تىلشىلەرىمىز حۋاڭ جيڭ، ليۋ چىڭگاڭ حابارلايدى. 12 ـ ايدىڭ 3 ـ كۇنى ىلە وبلىسى بۇقارالىق ۇيىمدار قىزمەتىنەن دوكلاد جاساۋ ٴماجىلىسىن اشىپ، پارتيا 20 ـ قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، اۆتونوميالى رايوندىق 10 ـ كەزەكتى پارتكوم التىنشى جالپى ٴماجىلىسىنىڭ رۋحىن دايەكتىلەندىرىپ، تياناقتاندىرىپ، وبلىستاعى بۇقارالىق ۇيىمداردىڭ 2022 ـ جىلعى قىزمەت جاعدايىنان جاساعان دوكلادىن تىڭداپ، 2023 ـ جىلعى قىزمەتتەردى اقىلداسىپ، جوسپارلاپ، بۇكىل وبلىستىڭ بۇقارالىق ۇيىمدار قىزمەتىنىڭ اقاۋسىز دامۋىن ۇزدىكسىز ىلگەرىلەتتى.

وبلىستىق پارتكومنىڭ شۋجيى پۋ شۋەمەي ماجىلىسكە قاتىناستى ٴارى ٴسوز سويلەدى. ماجىلىستە وبلىستىق قوعامدىق عىلىمدار بىرلەستىگى، عىلىم - تەحنيكا قوعامى، ساۋدا - ونەركاسىپشىلەر بىرلەستىگى، مۇگەدەكتەر بىرلەستىگى، ادەبيەت - كوركەمونەرشىلەر بىرلەستىگى، مۇھاجىرلار بىرلەستىگى، قىزىل كرەست قوعامى جەكە - جەكە قىزمەتتەن دوكلاد جاسادى.

ماجىلىستە مىنالار اتاپ كورسەتىلدى: بۇقارالىق ۇيىمدار قىزمەتى − پارتيا مەن مەملەكەت ىستەرىنىڭ ماڭىزدى قۇرامداس بولەگى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇقارالىق ۇيىمداردىڭ قىزمەتىنە وسكەلەڭ ٴمان بەردى، باس شۋجي شي جينپيڭ پارتيا 20 - قۇرىلتايىنىڭ بايانداماسىندا بۇقارالىق ۇيىمداردىڭ رەفورماسى مەن قۇرىلىسى، كوپىرلىك، دانەكەرلىك رولىن ٴونىمدى ساۋلەلەندىرۋ سياقتىلار جونىندە ماڭىزدى ورنالاستىرۋ جاساپ، ٴبىزدىڭ جاڭا داۋىردەگى پارتيانىڭ بۇقارالىق ۇيىمدار قىزمەتىن جاقسى ىستەۋىمىزگە ٴتۇبىرلى بويسۇنۋ ولشەمىن ازىرلەدى. اۆتونوميالى رايوندىق پارتكوم بۇقارالىق ۇيىمدار قىزمەتىنە ايرىقشا ٴمان بەرىپ، كوپ رەت ٴماجىلىس اشىپ اقىلداسىپ، ورنالاستىرۋ جاساپ، ايقىن تالاپتار ورتاعا قويدى. ٴبىز پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ بۇقارالىق ۇيىمدار قىزمەتى جونىندەگى ماڭىزدى بايىمداۋلارىنىڭ رۋحىن ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن دايەكتىلەندىرىپ، تياناقتاندىرىپ، بۇقارالىق ۇيىمدار قىزمەتى جونىندەگى بورىشتىلىق سەزىم مەن جاۋاپكەرشىلىك سەزىمدى اناعۇرلىم كۇشەيتىپ، ساياسي سيپاتتى، العاباسارلىق سيپاتتى، بۇقارالىق سيپاتتى باستان - اياق ساقتاپ جانە ارتتىرىپ، پارتيانىڭ بۇقارالىق ۇيىمدار قىزمەتىنىڭ جاڭا جاعدايىن ۇزدىكسىز اشىپ، كورىكتى ىلە قۇرۋعا بۇقارالىق ۇيىمداردىڭ ۇلەسىن قوسۋىمىز كەرەك.

