10 مىڭ ATM 700 اپپاراتى، POS اپپاراتى ورنالاستىرىلىپ، بانكە كارتچكاسىمەن شارۋالاردىڭ اقشا شىعارۋىنا كومەكتەسۋ بويىنشا 13 مىڭ 700 قىزمەت وتەۋ ٴتۇيىنى قۇرىلىپ، اۋىل ـ قىستاقتا ينتەرنەتتە تولەۋ، جىلجىمالى تولەۋ قاتارلى ناق اقشاسىز تولەۋ قۇرالدارىنان پايدالانۋشىلار 42 ميلليون 202 مىڭ 800گە جەتىپ، تۇتاس شينجياڭنىڭ بارلىق اكىمشىلىك قىستاقتارىن اقشا تولەۋ بويىنشا قىزمەت وتەۋمەن تولىق قامتۋ جۇزەگە اسىرىلعان.

نازاردى اۋىل ـ قىستاقتىڭ گۇلدەنۋىن جاپپاي ىلگەرىلەتۋ ورنالاستىرۋ تالابىنا شوعىرلاندىرعان جۇڭگو حالىق بانكەسى شينجياڭ بولىمشە بانكەسى بانكە قۇرىلىمدارىن ۇيىمداستىرىپ، فينانستىق قىزمەت وتەۋ ٴبىرشاما ٴالسىز وڭىرلەرگە جاڭالاۋ بويىنشا قارجى قوسۋدى ۇزدىكسىز كۇشەيتىپ، شالعاي وڭىرلەرگە فينانستىق قىزمەت وتەۋدىڭ اياسىن كەڭەيتتى؛ بانكە قۇرىلىمدارىن اۋىل ـ قىستاق وڭىرلەرىندە جۇمىس جۇرگىزۋ تور تۇيىندەرىن ۇيلەسىمدى قۇرۋعا جەتەكتەپ، ATM اپپاراتى، POS اپپاراتى سياقتى بانكە كارتچكاسىن قابىلداۋ تەرمينالىن ورنالاستىرىپ، بانكە كارتچكاسى ارقىلى شارۋالاردىڭ اقشا شىعارۋىنا كومەكتەسۋ بويىنشا قىزمەت وتەۋ تۇيىندەرىن قۇرىپ، ناق اقشاسىز تولەۋ قۇرالدارىن جالپىلاستىرىپ، تولەۋ بويىنشا قىزمەت وتەۋمەن تولىق قامتىپ، اۋىل ـ قىستاققا تولەۋ بويىنشا قىزمەت وتەۋدىڭ قولجەتىمدىلىگىن، قولايلىلىعىن ۇزدىكسىز جوعارىلاتتى.

ايتا كەتەرلىك ٴبىر جاي، جۇڭگو حالىق بانكەسى شينجياڭ بولىمشە بانكەسى فينانس قۇرىلىمدارىن ”جىلجىمالى تولەۋ+ “ بويىنشا قىزمەت وتەۋدە ۇزدىكسىز جاڭالىق اشۋعا جەتەكتەپ، فينانستىق قىزمەت وتەۋدىڭ ٴار الۋاندىلىعىن كۇشەيتتى. فينانس قۇرىلىمدارى ”ٴبىر اۋداندا ٴبىر ەرەكشەلىك“ وي جەلىسىنە تاباندى بولىپ، جىلجىمالى تولەۋدەن ۇلگى كورسەتۋ اۋداندارىن قۇرۋدى ىشكەرىلەي ىلگەرىلەتىپ، جىلجىمالى تولەۋدىڭ اۋىل ـ قىستاق وڭىرىنە قاراي ويىسۋىن ىلگەرىلەتتى؛ اۋىل ـ قىستاقتىڭ ٴىس جۇزىندىك جاعدايىن تياناق ەتىپ، ”جىلجىمالى تولەۋ + ساياحات“، ”جىلجىمالى تولەۋ + اۋىل شارۋاشىلىق ونىمدەرى“، ”جىلجىمالى تولەۋ + سۋ ىستەرى“، ”جىلجىمالى تولەۋ + جەر“، ”جىلجىمالى تولەۋ + ەمدەۋ قامسىزداندىرۋى“ سياقتى زەردەلىلەنگەن شارۋالارعا كومەكتەسۋ جاعدايىن ۇزدىكسىز جالپىلاستىرىپ، اۋىل ـ قىستاق وڭىرلەرىنىڭ ٴتۇرلى جاعدايداعى اقى ەسەبىن جابۋ ٴتاسىلىن ۇزدىكسىز كەمەلدەندىردى. 4 ـ ايدىڭ سوڭىنا دەيىن شينجياڭ جيىنى جىلجىمالى تولەۋ بويىنشا 39 ۇلگى اۋدان، 7 ۇلگى اۋىل، 44 ۇلگى قىستاق، 7 ۇلگى تۋان ـ الاڭ قۇردى.

بانكە كارتچكاسىمەن شارۋالاردىڭ اقشا شىعارۋىنا كومەكتەسۋ بويىنشا قىزمەت وتەۋ ٴتۇيىنى _ بانكە قۇرىلىمدارىنىڭ قىستاقتارعا قاراي كەڭەيتكەن، تولەۋ بويىنشا قىزمەت وتەۋ تەرمينالى، اۋىل ـ قىستاق وڭىرلەرىنىڭ شاعىن سوماداعى ناق اقشا شىعارۋىنا ارناۋلى تۇردە قولايلىلىق جاساۋداعى حالىق تۇرمىسى ينجەنەرياسى. جۇڭگو حالىق بانكەسى شينجياڭ بولىمشە بانكەسى ”شارۋالاردىڭ اقشا شىعارۋىنا كومەكتەسۋ +N “ بويىنشا قىزمەت وتەۋدى ۇزدىكسىز ىلگەرىلەتىپ، شارۋالاردىڭ اقشا شىعارۋىنا كومەكتەسۋ بويىنشا قىزمەت وتەۋ تۇيىندەرىندە تۇرعىنداردىڭ سۋ، ەلەكتر اقىسىن تاپسىرۋ، تەلەفون اقىسىن تاپسىرۋ، قوعامدىق قامتاماسىزداندىرۋ اقىسى مەن شارۋالارعا تيىمدىلىك جاساۋ قارجىسىن شىعارىپ الۋ، تەكسەرۋ سياقتى يقۋاتىن قوسىپ، كاسىپ كۇيىن ۇزدىكسىز بايىتىپ، پۋنكت ـ تۇيىندەردىڭ جالپىلىق قىزمەت وتەۋ قابىلەتى مەن دەڭگەيىن جوعارىلاتتى. بيىل جىل باسىنان 4 ـ ايدىڭ سوڭىنا دەيىن تۇتاس شينجياڭدا شارۋالاردىڭ اقشا شىعارۋىنا كومەكتەسۋ بويىنشا قىزمەت وتەۋ تۇيىندەرىندە ٴبىر ميلليون 626 مىڭ 900 رەت اقشا شىعارىلدى، 27 مىڭ 100 رەت ۋاكىلەتتى اقى تاپسىرىلدى.