ىلە وبلىستىق پارتكومنىڭ قىزمەت ٴماجىلىسى پارتيالى كادرلار اراسىندا قىزۋ اڭىس قوزعادى

ٴتىلشىمىز لي يافىڭ حابارلايدى. 11 - ايدىڭ 29 - كۇنى ىلە وبلىستىق پارتكومنىڭ قىزمەت ٴماجىلىسى اشىلىپ، پارتيا 20 - قۇرىلتايىنىڭ رۋحىن دايەكتىلەندىرىپ، تياناقتاندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ جاڭا جورىعىندا ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭنىڭ ىلە تاراۋىن جازۋعا كۇش سالۋ جونىندە ناقتى ورنالاستىرۋ جاسالدى، بۇل ىلە وبلىسىنداعى ٴار ۇلت پارتيالى كادرلارىن ايرىقشا شابىتتاندىردى، كوپشىلىك جابال بىلاي دەدى: پارتيا 20 - قۇرىلتايىنىڭ رۋحىن جەتەكشى ەتىپ، وبلىستىق پارتكوم قىزمەت ٴماجىلىسىنىڭ شەشىمدەرىن، ورنالاستىرۋلارىن، تالاپتارىن بۇلجىماي باتىل دايەكتىلەندىرىپ، تياناقتاندىرىپ، رۋحتى سەرپىلتىپ، جىگەردى تاسقىنداتىپ، جاڭا داۋىردەگى جاڭا جورىقتا اناعۇرلىم زور جاۋاپكەرشىلىك پەن ىسكەرلىك كورسەتەمىز.

ماجىلىستە بىلاي دەپ اتاپ كورسەتىلدى: ىلەنىڭ بۇكىل شينجياڭداعى ستراتەگيالىق ورنىن اناعۇرلىم ايقىنداپ، ازيا - ەۆروپا التىن ارناسى تورابىن جانە باتىسقا ەسىك اشۋداعى ماڭىزدى تەرەزەنى، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگىن، شينجياڭنىڭ ەنەرگيا بايلىعىن جاسىل، جوعارى ٴونىمدى اشۋداعى، پايدالانۋداعى ماڭىزدى بازانى كۇش سالا قۇرۋىمىز كەرەك. 

وبلىستىق ونەركاسىپ جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى ليۋ جيانلين اسەرلى بەينەمەن بىلاي دەدى: «ٴماجىلىس ىلەنىڭ بۇكىل ەلدەگى، بۇكىل شينجياڭداعى التى ۇلكەن دامۋ ورنىن اناعۇرلىم ايقىنداپ، بۇدان بىلايعى قىزمەتتەردى ويداعىداي ىستەۋگە ايقىن باعدار كورسەتىپ، جىگەردى تاسقىنداتتى. الداعى جەردە ٴماجىلىستىڭ رۋحىن دامۋ جوباسى، كاسىپتى باسقارۋ، ەكونوميكالىق اينالىمدى باقىلاۋ جانە سيفرلاندىرۋدىڭ تۇلعالىق ەكونوميكانى جەبەۋى سياقتى ونەركاسىپ پەن ينفورماتسيالاندىرۋدىڭ جالپى بارىسىنا سىڭىرەمىز. ازيا - ەۆروپا التىن ارناسى تورابى مەن مەملەكەتتىڭ جىبەك جولى ەكونوميكالىق بەلدەۋى وزەكتى رايونىنداعى ماڭىزدى تىرەكتىك ورايىن مىقتى يگەرىپ، مەملەكەتتىڭ باتىسقا ەسىك اشۋ ستراتەگيالىق ورنالاستىرۋىمەن ىرىقتى توعىستىرىپ، جاڭاشا ونەركاسىپتەندىرۋدى ىلگەرىلەتۋدى وسى زامانعى كاسىپ سالاسى جۇيەسىن ورناتۋدىڭ ٴبىرىنشى قوزعاۋشى كۇشى ەتۋگە تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى، <ەكى قورعاس، ەكى قۇلجانى> ٴبىر تۇلعالاندىرىپ دامىتۋ ستراتەگياسىن جەتەكشى ەتىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرىپ جانە تيبىن وزگەرتىپ، دارەجەسىن جوعارىلاتۋدى تۇتقا ەتىپ، ەنەرگيا بايلىعى حاۋىپسىزدىگىن ارقاۋ ەتىپ، <سەگىز ەرەكشە باسىمدىققا يە كاسىپ سالاسى شوعىرىن> تىرەك ەتكەن وسىزاماندانعان كاسىپ سالاسى جۇيەسىن جەدەل ورناتىپ جانە قالىپتاستىرىپ، وسىزاماندانعان كاسىپ سالاسى جۇيەسىن ورناتۋدىڭ كەلەلى بورىشىن باتىل ارقالاپ، جاڭا دامۋ ارناسىن قالىپتاستىرۋعا ونەركاسىپ جانە ينفورماتسيالاندىرۋ كۇشىن قوسامىز».