ٴماجىلىس مىنالاردى باسا دارىپتەدى: بيىل جىل باسىنان بەرى، بۇكىل وبلىستاعى ٴار دارەجەلى بۇقارالىق ۇيىمدار شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، بۇكىل وبلىستىڭ رەفورما، دامۋ، ورنىقتىلىق ىستەرىنىڭ جاندى امالياتىنا بەلسەنە ات سالىسىپ، ٴتۇرلى قىزمەتتە تىڭ ىلگەرىلەۋشىلىككە قول جەتكىزىپ، ساياسي جاقتان جەتەكشىلىك ەتۋدى بەرىك تە پارمەندى ەتىپ، دامۋدى بەلسەندى جەبەپ، بۇقاراعا ناقتى، ٴونىمدى قىزمەت وتەپ، باتىلدىقپەن رەفورما جاساپ، جاڭالىق اشۋعا شەبەر بولىپ، وزىندىك قۇرىلىسى جۇيەلى، ٴتارتىپتى بولدى. 2023 - جىل − پارتيا 20 ـ قۇرىلتايىنىڭ رۋحىن دايەكتىلەندىرۋدەگى، تياناقتاندىرۋداعى ماڭىزدى جىل، «14 ـ بەسجىلدىق» جوبانى اتقارۋداعى بۇرىنعىعا مۇراگەر، كەيىنگىگە بۇيداگەر بولاتىن شەشۋشى جىل، ٴار دارەجەلى بۇقارالىق ۇيىمدار وزەكتى ارقاۋ ەتىپ، جالپى جاعدايعا قىزمەت ەتىپ، بۇقارامەن بايلانىس ورناتۋدىڭ كوپىرلىك، دانەكەرلىك رولىن تولىق ساۋلەلەندىرىپ، ىلەنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە بەلسەنە قىزمەت وتەۋى كەرەك. ساياسي قۇرىلىستى شىنايى كۇشەيتىپ، «ەكىنى تۇراقتاندىرۋدى» باتىل قولداپ، «ەكىنى قورعاۋدى» باتىل ورىنداپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن اناعۇرلىم جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ٴبىر اۋىزدىلىقتى ساقتاۋ كەرەك. نازاريامەن قارۋلانۋدى كۇشەيتۋگە باسا ٴمان بەرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، پارتيا 20 ـ قۇرىلتايىنىڭ رۋحىن جاپپاي ۇيرەنىپ، جاپپاي يگەرىپ، جاپپاي تياناقتاندىرىپ، پارتيانىڭ جاسامپاز نازارياسىمەن وي ـ سانانى شىن مانىندە قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. ٴوز ارتىقشىلىعىن ساۋلەلەندىرىپ، ىرىقتىلىقپەن جاۋاپكەرشىلىك ارقالاپ، بەلسەندىلىكپەن ىسكەرلىك كورسەتىپ، پارتيا، ۇكىمەت ورىندارىنىڭ اسىققانىن، بۇقارانىڭ قاجەتىن جانە بۇقارالىق ۇيىمداردىڭ قابىلەتىنىڭ توعىسۋ ٴتۇيىنىن دۇرىس تاۋىپ، حالىق تۇرمىسىن قامتاماسىز ەتۋ، كاسىپورىندارعا قىزمەت وتەۋ، عىلىم - تەحنيكادا جاڭالىق اشۋ، ادەبيەت - كوركەمونەر جاسامپازدىعى، مۇگەدەكتەرگە كومەكتەسۋ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ سياقتى ٴتۇرلى ىستەردىڭ دامۋىن بار كۇشپەن ىلگەرىلەتۋ كەرەك. بۇقارامەن ىشكەرىلەي بايلانىس ورناتىپ جانە ولارعا قىزمەت وتەپ، نەگىزگى ساتىعا، بۇقاراعا ىشكەرىلەي ارالاسىپ، بۇقارانىڭ شۇعىل، قيىن، الاڭداعان، ٴزارۋ ماسەلەلەرىن دەن قويا، سۇيىسپەنشىلىكپەن، كۇش سالا شەشىپ، قالىڭ بۇقارانىڭ ورنىقتىلىقتى قورعاۋ، دامۋعا ۇمتىلۋ، رەفورمانى جەبەۋ بارىسىنداعى بەلسەندى رولىن بارىنشا ساۋلەلەندىرىپ، كورىكتى ىلە قۇرۋداعى قۇدىرەتتى بىرىككەن كۇشتى ۇيىستىرۋ كەرەك. ٴار دارەجەلى پارتكومدار بۇقارالىق ۇيىمداردىڭ قىزمەتىنە جاپپاي باسشىلىقتى كۇشەيتىپ، بۇقارالىق ۇيىمدار ٴىسىنىڭ جوعارى ساپالى دامۋىنا كوڭىل ٴبولۋى، قولداۋ كورسەتۋى كەرەك.

كۇلان سەيپىلقان قىزى، جياۋ شياۋفان، ٴنابيجان يبىرايىم، قايرات اشىك ۇلى قاتارلى وبلىس باسشىلارى جانە قاتىستى تاراۋلاردىڭ، بۇقارالىق ۇيىمداردىڭ جاۋاپتى جولداستارى ماجىلىسكە قاتىناستى.