تىلشىلەرىمىز ۋاڭ لىلى، شۇي جيجى حابارلايدى. بيىلعى 12 - ايدىڭ 4 - كۇنى − ەلىمىزدىڭ 9 - رەتكى «مەملەكەتتىڭ نەگىزگى زاڭ كۇنى» ٴارى ەلىمىزدىڭ قازىرگى نەگىزگى زاڭىنىڭ جاريالانىپ اتقارىلعاندىعىنىڭ 40 جىلدىعى. ىلە وبلىستىق حالىق قۇرىلتايى تۇراقتى كوميتەتى ٴىشىنارا حالىق قۇرىلتايى ۋاكىلدەرىن، ورگاندا ىستەپ جاتقان كادرلاردى جانە اۋدان - قالالاردىڭ حالىق قۇرىلتايى جۇيەسىندەگىلەردى ۇيىمداستىرىپ، نەگىزگى زاڭ كۇنى ۇگىت قيمىلىن ورىستەتتى، سونداي - اق ىلە سىفان داشۋەسى زاڭ شۋەيۋانىنىڭ دوتسەنتى فۋ شينمەيدى نەگىزگى زاڭ بىلىمدەرىنەن ارناۋلى تاقىرىپتىق لەكسيا جاساۋعا ۇسىنىس ەتتى.

لەكسيا بارىسىندا فۋ شينمەي پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى توڭىرەكتەي وتىرىپ نەگىزگى زاڭدا تۇراقتاندىرىلعان حالىق قۇرىلتايى تۇزىمىنە تاباندى بولۋدى، نازاريالىق، تۇزىمدىك، امالياتتىق ولشەمگە ساي جاڭا داۋىردەن بەرگى 10 جىلدا حالىق قۇرىلتايى ٴتۇزىمىنىڭ نازاريالىق جانە امالياتتىق جاڭالىق اشۋ سياقتى جاقتاردا قول جەتكىزگەن تاريحي جەتىستىكتەرىن بايانداپ، تاريحتىڭ، حالىقتىڭ نە ٴۇشىن نەگىزگى زاڭداعى حالىق قۇرىلتايى ٴتۇزىمىن تاڭداعاندىعىن ٴتۇسىندىردى.

وسى جولعى لەكسيا ارقىلى وبلىستىق حالىق قۇرىلتايى جۇيەسى ورگانىنداعى پارتيالى كادرلار، حالىق قۇرىلتايى ۋاكىلدەرى نەگىزگى زاڭنىڭ رۋحى جونىندە اناعۇرلىم تەرەڭ تۇسىنىككە يە بولىپ، جاپپاي زاڭمەن باسقارىلاتىن مەملەكەت قۇرۋ جونىندەگى يدەيالارى مەن سەنىمدەرىن ونان ارى بەكەمدەدى.

وبلىستىق حالىق قۇرىلتايى تۇراقتى كوميتەتى زاڭ - ٴتۇزىم قىزمەتى كوميتەتىنىڭ كادرى ليۋ لياڭشيڭ ۇيرەنۋدەن العان اسەرى جونىندە بىلاي دەدى: «نەگىزگى ساتىداعى زاڭ شىعارۋ قىزمەتكەرى رەتىندە پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، نەگىزگى زاڭنىڭ رۋحىن بەلسەنە ساۋلەلەندىرىپ، نەگىزگى زاڭنىڭ بەدەلى مەن ابىرويىن قورعاپ، قىزمەت ورنىمدى تياناق ەتىپ، قىزمەتتى قۇلشىنا ىستەپ، ەش سالعىرتسىمايتىن رۋحاني كۇيمەن باتىل العا ۇمتىلامىن. ناقتى قىزمەت بارىسىندا زاڭدى عىلمي جولمەن شىعارۋعا، زاڭدى دەموكراتيالى جولمەن شىعارۋعا، زاڭ بويىنشا زاڭ شىعارۋعا تاباندى بولىپ، نەگىزگى زاڭ رۋحىن، پرينسيپ پەن بەلگىلەمەنى ٴتىپتى دە ناقتىلاندىرىپ، جاناسىمدى ەتىپ، ٴىس جۇزىندىك ارەكەتىم ارقىلى نەگىزگى زاڭنىڭ جاپپاي دايەكتى اتقارىلۋىن ىلگەرىلەتەمىن».

