ٴراھيما اۋۇت قۇلجا قالاسىنىڭ وقۋ ـ اعارتۋ جۇيەسىندەگىلەرگە جەلىدە پارتيا 20 ـ قۇرىلتايىنىڭ رۋحىن ۇگىتتەدى 

ٴتىلشىمىز مىڭ شيا، ەرىكتى ٴتىلشى ۋي ۋىنجيە حابارلايدى. 11 ـ ايدىڭ 9 ـ كۇنى پارتيا 20 ـ قۇرىلتايىنىڭ ۋاكىلى، قۇلجا قالالىق 23 ـ ورتا مەكتەپتىڭ وقىتۋشىسى، جينان قالالىق چاڭچيڭ 1 ـ ورتا مەكتەبىنە شينجياڭنان جىبەرىلگەن وقىتۋشى ٴراھيما اۋۇت جەلىدەگى ماجىلىستە قۇلجا قالاسىنىڭ وقۋ ـ اعارتۋ جۇيەسىندەگىلەرگە پارتيا 20 ـ قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە ارناۋلى تاقىرىپتا ۇگىت ـ لەكسيا جانە بايانداما جاسادى.

ماجىلىستە ٴراھيما اۋۇت پارتيا 20 - قۇرىلتايىنىڭ بايانداماسىنا ەگجەي - تەگجەيلى تۇسىنىك جاساپ، ٴوز كەشىرمەلەرى، اسەرلەرى جانە ناقتى مىسالدار ارقىلى پارتيا 20 - قۇرىلتايىنىڭ رۋحى جونىندە ىشكەرىلەي، جۇيەلى تۇسىنىك جاسادى. وقۋ - اعارتۋ سالاسىندا احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ٴىزباسارلارىن قالاي باۋلۋ، سوتسياليستىك وزەكتى قۇن كوزقاراسى مەن جۇڭحۋانىڭ تاڭداۋلى ٴداستۇرلى مادەنيەتىن قالاي كەڭ كولەمدە امالياتتا ايگىلەۋ، ۇلتتار ىنتىماعىن قالاي بەكەمدەۋ، حالىق رازى بولاتىن وقۋ - اعارتۋدى قالاي ويداعىداي جۇرگىزۋ سياقتى 6 جاقپەن ٴتۇيىندى ۇشتاستىرىپ، ماجىلىسكە قاتىناسقان وقىتۋشىلارمەن پىكىر اۋىستىرىپ، اسەرلەرىن ورتاقتاسىپ، بۇدان كەيىنگى وقۋ - وقىتۋ قىزمەتىنىڭ بەتالىسىن بىرگە سارالاپ، پارتيا 20 ـ قۇرىلتايىنىڭ رۋحىن وقۋ ـ وقىتۋ قىزمەتىندە شىنايى تياناقتاندىرىپ، قالىڭ وقىتۋشىلاردى ٴىس جۇزىندىك ارەكەتتەرى ارقىلى اۋەلگى ماقساتتى، بورىشتى امالياتتا ايگىلەۋگە ۇزدىكسىز باستادى. ۇگىت ـ لەكسيا، بايانداما ٴماجىلىسى ماجىلىسكە قاتىناسقاندار اراسىندا قىزۋ اڭىسىن قوزعادى، كوپشىلىك ٴبىر اۋىزدان بىلاي دەپ قارادى: ٴراھيما اۋۇتتىڭ ۇگىت ـ لەكسياسى ۇعىنىقتى، جۇيەلى، جان ـ جاقتى، مازمۇنى باي، اسا كۇشتى باعىتتامالىلىققا يە، پارتيا 20 ـ قۇرىلتايىنىڭ رۋحىن تەرەڭ تۇسىنۋدە جانە دۇرىس يگەرۋدە اسا كۇشتى جەتەكشى مانگە يە.

