تىلشىلەرىمىز حۋاڭ جيڭ، ليۋ چىڭگاڭ حابارلايدى. 12 - ايدىڭ 3 - كۇنى تۇستەن بۇرىن ىلە وبلىستىق پارتكومنىڭ تۇراقتى كوميتەتى كەڭەيتىلگەن ٴماجىلىس اشىپ، باس شۋجي شي جينپيڭنىڭ ماڭىزدى قۇتتىقتاۋ حاتىنىڭ رۋحىن جەتكىزدى، دايەكتىلەندىردى، «جۇڭحۋا حالىق رەسپۋبليكاسىنىڭ نەگىزگى زاڭىن» ۇيرەندى، دايەكتىلەندىردى، اۆتونوميالى رايوندىق پارتكوم تۇراقتى كوميتەتىنىڭ تاياۋداعى ماجىلىستەرىنىڭ رۋحى سياقتىلاردى جەتكىزدى، دايەكتىلەندىردى. اۆتونوميالى وبلىستىڭ قاتىستى ىستەرىن اقىلداستى، قارادى. وبلىستىق پارتكومنىڭ شۋجيى پۋ شۋەمەي ٴماجىلىستى باسقاردى.

ٴماجىلىس مىنالاردى اتاپ كورسەتتى: باس شۋجي شي جينپيڭنىڭ 4 ـ كەزەكتى جۇڭگو ـ رەسەي ەنەرگيا ساۋدا ىستەرى تالقى مىنبەرىنە جولداعان قۇتتىقتاۋ حاتى جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق سەلبەستىك سەرىكتەستىك قارىم ـ قاتىناسىنىڭ كەڭ دامۋ كومەسكى كۇشىن ٴتۇسىندىرىپ، جۇڭگو مەن رەسەيدىڭ ەنەرگيا سەلبەستىگىنىڭ ۇزدىكسىز تەرەڭدەۋىنە ستراتەگيالىق جەتەكشىلىك ازىرلەدى. باس شۋجي شي جينپيڭنىڭ ماڭىزدى قۇتتىقتاۋ حاتىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىلەنىڭ ەنەرگيا بايلىعى ابزالدىعىن تياناق ەتىپ، تازا، تومەن كومىرتەكتى، حاۋىپسىز، جوعارى ٴونىمدى ەنەرگيا جۇيەسىن جەدەل ورناتىپ، كومىردىڭ ساپالى ٴوندىرىس قۋاتىن بار كۇشپەن ىسكە قوسىپ، بيو ەنەرگيا، فوتو ەلەكتر سياقتى جاڭا ەنەرگيا مەن قايتا تۋىندايتىن ەنەرگيانى زور كۇشپەن دامىتىپ، ەنەرگيا سالاسىنىڭ «تومەنگە بەرۋ، باسقارۋ، قىزمەت وتەۋ» رەفورماسىن تەرەڭدەتىپ، ەنەرگيا ٴوندىرۋ، قامداۋ، ساقتاۋ، ساتۋ جۇيەسى قۇرىلىسىن ىلگەرىلەتىپ، ىلەنىڭ جوعارى ساپالى دامۋىن ەنەرگيامەن قامتاماسىز ەتۋ كەرەك.