«كەلەر جىلى 5 ميلليارد 699 ميلليون يۋان قارجى قوسۋ جوسپارلانىپ، 8 مەملەكەت، ولكە تاس جولى نىسانىن اتقارۋ، 500 كيلومەتر اۋىل - قىستاق تاس جولىن سالۋ، 8 جولاۋشى، جۇك تاسىمالى الاڭ - بەكەتى نىسانىن اتقارۋ جوسپارلاندى. ٴتۇيىندى سالىنىپ، اۆتوكولىك قاتىنايتىن G218 لەنياسىنداعى قۇلجا قالاسى شەكاراسىنان وتەتىن تاس جول نىسانى، S242 لەنياسىنداعى توعىزتاراۋ - نىلقى نىسانى، جاڭادان جۇمىس باستاۋ جوسپارلانعان S220 لەنياسىنداعى قۇلجا - بايتوعاي نىسانى...». ىلە وبلىستىق قاتىناس - تاسىمال مەكەمەسى پارتيا باسشىلىق گرۋپپاسىنىڭ شۋجيى، مەكەمەنىڭ ورىنباسار باستىعى ۋاڭ چىڭ بىلاي دەدى: «وبلىستىق پارتكومنىڭ قىزمەت بايانداماسىنىڭ ٴار ٴسوزى مەن سويلەمى جوعارى ساپالى دامۋدى ىلگەرىلەتۋ، رەفورمانى تەرەڭدەتۋ سەنىمىنە تولى، سونداي - اق پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە جۇيەلى جوسپار بەلگىلەپ، جالپى تۇلعالىق ورنالاستىرۋ جاساپ، جاپپاي اتتانىسقا كەلتىردى. قاتىناس شەبىندەگى پارتيالى كادر بولۋ سالاۋاتىممەن <قاتىناس جاعىندا قۇدىرەتتى ەل قۇرۋدى جەدەلدەتۋ> جالپى تالابىمەن ۇشتاستىرىپ، باتىلدىقپەن <جول باستاۋدا اتويشى> بولىپ، ىلە وبلىسىنداعى اۋدان - اۋداندارعا جوعارى جىلدامدىقتى تاس جول جەتكىزۋ نەگىزىندە تاس جول تورابىنىڭ ورنالاسۋىن اناعۇرلىم كەمەلدەندىرىپ، ىلە وبلىسىنىڭ ساياحات اينالمالى تاس جولىن جەدەل سالىپ، ىلە وبلىسىنىڭ جوعارى ساپالى دامۋى ٴۇشىن قاتىناس نەگىزىن بەكەمدەيمىز».

موڭعۇلكۇرە اۋداندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار اكىمى فان جۇڭفىڭ بىلاي دەدى: «بار كۇشپەن ۇمتىلىپ، 2022 - جىلعى ٴتۇرلى ەكونوميكالىق كورسەتكىشتەردى بۇلجىتپاي ورىنداپ، كەلەر جىلعى ٴتۇرلى نىسانداردا ۋاعىندا جۇمىس باستاۋ ٴۇشىن كۇنى بۇرىن ويداعىداي جوبا جاسايمىز جانە ازىرلىك كورەمىز. سونىمەن بىرگە، موڭعۇلكۇرەنىڭ وزىندىك ەرەكشەلىككە يە ساياحات بايلىعىمەن ۇشتاستىرىپ، ٴبىرقىدىرۋ قار - مۇز سپورت ٴتۇرىن جوبالاپ، جىلقى شارۋاشىلىعىن جانە قوي - سيىر سويۋ، مانەرلەۋ كاسىپ تىزبەگىن كەمەلدەندىرىپ، كەيىنگى كاسىپ سالاسى ەكونوميكاسىنىڭ جوعارى ساپالى دامۋىنا سەرپىن جانە ومىرشەڭدىك كۇش ۇستەيمىز».