«بۇل ۇگىت ـ لەكسيا جينالىسى دەر كەزىندە جاۋعان جاڭبىرداي بىزگە وقۋ ـ اعارتۋ قىزمەتىنىڭ ٴتۇيىندى بەتالىسىن ايقىنداپ بەردى». قۇلجا قالالىق وقۋ ـ اعارتۋ مەكەمەسى پارتكومىنىڭ شۋجيى، ورىنباسار مەكەمە باستىعى ۋاڭ لەي بىلاي دەدى: كەلەسى قادامدا قالاداعى مەكتەپتەردىڭ، بالالار باقشالارىنىڭ پارتيا ۇيىمدارى، وداق ۇيىمدارى ۇيىمدىق ابزالدىقتى ساۋلەلەندىرىپ، كوپ فورمالى، ساتىلى، جاپپاي قامتىعان، كەڭ كولەمدى ات سالىساتىن ۇيرەنۋ قيمىلىن ورىستەتىپ، پارتيا 20 ـ قۇرىلتايىنىڭ رۋحىن جان - جاقتى دۇرىس يگەرەدى. سونىمەن بىرگە، مەكتەپتەردىڭ ۇگىت ـ لەكسيا قوسىنىنىڭ ۇيرەنۋىن - تاربيەلەنۋىن كۇشەيتۋ ارقىلى مەكتەپتەردە ارالاپ لەكسيا جاساۋ، «وقۋ - اعارتۋ سالاسى 20 - قۇرىلتاي رۋحىن ۇيرەنۋدە» سياقتى قيمىلداردى بەلسەنە ۇيىمداستىرىپ ورىستەتىپ، ۇگىت ـ لەكسيانىڭ فورماسى مەن ادىسىندە ۇزدىكسىز جاڭالىق اشىپ، پارتيا 20 ـ قۇرىلتايىنىڭ رۋحىن يدەيا ـ ساياسي ساباعىمەن جانە وقۋ ـ وقىتۋمەن ورگانيكالى ۇشتاستىرىپ، پارتيا 20 ـ قۇرىلتايىنىڭ رۋحىن مەكتەپتەرگە، ساباقحانالارعا جەتكىزۋدى تىڭعىلىقتى ىلگەرىلەتەمىز. بۇدان تىس، «ٴداۋىردىڭ جاڭا ادامدارىنىڭ رۋحىن سومداۋ ينجەنەرياسىن» ىشكەرىلەي اتقارىپ، «كولەمدى يدەيا - ساياسي ساباعى» قۇرىلىسىن ۇزدىكسىز ىلگەرىلەتىپ، ورتا، باستاۋىش مەكتەپتەردىڭ يدەيا - ساياسي تاربيەسىن ٴبىر تۇلعالاندىرۋ قۇرىلىسىن ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن كۇشەيتىپ، وقۋشىلاردىڭ احلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلۋىن جەبەپ، وقۋ - وقىتۋ قىزمەتىنىڭ ناقتى تابىستارىمەن پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ ونىمدىلىگىن سىننان وتكىزەمىز.

قۇلجا قالالىق 23 - ورتا مەكتەپ پارتيا باس ياچەيكاسىنىڭ شۋجيى گاۋ چياڭ بىلاي دەدى: «بۇدان كەيىن ٴبىز پارتيا 20 - قۇرىلتايىنىڭ رۋحىن مەكتەبىمىزدىڭ < نارتتاي قىزىل گۇل قالا . قاھارماندارعا قۇرمەت> پارتيا قۇرىلىسى ماركاسىن جاراتۋمەن تىعىز ۇشتاستىرىپ، <بەستە جاقسى> پارتيا ياچەيكاسىن قۇرۋعا ۇزدىكسىز كۇش سالىپ، تاباندىلىقپەن ەڭبەك ەتىپ، حالىق رازى بولاتىن وقۋ - اعارتۋدى شىن مانىندە ويداعىداي جۇرگىزەمىز».