ىلە وبلىستىق پارتكومنىڭ نازاريا ۇيرەنۋ وزەكتى گرۋپپاسى ارناۋلى تاقىرىپتىق ۇيرەنۋ ٴماجىلىسىن وتكىزدى

تىلشىلەرىمىز حۋاڭ جيڭ، ليۋ چىڭگاڭ حابارلايدى. 12 - ايدىڭ 4 - كۇنى ىلە وبلىستىق پارتكومنىڭ نازاريا ۇيرەنۋ وزەكتى گرۋپپاسى پارتيا 20 ـ قۇرىلتايىنىڭ رۋحىن ارناۋلى تاقىرىپتىق ۇيرەنۋ ٴماجىلىسىن جانە باس شۋجي شي جينپيڭنىڭ جاڭا داۋىردەگى دارىندىلار قىزمەتىن جاقسى ىستەۋ جونىندەگى ماڭىزدى بايىمداۋلارىن ۇيرەنۋ، دايەكتىلەندىرۋ ارناۋلى تاقىرىپتىق ۇيرەنۋىن وتكىزىپ، وندا بىلاي دەپ باسا دارىپتەدى: پارتيا 20 ـ قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس دايەكتىلەندىرىپ، جاڭا داۋىردەگى دارىندىلار جاعىندا قۋاتتى وبلىس ستراتەگياسىن ىشكەرىلەي اتقارىپ، ىلەنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدى سانى جەتكىلىكتى، قۇرىلىمى ۇيلەسىمدى، ساپاسى جاقسى دارىندى تىرەكتىلەرمەن قامتاماسىزداندىرۋ كەرەك. وبلىستىق پارتكومنىڭ شۋجيى پۋ شۋەمەي توپتىق ۇيرەنۋدى باسقاردى.

پۋ شۋەمەي، جياۋ ي - مين، ليۋ شينلي، كۇلان سەيپىلقان قىزى، جۋ بين پىكىر اۋىستىرىپ، ٴسوز سويلەدى، وبلىستىق پارتكومنىڭ باسقا تۇراقتى مۇشەلەرى مەن وبلىستىق حالىق قۇرىلتايى تۇراقتى كوميتەتىنىڭ، ساياسي كەڭەستىڭ نەگىزگى باسشىلارى جازباشا پىكىر اۋىستىرۋ ماتەريالىن تاپسىردى.

ٴماجىلىس مىنالاردى اتاپ كورسەتتى: زامانالىق ىرگەلى ٴىس دارىندىلاردى نەگىز ەتەدى. پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دارىندىلار قىزمەتىنە وسكەلەڭ ٴمان بەردى، باس شۋجي شي جينپيڭ ٴوزى جوسپارلاپ، ٴوزى ورنالاستىرىپ، ٴوزى ىلگەرىلەتىپ، ورتالىقتىڭ دارىندىلار قىزمەتى ٴماجىلىسى سياقتىلاردى اشىپ، ٴبىرقىدىرۋ ماڭىزدى ٴسوز سويلەپ، ٴبىرقىدىرۋ كەلەلى تۇجىرىمدى العا قويىپ، ٴبىرقىدىرۋ جاڭالىق اشۋ كوزقاراسىن بايىمداپ، جاڭا داۋىردەگى دارىندىلار قىزمەتىندە تاريحي جەتىستىككە قول جەتكىزۋدى، تاريحي وزگەرىس تۋىلۋىن ىلگەرىلەتتى، اسىرەسە، پارتيا 20 - قۇرىلتايىنىڭ بايانداماسىندا مەملەكەتتى دارىندىلار ارقىلى قۇدىرەتتەندىرۋ ستراتەگياسى مەن مەملەكەتتى عىلىم - تەحنيكا، وقۋ - اعارتۋ ارقىلى گۇلدەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن تۇڭعىش رەت ٴبىر تۇلعالاندىرىپ ورنالاستىرىپ، جاڭا داۋىردەگى دارىندىلار قىزمەتىن ويداعىداي ىستەۋگە ٴتۇبىرلى ولشەم ازىرلەدى. ٴبىز ساياسي دەڭگەيدى شىنايى جوعارىلاتىپ، «ەكى جالپى جاعدايدى» كوكەيدە ساقتاپ، «مەملەكەتتىڭ ٴىرى ٴىسىن» ەستە بەرىك ساقتاپ، «ەكىنى تۇراقتاندىرۋدىڭ» شەشۋشى ٴمانىن تەرەڭ ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، يدەيا مەن ارەكەتتى باس شۋجي شي جينپيڭنىڭ جاڭا داۋىردەگى دارىندىلار قىزمەتىن جاقسى ىستەۋ جونىندەگى ماڭىزدى بايىمداۋلارىنىڭ رۋحىمەن سانالى بىرلىككە كەلتىرىپ، اناعۇرلىم پارمەندى، ٴونىمدى وي جەلىسى جانە شارالار ارقىلى ىلەنىڭ دارىندىلار قىزمەتىنىڭ جوعارى ساپالى دامۋىن ىلگەرىلەتۋىمىز كەرەك.