ماجىلىستە بىلاي دەپ باسا دارىپتەلدى: جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، «پارتيانى جاپپاي قاتاڭ باسقارۋ ماڭگى جالعاسادى، پارتيانىڭ وزىنە توڭكەرىس جاساۋى ماڭگى جالعاسادى» دەگەندى ەستە بەرىك ساقتاپ، پارتيانى ٴتۇزىم ارقىلى باسقارۋعا، پارتيانى ەرەجە ارقىلى باسقارۋعا تاباندى بولىپ، پارتيانىڭ ساياسى قۇرىلىسى ارقىلى پارتيا قۇرىلىسىنىڭ قىزمەتتەرىنە ٴبىر تۇتاس باسشىلىق ەتىپ، پارتيانىڭ ساياسي ٴتارتىبى مەن ساياسي قاعيداسىن، اسىرەسە، بولشەكتەۋشىلىككە قارسى تۇرۋ كۇرەس ٴتارتىبىن قاتايتىپ، پارتيا ىشىندەگى ساياسي ەكولوگيانى ۇزدىكسىز تازارتۋ كەرەك.

قورعاس اۋداندىق پارتكومنىڭ تۇراقتى مۇشەسى، ٴتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى گۋ شىلين بىلاي دەدى: «نەگىزگى ساتىنىڭ ٴتارتىپ تەكسەرۋ، باقىلاۋ - تەكسەرۋ كادرى رەتىندە وبلىستىق پارتكوم قىزمەت ٴماجىلىسىنىڭ ورنالاستىرۋ - تالاپتارى بويىنشا ساياسي تۇراقتىلىقتى ساقتاپ، مىندەتتى ادا ەتۋ وزەگىن ٴدال يگەرىپ، باقىلاۋدىڭ اتقارۋدى قامتاماسىز ەتۋ، دامۋدى جەبەۋ، كەمەلدەندىرۋ رولىن شىنايى ساۋلەلەندىرىپ، پارتيا ستيلى، پاكتىك قۇرىلىسى مەن شىرىكتەسۋگە قارسى كۇرەستى تاباندىلىقپەن ىلگەرىلەتىپ، پارتيانىڭ لۋشيان، باعىت، ساياساتتارىن باتىل ناقتى تياناقتاندىرىپ، جاڭا داۋىردەگى ٴتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتەمىن».

توعىزتاراۋ اۋداندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى راۋشانگۇل ايۇپ بىلاي دەدى: «قىزمەت ٴىس جۇزىندىگىمەن ۇشتاستىرىپ، باقىلاۋ ۇقىعىن زاڭ بويىنشا جۇرگىزۋمەن بىرگە، حالىق قۇرىلتايىنىڭ باقىلاۋ ٴتۇيىنى مەن قولداۋىن باستان - اياق <ۇكىمەتتىڭ، باقىلاۋ - تەكسەرۋ كوميتەتىنىڭ، سوتتىڭ، پروكۋراتۋرانىڭ> قىزمەتىن جەبەۋمەن ۇشتاستىرىپ، باقىلاۋ بارىسىندا قولداپ، قولداۋ بارىسىندا باقىلاپ، باقىلاۋ قىزمەتىنىڭ ناقتى ونىمدىلىگىن، ٴتۇيىندى سيپاتىن كۇشەيتەمىز. سونىمەن بىرگە، حالىق قۇرىلتايى ۋاكىلدەرىمەن بايلانىس جاساۋ پۋنكتىنە سۇيەنىپ، حالىق قۇرىلتايىنىڭ باقىلاۋىن كۇشەيتۋ مەن <ۇكىمەتتىڭ، باقىلاۋ - تەكسەرۋ كوميتەتىنىڭ، سوتتىڭ، پروكۋراتۋرانىڭ> قىزمەتىن قولداۋدىڭ جاراسىمدى بىرلىگىن جۇزەگە اسىرامىز».