وبلىستىق حالىق قۇرىلتايى تۇراقتى كوميتەتى، قازىنا - ەكونوميكا قىزمەت كوميتەتىنىڭ 4 - دارەجەلى تەكسەرىپ - زەرتتەۋشىسى ليۋ ۋاڭحاي بىلاي دەدى: نەگىزگى زاڭدى ٴتۇبىرلى ولشەم ەتۋگە تاباندى بولىپ، نەگىزگى زاڭ رۋحىن حالىق قۇرىلتايىنىڭ قازىنا - ەكونوميكانى باقىلاۋ قىزمەتىنىڭ ٴارقايسى جاعىندا جانە تۇتاس بارىسىندا باتىل دايەكتىلەندىرۋگە تاباندى بولىپ، نازاردى قازىنانى ويداعىداي باقىلاۋ نەگىزگى تاقىرىبىنا شوعىرلاندىرىپ، تۇتاس وبلىس قىزمەتىنىڭ جالپى جاعدايىمەن سانالى توعىستىرىپ، مەجە ەسەپ زاڭىن، قازىنالىق باقىلاۋ زاڭىن، مەملەكەت مەنشىگىندەگى مال - مۇلىكتى باسقارۋ زاڭىن، اۋىل - قىستاقتى گۇلدەندىرۋدى جەبەۋ زاڭىن دايەكتىلەندىرۋدى، اتقارۋدى قازىنانى باقىلاۋ قىزمەتىنىڭ ٴتۇيىنى ەتىپ، جاۋاپكەرشىلىك ارقالاۋدى كۇشەيىتپ، زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، نەگىزگى زاڭ مەن زاڭداردىڭ بەدەلىن شىنايى قورعاۋ كەرەك.

ىلە وبلىستىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى، باس حاتشى جاڭارسىن نۇراش ۇلى بىلاي دەدى: «حالىق قۇرىلتايى قىزمەتى − زاڭدىق، تارتىپتىك، پرينسيپتىك سيپاتى وتە كۇشتى قىزمەت، حالىق قۇرىلتايى قىزمەتىن ويداعىداي ىستەۋ زاڭنان قول ۇزە المايدى. مەيلى زاڭ شىعارۋ نەمەسە باقىلاۋ، سايلاۋ، مىندەتكە قويۋ، مىندەتىنەن قالدىرۋ، كەلەلى ىستەر جونىندە شەشىم جاساۋ بولسىن، ٴبىز، ٴسوزجوق، نەگىزگى زاڭ مەن زاڭدار بويىنشا قاتاڭ جۇرگىزۋىمىز، زاڭدى قولدانۋدان بۇرىن الدىمەن زاڭدى ۇيرەنۋىمىز، قىزمەتكە جەتەكشىلىك ەتۋدە زاڭعا نەگىزدەلۋىمىز، قارار شىعارۋدا زاڭعا ۇيلەستىرۋىمىز، نەگىزگى زاڭدا، زاڭداردا بەلگىلەنگەن قىزمەت ۇقىقتارىن تىڭعىلىقتى جۇرگىزۋىمىز، پارتيا مەن حالىققا وسكەلەڭ جاۋاپتى بولۋ رۋحىمەن حالىق قۇرىلتايى قىزمەتىن جاقسى ىستەۋىمىز كەرەك».

وبلىستىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى ٴرازيان ابىلەز بەن ابليكىم نۇرانبەك لەكسيانى تىڭدادى.