ٴماجىلىس مىنالاردى باسا دارىپتەدى: نەگىزگى زاڭ − مەملەكەتتىڭ ٴتۇبىرلى ٴىرى زاڭى. شي جينپيڭنىڭ زاڭمەن باسقارۋ يدەياسىن جەتەكشى ەتىپ، نەگىزگى زاڭدى مەملەكەتتى جاپپاي زاڭمەن باسقارۋدىڭ باستى نەگىزى ەتىپ، نەگىزگى زاڭ جونىندەگى سەنىمدى بەكەمدەپ، نەگىزگى زاڭ جونىندەگى سانالىلىقتى كۇشەيتىپ، نەگىزگى زاڭعا شىنايى قۇرمەت ەتىپ، نەگىزگى زاڭدى قاتاڭ اتقارىپ، باسشى كادرلار سىندى «شەشۋشى ازشىلىقتى» مىقتى يگەرىپ، باستاماشىلدىقپەن زاڭعا قۇرمەت ەتىپ، زاڭدى ۇيرەنىپ، زاڭعا بويسۇنىپ، زاڭنان پايدالانىپ، «نەگىزگى زاڭدى ۇگىتتەۋ اپتالىعىن» ٴتۇيىن ەتىپ، نەگىزگى زاڭدى ۇگىتتەۋ، جالپىلاستىرۋ قيمىلىن شوعىرلى ىشكەرىلەي ورىستەتىپ، نەگىزگى زاڭنىڭ اتقارىلۋ جاعدايىن باقىلاۋ - تەكسەرۋدى كۇشەيتىپ، قالىڭ كادرلار مەن بۇقارانى سانالى تۇردە نەگىزگى زاڭنىڭ ادال قاستەرلەۋشىسى، سانالى بويسۇنۋشىسى، باتىل قورعاۋشىسى بولۋعا باستاپ، بۇكىل وبلىستىڭ رەفورما، دامۋ، ورنىقتىلىق ىستەرىن زاڭمەن باسقارۋدى كەپىلدەندىرۋ كەرەك.