ٴماجىلىس مىنالاردى باسا دارىپتەدى: نازاردى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، دارىندىلار قىزمەتىن ستراتەگيالىق جانە جالپى جاعداي تۇرعىسىنان جوسپارلاپ، ىلگەرىلەتىپ، جۇيە كوزقاراسىنا، سۇرانىس بەتالىسىنا تاباندى بولىپ، ورنىقتىلىقتى قورعاۋ، ەكونوميكانى دامىتۋ، حالىق تۇرمىسىن جاقسارتۋ، سىرتقا ەسىك اشۋ سياقتى كەلەلى ستراتەگيالىق قاجەتتى ٴبىر تۇتاس جوسپارلاپ، بەلسەنە تەكشە قۇرىپ، دارىندىلاردى باۋلىپ، توپتاپ، جوعارى ساپالى دارىندىلار قوسىنىن كۇش سالا قۇرۋ كەرەك. دارىندىلاردى جان - جاقتى باۋلىپ، ەنگىزىپ، دارىندىلاردان ويداعىداي پايدالانىپ، جياڭسۋ ولكەسىنىڭ ىلەگە باعىتتامالى كومەكتەسۋ بايلىعىنا سۇيەنىپ، ٴار وڭىردەگى، ٴار كاسىپتەگى جەتەكشى دارىندىلاردى، تىرەكتى دارىندىلاردى، جاس دارىندىلاردى كۇش سالا جەتىلدىرىپ، اناعۇرلىم بەلسەندى، اشىق، ٴونىمدى دارىندى ەنگىزۋ ساياساتىن اتقارىپ، دارىندىلاردىڭ رولىن ساۋلەلەندىرەتىن، قابىلەتىن ايگىلەيتىن تەكشە قۇرىپ، قورعاس ەكونوميكالىق اشۋ رايونىنىڭ دارىندىلاردى باسقارۋ رەفورماسى سىناق رايونى ساياساتىنان ويداعىداي، تولىق پايدالانىپ، ٴتىپتى دە كوپ «ساڭلاقتىڭ» ىلەنىڭ سايىن ساحاراسىندا جارىسا قۇيعىتۋىنا مۇمكىندىك جاراتۋ كەرەك. دارىندىلاردى تاني بىلەتىن، دارىندىلاردى ايالايتىن، دارىندىلاردى قۇرمەتتەيتىن، دارىندىلاردى ىستەتەتىن ورتا قالىپتاستىرىپ، پارتكوم ماماندارمەن بايلانىس جاساۋ، قىزمەت وتەۋ ٴتۇزىمىن تياناقتاندىرىپ، دارىندىلاردى باسقارۋعا ۇقىق بەرۋدى ارناعا تۇسىرۋدە تۇيىندە سىناق ەتۋدى ورىستەتىپ، «دارىندىلار ٴۇشىن ناقتى ٴىس ىستەيمىن» قيمىلىن ورىستەتۋدى ۇدايىلاندىرىپ، دارىندى تيپتەردى تاڭداۋ، تۇلعالاۋ، كورنەكتى ۇلەس قوسقان دارىندىلاردى قوماقتى سيلىقپەن ماراپاتتاۋ، دارىندىلارعا جان ـ جاقتى، تولىق قىزمەت وتەۋ جۇيەسىن ورناتىپ، عىلىمدى دارىپتەيتىن، دارىندىلاردى سۇيەتىن، جاڭالىق اشۋعا ٴمان بەرەتىن تاماشا قوعامدىق راي قالىپتاستىرۋ كەرەك. پارتيانىڭ دارىندىلار قىزمەتىنە جاپپاي باسشىلىعىن كۇشەيتىپ، پارتكوم ٴبىر تۇتاس باسشىلىق ەتەتىن، ۇيىمداستىرۋ تاراۋلارى باستاماشى بولىپ جالپى جاقتان يگەرەتىن، فۋنكتسيالىق تاراۋلار ٴوز مىندەتتەرىن ادا ەتىپ تىعىز سايكەسەتىن، قوعامدىق كۇشتەر كەڭ كولەمدە ات سالىساتىن دارىندىلار قىزمەتى جۇيەسىن ورناتىپ، دارىندىلارعا ساياسي جەتەكشىلىكتى كۇشەيتىپ، كوپ نەگىزدى ۇسىنىلىم مەحانيزمىن اقاۋسىزداندىرىپ، جاڭا داۋىردەگى دارىندىلار قىزمەتىنىڭ تىڭ ساتىعا كوتەرىلۋىن ۇزدىكسىز ىلگەرىلەتىپ، پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ ٴۇشىن ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋدى ىلگەرىلەتۋگە ىلەنىڭ اقىل - پاراساتى مەن كۇش - قۋاتىن ارناۋ كەرەك.