ىلە وبلىسى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىنىڭ رولىن تولىق ساۋلەلەندىردى

پارتيا 20 - قۇرىلتايىنىڭ رۋحىن مۇقيات ۇيرەندى، ۇگىتتەدى، دايەكتىلەندىردى

جۋىقتا ىلە وبلىسى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىنىڭ رولىن تولىق ساۋلەلەندىرىپ، پارتيا 20 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ جونىندە ورنالاستىرۋ جاساۋ ٴماجىلىسىن وتكىزدى. ماجىلىستە حابارلاندىرۋ جەتكىزىلىپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ شەشىم - ورنالاستىرۋلارى جانە اۆتونوميالى وبلىستىق پارتكومنىڭ قىزمەت تالاپتارى بويىنشا، وبلىسقا توتە قاراستى ورىندارداعى ٴارقايسى نەگىزگى ساتى پارتيا ۇيىمدارىنىڭ جانە قىستاقتا تۇراتىن قىزمەت اترەتتەرىنىڭ پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ قىزمەتى جونىندە ورنالاستىرۋ جاسالدى.

ماجىلىستە بىلاي دەپ اتاپ كورسەتىلدى: پارتيا 20 - قۇرىلتايى جاڭا داۋىردەگى پارتيا قۇرىلىسىن كۇشەيتۋ جونىندە ٴبىرقىدىرۋ جاڭا يدەيا، جاڭا تۇجىرىمداردى العا قويىپ، كەزەكتەگى جانە بۇدان بىلايعى ٴبىر مەزگىلدەگى پارتيا قۇرىلىسىن ىلگەرىلەتۋگە العا باسۋ بەتالىسىن ايقىنداپ، ٴتۇبىرلى بويسۇنۋ ولشەمىمەن قامدادى. پارتيا 20 - قۇرىلتايىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋدە پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ كەلەلى ٴمانىن جەتە تانىپ، پارتيا 20 - قۇرىلتايىنىڭ رۋحى ارقىلى يدەيانى، ەرىك - جىگەردى، ارەكەتتى باتىل بىرلىككە كەلتىرۋ كەرەك.

ماجىلىستە بىلاي دەپ باسا دارىپتەلدى: ٴارقايسى نەگىزگى ساتى پارتيا ۇيىمدارى مەن قىستاقتا تۇراتىن قىزمەت اترەتتەرى پارتيا 20 - قۇرىلتايىنىڭ رۋحىن ىشكەرىلەي جۇيەلى ۇيرەنىپ جانە ۇگىتتەپ، ۇگىت - لەكسيا جاساپ، كوپ شارانى تەڭ قولدانۋعا تاباندى بولىپ، الۋان فورمالى، تولىق قامتىعان جالپى قىزمەتكەرلەردىڭ ۇيرەنۋىن پارمەندى، ٴونىمدى تۇردە ورىستەتىپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى ۇزدىكسىز تەرەڭدەتۋ كەرەك. بۇقارالىق مادەنيەت، دەنە تاربيە قيمىلدارىن دانەكەر ەتە وتىرىپ، پارتيا 20 - قۇرىلتايىنىڭ رۋحى جونىندە زەيىن سىناۋ جارىسى، لەكسيا جارىسى سياقتى فورمالارمەن ۇگىت - لەكسيا قيمىلىن كىرىستىرىپ ورىستەتىپ، بەدەلدى ساقا پارتيا مۇشەلەرىن، سەنىمدى قىستاق كادرلارىن، اۋىلعا ورالعان ٴبىلىمدى ستۋدەنتتەردى، كۇشتى باۋراۋ قۋاتىنا يە حالىق اراسىنان شىققان ۇگىت - لەكسياشىلاردى ۇيىمداستىرىپ، پارتيا مۇشەلەرى مەن بۇقاراعا قىزمەت وتەۋ ورتالىعى، جاڭا ٴداۋىر وركەنيەتىن امالياتتا ايگىلەۋ پۋنكتى، بىرلەسكەن وتباسىلار باستىقتارى جيىنى سياقتىلارعا سۇيەنىپ، ٴار ۇلت بۇقاراسىنا پارتيا 20 - قۇرىلتايىنىڭ رۋحىن كەڭىنەن ۇگىتتەۋ كەرەك. قىستاق (الەۋمەتتىك اۋماق) «ەكى كوميتەتى» مۇشەلەرىنىڭ، قىستاقتا تۇراتىن قىزمەت اترەتتەرىنىڭ، تومەنگە تۇسكەن، قىستاقتى كوتەرمەگە العان كادرلاردىڭ كۇشىن ٴبىر تۇتاس جوسپارلاپ، وتباسىلاردى ارالاپ جاعداي ۇعىسۋ، مەرەكەلىك حال سۇراۋ سياقتى ۇتىمدى ساتتەن پايدالانىپ، ۇعىنىقتى تىلمەن جان تەبىرەنتەرلىك ناقتى ىستەردى اڭگىمەلەۋ ارقىلى بەتپە - بەت ۇگىت - لەكسيا جاساپ، ٴار ۇلت بۇقاراسىنىڭ تۇسىنۋىنە، ۇعىنۋىنا، تياناقتاندىرۋىنا شىنايى مۇمكىندىك جاراتۋ كەرەك. ۇگىت تاقتاسى، كەرمە تۋ، ۇلكەن كەرنەي، ٴۇنحات، دوۋيىن، كۋايشوۋ سياقتى ٴتۇرلى مەديا تۇعىرلارىن ۇشتاستىرۋ ۇلگىسىندە ۇگىت - لەكسيا ورىستەتىپ، پارتيا 20 - قۇرىلتايىنىڭ رۋحىن «داۋىرلىك ەرەكشەلىكپەن»، «بۇقارالىق ەرەكشەلىكپەن» ٴتۇسىندىرىپ، ٴار ۇلت بۇقاراسىنىڭ كورىكتى ىلە قۇرۋداعى تەلەگەي كۇشىن ۇيىستىرۋ كەرەك.