ٴماجىلىس بىلاي دەپ باسا دارىپتەدى: اۆتونوميالى رايوندىق پارتكوم تۇراقتى كوميتەتىنىڭ جۋىقتاعى ماجىلىستەرىندە كەزەكتەگى ىندەتتەن ساقتانۋ - تىزگىندەۋ، جۇمىستى، ٴوندىرىستى قالپىنا كەلتىرۋ، ٴوندىرىس حاۋىپسىزدىگى سياقتى ٴتۇيىندى مىندەتتەردى ويداعىداي ىستەۋ جونىندە ايقىن تالاپتار ورتاعا قويىلدى. اۋدان - قالالار ىندەتتەن ساقتانۋ - تىزگىندەۋ قىزمەتىن زاڭ بويىنشا عىلمي، دالمە - ٴدال ويداعىداي يگەرىپ، 9 - نۇسقاداعى ساقتانۋ - تىزگىندەۋ جوباسى مەن 20 تارماقتى ساپالىلاندىرۋ شاراسىن مۇقيات تياناقتاندىرىپ، حىسۋان تەكسەرۋدىڭ تاكتيكاسى مەن جيىلىگىن رەتتەپ، ٴتۇيىندى كاسىپتەردىڭ، ٴتۇيىندى ورىنداردىڭ، ٴتۇيىندى ادامدار شوعىرىنىڭ جانە ۇيدە اۋاشالانىپ مەديتسينالىق باقىلاۋعا الىنعانداردىڭ ساقتانۋ - تىزگىندەۋىن كۇشەيتىپ، سالاماتتىق كودىن تەكسەرۋ، تەمپەراتۋرا ولشەۋ، ماسكا تاعۋ، توپتاسپاۋ سياقتى ۇدايىلانعان ساقتانۋ - تىزگىندەۋ شارالارى مەن ىلەگە كەلۋشىلەر مەن ىلەدەن قايتاتىنداردى «تۇسكەن جەرىندە تەكسەرۋ»، تۇيىق اينالىمدا باسقارۋ شارالارىن قاتاڭ تياناقتاندىرىپ، ىندەتتىڭ سىرتتان كىرۋى مەن قايتا بەلەڭ بەرۋىنەن باتىل ساقتانۋ كەرەك. ٴوندىرىس حاۋىپسىزدىگىن تيتتەي دە بوساڭسىتپاي مىقتى يگەرىپ، پارتيا، ۇكىمەت باسشىلارىنىڭ جاۋاپكەرشىلىگىن، كاسىپورىنداردىڭ تۇلعالىق جاۋاپكەرشىلىگىن، تاراۋلاردىڭ باقىلاۋ - باسقارۋ جاۋاپكەرشىلىگىن تياناقتاندىرۋدى كۇشەيتىپ، ٴار كاسىپتىڭ، ٴار سالانىڭ ٴوندىرىس حاۋىپسىزدىگىندەگى كومەسكى حاۋىپ - قاتەردى  ىشكەرىلەي تەكسەرىپ جانە شەشىپ، قارلى بوران سياقتى ناشار اۋارايى مەن جاراتىلىستىق اپاتتاردى باقىلاۋ - ولشەۋدى، ساقتاندىرۋدى ويداعىداي ىستەپ، اۋىر، ەرەكشە اۋىر حاۋىپسىزدىك شىرعالاڭداردىڭ تۋىلۋىنان باتىل ساقتانۋ جانە ونى تەجەۋ كەرەك. ونەركاسىپ، اۋىل شارۋاشىلىق ٴوندىرىسى، نىسان قۇرىلىسى، ساۋداگەر شاقىرىپ، قارجى ەنگىزۋ، قوعام ورنىقتىلىعى، حالىق تۇرمىسىن قامتاماسىز ەتۋ سياقتى قىزمەتتەردى كۇش سالا ويداعىداي يگەرىپ، ەكونوميكانى ورنىقتىرۋدىڭ ٴبىرقىدىرۋ ساياسات - شارالارىن جانە اۆتونوميالى وبلىستىڭ 4 تۇردەگى بۇقارالىق توپقا باعىتتالعان 8 ٴتۇرلى تيىمدىلىك ساياساتىن شىنايى، ەگجەي - تەگجەيلى تياناقتاندىرىپ، ەكونوميكانىڭ ٴۇرتىس، اقاۋسىز دامۋىنا، قوعامدىق جالپى جاعدايدىڭ حاۋىپسىز، ورنىقتى بولۋىنا شىنايى كەپىلدىك ەتۋ كەرەك. ٴتارتىپتى، ەرەجەنى قاتايتىپ، ٴار دارەجەلى كادرلاردىڭ قىزمەت جاۋاپكەرشىلىگىن ناقتىلاندىرىپ، پارتيا مەن ۇكىمەت تەڭ جاۋاپكەرشىلىك ارقالاۋدى اتقارىپ، «ٴاردايىم قام جەپ تۇراتىن» جاۋاپكەرشىلىك سەزىممەن جانە ٴىستى ٴتۇن اسىرماي ٴبىتىرۋ سىندى كوكەيتەستىلىك سەزىممەن ٴتۇرلى قىزمەتتى ٴبىر تۇتاس جوسپارلاپ ويداعىداي ىستەپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋ كەرەك.

ماجىلىستە ىلە وبلىسىنداعى كاسىپورىنداردىڭ جارناسىنىڭ بازارعا سالىنۋىن جانە جوعارى ساپالى دامۋىن سۇيەمەلدەۋ شارالارى، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋدىڭ ونىمدىلىگىن باعالاۋ، اتقارۋ جوباسى سياقتى ىستەر اقىلداسىلدى، قارالدى.

ەلشات تۇرسىنباي ۇلى، جاۋ تيانجيە، نياز اشىم، جياۋ ي - مين، سەرجان ۇعىباي ۇلى، ليۋ شينلي، كۇلان سەيپىلقان قىزى، حاۋ جيانمين، جۋ بين، رازبەك قامزا ۇلى، تاۋ چيڭسۇڭ، جياۋ شياۋفان، ٴنابيجان يبىرايىم، چىن شياڭ، ياڭ شينپيڭ، قايرات اشىك ۇلى قاتارلى وبلىس باسشىلارى، سونداي - اق قاتىستى تاراۋلاردىڭ جاۋاپتىلارى ماجىلىسكە قاتىناستى.