ماجىلىستە مىناۋ تالاپ ەتىلدى: ٴارقايسى نەگىزگى ساتى پارتيا ۇيىمدارى مەن قىستاقتا تۇراتىن قىزمەت اترەتتەرى پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جەمىسىن ٴىس جۇزىندىك قىزمەتتە بەينەلەۋى كەرەك. «بەستە جاقسى» ولشەمدەنگەن، جۇيەلىلەنگەن پارتيا ياچەيكاسىن قۇرۋ قىزمەتىن تىڭعىلىقتى ورىستەتىپ، اۋىل - قىستاقتا «بەستى كۇشەيتۋ، بەستى جوعارىلاتۋ» ۇيىمدارىن گۇلدەندىرۋ، الەۋمەتتىك اۋماقتا «بەستى ساپالىلاندىرىپ» قىزمەت وتەۋ ساپاسىن جوعارىلاتۋ، پارتيا مۇشەلەرى اراسىندا «ٴۇشتى ۇيرەنۋ، ٴۇشتى كورسەتۋ، ٴۇشتى سالىستىرۋ» سىندى ونەگە بولۋعا ۇمتىلۋ قيمىلىن ۇزدىكسىز تەرەڭدەتۋ كەرەك. ٴار سالا (ۋنيۆەرسالدى) پارتكومىنىڭ، ساۋدا ۇيىمىنىڭ (قوعام) پارتيا باسشىلىق گرۋپپاسىنىڭ رولىن ساۋلەلەندىرىپ، جالپىلىق مەنشىككە جاتپايتىن كاسىپورىندارعا، قوعامدىق ۇيىمدارعا جانە كاسىپورىنشىلارعا بار كۇشپەن قىزمەت وتەپ، ولاردىڭ قيىنشىلىق قىسپاعىنان قۇتىلۋىنا كومەكتەسۋ كەرەك. مىعىم نەگىزگى ساتى پارتيا ۇيىمىن قۇرۋدان اۋىتقىماي، قىستاقتى كۇشەيتىپ، حالىقتى بايىتۋدى ىلگەرىلەتىپ، جونگە سالۋ ورەسىن جوعارىلاتىپ، حالىق ٴۇشىن جۇمىس ىستەپ، قىزمەت وتەپ، جاڭا داۋىردەگى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ۇزدىكسىز تەرەڭدەتۋ كەرەك. ىندەتتەن ساقتانۋ - تىزگىندەۋ مەن كۇندەلىكتى قىزمەتتى ٴبىر تۇتاس جوسپارلاۋدى مىقتى يگەرىپ، جاۋىنگەر، ۇگىتشى، قىزمەت وتەۋشى، قامتاماسىزداندىرۋشى بولىپ، بيىلعى جىلدىق مىندەتتى ويداعىداي ورىنداۋعا جانە كەلەر جىلعى قىزمەتتە جاقسى باستاما باستاپ، جاقسى قادام تاستاۋعا كەپىلدىك ەتۋ كەرەك.

ٴماجىلىس بەينە ەكران ٴماجىلىسى فورماسىندا وتكىزىلدى، وبلىستىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسى كەڭسەسىنىڭ جاۋاپتىلارى، اۋدان - قالالاردىڭ پارتكوم ۇيىمداستىرۋ بولىمدەرىنىڭ سالالار بويىنشا جاۋاپتى ورىنباسار باستىقتارى، ٴبولىم - كەڭسەلەردىڭ جاۋاپتىلارى، اۋدان - قالالاردىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسى كەڭسەسىنىڭ جاۋاپتىلارى ماجىلىسكە قاتىناستى.